काठमाडौं, वैशाख १९ गते। राष्ट्रिय स्वतन्त्र पार्टी (रास्वपा) का सभापति रवि लामिछानेका सवारी चालक शम्भु थापाको उपचारका क्रममा मंगलबार मृत्यु भएको छ।
रास्वपाका महामन्त्री एवम् प्रवक्ता डा. मुलुक ढकालले थापाको उपचारका क्रममा भैसीपार्टीस्थित मेडीसिटी अस्पतालमा मृत्यु भएको जानकारी दिनुभयो।
उपनिर्वाचनको क्रममा चितवन पुग्नुभएका थापा वैशाख ४ गते घरको छतबाट खसेर घाइते हुनुभएको थियो।
चितवन भरतपुर अस्पतालमा प्रारम्भिक उपचारपछि थापालाई थप उपचारका लागि हेलिकप्टरमा काठमाडौं ल्याइएको थियो।
भेन्टिलेटरमा राखेर उपचार गराइएकोमा थापाको स्वास्थ्यमा सुधार आउन सकेको थिएन।
सपना थामी
उहाँ राजनीति र समसामयिक विषयमा रिपोर्टिङ गर्नुहुन्छ ।
