६० हजार नगदसहित तीनजना प्रहरीको नियन्त्रणमा

राधा लुइँटेल

फिदिम, कात्तिक १९ गते । पाँचथर प्रहरीले जुवा खेलिरहेको अवस्थामा तीन जनालाई नियन्त्रणमा लिएको छ । प्रहरी निरीक्षक बेनिलाल साहको नेतृत्वमा खटेको टोलीले फिदिम –२ स्थित खेमनाथ अधिकारीको घरबाट आइतबार राति तीन जनासहित १६ थान कौडा र ६० हजार ५ सय ३० रुपियाँ नियन्त्रणमा लिएको हो ।

पक्राउ पर्नेमा ५६ वर्षीय खेम अधिकारी, ३१ वर्षीय मदन अधिकारी र ४० वर्षीय हिमाल नेम्वाङ छन् । अधिकारीको घरमा जुवा खेलाइरहेको भन्ने सूचना प्राप्त भएपछि छापा मार्ने क्रममा उनीहरुलाई नियन्त्रणमा लिइएको सूचना अधिकारीसमेत रहनुभएका प्रहरी निरीक्षक साहले जानकारी दिनुभयो । 

पक्राउ परेका व्यक्तिहरुमाथि अनुसन्धान भइरहेको जिल्ला प्रहरी कार्यालय पाँचथरले जनाएको छ ।