कमिटी पुनर्गठनको माग गर्दै ध्यानाकर्षणपत्र
नेकपा (एकीकृत समाजवादी) निकट अनेरास्ववियूले पार्टी अध्यक्ष एवम् पार्टीका पदाधिकारी समक्ष केन्द्रीय कमिटी पुनर्गठनका लागि ध्यानाकर्षणपत्र बुझाएको छ । आइतबार पार्टी कार्यालयमा पुगेर अध्यक्ष माधवकुमार नेपाल, उपाध्यक्ष प्रमेश हमाल, महासचिव बेदुराम भुषाल, उपमहासचिव गंगाधर तुलाधर र विद्यार्थी ईन्चार्ज रामप्रमाद भट्टराईसमक्ष ध्यानाकर्षपत्र बुझाएको अनेरास्ववियू केन्द्रीय कमिटी सदस्य टीकाराम भण्डारीले बताउनुभयो ।
कर्मचारीलाई सुरक्षाको पहुँचमा ल्याउनु आवश्यक छ : प्रधानमन्त्री देउवा
प्रधानमन्त्री शेरबहादुर देउवाले औपचारिक एवम् अनौपचारिक क्षेत्रका कर्मचारीलाई सुरक्षाको पहुँचमा ल्याउनु आवश्यक रहेको बताउनुभएको छ।
नेपाल ट्रेड यूनियन कांग्रेसको राष्ट्रिय सम्मेलन उद्घाटन
काठमाडौं, जेठ २९ गते । नेपाल ट्रेड युनियन कांग्रेसको राष्ट्रिय सम्मेलन उद्घाटन भएको छ । आइतबार प्रधानमन्त्री एवम् पार्टी सभापति शेरबहादुर देउवाले ट्रेड यूनियनको सम्मेलन उद्घाटन गर्नुभएको हो ।काठमाडौंमा उद्घाटन भएको सम्मेलन दुई दिनसम्म चल्नेछ ।
सञ्चार तथा सूचना प्रविधिमन्त्री कार्की स्वदेश फिर्ता
काठमाडौं, जेठ २८ गते। सञ्चार तथा सूचना प्रविधिमन्त्री ज्ञानेन्द्रबहादुर कार्की रुवाण्डामा आयोजित ‘वल्र्ड टेलिकम्युनिकेशन डेभलभमेन्ट कन्फ्रेन्स’ मा सहभागी हुनु भई आज स्वदेश फर्किनुभएको छ। नेपाल सरकारका प्रवक्ता कार्की अन्तर्राष्ट्रिय दूरसञ्चार सङ्घको नियन्त्रणमा चार सदस्यीय प्रतिनिधिमण्डलको नेतृत्व गर्दै अन्तर्राष्ट्रिय दूरसञ्चार सङ्घ र रुवाण्डा सरकारको संयुक्त आयोजनामा किगालीमा भएको सो सम्मेलनमा भाग लिन गत हप्ता त्यसतर्फ प्रस्थान गर्नुभएको थियो।यस वर्षको मूल नारा ‘कनेक्टिङ द अनकनेटेड टु एचिभ सस्टेनेभल डेभलभमेन्ट’ रहेको सम्मेलनमा मन्त्री कार्कीले सन् २०२५ सम्ममा देशमा डिजिटल नेपाल फ्रेमवर्कको अवधारणाअनुरुप विद्युतीय रुपान्तरणका लागि सम्पूर्ण कार्यसम्पन्न गरिसक्ने प्रतिबद्धता व्यक्त गरेको जानकारी दिनुभयो।सम्मेलनबारे त्रिभुवन अन्तर्राष्ट्रिय विमास्थलमा पत्रकारलाई जानकारी गराउँदै उहाँले नेपाल सरकारको भौतिक कठिनाइको बाबजुद दूरदराजका सबै स्थानहरू दूरसञ्चारको सञ्जालमा जोडिसक्ने विषषवस्तु राखेको बताउनुभयो। सम्मेलनमा मन्त्री कार्कीले जापान, अमेरिका, चीन लिथुवानिया र अजरबैजानका समकक्षी तथा विशिष्ट सहभागीहरूसँग भेटघाट गरी दूरसञ्चार तथा सूचना प्रविधिको क्षेत्रमा द्विपक्षीय हित र सहयोगका सम्बन्धमा छलफलसमेत भएको सञ्चार मन्त्रालयले जनाएको छ। “अन्तर्राष्ट्रिय दूरसञ्चार सङ्घको एसिया एण्ड प्यासिफिक सिजनका क्षेत्रीय निर्देशकसँगको छलफलमा क्षेत्रीय निर्देशकले नेपाललाई विपद् व्यवस्थापनमा अत्यावश्यक आकस्मिक समिति तथा ई–वयस्ट म्यानेजमेन्टलगायत विषयमा सहयोग उपलब्ध गराउने सम्बन्धमा सकारात्मक धारणा राख्नुभएको थियो”, मन्त्रालयद्वारा आज जारी विज्ञप्तिमा भनिएको छ।भ्रमण टोलीमा मन्त्रालयका सहसचिव विनोदप्रकाश सिंह, नेपाल टेलिकमका प्रबन्ध निर्देशक सुनिल पौडेल र नेपाल दूसञ्चार प्राधिकरणका निर्देशक डा सुरेन्द्रलाल हाडा सहभागी हुनुहुन्थ्यो।रासस
स्थानीय सरकारमा जनताको नियन्त्रण र हस्तक्षेप सुनिश्चित गर्नुपर्दछ : अध्यक्ष दाहाल
नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहालले स्थानीय पालिकाहरूमा जनताको नियन्त्रण, निगरानी र हस्तक्षेप सुनिश्चित गर्नुपर्ने बताउनुभएको छ।
अब काठमाडौंको फोहोर उठ्छ : मन्त्री झाक्री
सहरी विकासमन्त्री रामकुमारी झाक्रीले अब काठमाडौंको फोहोर उठ्ने बताउनुभएको छ।
प्रदेश सरकार संघीयता कमजोर बनाउन लागेको पूर्वमुख्यमन्त्री राईको आरोप
पूर्वमुख्यमन्त्री शेरधन राईले प्रदेश सरकार ठिक ढंगले नचलेको र संघीयताको अभ्यासलाई कमजोर बनाउन लागेको आरोप लगाउनुभएको छ।
प्रधानमन्त्री देउवाद्वारा महानगर प्रमुख शाहसँग फोहर व्यस्थापनबारे जानकारी
प्रधानमन्त्री शेरबहादुर देउवाले काठमाडौँ महानगरपालिकाका प्रमुख बालेन्द्र शाहलाई बोलाएर काठमाडौँको फोहर व्यवस्थापनका विषयमा जानकारी लिनुभएको छ।
प्रतिनिधिसभाको अर्को बैठक शुक्रबार बिहान ११ बजे
काठमाडौं, जेठ २६ गते। प्रतिनिधिसभाको अर्को बैठक शुक्रबार बिहान ११ बजे बस्ने भएको छ। बैठकमा विनियोजन विधेयक- २०७९ का विभिन्न शीर्षकमा मन्त्रालयगत छलफल जारी छ। संघीय संसदको सचिवालयका अनुसार शुक्रबार परराष्ट्र मन्त्रालय, ऊर्जा, जलस्रोत तथा सिँचाइ मन्त्रालय र गृह मन्त्रालयका लागि विनियोजित बजेटमाथि छलफल हुनेछ। बिहीबारको प्रतिनिधिसभाको बैठकमा शिक्षा विज्ञान तथा प्रविधि, खानेपानी, अर्थ र रक्षा मन्त्रालयका विभिन्न शीर्षकमाथि छलफल भएको थियो।
‘स्थानीय तह निर्वाचनमा कांग्रेस ठूलो दलको रुपमा स्थापित’ (प्रतिवेदनसहित)
नेपाली कांग्रेसले स्थानीय तह निर्वाचन २०७९ को निर्वाचनले कांग्रेसलाई सबैभन्दा ठूलो दलको रुपमा स्थापित गरेको जनाएको छ ।
नगरप्रमुखको कार्यकक्षमा प्रधानमन्त्री देउवाभन्दा माथि ओलीको तस्बिर
तनहुँको एक पालिकाका प्रमुखले आफ्नो कार्यकक्षमा नेकपा (एमाले)का अध्यक्ष केपी शर्मा ओलीको तस्बिर राखेको पाइएको छ । एक राजनितीक पार्टीका अध्यक्षको तस्विर राखेको भन्दै सेवाग्राहीले विरोध जनाएका छन् ।
जाजरकोट जिससमा सत्ता गठबन्धन विजयी
जिल्ला समन्वय समितिको प्रमुख र उपप्रमुखमा सत्ता गठबन्धन दलका उम्मेदवार विजयी भएको छ । सता गठबन्धन दलको तर्फबाट प्रमुखमा नेपाली कांग्रेसका कालीबहादुर खत्री र उपप्रमुखमा नेकपा माओवादी केन्द्रका दलबहादुर सिंह विजयी हुनु भएको छ ।
प्रधानमन्त्री देउवा र भक्तपुर उद्योग वाणिज्य संघका पदाधिकारीबीच छलफल
प्रधानमन्त्री शेरबहादुर देउवा र भक्तपुर उद्योग वाणिज्य संघको टोलीबीच बुधबार भक्तपुरको विकासका बारेमा छलफल भएको छ।
नेपाल डिजिटल रुपान्तरणको संघारमा छ : सञ्चारमन्त्री कार्की
सञ्चार तथा सूचना प्रविधिमन्त्री ज्ञानेन्द्रबहादुर कार्कीले नेपाल डिजिटल रुपान्तरणको संघारमा रहेको बताउनुभएको छ।
मन्त्रीलाई पार्टीले ६ महिना समय दिएको थियो : माधव नेपाल
काठमाडौं, जेठ २५ गते। नेकपा (एकीकृत समाजवादी) का अध्यक्ष माधवकुमार नेपालले पार्टीका मन्त्रीलाई छ महिनाको समय दिइएको खुलाउनुभएको छ।काठमाडौंको आलोकनगरस्थित केन्द्रीय कार्यालयमा बुधबार आयोजित विद्यार्थी विशेष जिल्ला कमिटीको शपथ ग्रहण कार्यक्रममा उहाँले पार्टीका मन्त्रीले आठ महिनासम्म बसेर काम गरिसक्नुभएको बताउनुभयो। सरकारमा हुँदा राम्रा काम गर्नुभएका मन्त्रीलाई धन्यवाद दिनुहुँदै उहाँहरुले पार्टीको निर्णयभन्दा तलमाथि जान नसक्ने बताउनुभयो।“छ महिनाको अवधि दिइएको थियो, आठ महिनासम्म काम गर्ने अवसर मिलेको छ। ज-जसले राम्रो काम गरेका छन्, सबैलाई धन्यवाद। उहाँहरुले पार्टीको निर्णय पालना गर्ने र मन्त्रीको लोभ छैन, हामी कुर्सीमा टाँसिनेवाला छैनौं भनेर भनिसक्नुभएको छ”, उहाँले भन्नुभयो।उहाँले संविधानलाई मास्ने प्रवृत्ति रोक्न राजनीतिक कोर्स परिवर्तन गर्नुपर्ने स्थिति बनेको र कम्युनिष्ट पार्टीभित्रको गलत प्रवृत्तिको मुकाबिला गरेको बताउनुभयो। “यसका लागि गठबन्धन कायम गरेका छौं। कति फाइदा र नोक्सान भएको विवेचना गरेका छौं। तर, अवश्य फाइदा भएको छ, पोखरा महानगरमा शानदार जित हासिल गरेका छौं।”, उहाँले भन्नुभयो, “कमजोरी के भयो भने गठबन्धनको भरोसा धेरै गर्यो र कतिपय ठाउँमा धोका पनि पायौं।”उहाँले आगामी दिनमा पार्टी निर्माणसँगै प्रदेश र प्रतिनिधिसभाको निर्वाचनमा जुट्नुपर्नेमा जोड दिनुभयो। संसदीय निर्वाचन मंसिरमा हुने कुरा ध्यानमा राखेर चुनाव चिह्नबारे जनतालाई जानकारी गराउनुपर्ने उहाँले बताउनुभयो। गठबन्धनको भविष्य छैन भनेर कुप्रचार भइरहेको भन्नुहुँदै उहाँले आपसी अविश्वास कसरी बढोस् भनेर अनेक चलखेल भएको हुनसक्ने समेत प्रष्ट्याउनुभयो। तर, इमानदारीता र अडानपूर्वक गठबन्धनलाई अगाडि बढाइने उहाँले बताउनुभयो।
सुदूरपश्चिममा आमसञ्चारको समग्र विकासको पहल गरियोस् : बिना मगर
काठमाडौं, जेठ २५ गते। नेकपा (माओवादी केन्द्र) का सांसद बिना मगरले सुदूरपश्चिम प्रदेशमा आमसञ्चार क्षेत्रको समग्र विकास सम्बन्धमा जोड दिनुभएको छ।बुधबार प्रतिनिधिसभा बैठकमा मन्त्रालयगत बजेटमाथिको छलफलमा सहभागी हुँदै उहाँले यस्तो बताउनुभएको हो। उहाँले शहीद भीमदत्त आमसञ्चार स्थापनामार्फत् सो कार्य अगाडि बढाउनुपर्नेमा जोड दिनुभयो। “सुदूरपश्चिमको कैलालीमा औद्योगिक क्षेत्रमा आवश्यक होमवर्क पुगिसकेको छ, यता पनि ध्यान केन्द्रित रहोस्। खनिजसँग सम्बन्धित कुरालाई योजनाबद्व ढंगले अगाडि बढाइयोस्”, उहाँले भन्नुभयो।आमसञ्चारको विकासका लागि त्यहाँका विद्यालयमा आधुनिक शिक्षा प्रणालीलाई प्रयोग गर्नुपर्ने र नपुगेका कुरामा पहुँच वृद्वि गरिनुपर्ने उहाँको भनाइ छ। सबै विषयमा औद्योगिकीकरणको विषय उठेको बेला हरेक घरका महिलालाई उद्योग र उत्पादनसँग जोड्नुपर्नेमा उहाँले सरकारको ध्यानाकर्षण गराउनुभयो। ‘‘खासगरी, साना उद्योगमा सरकारले ध्यान दिनसक्नुपर्छ’, उहाँले बताउनुभयो।
एक कार्यकाल कार्यालय सहयोगी, अहिले वडाध्यक्ष
बागलुङ समाचारदाताबागलुङ, जेठ २५ गते। बागलुङको बरेङ गाउँपालिका-४ सल्यानका किसान खत्री गत वैशाख १५ गतेसम्म वडा कार्यालयमा सहयोगीको भूमीकामा हुनुहुन्थ्यो। पहिलो स्थानीय तह निर्वाचनपछि स्वतन्त्रबाट वडाध्यक्षमा निर्वाचित लिलबहादुर खत्रीले नियुक्त गर्नुभएको थियो। पाँच वर्ष कार्यालय सहयोगीको भूमीकामा जनताको सेवा गर्नुभएको किसान खत्रीले दोस्रो स्थानीय तह निर्वाचनमा आफैलाई नियुक्त गर्ने वडाध्यक्षलाई पराजित गर्दै वडाध्यक्ष बन्नुभएको हो। राजीनामा दिएको पन्ध्र दिनमा जनताबाट अनुमोदित भएर किसान वडाध्यक्षको जिम्मेवारीमा पुग्नुभएको हो। उहाँ सत्ता गठबन्धनको तर्फबाट उम्मेदवार बन्नुभएको थियो। लिलबहादुर फेरि पनि स्वतन्त्र उम्मेदवारी दिनुभएको थियो। किसानले ३०४ मत प्राप्त गर्दा लिलबहादुरले २७७ मत प्राप्त गर्नुभएको थियो। ‘कार्यालय सहयोगी भए पनि जनताको सेवामा थिएँ’ उहाँले भन्नुभयो, ‘अब पनि जनताकै सेवक भएर काम गर्छु।’ स्थानीय विकास निर्माणको लागि सबैलाई समेटेर जाने किसानको भनाइ छ। अध्यक्षका प्रतिस्पर्धी लिलबहादुरले जनताको मतलाई सम्मान गर्दै आफ्नो क्षेत्रको समृद्धिको लागि पाँच वर्षीय अनुभव र सिकाइको प्रयोग गर्ने बताउनुभयो। फरक भूमीकामा भएपनि जनप्रतिनिधिलाई निरन्तर सहयोग गर्ने उहाँको भनाइ छ। बरेङ गाउँपालिकामा राष्ट्रिय जनमोर्चाका कृष्णप्रसाद पौडेल अध्यक्ष र नेपाली कांग्रेसका दिलीप पुन उपाध्यक्षमा निर्वाचित हुनुभएको थियो। पाँच वटा वडा रहेको बरेङमा २ वटा वडा राजमो, २ वटा कांग्रेस र एउटा वडामा नेकपा (एमाले) विजयी भएको छ।
रेसुङ्गामा कार्यपालिका सदस्यको शपथ
रमेश विश्वकर्मा गुल्मी जेठ २५ गते । गुल्मीको रेसुङ्गा नगरपालिकाको कार्यपालिका सदस्यमा निर्वाचित सदस्यले पद तथा गोपनीयताको शपथ ग्रहण गरेका छन् । बुधबार रेसुङ्गा नगरपालिकाको सभाहलमा नगरप्रमुख खिलध्वज पन्थीले कार्यपालिका सदस्यलाई पद तथा गोपनीयताको शपथ ग्रहण गराउनुभएको हो । शपथ ग्रहणपछि कार्यपालिका सदस्यलाई नगरप्रमुख पन्थीले आम नागरिकको पीर र मर्का बुझेर काम गर्न आग्रह गर्नुभयो । खाली समयमा पनि नगरपालिकालाई कसरी समृद्ध बनाउन सकिन्छ ? भनेर सोचेर बस्न आग्रह गर्दै रचनात्मक सुझाव आफूहरुलाई दिन पनि आग्रह गर्नुभयो । नगरबासीको अभिभावकत्व आफूले ग्रहण गरेको उल्लेख गर्दै नगरप्रमुख पन्थीले पुरातनवादी चिन्तले विकास अगाडि बढ्न नसक्नेसमेत उल्लेख गर्नुभयो। नगरप्रमुख पन्थीले जनमतलाई नबिर्सिएर काम गर्न पनि आग्रह गर्नुभयो । नगरकार्यपालिकाको महिला/दलित वा अल्पसङ्ख्यक सदस्य पदको निर्वाचनमा नेपाली कांग्रेसबाहेक अन्य राजनीतिक दलबाट उम्मेदवारी नपरेपछि उम्मेदवारी दिएका उम्मेदवार निर्विरोध निर्वाचित भएका हुन् । मुख्य निर्वाचन अधिकृतको कार्यालय अनुसार यमबहादुर विश्वकर्मा, बालकृष्ण बराल, सीता विश्वकर्मा, पुष्पा पन्थी, कमला धुरेल, शोभ नेपाली, मनीषा खत्री र सावित्रा श्रेष्ठ निर्वाचित हुनभएको हो ।
भुसाललाई निलम्बन हुनसक्छ : बडाल, बदलाभावले कारबाही सिफारिस : भुसाल
पटक–पटक विवादित हुँदै आएकोे नेपाल कम्युनिस्ट पार्टी (एमाले) मा फेरि नयाँ विवाद सिर्जना भएको छ । नेता घनश्याम भुसालमाथि एमालेको केन्द्रीय अनुशासन आयोगले कारबाहीको सिफारिस गरेपछि पार्टीभित्र नयाँ विवाद आरम्भ भएको हो ।
बजेटमा मन्त्रालयगत छलफल जारी (लाइभ)
प्रतिनिधि सभा बैठक सुरु भएको छ । बुधबार नयाँबानेश्वरस्थित सङ्घीय संसद् भवनमा बैठक सुरु भएको हो ।
राप्रपाका पाँच विभाग प्रमुखको नेतृत्व चयन
राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देनले विभिन्न विभाग प्रमुख पदमा नेतृत्व मनोनयन गर्नुभएको छ।
प्रमुखमा कांग्रेसका धामी, उपप्रमुखमा माओवादीका कुँवर विजयी
जिल्ला समन्वय समिति बैतडीको निर्वाचनमा गठबन्धनका उम्मेदवार विजयी हुनुभएको छ । गठबन्धनबाट समन्वय समिति प्रुमुखमा नेपाली कांग्रेसका खगेन्द्रसिंह धामी र उपप्रमुखमा नेकपा माओवादी केन्द्रका दमन कुँवर विजयी हुनुभएको हो ।
प्रधानमन्त्री देउवालाई लोसपाले बुझायो ११ बुँदे ज्ञापनपत्र
प्रधानमन्त्री शेरबहादुर देउवालाई लोकतान्त्रिक समाजवादी पार्टी (लोसपा) ले ११ बुँदे ज्ञापनपत्र बुझाएको छ ।
मुस्ताङ जिल्ला समन्वय समितिको प्रमुखमा एमाले निर्विरोध
जिल्ला समन्वय समिति मुस्ताङको प्रमुख र उपप्रमुखमा नेकपा (एमाले) का उम्मेदवारहरु निर्विरोध चयन हुनुभएको छ । सोमबार भएको मनोनयन दर्ताको समयअवधिसम्म एमालेबाट प्रमुख मुक्ति क्षेत्र गाउँपालिका १ झारकोटकी माया गुरुङ र उपप्रमुखमा घरपझोङ गाउँपालिका ३ स्याङका आइतेलाल थकालीको मात्र मनोनयन दर्ता भएको मुख्य निर्वाचन अधिकृतको कार्यालयले जनाएको छ ।
भ्रामक प्रचार अभियानप्रति श्रममन्त्री श्रेष्ठकाे ध्यानाकर्षण
नेकपा (एकीकृत समाजवादी)का केन्द्रीय सदस्य एवम् श्रम, रोजगार तथा सामाजिक सुरक्षामन्त्री कृष्णकुमार श्रेष्ठले 'पार्टी निर्णय र नेतृत्वलाई चुनौती दिएको' भनेर केही अनलाइन समाचार पोर्टल तथा सामाजिक सञ्जालमा चलाइएका भ्रामक प्रचार अभियानप्रति गम्भीर ध्यानाकर्षण भएको बताउनुभएकाे छ ।
