कलेजकी सुन्दरी’ सार्वजनिक

काठमाडौँ, माघ १० गते । गायक राजेश पायल राई र सलोनी राईको स्वरमा ‘कलेजकी सुन्दरी’ बोलको गीतको म्युजिक भिडियो सार्वजनिक भएको छ । खगेन राईको शब्द रहेको गीतलाई अर्जुन पोखरेलले सङ्गीत दिनुभएको छ । 

डान्सिङ बिटको गीतमा स्कुल, कलेज जीवनको रमाइला यादलाई प्रेमिल भावमा गीतकार खगेनले प्रस्तुत गर्नुभएको छ । खगेन कहानी युट्युब च्यानलबाट सार्वजनिक भएको गीतको भिडियोलाई चर्चित प्राङ्कस्टार एलिस राईले निर्देशन गर्नुभएको छ । 

म्युजिक भिडियोमा एलिसका साथै उमेश राई ‘फुलन्देकी आमा’, गीता ढुङ्गाना, उषा उप्रेती र रमेश बुढाथोकीको अभिनय रहेको छ । नवराज उप्रेतीको छायाङ्कन रहेको भिडियोमामा अमृत चापागाईंले सम्पादन गर्नुभएको छ । गीतका बारेमा बोल्दै गीतकार खगेनले आफ्नो स्कुल, कलेजका दिनको याद ताजा भएको बताउनुभयो ।