प्रदेशसभामा आजदेखि मन्त्रालयगत बजेटमाथि दफावार छलफल
मधेस प्रदेशसभाको बैठकमा आजदेखि प्रदेश सरकारको मन्त्रालयगत बजेटमाथि दफावार छलफल सुरु हुने भएको छ ।
खाँडोको कटानले जोखिम कायमै
सप्तरीमा खाँडो नदीको बाढीले विभिन्न स्थानमा तटबन्ध कटान गर्दा जोखिम बढ्न थालेको छ । सात वर्षअघि सुरु भएको सप्तरीको खाँडो नदी नियन्त्रणको काम अहिलेसम्म पनि पूरा हुन सकेको छैन । नदीमा निर्माण गरिएको तटबन्ध पनि कटान हुन थालेको छ भने तटबन्ध निर्माण अधुरो रहेको अधिकांश ठाउँमा सामान्य वर्षामै कटान हुन थालेको छ ।
आलुको बोरामा भेटियो झण्डै ८४ लाख
धनुषा जिल्लाको जनकनन्दनी गाउँपालिका १ ईनरुवास्थित सीमा ईलाकाबाट असार २१ गते सशस्त्र प्रहरीले ८३ लाख ६४ हजार ५ सय नेपाली रुपियाँसहित दुई जनालाई पक्राउ गरेको छ ।
मासिएका कुलो पुनस्र्थापनाको पहल
चक्लाबन्दी एवम् अतिक्रमणको कारण मासिएको वर्षौं पुरानो सार्वजनिक कुलो (स्थानीय भाषामा ‘पैनी’) पहिलेकै अवस्थामा ल्याउन पहल थालिएको छ । चन्द्रपुर नगरपालिकाको ५, ६, ८ र ९ नम्बर वडाका जमिनमा सिँचाइ हुने वर्षौं पुरानो ‘पैनी’ मासिएर पानी सडक तथा घर आँगनमा बग्न थालेपछि स्थानीय जनप्रतिनिधिले पूर्ववत् अवस्थामा ल्याउन पहल थालेका हुन् ।
बलान नदीकाे कटानले स्थानीय त्रसित
सिराहा र सप्तरी जिल्लाको सीमाना रहेको बलान नदीले पश्चिम किनारा लाहान नगरपालिका–२३ कडरिया र तिलेवोनामा तीव्र रुपमा कटान गरिरहेको छ ।
बारामा करेन्ट लागेर एक जना बच्चाको मृत्यु
करेन्ट लागेर बारामा एक जना बच्चाको ज्यान गएको छ । ज्यान जानेमा परवानीपुर गाउँपालिका वडा नम्बर–५ बहुअरी निवासी उपेन्द्र प्रसाद पटेलको ११ वर्र्षीय छोरा प्रिन्स पटेलको ज्यान गएको हो ।
भुक्तानी लिनेकोे चटारो
आर्थिक वर्षको अन्तिममा सर्लाहीका जनप्रतिनिधि र कर्मचारीलाई खर्चालु कामको चटारो छ । आर्थिक वर्ष २०७८÷७९ सकिन अब दुई साता मात्रै बाँकी रहेकाले जनप्रतिनिधि र कर्मचारीलाई ‘क्लोजिङ’को चटारो परेको हो । पालिकाका कार्यालयहरूमा अहिले विभिन्न योजनाको भुक्तानी लिन उपभोक्ता समिति र ठेकेदारको भीडभाड बढेको छ ।
मधेस प्रदेशसभा बैठक बस्दै
मधेस प्रदेश सरकारले प्रदेश सभामा प्रस्तुत गरेको आगामी आर्थिक वर्ष २०७९-०८० को बजेटमाथि आजदेखि छलफल सुरु हुने भएको छ ।
बागमती नदीले बगाएर बेपत्ता दुई भारतीय युवकको शव भेटियो
सर्लाही र रौतहटको सीमा भएर बग्ने बागमती नदीले बगाएर बेपत्ता दुई भारतीय युवकको आइतबार दिउँसो शव फेला परेको छ।
एनआइसी एसिया बैंकमा चोरी
स्मृति मिश्र महेन्द्रनगर, असार १९ गते । धनुषाको क्षीरेश्वरनाथ नगरपालिका–५, महेन्द्रनगरमा रहेको एनआइसी एसिया बैंकमा शनिबार राति चोरी भएको छ । बैंकको पछाडि रहेको झ्याल फोडेर चोरी गरिएको शाखा प्रमुख रोशन रायले बताउनुभएको छ । बैंक म्यानेजर रायका अनुसार आज बिहान बैंकको ब्रान्डाको बत्ती नबलेको देखेर सुरक्षा गार्डले आइतबार बिहान थाहा पाएपछि आफूलाई जानकारी गराएको उहाँले जानकारी दिनुभयो । ‘चोरी घटनाबारे इलाका प्रहरी कार्यालय महेन्द्रनगरमा जानकारी गराएको छ । बैंकभित्र रहेको जिन्सी सामानहरु चोरी भएको र बैंकको भित्र लकर तोड्न प्रयास गरिएको छ ।’ शाखा प्रमुख रायले जानकारी दिनुभयो । बैंकमा चोरी भएको घटनाबारे अनुसन्धान भइरहेको इलाका प्रहरी कार्यालय महेन्द्रनगरले जानकारी दिएको छ ।
लोकल्याकारी विज्ञापन वितरण गर्दै मधेस प्रदेश सरकार
मधेस प्रदेश सरकारले सञ्चारमाध्यमलाई लोककल्याणकारी विज्ञापन वितरण गर्ने भएको छ । मधेस प्रदेश सरकार मन्त्रिपरिषद्को बैठकले ‘मधेस प्रदेश लोककल्याणकारी विज्ञापन व्यवस्थापन कार्यविधि–२०७९ ’र ‘मधेस प्रदेश पत्रकार स्वास्थ्य र दुर्घटना बीमा कार्यविधि–२०७९’ स्वीकृत गरेसँगै विज्ञापन वितरणको बाटो खुला भएको हो ।
बागमती नदीमा डुबेर दुई पर्यटक बेपत्ता, एकको उद्धार
रौतहटको पर्यटकीय क्षेत्र नुनथर आएका दुई भारतीय पर्यटक नदीमा डुबेर बेपत्ता भएका छन् । उनीहरुसँगै नदीमा फसेका एक जनाको भने उद्धार गरिएको छ ।
चुरेमा खहरे नियन्त्रण प्रभावकारी बन्दै
चुरे क्षेत्रको खहरेमा तटबन्ध निर्माणपछि वर्षाको बाढीसँगै बगेर जाने गिट्टी, बालुवा र माटो चुरे क्षेत्रमै रोकिएको छ । चुरे संरक्षण अभियन्ताका अनुसार भूमिगत जल भण्डारमा पनि वृद्धि भइरहेको छ । ‘चुरेको माटो चुरेलाई, सफा पानी सबैलाई’ मूल नाराका साथ चुरे संरक्षण अभियानअन्तर्गत चुरे क्षेत्रमा खहरे तथा गल्छी नियन्त्रण गर्न निर्माण गरिएको भौतिक तथा जैविक तटबन्ध प्रभावकारी बन्दै गएको छ । राष्ट्रपति चुरे तराई मधेश संरक्षण विकास समिति एकाइ कार्यालय जनकपुर र सामुदायिक सुधार केन्द्र धनुषाले धनुषाको मिथिला नगरपालिका–१०, लालगढस्थित बडहरी खोलाको सिरान तथा चुरे क्षेत्रको खहरेमा दुई वर्षअघि तटबन्ध निर्माण गरेपछि माटो र बालुवा बग्न रोकिएको छ ।
कोठाभित्रै छिर्छ भल
लहान नगरपालिका–१, मटिअर्वामा वर्षाको पानी सुत्ने कोठामा पसेपछि बिरामी ७० वर्षीया एकल दलित महिला सावित्रीदेवी दास समस्यामा पर्नुभएको शुक्रबार राति आँगनमा जम्मा भएको पानी सुत्ने कोठामा पसेपछि बिरामी परेकी सावित्रीदेवी कोठाबाट निस्कन पाउनुभएको छैन । घरआँगनमा दुई फिटभन्दा बढी पानी जम्मा भएर जलमग्न भएको छ ।
बदलियो सुकुम्बासी बस्ती
ग्रामीण उद्यम तथा विप्रेषण आयोजना (समृद्धि) कार्यान्वयनपछि मोहनपुर सुकुम्बासी बस्तीका महिला आर्थिक रूपमा सशक्त हँुदै गएका छन् । तीन सय घरधुरीको यो बस्तीको जीविकोपार्जनको सहारा बनेको समृद्धिले आर्थिक स्थिति सबल बनाएको छ भन्ने पाँच सयभन्दा बढी बालबालिकाको जीवनमा शिक्षाको उज्यालो छाएको छ । हिजोसम्म अभाव, गरिबी र हिंसाको चपेटमा रहेको समृद्धि आयोजनाले मोहनपुरका महिलाको फेरिएको जीवनशैलीे जिल्लाकै उदाहरणीय बनेको छ । एउटा गाई पाल्ने हैसियत नभएका परिवारले समृद्धिको साथ पाएर पाँचदेखि १० वटा गाईभैँसी पालन गरेर यस भेगलाई दुग्ध उत्पादनको पकेट क्षेत्रका रूपमा चिनाएका छन् । मोहनपुरको दूध उत्पादन समूहमा ९० प्रतिशत १८ देखि ४० वर्ष उमेर समूहका युवा महिला रहेका छन् ।
भारतीय तेल मिसाएर खाने तेल उत्पादन
कलैयामा रहेको खाने तेल उद्योगले भारतीय ब्रान्डका तेल मिसावट गरेर बेच्ने गरेको पाइएको छ ।
निजगढ अन्तर्राष्ट्रिय विमानस्थल गठबन्धन सरकारको पहिलो प्राथमिकतामा: प्रम देउवा
प्रधानमन्त्री शेरबहादुर देउवाले निजगढ अन्तर्राष्ट्रिय विमानस्थल निर्माणको कामलाई गठबन्धन सरकारले पहिलो प्राथमिकतामा राखेर अघि बढ्ने बताउनुभएको छ ।
घरेलु हिंसा पीडितलाई अधिकारकर्मी र प्रहरीको सहयोगमा घरमा पुनःस्थापना
सुनसरी सदरमुकाम इनरुवा नगपालिका ७ का एक महिलालाई घर निकाला गरिएकोमा महिना दिनपछि घरमा पुनःस्थापित गराइएको छ ।
निजगढ अन्तर्राष्ट्रिय विमानस्थलको अवलोकन गर्न प्रधानमन्त्रीसहितको टोली बारामा
प्रस्तावित निजगढ अन्तर्राष्ट्रिय विमानस्थलको स्थलगत अनुमगमन गर्न प्रधानमन्त्री शेरबहादुर देउवा सहितको टोली बारा पुग्नुभएको छ ।
आत्महत्याको डरलाग्दो तथ्याङ्क
महोत्तरीमा आत्महत्याका घटना दिनानुदिन डरलाग्दो रूपमा वृद्धि हुँदै गएका छन् । गएको दुई महिनाकै अन्तरालमा आठ जनाले आत्महत्या गरेका छन् भने एक जनाले आत्महत्याको प्रयास गरेको प्रहरी तथ्याङ्कमा उल्लेख छ । पछिल्लो दुई आर्थिक वर्षमा आत्महत्याको अवस्था झन् भयावह देखिएको छ । यस अवधिमा २२९ जनाले आत्महत्या गरेको जिल्ला प्रहरी कार्यालय महोत्तरीमा घटना दर्ता रहेको छ ।
चट्याङ लागेर एक युवकको मृत्यु, तीन घाइते
शिवशंङ्कर मिश्रबारा, असार १७ गते। बाराको सुवर्ण गाउँपालिका वडा नम्बर–७ सनफुलवा टोलमा चट्याङ लागेर शुक्रबार एक युवकको मृत्यु भएको छ। चट्याङकै ठूलो ध्वनी तथा झट्काले एक नाबालिकासहित तीन जना घाइते भएका छन्। सनफुलवा गाउँ नजिकैको खेतमा काम गरिरहेको अवस्थामा वर्षासँगै परेको चट्याङ लागेर सुवर्ण गाउँपालिका वडा नम्बर–७ सनफुलवा टोलका २० वर्षीय धिरजप्रसाद यादवको घटनास्थलमै मृत्यु भएको हो। अरु तीन जना घाइते भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिनुभयो। घाइतेको स्थानीय क्लिनिकमा उपचार भइरहेको छ। उनीहरुको स्वास्थ्य सामान्य रहेको प्रहरीले जनाएको छ।
दसगजा क्षेत्रका स्थानीय भन्छन् ‘दुई देशमा भए पनि समाज एउटै छ’
नेपाल–भारत सीमा दसगजा क्षेत्रका स्थानीयले दुई देश भए पनि एउटै समाजमा आफूहरू रहेको बताएका छन् । भगवानपुर गाउँपालिका वडा नम्बर–४, ठाडीका स्थानीय खाना खाएर घरबाट निस्किएपछि भारतको लौकहामा नपुग्दै हात सुक्छ । यस्तै दसगजा पारि भारतका स्थानीय नेपालमा एक गाउँबाट अर्को गाउँ डुले जसरी आउने–जाने क्रम चल्छ । यस क्षेत्रमा बेटी रोटीको सम्बन्ध मात्रै होइन एक आपसमा दुःख सुखमा साथ दिने अभिन्न अङ्ग दसगजा क्षेत्र बनेको ठाडीका शिक्षक डोमी पासवान बताउनुहुन्छ ।
पर्सामा बालिकाको शवसहित तीनजना पक्राउ
पर्सामा बालिकाको शवसहित तीनजनालाई प्रहरीले पक्राउ गरेको छ । बहुदरमाई नगरपालिका–७ ढोङ्गी खोलाको मसानघाटमा एक बालिकाको शव जलाउँदै गरेको अवस्थामा उनीहरुलाई प्रहरीले पक्राउ गरेको हो ।
मधेस प्रदेश युवा महोत्सव : २० बुँदे घोषणापत्र सार्वजनिक
मधेस प्रदेशमा जारी प्रथम युवा महोत्सव २० बुँदे घोषणापत्र जारी गर्दै सम्पन्न भएको छ।