गोरखापत्र समाचारदाता
काठमाडौँ, माघ १६ गते । फिल्म मेकर्स प्रालिको ब्यानरमा निर्माण हुन लागेको चुम्बनजङ्ग शाहीको चलचित्र ‘मोहर’ को सोमबार छायाङ्कन सुरु गरिएको छ । ओम प्रतीकको निर्देशन रहेको चलचित्रमा पल शाह, अर्जुनजङ्ग शाही, बेनिशा हमाल, नीति शाह, मिथिला शर्मा, लक्ष्मी गिरी, रवीन्द्र झा, सुशील देवकोटालगायत कलाकारको अभिनय छ ।
दिपेन बस्नेतको छायाङ्कन, कुमार महर्जनको द्वन्द्व, सुरेश अधिकारी र एसडी योगीको सङ्गीत, प्रमोद ढुङ्गाना र हर्क साउदको गीत रहेको चलचित्रको काठमाडौँलगायत दाङ र रोल्पामा समेत छायाङ्कन गरिने चलचित्रका प्रोडक्सन डिजाइनर लक्ष्मणराज पौडेलले बताउनुभयो । चलचित्रको प्रदर्शन २०८२ सालको तिजवरिपरि गरिने लक्ष्य राखिएको जानकारी उहाँले दिनुभयो ।
