बाजुरा (ख) मा कांग्रेसका शाही विजयी
बाजुराको प्रदेश निर्वाचन क्षेत्र नं. १ को प्रदेश (ख) मा नेपाली कांग्रेस उम्मेदवार पदमबहादुर शाही विजयी हुनुभएको छ । उहाँले २० हजार ११९ मत प्राप्त गरी शाही विजयी हुनुभएको हो ।
भाडाको भवनबाट सेवा प्रवाह
जाजरकोटका दुई पालिकासँग आफ्नो भवन नभएकाले भाडाका भवनबाट सेवा प्रवाह गरिरहेका छन्। जिल्लाको जुनीचाँदे र छेडागाड नगरपालिकाको प्रशासनिक भवन नहुँदा भाडाका भवनबाट सेवा प्रवाह भइरहेको छ। सातवटा पालिका रहेको जाजरकोटमा भेरी, नलगाड नगरपालिका, बारेकोट, कुशे, शिवालय गाउँपालिकाले प्रशासनिक केन्द्र तोकिएको स्थानमा भवन निर्माण गरी सेवा विस्तार गरिसकेका छन् भने छेडागाड र जुनीचाँदेले आफ्नै भवन नहुँदा भाडाको भवनबाट सेवा दिएका छन्।
चिसोले मुगुमा पहिराबाट विस्थापितको बिचल्ली
चिसो बढ्दै गएपछि मुगुको छायाँनाथ रारा नगरपालिका–११ का पहिरोपीडितको बिचल्ली भएको छ । गत असोज तेस्रो साता यहाँ पहिरोले घर पुरिँदा स्थानीयको बिचल्ली भएको थियो । पीडित परिवार हाल त्रिपाल हालेर बस्दै आएका छन् ।
स्थानीय तहका चार पूर्वप्रमुख प्रदेश सभामा
स्थानीय तहको नेतृत्व गरेका केही जनप्रतिनिधि कर्णाली प्रदेश सभा सदस्यमा निर्वाचित भएका छन्। मङ्सिर ४ गते सम्पन्न प्रदेश सभा निर्वाचनमा यसअघि स्थानीय तहको नेतृत्वमा रहेका चार नेता प्रदेश सभा सदस्यमा निर्वाचित भएका हुन्। कर्णाली प्रदेशको प्रत्यक्षतर्फ २४ निर्वाचित सदस्यमध्ये चार जनाले अघिल्लो पटक स्थानीय तहको नेतृत्व गरेका छन्। चार जनामध्ये दुई जना पूर्वजिल्ला समन्वय समिति प्रमुख र दुई जना पूर्वनगरपालिका प्रमुख रहेका छन्। सल्यानको प्रदेश सभा (ख)बाट सुरेश अधिकारी निर्वाचित हुनुभएको छ। उहाँ शारदा नगरपालिकाका पूर्वप्रमुख हुनुहन्छ। त्यस्तै दैलेखको प्रदेश सभा (क)बाट घनश्याम भण्डारी निर्वाचित हुनुभएको छ। उहाँ दुल्लु नगरपालिकाका पूर्वप्रमुख हुनुहुन्छ।
‘समृद्धिको मार्ग : कर्णाली करिडोर’
विकासको हरेक पक्षबाट पछाडि परेको कर्णाली क्षेत्रको उन्नतिका लागि निर्माण सुरु गरिएको कर्णाली करिडोरलाई यहाँका बासिन्दाले आफ्नो भाग्य र भविष्यसँग जोड्ने गरेका छन् ।
हुम्लामा बदर मत सङ्ख्या घट्यो
यस पटकको प्रतिनिधि सभा तथा प्रदेश सभा निर्वाचनमा जिल्लामा बदर मत सङ्ख्या यसअघिको निर्वाचनभन्दा कम देखिएको छ ।
अवरुद्ध सडक खुलेपछि स्थानीयलाई राहत
गत असोज दोस्रो हप्तामा भारी बर्षादका कारणले बाढी पहिरोले अवरुद्ध भएका खत्याड भेकका ग्रामीण सडक सुचारु हुन थालेका छन् । खत्याड गाउँपालिकाको पहलमा अवरुद्ध सडक मर्मत अगाडि बढाएसँगै सडक सुचारु हुन थालेका हुन् । खत्याड गाउँपालिका वडा नं–१ का कर्णवीर रोकायाले, गाउँमा जोडिने बाटोह
योजनाको सम्झौता गर्न तीन दिन हिँड्नु पर्ने लिमीवासीको बाध्यता
नाम्खा गाउँपालिका – ६ को हिमालपारिको गाउँ लिमीका स्थानीयलाई तीन दिन पैदल हिँडेर योजना सम्झौता गर्नु पर्ने बाध्यता रहेको छ । गाउँपालिकाले लिमीका लागि विकासे योजनाहरूको काम अगाडी बढाउन सम्झौताका लागि सूचना सार्वजनिक गरेपछि लिमीबाट सदरमुकाम सिमकोट तीन दिन पैदल हिँडेर आउनु परेको हो ।
भिरबाट लडेर महिलाको मृत्यु
जाजरकोटको बारेकोटमा भिर बाट लडेर एक महिलाको मृत्यु भएको छ । घाँस काट्नका लागि नजिकको भिरमा गएकि बारेकोट —५ धुमाकी ३५ बर्षीया पदमकली चलाउनेको भिर बाट लडेर मृत्यु भएको हो ।
मोटरसाइकलको ठक्करले महिलाको मृत्यु
जाजरकोटमा मोटर साइकल ठक्करले एक जना महिलाको ज्यान गएको छ । भेरी नगरपालिका –४ की ६१ बर्षीया विजया शाहीको ठक्करले ज्यान गएको हो ।
नदी किनारमा बेवारिसे शव फेला
कालीकोटको शान्नीत्रिवेणी गाउँपालिका –३ सिस्नेगडा कर्णाली नदी किनारमा एक जना पुरुषको बेवारिसे शव फेला परेको छ । घाँस काट्न गएका स्थानीय महिलाले नदी किनारमा शव भेटेपछि प्रहरीलाई खबर गरेका थिए ।
हुम्लाका कृषकलाई स्याउ बिक्रीको पिरलो
स्याउ उत्पादन राम्रो भए पनि किसानलाई यस वर्ष बजारको (बिक्री) गर्ने पिरलो भएको छ । जिल्लामा सडक यातायात नजोडिएका कारण जिल्ला बाहिर निकासी गर्न नपाइने भएकाले किसानलाई उत्पादन भएको स्याउ बिक्री गर्न समस्या भएको हो ।
कर्णाली प्रदेश : समानुपातिक मतमा एमाले पहिलो
प्रतिनिधि सभा समानुपातिकतर्फ अन्तिम मतपरिणाम सार्वजनिक भएको छ। मतपरिणामअनुसार कर्णालीमा नेकपा (एमाले) पहिलो दल बनेको छ। सुर्खेतमा नेकपा (एमाले)ले यस पटक पनि २०७४ को लोकप्रियतालाई कायमै राखेको हो। प्रदेश सभातर्फ नेकपा (एमाले)ले समानुपातिकमा एक लाख ८३ हजार ९५० मत प्राप्त गरेको छ। अघिल्लो निर्वाचनमा पनि एमाले पहिलो दल बनेको थियो। प्रदेशमा लोकप्रिय मतमा नेपाली कांग्रेस दोस्रो र नेकपा (माओवादी केन्द्र) तेस्रो भएको छ।
जग्गा खरिदमै अल्झियो चौकुने सिमेन्ट उद्योग
सुर्खेतको विकासमा महत्त्वपूर्ण योगदान पु¥याउने चौकुने सिमेन्ट उद्योग स्थापना जग्गा खरिदमै अल्झिएको छ । उद्योग स्थापना गर्ने भन्दै २०३५ सालमा खानी तथा भूगर्भ विभागले चौकुने गाउँपालिका–६, चौकुनेमा चुनढुङ्गा, माटोलगायतको परीक्षण गरिसके पनि अहिलेसम्म सिमेन्ट उद्योग स्थापना हुन सकेको छैन । साथै उद्योग स्थापनाको लाइसेन्स २०६६ सालमा मुक्तिश्री सिमेन्ट इन्डस्ट्रिज प्रालिले लिएको र हाल बल्लतल्ल जग्गा खरिद गर्न लागेको छ ।
भेरीमा बगेर महिलाको मृत्यु
भेरी नदीमा पानी भर्ने क्रममा हिजो (मङ्गलबार) बेलुका चिप्लिएर नदीमा खस्दा एक महिला बेपत्ता हुनुभएको छ । भेरी नगरपालिका –१ रावतगाउँ निवासी ५२ वर्षीया दुर्पता खत्री नदीमा बगेर बेपत्ता हुनुभएको हो ।
सीमान्तकृत वादी समुदायलाई गुजारा चलाउन सकस
गगने वादी वीरेन्द्रनगर–११ को शान्तिपुरका बासिन्दा हुनुहुन्छ । ६२ वर्षीय उहाँ शारीरिक रूपमा अस्वस्थ हुँदा हिँड्डूल गर्न सक्नुुहुुन्न । ह्वीलचेयरको सहारामा यताउता गर्नुहुुन्छ । त्यो पनि मुस्किलले घर–आँगन वरिपरी मात्रै ।
विद्युत् लाइन विस्तारमा उल्झन
कोहलपुर–सुर्खेत १३२ केभी विद्युत् प्रसारण लाइन विस्तार कार्य निकै सुस्त देखिएको छ। निर्माणको काम थालेको लामो समय भइसक्दा पनि आयोजनाले अपेक्षित प्रगति गर्न सकेको छैन। विद्युत् प्रसारण लाइन आयोजनाले काम सुरु गरेको अढाई वर्ष भइसक्दा हालसम्म ३० प्रतिशत मात्रै प्रगति भएको छ। मुआब्जा विवाद र रुख कटानको उल्झनले सो कार्य सुस्त भएको हो।
पहिरोपीडितले पाए नयाँ घर
एक वर्षअघि पहिरोमा परेर गाउँका अधिकांश घर भत्किएपछि बासविहीन बनेका पीडित स्थानीयवासीका नयाँ घर ठडिएका छन्। सिङ्गो गाउँलाई नै पहिरोले क्षति पु-याएपछि कर्णाली प्रदेश सरकारको आर्थिक सहयोगमा बस्ती विस्तार कार्यक्रममार्फत जस्तापाताले छाएका नयाँ घर निर्माण भएका हुन्। बासविहीन बनेको छ महिनापछि नयाँ घरमा बस्न पाउँदा पहिरोपीडितलाई राहत मिलेको छ।
कालीकोटका मतदातालाई धन्यवाद
विजयी भएपछि नेताहरूले कालीकोटका मतदातालाई धन्यवाद दिएका छन्।
मतदानपछि कामको खोजीमा भारत
जाजरकोटका ग्रामीण भेगका सर्वसाधारण मतदानपछि रोजगारीका लागि भारत जान थालेका छन्। प्रदेश तथा प्रतिनिधि सभाका सदस्य गाउँगाउँमा विजयोत्सव मनाइरहेका बेला मतदाताचाहिँ श्रमको खोजीमा भौँतारिएका छन्। गाउँबस्तीमा श्रमको सुविधा नहुँदा जाजरकोटका ग्रामीण बस्तीबाट बर्सेनि हजारौँ युवा भारतका विभिन्न क्षेत्रमा रोजगारीका लागि जाने गर्दछन्।
लक्षित वर्गमा स्थानीय तहको लगानी
सुर्खेतको चौकुने गाउँपालिकाले अघिल्लो कार्यकालमा वार्षिक बजेटका केही अंशबाहेक अधिकांश हिस्सा पूर्वाधार निर्माणमा खर्च गरेको छ। ग्रामीण सडक निर्माण तथा स्तरोन्नति, पालिकाको प्रशासनिक भवन र अरू भौतिक संरचनाहरूमा ठूलो बजेट खर्च गरिएको जनाइएको छ। अघिल्ला आर्थिक वर्षहरूमा लक्षित वर्गका लागि विनियोजित केही बजेटसमेत रकमान्तर गरेर पूर्वाधार निर्माणमा लगाइएको छ। भौतिक पूर्वाधार पनि अति आवश्यक भएकाले विगतका वर्षमा नीति, कार्यक्रम र बजेटमा प्राथमिकतामा पर्दापर्दै सामाजिक विकासका क्षेत्रमा लगानी केही कम भएको पालिकाले जनाएको छ।
हुम्लामा प्रतिनिधिहरूलाई प्रमाणपत्र वितरण
हुम्ला जिल्लाबाट प्रतिनिधि तथा प्रदेश सभामा प्रतिनिधित्व गर्ने नव निर्वाचित सदस्यहरूको घोषणा र प्रमाणपत्र वितरण गर्ने कार्य भएको छ । मुख्य निर्वाचन अधिकृतको कार्यालयले एक कार्यक्रम आयोजना गरेर सो कार्यक्रम गरेको हो ।
प्रत्यक्षमा महिला शून्य, प्रदेशसभामा एकमात्र दलित सदस्य
कर्णाली प्रदेशसभामा प्रत्यक्षतर्फ एकमात्र दलित प्रदेशसभा सदस्य निर्वाचित हुनुभएको छ । यही मङ्सिर ४ गते सम्पन्न प्रतिनिधिसभा तथा प्रदेशसभा निर्वाचन अन्तर्गत हुम्ला प्रदेश (१)बाट नेकपा (माओवादी केन्द्र)का रनसिंह परियार निर्वाचित हुनुभएको हो ।
सत्र उम्मेदवारको जमानत जफत
प्रतिनिधि सभा र प्रदेश सभाको निर्वाचनमा भाग लिएकामध्ये दैलेखमा १७ जना उम्मेदवारको जमानत जफत भएको छ। दैलेखमा प्रतिनिधि सभाका दुई तथा प्रदेश सभाका चार निर्वाचन क्षेत्र छन्। दैलेख–१ मा प्रतिनिधि सभातर्फका आठ जना उम्मेदवारमध्ये पाँच जनाको जमानत जफत भएको छ। जमानत जफत हुनेमा मजदुर किसान पार्टीका प्रकाश गुरुङ, नेपाली कांग्रेस (बीपीका) भूपालबहादुर थापा, स्वतन्त्र पार्टीका इन्द्रप्रसाद शर्मा र नेकपा (एमाले)बाट विद्रोह गरी प्रतिनिधि सभामा स्वतन्त्र उम्मेदवार बन्नुभएका गोपाल नेपाली र सत्ता गठबन्धनबाट विद्रोह गर्नुभएका निरखबहादुर थापा रहनुभएको छ।
ढुङ्गा लागेर सेनाका अमल्दार गम्भीर घाइते
कर्णाली कोरिडोरको हुम्ला खण्डको दुल्ली कुनादेखि लालीबगर क्षेत्रको सुनाखाडाको चट्टानी भीर विस्फोट गर्ने क्रममा उछिट्टिएको ढुङ्गा लागेर एक जना नेपाली सेनाका अमल्दार गम्भीर घाइते हुनु भएको छ ।
