गोरखापत्र समाचारदाता
काठमाडौँ, माघ १० गते । एमटिभीको चर्चित भारतीय रियालिटी सो ‘स्प्लिट्सभिल्ला’ सिजन ५ बाट चिनिनुभएकी दिकिला शेर्पाले नेपाली चलचित्रमा प्रवेश गर्ने पक्का भएको छ । कलाकार बुद्धि तामाङको निर्माण रहने चलचित्र ‘कुस्ती’ मा शेर्पा अनुबन्धित हुनुभएको छ । उहाँले चलचित्रको निर्माण टिमसँग सम्झौता गर्दै कार्यशाला गर्नुभएको छ ।
दिकिलाले कार्यशालाले आफूभित्र फरक खाले उत्साह थपेको बताउनुभयो । उहाँले भन्नुभयो, “यो मेरो पहिलो चलचित्र भएकाले निकै उत्साहित छु । छुटिन नसक्ने र सँगै रहन पनि नसक्ने जोडीको प्रेमकथामा आधारित चलचित्रमा धीरज मगर र मिरुना मगरको अभिनय छ ।
