‘हल्कारा’ नेपाली ओटिटी प्लेटफर्ममा

गोरखापत्र समाचारदाता

काठमाडौँ, माघ १५ गते ।  ९६ औँ ओस्कार अवार्डमा नेपालबाट सिफारिस भएको चलचित्र ‘हल्कारा’ नेपाली ओटिटी प्लेटफर्म एमएसएम भिडियोमा प्रदर्शन भएको छ । यसमार्फत विश्वभरका दर्शकले चलचित्रलाई हेर्न सक्ने छन् । प्रवासी युवक र उसलाई पर्खेर बस्ने एक नारीको कथा रहेको चलचित्रमा महेश त्रिपाठी र बिनिता थापामगरको प्रमुख अभिनय रहेको छ । 

चलचित्रका लेखक, निर्देशक तथा सम्पादक विक्रम सापकोटा हुनुहुन्छ । विप्लव प्रतीक र आकाश बरालको सहलेखन रहेको चलचित्रमा शारदा गिरी, रोशनी कार्की, पशुपति राई, उमेश तामाङ, विद्या कार्की, प्रकाश दाहाल, विष्णुभक्त अधिकारी, दीपक क्षेत्रीलगायतको अभिनय रहेको छ ।