• गोरखापत्र अनलाइन
• १८ वैशाख २०८१, मङ्गलबार

शुक्लाफाँटामा राज भद्राई

शुक्लाफाँटा राष्ट्रिय निकुञ्जमा राज भद्राई चरा पुनः देखा परेको छ । शुक्लाफाँटाको घाँसे मैदानमा सो चरा देखिएको हो । गत वर्ष मार्चमै राष्ट्रिय प्रकृति संरक्षण कोषका वन्यजन्तु प्राविधिक देवराज जोशीले पहिलो पटक सो चरा निकुञ्जको घाँसे मैदानमा अभिलेख गर्नुभएको थियो । त्यसयता राज भद्राई चार पटक निकुञ्जमा फेला परिसकेको चराविद् हिरूलाल डङ्गौराले जानकारी दिनुभयो । डङ्गौरासहित चराप्रेमीहरू महानन्द जोशी, सुवन चौधरी र गोपाल चौधरीको टोलीले राज भद्राई देखेको जनाएका हुन् ।