काठमाडौं, साउन २९ गते । साविकको विजेता एसी मिलान र उपविजेता इन्टर मिलानले इटालियन सिरी ‘ए’ फुटबलमा सुखद सुरुवात गरेका छन् । नयाँ सिजनको पहिलो खेलमा शनिबार राति एसी मिलानले घरेलु मैदानमा उडिनेसलाई ४–२ गोलले हरायो । अर्को खेलमा इन्टरले लिस्सेलाई २-१ गोलले स्तब्ध बनायो ।
एसी मिलानको जितमा एन्टी रेविचले दुई गोल गर्नुभयो । थियो हर्नान्डेज र ब्राहिम डियाजले एक एक गोल गर्नुभयो । उडिनेसका रोड्रिगो बेकाओ र एडम मसिनाले एक एक गोल फर्काउनुभएको थियो । अर्को खेलमा इन्टरलाई रोमेलु लुकाकु डेन्जेल डेम्फ्रेजले गोल गर्नुभयो ।
लिस्सेका असान सिसेको गोल सान्त्वना बनेको थियो । जितसँगै दुवै मिलानले तीन तीन अंक बनाएको छ । अन्य खेलमा टोरिनोले मोन्जालाई २-१ र एटलान्टाले साम्पडोरियालाई २-० गोलले पराजित गरेको छ । एजेन्सी
