सुर्खेतमा सर्जरी सेवालाई प्रभावकारी बनाउन जोड
प्रदेश अस्पताल सुर्खेतमा रहेको न्युरो सर्जरी सेवालाई थप प्रभावकारी बनाउन आवश्यक उपकरण र जनशक्ति थाप्नु पर्नेमा जोड दिइएको छ । सर्जरी विभाग अन्तर्गत न्युरो सर्जन इकाइले शुक्रबार गरेको कार्यक्रममा कम्तीमा पनि तीन जना न्युरो सर्जन डाक्टरसहित आवश्यक उपकरण थाप्नु पर्ने बताइएको हो ।
महिनौँ देखि विद्यार्थी चौरमा पढ्न बाध्य
दक्षिणी क्षेत्रको एक विद्यालयको भवन भत्किएपछि विद्यार्थीहरू खुल्ला धुलो भएको चौरमा अध्ययन गर्न बाध्य हुँदै आएका छन् । गत असोज तेस्रो साता परेको वर्षासँगै गएको पहिरोले भवन भत्काएपछि विद्यार्थीहरू खुल्ला चौरमा पढ्न बाध्य हुँदै आउनु भएको हो ।
उडान घट्दा यात्रुलाई सास्ती
हुम्लाको सिमकोटबाट नेपालगञ्ज र सुर्खेतका लागि यात्रा गर्ने यात्रुलाई टिकट पाउन सास्ती हुने गरेको छ। विमान कम्पनीले उडान घटाउँदा यात्रुलाई समस्या भएको हो। टिकट नपाएपछि यात्रुले शुक्रबार सिमकोट विमानस्थलबाहिर चर्को नाराबाजीसमेत गरेका छन्।
नौ वटा झोलुङ्गे पुलमा मर्मत नहुँदा स्थानीयलाई सास्ती
बाजुरामा निमार्ण भएका झन्डै १२५ झोलुङ्गे पुलहरू मध्ये बाढी पहिरोले नौ वटा पुल क्षति भएपछि यती बेला स्थानीयलाई आवागमन कार्यमा निकै सास्ती खेप्दै आउनु परेको छ ।
शिक्षा प्रमुखको धन्दा, किर्ते हस्ताक्षर देखि फर्जी बिलसम्म
जिल्ला शिक्षा तथा समन्वय इकाई कार्यालय कालिकोटमा व्यापक अनियमितता भएको पाइएको छ । कार्यालय प्रमुख चन्द्रप्रसाद अधिकारीले आफै पेस्की लिने, कार्यक्रम गर्ने र विल भरपाई किर्ते गरी अनियमितता गरेको पाइएको हो ।
मार्सीधानमा रोग लागेपछि आगो लगाएर नष्ट गर्दै किसान
पाकेको मार्सीधानमा ब्लाष्ट रोग लागेपछि जुम्लाको तातोपानी गाउँपालिका–४ स्थित गौतमवाडाका किसानले खेतमै आगो लगाएर नष्ट गरेका छन् ।
वीरेन्द्रनगरलाई आधुनिक सहर बनाउने प्रतिबद्धता
नेकपा (एमाले) का स्थायी कमिटी सदस्य एवम् सुर्खेत क्षे नं. २ (क) का उम्मेदवार यामलाल कँडेलले चुनावी प्रतिवद्धतापत्र सार्वजनिक गर्दै बीरेन्द्रनगर सहरलाई आधुनिक र सुरक्षित सहर बनाउने प्रतिवद्धता व्यक्त गर्नुभएको छ ।
एकै ठाउँमा दुई वटा पुल
कतिपय स्थानमा आवश्यक भएको स्थानमा झोलुङ्गे पुल निर्माण हुन नसकेको समयमा कतै भने पुलमाथि पुल निर्माण भएका छन् । खार्पुनाथ गाउँपालिका– ४ र ५ को सिमाना खार्पुको नल्न स्थित कर्णाली नदीमा एकै ठाउँमा दुई वटा पुल निर्माण गरिएको हो ।
कर्णालीमा खाद्य मापन प्रयोगशाला सञ्चालनमा
कर्णाली प्रदेशमा पहिलोपटक खाद्यान्न तथा दुग्ध मापन प्रयोगशाला सञ्चालनमा आएको छ । खाद्य तथा अन्य दैनिक उपभोग्य वस्तुको गुणस्तर मापनका लागि नमूना परीक्षण कर्णालीमै गर्न सुर्खेतमा प्रयोगशाला स्थापना गरी सञ्चालनमा ल्याइएको हो ।
हिमपातले कर्मचारी खटाउन चुनौती
हिमपातले बाटो अवरुद्ध भएका उपल्लो डोल्पाका विभिन्न मतदान केन्द्रमा मतदान कर्मचारी खटाउन निकै चुनौती भएको छ। असोजको अन्तिम साताको वर्षासँगै भएको हिमपातले अवरुद्ध सडक नाका अझै खुल्न सकेको छैन। मुख्य निर्वाचन अधिकृत बाबुराम सुवेदीका अनुसार माथिल्लो डोल्पामा पर्ने शे–फोक्सुन्डो गाउँपालिका, डोल्पोबुद्ध गाउँपालिकाको तिन्जे, छार्काताङसोङ गाउँपालिकाको छार्कामा पर्ने मतदान केन्द्रमा हेलिकोप्टरको व्यवस्था नभईकन मतदान कर्मचारी पठाउन सकिने अवस्था छैन।
जुम्लामा हेलिकप्टरमार्फत ल्याइयो मतपत्र
मङ्सिर ४ गते हुने प्रतिनिधिसभा र प्रदेशसभा सदस्यको निर्वाचनका लागि प्रयोग हुने प्रत्यक्ष र समानुपातिकतर्फका मतपत्र जुम्ला आइपुगेको छ ।
-original-thumb.jpg)
मुगु र हुम्लामा वैकल्पिक व्यवस्था गरी बिजुली
गत असोजको अन्तिम साता आएको भारी वर्षाका कारण साना जलविद्युतगृहमा ठूलो क्षति पुर्याएपछि नेपाल विद्युत प्राधिकरणले मुगु र हुल्लामा वैकल्पिक व्यवस्था गरी तत्कालका लागि विद्युत आपूर्तिको व्यवस्था गरेको छ ।
सिमकोटको विद्युत् सुचारु गर्न हेलिकोप्टरबाट जेनरेटर ढुवानी
हिल्दुम विद्युत् वितरण केन्द्रले विद्युत् आपूर्ति सुचारु गर्न मुगुको गमगढीबाट दुई वटा जेनरेटर हेलिकोप्टरमा ढुवानी गरेर सिमकोट ल्याई पुर्याएको छ । हिल्दुम साना जलबिद्युत आयोजनाको नहरलाई पहिरोले क्षती पुर्याएपछि एक महिनादेखि बिद्युत् सेवा बन्द भएपछि त्यसलाई सुचारु गर्न प्राधिकरणको सहयोगमा जेनरेटर ल्याउने कार्य भएको हो ।
मतदाता रिझाउँदै उम्मेदवार
नेपाल कम्युनिस्ट पार्टी (एमाले)का नेता यामलाल कँडेल प्रदेश सभा सदस्यका उम्मेदवार बन्नुभएको छ । कँडेल सुर्खेत जिल्लाबाट प्रदेश सभा क्षेत्र नं. २ (क)मा चुनावी प्रतिस्पर्धामा हुनुहुन्छ । मतदाता भेटघाटको चटारोमा उम्मेदवार भए पनि धान काट्ने र बाली भिœयाउने समय भएकाले घरदैलोमा मतदाता भेटाउन मुस्किल छ । उहाँ मतदाता खोज्दै खेतबारी, मेलापात गर्ने ठाउँ र चिया चौतारोमै पुगिरहनुभएको छ । धानबाली बटुल्ने समय भएकाले पनि धेरैजसोलाई घरआँगनमा भेट्न कठिन छ ।
३४० बोरा चिनी बरामद
प्रहरीले तीन सय ४० बोरा अवैध चिनी बरामद गरेको छ । बुधवार भेरीगङ्गा नगरपालिका–५ बबईबाट चिनी बरामद गरेको हो ।
रुकुम पश्चिममा जिप दुर्घटना, चार जना घाइते
रुकुम पश्चिमको मुसिकोट नगरपालिका १ मा जिप दुर्घटना भएको छ । दुर्घटनामा परेर चार जना घाइते भएका छन् ।
नहरको मर्मत चाँडो सम्पन्न गर्न निर्देशन
नेपाल विधुत् प्राधिकरणका कार्यकारी निर्देशक कुलमान घिसिङले हिल्दुम साना जलबिधुत् आयोजनाको स्थलगत अनुगमन गरेर मर्मत कार्य चाँडो सम्पन्न गर्न निर्देशन दिनुभएको छ । कर्णालीका मुगु र हुम्ला जिल्लाको विधुतको अवस्थाबारे अनुगमन गर्न आउनुभएका उहाँले हाल मर्मत कार्य भइरहेको नहरको अनुगमन गर्नुभएको हो ।
यातायात सुचारु गर्न न्यालुमा हिउँ पन्छाउने कार्य सुरु
पाँच हजार मिटर अग्लो स्थानको न्यालु लेकमा जमेको हिउँ पन्छाएर यातायात सुचारु गर्ने कार्य सुरु भएको छ । नाम्खा गाउँपालिका–६ को हिमालपारीको गाउँ लिमी आउजाउका लागि मेसिन र यात्रुहरू मिलेर सो हिउँ फाल्ने कार्य गरिएको हो ।
मोटरसाइकल दुर्घटनामा एकको मृत्यु
सुर्खेतको भेरीगङ्गा नगरपालिका –११ कासीपुरमा मोटरसाइकल दुर्घटना हुँदा एक जनाको मृत्यु भएको छ । मंगलबार साँझ छिन्चु–जाजरकोट सडकखण्डमा छिन्चुबाट जहरेतर्फ जाँदैगरेको भे १२ प ६४५५ नम्बरको मोटरसाइकल अनियन्त्रित भएर कल्भर्डमा ठक्कर खाँदा दुर्घटना भएको थियो ।
छोइलापास लेक हिउँले सेताम्य
डोल्पाको डोल्पोबुद्ध गाउँपालिकामा रहेको पाँच हजार २२० मिटर अग्लो छोइलापास लेकमा हिउँले सेताम्य ।
रुकुम पश्चिममा स्यालको टोकाइबाट नौ जना घाइते
रुकुम पश्चिमको मुसिकोट नगरपालिकामा स्यालको टोकाइबाट नौ जना घाइते भएका छन् । मुसिकोट नगरपालिकाको ४, ६, ७ र १० नम्बर वडाका गरी नौ जनालाई स्यालले टोकेको हो ।
आचारसंहिता पालनामा कडाइ गर्न सुझाव
प्रतिनिधि तथा प्रदेश सभा निर्वाचन शान्तिपूर्ण रूपमा सम्पन्न गर्नका लागि निर्वाचन आचारसंहिता कडाइका साथ लागू गर्न सरोकारवालाले सुझाव दिएका छन्। जिल्ला प्रहरी कार्यालय दैलेखको आयोजनामा सम्पन्न अन्तक्र्रियाका सहभागीले निर्वाचनलाई स्वच्छ, निष्पक्ष र धाँधलीरहित तरिकाले सम्पन्न गर्न निर्वाचन आचारसंहिता पालनामा कडाइ गर्नुपर्ने सुझाव दिएका हुन्।
स्वर्ण पदक विजेतालाई सम्मान
नवौँ राष्ट्रिय खेलकुद प्रतियोगितामा त्रिभुवन आर्मी क्लबका स्वर्ण पदक विजयी बक्सर चन्द्रकला थापालाई सम्मान गरिएको छ । जिल्लाको भगवतीमाई गाउँपालिका र भगवतीमाई खेलकुद विकास समितिले नगद पुरस्कार र प्रमाण पत्रद्वारा उहाँलाई सम्मान गरिएको हो ।
सालनाल नखसेपछि सुत्केरी भएको छ घण्टापछि मृत्यु
सालनाल नखसेपछि सुत्केरी भएको छ घण्टापछि एकजना महिलाको मृत्यु भएको छ । दुर्गम गाउँमा स्वास्थ्य चौकी नभएका कारण उपचार गर्न नपाउँदा सुत्केरीको मृत्यु भएको हो ।
गठबन्धन दलबीच नै चुनावी प्रतिस्पर्धा
मङ्सिर ४ मा हुने प्रतिनिधिसभा र प्रदेशसभा निर्वाचनका लागि कर्णालीमा नेपाली कांग्रेस, नेकपा माओवादी केन्द्र र नेकपा समाजवादीबिच गठवन्धन भएपनि समाजवादीले प्रदेशसभाका चार निर्वाचन क्षेत्रमा आफ्ना उम्मेदवार उठाएको छ । प्रदेशका सबै जिल्लामा प्रतिनिधिसभा वा प्रदेशसभामा भाग खोजेको समाजवादीले भाग नपाएपछि उम्मेदवार अगाडि सारेको हो ।
