पिङ्गल पौडेल
उताबाट नाच्दै आए गण्डकीका छाल
यताबाट त्रिशूलीले ग-यो अङ्कमाल
दुवै बने नारायणी भाका मीठो हाले
पानीमाथि घाम–जुन पौडी खेल्न थाले
वारिपारि बाक्ला वन साल सिसौ घारी
डाँफे मयूर नाची राख्ने नौलो ढाँचा पारि
नदीभरि मलेवा र जलेवाका ताँती
किनारमा चखेवाको जोडी रुने राति
सिरिसिरि हावा चल्यो शीतल भो मन
लाली चढी पालुवामा पैmलिएको वन
फल लागि बोट वृक्ष तल झुक्न थाले
कोइली र तित्रा मिली नौलो भाका हाले
साधुसन्त,सन्यासीले ध्यान गर्ने धाम
कुटीभित्र कल्पवासी वृद्ध बाबा आमा !
वेदध्वनि गुञ्जिएको सुन्दा टाढैबाट
धरतीकै दिव्य धाम लाग्छ देवघाट !
