झापा, मंसिर १६ गते । झापाको कन्काई नगरपालिका –६ को वडा अध्यक्ष पदका लागि भएको उपनिर्वाचनमा स्वतन्त्र उम्मेदवार निर्वाचित लक्ष्मीप्रसाद ओली निर्वाचित हुनुभएको छ । चापाकल चुनाव चिह्न पाएका स्वतन्त्र उम्मेदवार ओलीले ४ सय ९३ मत ल्याएर निर्वाचित हुनुभएको हो ।
नेकपा (एमाले) का तुलाराम बस्नेतले ३५६ मत ल्याउँदै दोस्रो स्थानमा चित्त बुझाउनुभयो । नेपाली कांग्रेसका रामगोपाल ओलीले ३१७ मत ल्याउनुभएको छ । नेकपा माओवादी केन्द्रका उम्मेदवार गणेशबहादुर थापाले २७७ मत ल्याउनुभयो । मंगोल नेसनल अर्गनाइजेसनका पदमबहादुर तामाङले २० मत र राप्रपाका नारायणप्रसाद निरौलाले २६ मत प्राप्त गर्नुभएको छ ।
जनमत पार्टीका शुकलाल राजवंशीले ९ मत ल्याउनुभएको निर्वाचन आयोगले जनाएको छ । नागरिक उन्मुक्ति पार्टीकी जमुना राजवंशीले ६ मत ल्याउनुभएको छ ।
