‘भूकम्पीय जोखिमबाट बच्न पूर्वतयारी, हामी सबैको जिम्मेवारी’
कर्णाली प्रदेश सरकारले भवन संहिताबिना बनेका घर तथा भवन भूकम्प प्रतिरोधी नभएको जनाएको छ । प्रदेशको भौतिक पूर्वाधार तथा सहरी विकास मन्त्रालयका सचिव प्रेमदत्त भट्टले भन्नुभयो, “कर्णालीमा भवन संहिताअनुसार नै घर तथा भवन बनाउनुपर्छ । यसमा मन्त्रालयको ध्यान गएको छ ।”
तीन दिन नेपाल भारत जमुनाहा नाका पूर्णरुपमा बन्द हुने
मङ्सिर ४ गते हुने प्रतिनिधिसभा तथा प्रदेशसभा सदस्य निर्वाचनका लागि भारतसँग जोडिएको बाँकेको सीमा नाका तीन दिन पुर्ण रुपमा बन्द गरिने भएको छ ।
स्थानीयको योजना प्रदेशबाटै तय गरिँदा कार्यान्वयनमा समस्या
प्रदेश सरकारमार्फत आउने योजना मन्त्रालयबाटै तोकिएर आउँदा प्रभावकारी कार्यान्वयनमा चुनौती देखिएको छ । जिल्लामा प्रत्येक वर्ष लाखौँ रकमको योजना मन्त्रालय बाट नै तोकिएर आउँदा ती योजनाहरू प्रभावकारी र दिगोपनामा समस्या देखिएको हो ।
देश निर्माणका लागि सुदृढ शक्ति चाहिन्छ : अध्यक्ष ओली
नेकपा (एमाले) का अध्यक्ष केपी शर्मा ओलीले देश निर्माणका लागि सुदृढ राष्ट्रिय शक्ति चाहिएको बताउनुभएको छ । आइतबार बिरेन्द्रनगरमा आयोजित आमसभालाई सम्बोधन गर्दै उहाँले देश बनाउन देशभक्ति, राष्ट्रवादी सुदृढ राष्ट्रिय शक्ति आवश्यक रहेको बताउनुभएको हो ।
मुख्यसचिव सहितको सुरक्षा टोली कर्णालीमा
निर्वाचन सुरक्षा बुझ्न मुख्यसचिव शंकरदास वैरागीसहितको सचिवस्तरको टोली कर्णाली आइपुगेको छ । निर्वाचन अनुगमन तथा सुरक्षा व्यवस्थाको अवस्था बुझ्न उहाँहरूको टोली कर्णाली आएको हो ।
नयाँ मतदाताको माग ‘कुराभन्दा काम गर्ने नेतृत्व चाहिन्छ’
वीरेन्द्रनगर १४ का १९ वर्षीय यामलाल पौडेलले आगामी मङ्सिर ४ मा हुने प्रतिनिधि सभा र प्रदेश सभाको निर्वाचनमा पहिलो पटक मतदान गर्दै हुनुहुन्छ । सुर्खेत क्षेत्र नं २ प्रदेश सभा (ख) को उहाँ मतदाता हुनुहुन्छ । निर्वाचनले आफूलाई उत्साहित बनाए पनि युवालाई रोजगारी सिर्जना गर्नुपर्ने बताउनुभयो ।
रोचक चुनावी प्रतिस्पर्धा : तीस वर्षपछि आमनेसामने हुँदै शाक्य–कँडेल
वि.सं. २०४९ मा भएको पहिलो स्थानीय निकायको निर्वाचनमा प्रतिस्पर्धा गरेका नेपाली कांग्रेसका कालीप्रसाद शाक्य र नेकपा (एमाले)का यमलाल कँडेलबीच मङ्सिर ४ गते हुने प्रदेशसभाको निर्वाचनमा कडा प्रतिस्पर्धा हुँदैछ ।
राष्ट्रिय सुरक्षाका लागि एमाले नेतृत्वको सरकार : अध्यक्ष ओली
नेकपा (एमाले) का अध्यक्ष केपी शर्मा ओलीले राष्ट्रिय सुरक्षा, नेपाल र नेपालीको रक्षाका लागि एमालेलाई भोट दिएर एमाले नेतृत्वको सरकार गठनमा सहयोग गर्न आग्रह गर्नुभएको छ । कालीकोटको रास्कोटमा आयोजना गरिएको चुनावी सभालाई आइतबार सम्बोधन गर्दै अध्यक्ष ओलीले सो आग्रह गर्नुभएको हो ।
मतदान केन्द्रमा खटिएका कर्मचारीले बुझे सामग्री
मङ्सिर ४ गतेको प्रतिनिधि तथा प्रदेश सभा निर्वाचनका लागि खटिएका कर्मचारीहरुले निर्वाचन सामग्री बुुझ्न सुुरु गरेका छन् । सदरमुकाम सिमकोटदेखि टाढाका मतदान केन्द्रका कर्मचारीहरुले ती सामग्री बुुझ्नु थालेका हुन् ।
सात चरण पूरा गर्नुपर्ने लिमीको विवाह
नाम्खा गाउँपालिका–६ को हिमालपारिको गाउँ लिमीमा सात चरण पूरा गर्नुपर्ने हुन्छ। वर्षौंदेखि लिमीमा विवाह गर्दा तिब्बतको प्रभाव देखिने भएका कारण यी चरण पूरा भएपछि मात्रै विवाह भएको मानिन्छ। लिमीका स्थानीय कुन्चोक तामाङका अनुसार अन्यत्र भन्दा लिमीका तीन गाउँमा विवाह गर्ने फरक चलन छ। उहाँले सात चरण पूरा भएपछि मात्र विवाह भएको मानिने बताउनुभयो। उहाँका अनुसार पहिलो चरण भनेको प्रस्ताव (स्थानीय भाषामा जापत्रा), दोस्रो चरण स्वीकृति (होटन गगुचे), तेस्रो चरण दोस्रो चरणको स्वीकृति (जिरन्कमा), चौथो चरण उत्सव (एस्कोट), पाँचौँ चरण संलग्नता (गोकसा पाइक्षे), छैटौँ चरण विवाहको गीत र नाच (छोल छ्याङ) र सातौँ चरण विवाह (बानलेन) हुन्। यी चरण विवाहका लागि दुलाहा पक्षले अपनाउनैपर्ने हुन्छ।
सुर्खेतमा चुनावी सरगर्मी
प्रतिनिधि तथा प्रदेश सभा निर्वाचनमा कर्णालीमा सत्ता गठबन्धन र नेपाल कम्युनिस्ट पार्टी (एमाले) बीच मुख्य प्रतिस्पर्धा हुँदै छ। कर्णाली प्रदेशको राजधानीसमेत रहेको सुर्खेत जिल्लामा प्रतिनिधि सभामा दुई र प्रदेश सभामा चार क्षेत्र रहेका छन्। सुर्खेत क्षेत्र नं. १ मा प्रतिनिधि सभामा नेपाली कांग्रेसका उपसभापति पूर्णबहादुर खड्का उम्मेदवार हुनुहुन्छ। २०७४ को प्रतिनिधि सभा तथा प्रदेश सभा निर्वाचनमा नेकपा (एमाले) र नेकपा (माओवादी केन्द्र) बीच तालमेल भएको थियो। सो निर्वाचनमा खड्का नेकपा (एमाले)का धु्रवकुमार शाहीसँग तीन हजार मतान्तरले पराजित हुनुभएको थियो।
निर्वाचनले नचिनेको राउटे बस्ती
प्रतिनिधि तथा प्रदेश सभा सदस्यको निर्वाचनको माहोलले गाउँको वातावरण तात्तिँदै गएको छ। मत माग्न गाउँबस्तीमा उम्मेदवार पुगिरहँदा राउटे बस्ती सुनसान छ। फिरन्ते समुदाय राउटे यतिबेला दैलेखको नारायण नगरपालिका–८, लोहोरे सालखर्कमा किनारमा बसेका छन्।
स्वतन्त्र उम्मेदवारले गठबन्धनलाई डर, एमालेलाई भर
मङ्सिर–४ मा हुने प्रतिनिधि सभा सदस्यका लागि कालिकोटमा सात जना उम्मेदवार चुनावी मैदानमा छन् । सात जनामा मुख्य प्रतिस्पर्धा बाम–लोकतान्त्रिक गठबन्धन र नेकपा (एमाले)बिच नै हुने देखिएको छ । सत्ता गठबन्धनले नेकपा माओवादी केन्द्रका नेता एवं कर्णाली प्रदेशका पूर्व मुख्यमन्त्री महेन्द्रबहादुर शाहीलाई उम्मेदवार बनाएको छ भने एमालेका तर्फबाट केन्द्रीय सदस्य नगीन्द्र शाही उम्मेदवार बन्नुभएको छ ।
गठबन्धन दलको चुनावी सभा, अन्य दलको घरदैलो
आगामी मङ्सिर ४ गते हुने प्रतिनिधिसभा र प्रदेशसभा सदस्यको निर्वाचनलाई लक्षित रुकुम पश्चिमका विभिन्न दल तथा उम्मेदवारहरूले चुनावी प्रचारलाई तीव्रता दिएका छन् । जिल्लामा रहेको वाम लोकतान्त्रिक गठबन्धनले मात्र जिल्लाका विभिन्न स्थानमा चुनावी सभा गरिरहेको छ भने अन्य दल तथा उम्मेदवारहरू घरदैलो अभियानमै व्यस्त रहेका छन् ।
हुम्लामा खाद्यान्न मौज्दात न्यून
खाद्य व्यवस्था तथा व्यापार कम्पनी लिमिटेडको हुम्ला शाखाको गोदाममा खाद्यान्न मौज्दात न्यून रहेको छ । ढुवानी प्रक्रिया लामो भएका कारण आर्थिक वर्ष सुरु भएको चार महिना बित्नै लाग्दा पनि नयाँ कोटाको खाद्यान्न ढुवानी हुन ढिलाइ भएको हो । खाद्य कम्पनीको हुम्ला शाखाका प्रमुख कृष्णप्रसाद अधिकारीले गोदाममा खाद्यान्न मौज्दात निकै कम रहेको जानकारी दिनुभयो । मौज्दात कम भएको र ढुवानी समयमै हुन नसक्ने अवस्थाले हुम्लामा खाद्यान्न अभाव हुने जोखिम बढेको हो ।
लिमीमा चौरीको सङ्ख्या छ गुणाले वृद्धि
नाम्खा गाउँपालिका –६ हिमालपारिको गाउँ लिमीमा चौरी गाईको सङ्ख्या वृद्धि भएको छ । चौरी स्रोत केन्द्र स्थापना भएपछि पशुपालक किसानमा पनि चौरी पाल्ने आकर्षण बढेकाले सङ्ख्यामा वृद्धि भएको हो ।
एकतीस वर्ष प्रतिस्पर्धा, अहिले सहयात्रा
अर्थमन्त्री एवं नेपाल कम्युनिस्ट पार्टी (माओवादी केन्द्र)का उपमहासचिव जनार्दन शर्मा र नेपाली कांग्रेसका नेता गोपालजीजङ्ग शाह अहिले चुनावी अभियानमा सँगसँगै हुनुहुन्छ। यद्यपि २०४८ सालदेखि उहाँहरू चुनावी प्रतिस्पर्धीका रूपमा हुनुहुन्थ्यो। अहिले गठबन्धन सहकर्मीका रूपमा सँगसँगै हुनुहुन्छ।
सल्यानमा निर्वाचनका लागि एक हजार ६३२ कर्मचारी खटिने
मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि सल्यानमा एक हजार ६३२ कर्मचारी खटिने भएका छन्
हिल्साका होटेल तीन वर्षदेखि बन्द
नेपाल र चीनको सीमा क्षेत्र हिल्सामा स्थापित होटेल तीन वर्ष देखि बन्द हुँदा व्यवसायीहरू मर्कामा परेका छन् । यहाँ रहेका दुई दर्जन होटेलहरू तीन वर्षदेखि बन्द छन् ।
मतदातालाई छाक टार्ने चिन्ता
प्रतिनिधि सभा र प्रदेश सभा निर्वाचन नजिकिएसँगै राजनीतिक दल तथा उम्मेदवार समृद्धिका आश्वासन बाँडेर जनतासँग मत माग्न घरदैलो गरिरहेका छन्। गाउँटोलमा चुनावी रौनक बढेको छ। तर वीरेन्द्रनगर –११ झुप्रामा रहेको शान्तिपुर बस्तीमा भने चुनावी रौकनभन्दा पनि बिहान साँझ कसरी छाक टार्ने भन्ने पिरलो छ।
‘भोट हालेर श्रम गर्न विदेश जानुपर्ने अवस्था अन्त्य होस्’
सुर्खेत चिङ्गाड गाउँपालिका रानीवासका ५८ वर्षीय खडक रोकायले रोजगारका लागि भारतको कालापहाड आउजाउ गरेर चार दशक बिताउनुभयो। यसबीचमा धेरै पटक मतदान गर्नुभएका रोकायको अपेक्षा थियो, मुलुकमै रोजगारी पाइएला या केही उद्यम गरौँला। यद्यपि रोकायका छोरासमेत श्रमका लागि भारत पुग्नुपर्ने बाध्यता छ।
बोकाका टाउका बेचेर छ लाख सङ्कलन
रुकुमपश्चिमको मुसीकोट नगरपालिका–५, थर्पुमा रहेको डिग्रे साईकुमारी भगवतीको मन्दिरमा बलि चढाइएका बोकाको टाउका बेचेर छ लाखभन्दा बढी रकम सङ्कलन भएको छ।
-original-thumb.jpg)
मतदान प्रक्रिया जान्न मतदाता उत्सुक
प्रतिनिधि सभा तथा प्रदेश सभा सदस्य निर्वाचनमा पहिलो पटक मतदान गर्ने मतदाताले आफूहरूले सही मतदान प्रक्रियाबारे जानकारी नपाएको बताएका छन् । मतदान गर्ने दिन नजिकिँदै गर्दा हालसम्म कसैले पनि मतपत्रमा छाप कसरी लगाउने र मतदान प्रक्रियाबारे जानकारी नगराएको उनीहरूको गुनासो छ ।
सिमकोटले थाल्यो रैथाने बाली पठाउने तयारी
हुम्लाको सिमकोट गाउँपालिकाले रैथाने बालीको तथ्याङ्क सङ्कलन गर्न थालेको छ। खाद्य व्यवस्था तथा व्यापार कम्पनी लिमिटेडलाई बिक्री गर्न सो गाउँपालिकाले आफ्नो क्षेत्रमा ती बालीको उत्पादनको तथ्याङ्क लिन थालेको हो।
सल्यानमा ट्याक्टर दुर्घटना हुँदा आठ जना घाइते
सल्यानमा ट्याक्टु दुर्घटना हुँदा आठ जना घाइते भएका छन्। बनगाड कुपिण्डे नगरपालिका १० रजेखोलाबाट थापाचौर जाँदै गरेको रा १ त १६९० नम्बरको ट्याक्टर रजेखोलामा दुर्घटना हुँदा आठ जना घाइते भएको जिल्ला प्रहरी कार्यालय सल्यानले जनाएको छ।
