कास्की, कात्तिक २६ गते । लेखक प्रकाश सायमिले स्वरसम्राट नारायणगोपालको जीवनीमा आधारित चलचित्र बनाउने घोषणा गर्नुभएको छ । स्वरसम्राट नारायणगोपालको जीवनीसम्बन्धी पुस्तक ‘स्वरसम्राट नारायणगोपाल’ को पोखरामा विमोचन कार्यक्रममा उहाँले स्वरसम्राट नारायणगोपालको जीवनीसम्बन्धी बायोपिक चलचित्र बनाउने घोषणा गर्नुभएको हो ।
“म आफैँले लेखेको पुस्तक ‘स्वरसम्राट नारायणगोपाल’ चलचित्र बनाउँदै छु । सोही चलचित्रमार्फत चलचित्र निर्देशनमा म कमब्याक गर्दै छु,” उहाँले भन्नुभयो । साहित्यकार सरुभक्तले सायमिको पुस्तक अनुसन्धानको एउटा दस्ताबेज भएको बताउनुभयो । “अनुसन्धानमा समर्पित सायमिको यो पुस्तक जीवन्त पुस्तकमध्येको एक हो,” उहाँले भन्नुभयो । पोखराबाट प्रसारण हुने एभरेस्ट एफएम ९३ मेगाहर्जको आयोजनामा उक्त पुस्तक विमोचन गरिएको हो ।
