काठमाडौं, फागुन ४ गते । बागमती प्रदेश न्यु डायमन्ड कप यू–१८ खुला राष्ट्रिय महिला भलिबल च्याम्पियनसिप फागुन ९ देखि १३ गतेसम्म हुने भएको छ । आयोजक न्यु डायमन्ड यूथ स्पोर्ट्स क्लबले बिहीबार पत्रकार सम्मेलन गरी प्रतियोगिताको जानकारी दिएको हो ।
प्रतियोगितामा १० देखि १२ टोलीले सहभागिता रहने आयोजक क्लबका अध्यक्ष कुमार राईले जानकारी दिनुभयो । प्रतियोगिताका खेलहरू नैकापस्थित क्लबको कोर्टमा लिग कम नकआउटका आधारमा वेस्ट अफ फाइभको हुनेछ ।
प्रतियोगिताको विजेतालाई पाँच लाख उपविजेतालाई दुई लाख ५० हजार, तेस्रो हुने टोलीलाई एक लाख र सान्त्वना पुरस्कार ५० हजार रुपियाँ पुरस्कार प्रदान गरिने आयोजकले जनाएको छ । प्रतियोगिताको सर्वोत्कृष्ट खेलाडीले २५ हजार तथा व्यक्तिगत उत्कृष्ट विधाका खेलाडी र प्रशिक्षकलाई जनही १० हजार रुपियाँ प्रदान गरिने बताइएको छ ।
