खाएर मानो चलाई गानो, रोपेको असार
हरियो भयो रोपेको रोपो, बेँसीको संसार
धानको गाँज धरती माझ, पसायो बाला ली
फुल्दै र झुल्दै बयली खेल्दै, बनियो पहेँली ।
१
धानका बाला लर्किए माला, सरिझैँ तिहार
किसानलाई तब पो लाग्छ, मङ्सिर पियार
न जाडो तातो घमाइलो पाटो, जाँदो छ कार्तिक
बेँसीमा हे¥यो पहेँलै फाँट, लागेछ मङ्सिर ।
२
शरद्को याम रापिलो घाम, लिएर झुलेको
धानका बाला बोलाउँछन् काका, कहाँ छन् भुलेको
पसिना पोखे, यहीँ छ खोजे, अन्नको भण्डार
ती ताता तावा डडेर काला, फर्किंदा नेपाल ।
३
लुत्रुक्क परी विदेश पसी, नफाल जोवन
ए नवयुवा ! धानखाने मुसा, बन्दैछन् गोमन
जुध न यहीँ सुदिन यहीँ, स्वदेश फिराउन
एकेक घर नेपाली घर, मङ्सिर भित्र्याउन ।
४
उर्वर हाम्रो यो देश राम्रो, बन्दैछ बन्जर
नपस पर मुलुक घर, यहीँ ली टक्कर
उठ हे युवा जाग हे युवा, यो देश ब्युँताउन
मङ्सिर जस्तो मङ्सिर सधैँ, घरमा भित्र्याउन ।
