‘जनताको साथमा कांग्रेस’ : तीन चरणको चुनावी अभियान
नेपाली कांग्रेसले भदौ १० देखि २४ गतेसम्म ‘जनताको साथमा कांग्रेस’ अभियान सञ्चालन गर्ने भएको छ । कांग्रेसले बीपी कोइरालाको बीपी जन्मजयन्ती सन्दर्भ पारेर १४ दिने अभियान सञ्चालन गर्ने भएको हो ।
मन्त्री कार्कीद्वारा लौकही सभाहलको निरीक्षण
सुनसरीको कोशी गाउँपालिका १ लौकहीमा निर्माणाधीन सभाहलको सञ्चार तथा सूचना प्रविधिमन्त्री ज्ञानेन्द्रबहादुर कार्कीले निरीक्षण गर्नुभएको छ । शनिबार सुनसरीको कार्यक्रममा सहभागी हुन आउनुभएका नेपाल सरकारका प्रवक्ता एवम् मन्त्री कार्कीले लौकही टन हल निर्माणको चरण र अवस्थाबारेमा जनाकारी लिनुभएको हो ।
पाँच वर्षमा प्रदेश सरकारबारे टुङ्गो लाग्छ : महामन्त्री थापा
नेपाली कांग्रेसका महामन्त्री गगनकुमार थापाले आगामी ५ वर्षमा प्रदेश सरकार रहने वा नरहने विषय टुङ्गो लाग्ने बताउनुभएको छ । कांग्रेस प्रदेशसभा क्षेत्रीय समितिले काठमाडौंमा शनिबार आयोजना गरेको कार्यक्रममा उहाँले त्यस्तो बताउनुभयो ।
‘शान्ति प्रक्रियाको मौलिक नेपाली मोडल सफल होस्’
नेपालका लागि संयुक्त राष्ट्रसङ्घका आवासीय प्रतिनिधिसहित यहाँस्थित अन्तर्राष्ट्रिय समुदायले नेपालको शान्ति प्रक्रियाको मौलिक नेपाली मोडल सफल होस् भन्दै सुभेच्छा प्रकट गरेको छ ।
राष्ट्रपतिद्वारा काँग्रेस नेता गिरीको शीघ्र स्वास्थ्य लाभको कामना
राष्ट्रपति विद्यादेवी भण्डारीले नेपाली काँग्रेसका बौद्धिक नेता एवम् समाजवादी चिन्तक प्रदीप गिरीको शीघ्र स्वास्थ्य लाभको कामना गर्नुभएको छ ।
काँग्रेस नेता प्रदीप गिरीको अवस्था गम्भीर
नेपाली काँग्रेसका बौद्धिक नेता प्रदीप गिरीको अवस्था गम्भीर बन्दै गएकाे उहाँका स्वकीय सचिव कृष्ण खनालले जानकारी दिनुभयो । क्यान्सर रोगबाट पीडित नेता गिरीको ललितपुरको मेडिसिटी अस्पालमा उपचार भइरहेको छ ।
धनिराम मृत्यु प्रकरणः छानबिन समिति गठन
कर्णाली प्रदेश सरकारले लेकबेसी नगरपालिका १० सुर्खेतका ५९ वर्षीय धनिराम लामिछानेको मृत्युको सत्यतथ्य ल्याउन छानबीन समिति गठन गरेको छ ।
कांग्रेस नेता प्रदीप गिरीको स्वास्थ्य अवस्था जटिल
नेपाली कांग्रेसका बौद्धिक नेता प्रदीप गिरीको स्वास्थ्य अवस्था जटिल बनेको छ। क्यान्सर रोगबाट पीडित गिरीको हाल ललितपुरको मेडिसिटी अस्पतालमा उपचार भइरहेको छ।
गण्डकी र प्रदेश १ सँग निर्वाचन आयोगले माग्यो स्पष्टीकरण
निर्वाचन आयोगले प्रदेश नम्बर १ र गण्डकी प्रदेशका निर्वाचन क्षेत्र पूर्वाधार विशेष कार्यक्रमको विषयमा स्पष्टीकरण माग गरेको छ।
कांग्रेस नेता गिरीको स्वास्थ्य लाभका लागि सामूहिक प्रार्थना
काठमाडौं, भदौ ३ गते। नेपाली कांग्रेसका नेता एवं प्रतिनिधिसभाका सांसद प्रदीप गिरीको स्वास्थ्य लाभ तथा दीर्घायुको कामना गर्दै शुक्रबार सामूहिक प्रार्थना सभा गरिएको छ। ललितपुरको मेडिसिटी अस्पतालमा उपचार गराइ रहनु भएका राजनीतिक विश्लेषक, समालोचक एवं साहित्यकारसमेत रहनुभएका नेता गिरीको स्वास्थ्य लाभ तथा दीर्घायुको कामना गर्दै सामूहिक प्रार्थना सभा गरिएको हो।समाजवादी चिन्तक गिरी विगत लामो समयदेखि क्यान्सर रोगबाट पीडित हुनुहुन्छ। भारतमा उपाचारपाछि स्वास्थ लाभ गरिरहनु भएका गिरीको स्वास्थ्यमा समस्या देखिएपछि अस्पताल भर्ना गरिएको हो। मेडिसिटी अस्पतालको आईसीयूमा उपचारत गिरीको स्वास्थ्य लाभको कामना गर्दै नेपाली कांग्रेस वैचारिक अभियानले नेपाल सांस्कृतिक संघ डिल्ली बजारमा प्रार्थना सभाको आयोजना गरेको हो। सभामा नेपाली कांग्रेसका नेता एनपी साउदले नेपाली राजनीतिलाई मुल बाटोमा डोर्याउने नेता गिरी जस्ता चिन्तक देशलाई अझ आवश्यक रहेकाले पुनः स्वास्थ्य लाभको कामना गर्नुभयो। नेता साउदले भन्नुभयो, “श्रद्धेय नेता र बौद्धिक व्यक्तित्व प्रदीप गिरीजी अस्पतालको शैय्यामा हुनुहुन्छ, युवराज खातीले कार्यक्रमको आयोजना गरेको मैले उहाँलाई सुनाएँ। सायद सुन्नुभयो होला। तर, केही प्रतिक्रिया दिन सक्नु भएन।”
सिट बाँडफाँटको साझा अवधारणा बनाउने जिम्मा कार्यदललाई
सत्ता गठबन्धनले सिट बाँडफाँटका लागि साझा अवधारणा बनाउने जिम्मेवारी कार्यदललाई प्रदान गर्ने निर्णय गरेको छ।
नागरिकता विधेयकले राष्ट्रियता बलियो बनाउँछ : गृहमन्त्री खाण
गृहमन्त्री बालकृष्ण खाणले बिहीबार प्रतिनिधि सभाबाट बहुमतले पारित भएको नागरिकता ऐनको संशोधन विधेयकले राष्ट्रियतालाई बलियो बनाउने बताउनु भएको छ।
बालुवाटारमा सत्ता गठबन्धनको बैठक
काठमाडौं, भदौ ३ गते । सत्ता गठबन्धनका शीर्ष नेताको बैठक बालुवाटारमा जारी छ। प्रधानमन्त्री एवम् नेपाली कांग्रेसका सभापति शेरबहादुर देउवासहित गठबन्धनका शीर्ष नेता बैठकमा सहभागी हुनुभएको उहाँका प्रेस संयोजक गोविन्द परियारले जानकारी दिनुभयो। बैठकमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समजावादीका अध्यक्ष माधवकुमार नेपाल, जनता समजावादी पार्टी र राष्ट्रिय जनमोर्चाका शीर्ष नेता सहभागी हुनुभएको छ। परियारले बैठकमा राजनीतिक एवम् समसामयिक विषयमा छलफल भइरहेको जानकारी दिनुभयो। मङ्सिर ४ को प्रतिनिधिसभा र प्रदेशसभा सदस्य निर्वाचनका लागि गठबन्धनमा सिट बाँडफाँटको छलफल हुँदै आएको छ। नेपाली कांग्रेसका पूर्वमहामन्त्री कृष्णप्रसाद सिटौला नेतृत्वको ११ सदस्यीय कार्यदलले सिट बाँडफाँटमा शीर्ष नेतासँग छलफलपछि सहमति जुटाउने जनाएको थियो।
विजयी हुनेगरी सक्रिय हुनुस् : अध्यक्ष ओली
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले गठबन्धनलाई परास्त गरी विजयका लागि सक्रिय हुन पार्टी पङ्तिलाई निर्देशन दिनुभएको छ । नेपाल यातायात स्वतन्त्र मुजदुर संगठन ई–रिक्सा दमक नगर समितिको तेस्रो नगर अधिवेशनको शुक्रबार यहाँ उद्घाटन गर्दै उहाँले त्यस्तो निर्देशन दिनुभयो ।
काठमाडौंको फोहोर उठाउन नसक्नु लज्जास्पद : विश्वप्रकाश शर्मा
काठमाडौं, भदौ ३ गते। नेपाली कांग्रेसका महामन्त्री विश्वप्रकाश शर्माले काठमाडौंको फोहोर उठाउन नसक्नु लज्जास्पद रहेको बताउनुभएको छ। शुक्रबार काठमाडौंमा आयोजित ‘कमरेडको जनै’ पुस्तक विमोचन कार्यक्रममा बोल्दै महामन्त्री शर्माले तीन तहको सरकार हुँदा पनि काठमाडौंको फोहोर उठाउन नसक्नु लज्जास्पद कुरा भएको बताउनुभएको हो। उहाँले यस्तो लज्जित अवस्थाको अन्त्य गर्नुपर्ने बताउनुभयो । उहाँले फोहोर समस्याको दीर्घकालीन समाधानका लागि सबै राजनीतिक दलहरुले साझा ढङ्गले सोच्नुपर्ने बताउनुभयो। महामन्त्री शर्माले काठमाडौं महानगरपालिकाका प्रमुख बालेन्द्र साहलाई साथ दिनुपर्ने र बञ्चरेडाँडाँका नागरिकको मागको पनि राज्यले सम्बोधन गर्नुपर्ने बताउनुभयो। महामन्त्री शर्माले भन्नुभयो, ‘शासनहरु बदलिन्छन् । राजसंस्थाबाट हामी गणतन्त्रमा पुग्छौँ । यो दलको शासनबाट त्यो दलको शासनमा पुग्छौँ । दलहरुबाट फेरि स्वतन्त्रमा पनि पुग्छौँ। तीन तहको सरकार हुँदै गर्दा पनि बिहान र साँझको गरेर दुई खेपको फोहोर उठाउन नसक्ने अवस्था भनेको लज्जास्पद कुरा हो।’’तीन तहको सरकारले फोहोर उठाउन नसक्नु लज्जाको विषय भएको उहाँको टिप्पणी छ। महामन्त्री शर्माले थप भन्नुभयो, ‘‘मैले अपिल गर्नैपर्छ, भन्नैपर्छ, बिहान एक छाकको साँझ एक छाकको गरेर दुई छाकको फोहोर उठाउन तीन/तीन तहको सरकारले नसक्ने खालको लज्जित अवस्थाबाट यसलाई अन्त्य गर्नुपर्छ।’’उहाँले समस्या समाधानका लागि सङ्घ, प्रदेश र स्थानीय तह सबै जिम्मवार हुनुपर्ने बताउनुभयो।
बहुमत ल्याउने गरी पार्टी निर्वाचनको तयारीमा : सचिव भट्टराई
नेकपा (एमाले)का सचिव योगेशकुमार भट्टराईले आफ्नो पार्टीले आगामी प्रतिनिधिसभा र प्रदेशसभा सदस्य निर्वाचनमा बहुमत ल्याउने गरी तयारी गरिरहेको बताउनुभएको छ । पार्टीको स्वास्थ्य तथा जनसङ्ख्या विभाग प्रमुख समेत रहनुभएका सचिव भट्टराईले प्रतिनिधिसभा र प्रदेशसभा सदस्य दुवैमा बहुमत ल्याएर सरकार बनाउने गरी पार्टीले निर्वाचन तयारी गरिरहेको बताउनुभयो ।
राजनीतिक स्थायित्वका लागि सबै राजनीतिक दलको भूमिका हुन्छ : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहालले राजनीतिक स्थायित्वका लागि सबै राजनीतिक दलहरुको भूमिका रहने बताउनुभएको छ । शुक्रबार काठमाडौंमा आयोजित योङ कम्युनिष्ट लिग ९वाइसिएल० नेपालको दोस्रो राष्ट्रिय भेलालाई सम्बोधन गर्नुहुँदै अध्यक्ष दाहालले राष्ट्रलाई राजनीतिक स्थायित्व दिन सबै दलहरुले आ–आफ्नो पूर्वाग्रह त्याग्नुपर्ने बताउनुभएको हो ।
कांग्रेस नेता पौडेलद्वारा तनहुँबाट उम्मेद्वार बन्ने घोषणा
नेपाली कांग्रेसका वरिष्ठ नेता रामचन्द्र पौडेलले गृह जिल्ला तनहुँबाट नै निर्वाचन लड्ने घोषणा गर्नुभएको छ । शुक्रबार दनौलीमा सञ्चारकर्मीसँग कुरा गनुहुँदै नेता पौडेलले तनहुँको क्षेत्र नम्बर १ बाट निर्वाचनमा उम्मेदवार बन्ने बताउनुभएको हो ।
माओवादी केन्द्रको पदाधिकारी टुङ्गो लागेन, अर्को बैठक भोलि बस्ने
सत्ता साझेदार दल नेकपा (माओवादी केन्द्र)ले शुक्रबार पनि पदाधिकारी टुङ्गो लगाउन सकेन । शुक्रबार बिहान ९ बजेदेखि पार्टी कार्यालय पेरिसडाँडामा बसेको स्थायी कमिटी बैठकमा पदाधिकारी चय गर्ने विषयमा छलफल भएको थियो ।
बिना गठबन्धन बहुमत ल्याउँछौं : अध्यक्ष ओली
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आगामी निर्वाचनमा एमालेले बिना चुनावी गठबन्धन बहुमत सिट जित्ने दावी गर्नुभएको छ । बिहीवार झापाको वनियानीमा आयोजित पार्टी प्रवेश कार्यक्रममा नेता ओलीले गठबन्धनका नाममा जति दल मिले पनि एमालेलाई पराजित गर्न नसक्ने बताउनुभएको हो । एमालेलाई जनताको साथ रहेकाले केही फरक नपर्ने उहाँको भनाइ छ ।
खाद्यान्न, फलफूल र तरकारी विदेशबाट आयात हुनु चिन्ताको विषय : प्रधानमन्त्री देउवा
काठमाडौं, भदौ २ गते। प्रधानमन्त्री शेरबहादुर देउवाले नेपालमा पर्याप्त मात्रामा खाद्यान्न बाली र फलफूल तथा तरकारी जस्ता बागवानी जन्य वस्तु विदेशबाट आयात गर्नुपर्ने अवस्था आउनु चिन्ताको विषय भएको बताउनुभएको छ। बिहीबार खाद्य सुरक्षा सम्बन्धी दुई दिने कार्यशालालाई सम्बोधन गर्नुहुँदै प्रधानमन्त्री देउवाले यस्तो बताउनुभएको हो। उहाँले खाद्य मागलाई स्वदेशबाटै पूर्ति गर्न सबैले प्रयत्न गर्नु आवश्यक रहेकोमा जोड दिनुभयो।प्रधानमन्त्री देउवाले भन्नुभयो, ‘‘नेपालमा पर्याप्त मात्रामा खाद्यान्न बाली र फलफूल तथा तरकारी जस्ता बागवानी जन्य वस्तु उत्पादन गर्न सकिने प्रशस्त सम्भावना हुँदाहुँदै विदेशबाट आयात गर्नुपर्ने अवस्था चिन्ताको विषय हो। मुलुकभित्रै पर्याप्त मात्रामा खाद्यान्न उत्पादन गरेर आन्तरिक खाद्य मागलाई स्वदेशबाटै पूर्ति गर्न सबै प्रयत्नरत हुन आवश्यक रहेको छ।’’ उहाँले नेपालमै पर्याप्त मात्रामा उत्पादन गर्न सकिने खाद्यवस्तु विदेशबाट आयात गर्नुपर्ने अवस्थाले व्यापार घाटा उच्च बन्दै गएको सन्दर्भमा नेपाल सरकारले कार्यान्वयनमा ल्याएका कृषि आधुनिकीकरण परियोजना, चैते धान र बर्षे धान प्रवर्द्धन जस्ता कार्यक्रमबाट खाद्य सुरक्षा सम्बन्धी समस्या समाधान गर्न केही हदसम्म मद्दत पुग्ने विश्वास व्यक्त गर्नुभएको छ। सैनिक मुख्यालय जंगी अड्डामा दुई दिनसम्म चलेको ‘नेपालमा खाद्य सुरक्षा’ विषयक कार्यशाला बिहीबार सम्पन्न भएको छ। प्रधानमन्त्री देउवाको उपस्थितिमा कार्यशाला सम्पन्न भएको हो।खाद्य सुरक्षा सम्बन्धी समष्टिगत अवस्थाको मूल्याङ्कन, विद्यमान नीति एवं कार्यान्वयन तहमा परिमार्जन गर्न उपयुक्त विषयको विश्लेगषण गरेर राय सुझाव प्रस्तुत गर्ने उद्देश्य अनुरुप राष्ट्रिय सुरक्षा परिषद्को सचिवालय र नेपाली सेनाको संयुक्त आयोजनामा दुई दिने कार्यशाला गरेको हो। प्रधानमन्त्री देउवाले खाद्य सुरक्षा जस्तो समसामयिक तथा महत्वपूर्ण विषयमा विषय विज्ञ र सरोकारवाला निकायका प्रतिनिधिलाई सहभागी गराई आयोजित सेमिनारका लागि नेपाली सेना र राष्ट्रिय सुरक्षा परिषद्को सचिवालयलाई धन्यवाद दिनुभयो।यस किसिमको सेमिनारले सरोकारवाला निकायलाई खाद्य सुरक्षाका विविध पक्षका बारेमा जानकारी प्राप्त हुनुका साथै आगामी दिनमा खाद्य सुरक्षा सम्बन्धी मार्ग निर्देशन गर्ने विश्वास गरिएको छ।
माओवादीको स्थायी समिति बैठक शुक्रबारसम्मका लागि स्थगित
काठमाडौं, भदौ २ गते। सत्ता साझेदार दल नेकपा (माओवादी केन्द्र) को बिहीबार दिउँसो ४ बजे बस्ने भनिएको बैठक स्थगित भएको छ। माओवादी केन्द्रीय कार्यालय सचिव डोरप्रसाद उपाध्यायले प्रतिनिधिसभा संसद बैठकमा नेता जानु भएकोले बिहीबारको बैठक स्थगित भएको जानकारी दिनुभयो।स्थायी समिति, पदाधिकारी र पोलिट्ब्यूरो समिति टुंग्याउने बारेमा माओवादी केन्द्रको स्थायी समितिको बैठक निरन्तर बस्दै आएको छ। बिहीबार बिहान ८ बजे बस्ने भनिएको बैठक दिउँसो सारिएको थियो।उपाध्यायले भन्नुभयो, “पोलिट्ब्यूरो, स्थायी समिति सदस्य र पदाधिकारीको नाम अहिलेसम्म टुंगिएको छैन। सञ्चार माध्यममा कतिपय नामहरु अनुमानका भरमा पनि आएका छन्।” अब बस्ने बैठकमा पार्टी अध्यक्ष पुष्पकमल दाहाल ‘प्रचण्ड’ ले पदाधिकारीको नाम घोषणा गर्नुहुने उहाँको भनाइ छ।माओवादी केन्द्रको आठौं राष्ट्रिय महाधिवेशन गत पुसमा सम्पन्न भएको थियो। त्यसयता, पदाधिकारी चयन गर्न पटक–पटक बैठक बसे पनि यो टुंगिन सकेको छैन। यद्दपि, अबको बैठकले यसलाई अन्तिम रुप दिने दाबी नेताहरुले गर्नुभएको छ।
सरकारमा सहभागी हुनेबारे प्रधानमन्त्रीसँग लोसपाका नेताको छलफल
प्रधानमन्त्री एवं नेपाली कांग्रेसका सभापति शेरबहादुर देउवासँग लोकतान्त्रिक समाजवादी पार्टी (लोसपा) नेपालका नेताले सत्ता गठबन्धनमा सहभागिता एवं समसामयिक राजनीतिक विषयमा छलफल गर्नुभएको छ।
उम्मेदवार छनौट गर्न समाजवादीले बनायो आठ मापदण्ड
सत्ता साझेदार दल नेकपा (एकीकृत समाजवादी) ले आगामी निर्वाचनको उम्मेदवार छनौटका लागि आठ मापदण्ड तय गरेको छ।
नागरिकता विधेयकमा प्रतिपक्षी दलले राजनीति गरेको वर्षमान पुनको आरोप
सत्ता साझेदार नेकपा (माओवादी केन्द्र)का नेता वर्षमान पुनले नागरिकता विधेयकमाथि प्रमुख प्रतिपक्ष एमालेले राजनीतिक गरिरहेको आरोप लगाउनु भएको छ।
