शिवसताक्षी नगरपालिकामा दमकल किन्ने निर्णय
झापाका १५ वटै स्थानीय तहका प्रमुख, उपप्रमुख एवं अध्यक्ष, उपाध्यक्षहरु सहित वडाध्यक्षहरुले आफ्नो कार्यभार सम्हाल्नु भएको छ । मतपरिणाम एकैसाथ नआएकाले जिल्लामा दूई चरणमा प्रमुख तथा अध्यक्षहरुले शपथग्रहण गरेर आफ्नो कार्यभार सम्हाल्न भएको हो ।
दुईदिने बिदाका कारण अस्पतालमा बिरामीको चाप
साताको दुई दिन सार्वजनिक बिदा दिने सरकारको निर्णय कार्यान्वयनको असर सरकारी अस्पतालमा परेको छ । शनिबार र आइतबार भएको सार्वजनिक बिदापछि सोमबार खुलेको कोसी अस्पताल विराटनगरमा बिहानैदेखि बिरामीको भीड लाग्दा उपचार र व्यवस्थापन लथालिङ्ग हुन पुगेको छ ।
बर्खामा पनि सडक सञ्चालनको पहल
ताप्लेजुङको मैवाखोला हुँदै संखुवासभा, तेह्रथुमको बसन्तपुर जोड्ने सडक मदन भण्डारी राजमार्गलाई हिउँद–बर्खै सञ्चालन गर्नेगरी पहल सुरु गरिएको छ । हिउँद मौसममा मात्र सञ्चालन हुँदै आएको राजमार्गलाई बर्खामा पनि सञ्चालन गर्न पहल सुरु गरिएको हो ।
अट्ठाइस फर्मलाई जरिवाना
मोरङ उर्लाबारीकी ताराकुमारी बस्नेतले विराटनगर–२ मा रहेको सिटी मार्बल्स फर्मबाट कमोड (शौचासन) खरिद गर्नुभयो । विराटनगरमा केही सुलभ मूल्य पर्ला भनेर आउनुभएकी बस्नेतले एउटा कमोडलाई २६ हजार पाँच सय रुपियाँ भुक्तानी गर्नुभयो ।
सिन्धुलीमा पाठ्यपुस्तक बिना पठनपाठन सुरु
सिन्धुली जिल्लामा नयाँ शैक्षिक सत्रको सुरुसँगै अधिकांश सामुदायिक विद्यालयले पाठ्यपुस्तक बिना नै पठनपाठन सुरु गरेको छ ।
फौजी किराले मकैको बिरुवा नष्ट गरेपछि कृषक मर्कामा
उदयपुरको त्रियुगा नगरपालिका क्षेत्रका केही वडामा भर्खरै हुर्कँदै गरेका मकैका पात र बिरुवा फौजी किराले नष्ट गर्न थालेपछि कृषक चिन्तित बनेका छन् । नगरको वडा नं १२ को पुरानो गाईघाट, वडा नं ११ को साकेला टोल तथा वडा नं १३ को असारी क्षेत्रमा अहिले फौजी किराले हुर्कँदै गरेका मकैका पात नष्ट गरेपछि बिरुवा मर्न थालेका छन् । “मकैका बिरुवाका पात सबै फौजी किराले नष्ट बनायो, बिरुवा नै मर्न थाले”, त्रियुगा–१२ साधना टोलका गडुरध्वज धमलाले भन्नुभयो ।
भेडेटारमा विद्युत महसुल काउन्टर सुरु
नेपाल विद्युत प्राधिकरण धनकुटा वितरण केन्द्रले साँगुरीगढी गाउँपालिकास्थित भेडेटारमा विद्युत महशुल संकलन काउन्टर सुचारु गरेको छ ।
दुई पालिका प्रमुखमा महिला
झापामा पुरुषको तुलनामा महिला मतदाताको सङ्ख्या बढी भए पनि पालिकाको नेतृत्वमा भने कम प्रतिनिधित्व भएको पाइएको छ । कुल १५ पालिका रहेको झापा जिल्ला बिर्तामोड नगरपालिकाको प्रमुखमा एमालेबाट महिला नेतृ पवित्रा महतरा प्रसाई र गौरीगञ्ज गाउँपालिकामा नेपाली कांग्रेसबाट उम्मेदवार बन्नुभएकी फूलमती राजवंशी गाउँपालिका प्रमुखमा विजयी हुनुभए पनि झापामा १३१ वडामा एक जना पनि महिलाको प्रतिनिधित्व हुन सकेन ।
फुङ्लिङ नगर कार्यपालिकामा गठबन्धन विजयी
ताप्लेजुङको फुङलिङ नगर कार्यपालिकामा गठबन्धनका उम्मेदवार विजयी भएका छन् । नगर कार्यपालिका सदस्य चयनका लागि बुधबार भएको निर्वाचनमा सत्ता गठबन्धनका सबै उम्मेदवार विजयी भएका हुन् ।
वन उपभोक्ता समूहका अध्यक्षसहित पाँचलाई भ्रष्टाचारको आरोप
अख्तियार दुरुपयोग अनुसन्धान आयोगले मोरङ जिल्लाको मिक्लुङ सामुदायिक वन उपभोक्ता समूहका तत्कालीन अध्यक्षसहित पाँचजनाविरुद्ध भ्रष्टाचार गरेको अभियोगमा आरोपपत्र दायर गरेको छ ।
जन्मदिनमा सडक बत्ती जडान
लीलाराज खड्का बिर्तामोड, जेठ ११ गते । झापाको कनकाई नगरपालिका –३, कनकाई टोलका रमेशचन्द्रबाबु मैनालीले आफ्नो जन्मदिनको फजुल खर्चलाई कटाएर गाउँमा सडक बत्ती लगाउनुभएको छ ।फजुल खर्च रोकेर आफ्नो गाउँमा निजी खर्चमै सडकबत्ती बालिदिएपछि कम्तीमा मेरो गाउँमा साँझविहान सबैले हिँड्न पाउने भएको उहाँले प्रतिक्रिया दिनुभयो ।‘‘जन्मदिनको पार्टी खाएको भए एकदिनमै सकिने थियो तर यो सडक बत्ती बाल्दा महिनौं उज्यालोमा हिँड्न पाइने भयो ’’ स्थानीय देउमान राइले भन्नुभयो । रमेशले यसअघि आफ्नो छोराको जन्मदिनमा समेत खेलाडीलाई खेल सामाग्री र अनाथ आश्रमका केटाकेटीलाई खानेकुरा वितरण गर्नुभएको थियो ।
-original-thumb.jpg)
प्रदेश १ को बजेट अधिवेशन जेठ १६ गते आह्वान
प्रदेश नं १ को प्रदेशसभाको दशौँ तथा बजेट अधिवेशन यही जेठ १६ गते सोमबार बिहान ११ बजेका लागि आह्वान गरिएको छ । प्रदेश प्रमुख परशुराम खापुङले प्रदेश सरकार मन्त्रिपरिषद्को सिफारिसअनुसार बैठक आह्वान गर्नुभएको हो ।
बसको ठक्करबाट प्रहरीसहित दुई जनाको मृत्यु
पूर्वपश्चिम राजमार्गस्थित शिवसताक्षी नगरपालिका धरमपुर सडकखण्डमा बुधबार बिहान साढे ७ बजे यात्रुवाहक बसको ठक्करबाट प्रहरी जवानसहित दुई जनाको मृत्यु भएको छ ।
आमाको हत्याको आरोपमा छोरा पक्राउ
धरान उपमहानगरपालिकाको वडा नं १४ विजयपुरका २५ वर्षीय सौगात सुवेदीलाई आमाको हत्या गरेको आरोपमा प्रहरीले पक्राउ गरेको छ ।
प्रदेश सभाको दसौँ अधिवेशन आह्वान
प्रदेश १ को प्रदेश सभाको दसौँ बजेट अधिवेशन आगामी जेठ १६ गते सोमबारका लागि आह्वान गरिएको छ । मङ्गलबार प्रदेश प्रमुखको कार्यालयले विज्ञप्ति प्रकाशित गर्दै प्रदेश सभाको बजेट अधिवेशन आह्वान गरेको जानकारी सार्वजनिक गरेको हो । प्रदेश सरकारको मन्त्रिपरिषद्को बैठकले प्रदेश सभाको अधिवेशन बोलाउन प्रदेश सरकार समक्ष सिफारिस गर्ने निर्णयअनुसार प्रदेश प्रमुखले अधिवेशन आह्वान गर्नुभएको छ । आगामी सोमबारबाट सुरु हुने प्रदेश सभा बैठकमा प्रदेश सरकारले नीति तथा कार्यक्रम प्रस्तुत र छलफलका साथै पूर्व बजेटमा छलफल गर्ने कार्यक्रम रहेको जनाइएको छ ।
विपन्नका लागि एक हजार घर बनाइने
झापाको अर्जुनधारा नगरपालिकाका प्रमुख बलदेव गोम्देनले गरिब परिवारका लागि आफ्नो कार्यकालभरमा कम्तीमा एक हजार घर बनाउने प्रतिबद्धता व्यक्त गर्नुभएको छ । “मेरा कार्यकालमा अतिविपन्न घरबार विहीन एक हजार परिवारले घर पाउनेछन्,” उहाँले भन्नुभयो । यसका लागि वार्षिक दुई सय घर बनाउनुपर्ने हुन्छ ।
ताप्लेजुङमा वडाध्यक्षमा महिला शून्य
ताप्लेजुङमा यसपटक वडाध्यक्षमा महिला शून्य भएका छन् । वैशाख ३० गते सम्पन्न स्थानीय तह निर्वाचनमा वडाध्यक्षका प्रत्यासी अत्यन्तै न्यून भएपछि कोही पनि निर्वाचित नभएकाले महिला शून्य भएका हुन् ।
-original-thumb.jpg)
झापामा एमालेलाई जिल्ला समन्वय समिति बनाउन सुविधाजनक बहुमत
लीलाराज खड्का बिर्तामोड, जेठ १० गते । झापामा जिल्ला समन्वय समिति गठन गर्न नेकपा एमालेलाई बहुमत जुटेको छ । कुल १५ पालिका रहेको झापा जिल्लामा पालिका प्रमुख र उपप्रमुख गरी ३० मत भार रहेकोमा झापामा यसपटक एक्लै १७ जना पालिका प्रमुख र उपप्रमुख जित्दै बहुमतसहित झापामा एमाले पहिलो दल बनेको छ । १६ मत ल्याउँदा झापामा जिल्ला समन्वय समितिको प्रमुख, उपप्रमुख र समन्वय समिति गठन गर्न सक्छ । झापामा एमालेपछि नेपाली कांग्रेसले कुल ९ पदमा विजयी हुँदै दोस्रो र कुल ४ पदमा विजयी हुँदै झापामा राप्रपा तेस्रो ठूलो दल बनेको छ । यसअघि २०७४ सालको निर्वाचनमा नेकपा एमालेले कुल १९ पदमा विजयी हुँदै पहिलो दल बनेर एकलौटी रुपमा जिल्ला समन्वय समिति गठन गरेको थियो । यसपटक नेकपा एमालेले शिवसताक्षी नगरपालिका, बाह्रदशी गाउँपालिका, अर्जुनधारा नगरपालिका, बिर्तामोड नगरपालिका, मेचीनगर नगरपालिका, गौरादह नगरपालिका गरी ६ वटा पालिकामा पालिका प्रमुख र उपप्रमुख दुबैमा नेकपा एमालेले विजयी हुँदा कनकाई नगरपालिकामा नगरप्रमुखमा विजयी भएको छ । यता, बुद्धशान्ति गाउँपालिका, कचनकवल गाउँपालिका, कमल गाउँपालिका र गौरीगञ्ज गाउँपालिकामा उपाध्यक्ष पदमा एमाले विजयी भएको छ । नेपाली कांग्रेसले झापा गाउँपालिकामा गाउँपालिका अध्यक्ष र उपाध्यक्ष दुबैमा विजयी हुँदा, बुद्धशान्ति गाउँपालिका,भद्रपुर नगरपालिका, कचनकवल गाउँपालिका, कमल गाउँपालिका र गौरीगञ्ज गाउँपालिकामा पालिका प्रमुख र कनकाई नगरपालिका, दमक नगरपालिकाममा पालिका उपप्रमुखमा नेपाली कांग्रेसले जित निकालेको छ । राप्रपाले भने झापामा हल्दिबारी गाउँपालिकामा अध्यक्ष र उपप्रमुख दुबैमा जित निकालेको छ । यो राप्रपाका अध्यक्ष राजेन्द्र लिङ्देनको गृह नगर हो । राप्रपाले दमक नगरपालिकामा कांग्रेस, माओवादीसहितको गठबन्धनबाट नगरप्रमुख जितेको छ । यो एमाले अध्यक्ष केपी शर्मा ओलीको गृहनगर हो । यसबाहेक राप्रपाले भद्रपुर नगरपालिकामा नगर उपप्रमुखमा जितेको छ । झापामा कुल १६१ वडामध्ये एमालेले ६१ वडा जित्दा, नेपाली कांग्रेसले ५१ वटा वार्ड माओवादी केन्द्र र राप्रपाले समान ७÷७ वटा वडा जित्दा नेकपा एकीकृत समाजवादीले १ वटा वडा र स्वतन्त्रले ४ वटा वडामा विजयी भएको छ ।
झापामा नवनिर्वाचित जनप्रतिनिधिका विभिन्न निर्णय सार्वजनिक
विष्णुप्रसाद पोखरेलदमक, जेठ १० गते । झापामा नवनिर्वाचित जनप्रतिनिधिले आफ्नो कार्यभार सम्हाल्न शुरु गरेपछिको पहिलो निर्णय सार्वजनिक गर्न थाल्नुभएको छ । विशेष गरेर नगर प्रमुख र उपप्रमुखले आफ्नो सोचलाई पहिलो निर्णयको रुपमा अघि सार्नुभएको पाइएको छ ।झापाको अर्जुनधारा नगरपालिकाका बलदेव गोम्देनले विपन्न परिवारका लागि आफ्नो कार्यकालभरमा कम्तीमा एक हजार घर बनाइदिने बताउनुभएको छ । आफ्नो कार्यकालमा अति विपन्न घरवारविहीन एक हजार परिवारले घर पाउनेछन्, उहाँले भन्नुभयो । वार्षिक दुई सय घर बनाउनुपर्ने हुन्छ ।भद्रपुर नगरपालिकाले दीर्घरोगले थलिएका बिरामीको उपचारका लागि दिइँदै आएको यातायात खर्चलाई दोब्बर बनाउने नगरप्रमुख गणेश पोखरेलले बताउनुभएको छ । यो निर्णयमा उहाँले हस्ताक्षर पनि गर्नुभएको छ । यसअघि दीर्घरोग लागेका बिरामीलाई पाँच हजार रुपियाँ यातायात खर्च दिँदै आएकोमा यसलाई बढाएर १० हजार बनाइएको छ, पोखरेलले भन्नुभयो । यहाँ रहेका आदिवासी सन्थाल समुदायको स्वास्थ्य बीमा नगरपालिकाले गरिदिने पनि उहाँले जनाउनुभएको छ । यता, हल्दीबारी गाउँपालिकाले गाउँपालिकाले ज्येष्ठ नागरिक, गर्भवती महिला, फरक क्षमता भएकालाई गाउँपालिकामा कार्यरत चिकित्सक तथा स्वास्थ्यकर्मीले घरदैलोमार्फत स्वास्थ्य सेवा प्रदान गर्ने निर्णय गरेको छ । अध्यक्ष रवीन्द्र लिङ्देनले पदभार ग्रहण गर्दै यस्तो निर्णय सुनाउनुभएको हो । गाउँपालिकाभित्रका सडक तत्काल मर्मत गर्ने र वर्षाको समयमा कसैले पनि यातायातको झमेला बेहोर्नुपर्ने अवस्था आउने नदिने पनि उहाँले बताउनुभयो ।बिर्तामोड नगरपालिकाकी प्रमुख पवित्रा महतरा प्रसाईंका अनुसार निम्नवर्गका जनताको पहिचान गरी निःशुल्क स्वास्थ्य बीमा गर्ने र ५ वर्षभित्रमा नगरमा पर्याप्त सिँचाइको व्यवस्था गर्ने निर्णय भएको छ । कृषकले उत्पादन गरेका कृषि उपजको बजार व्यवस्थापन र प्रशोधनसँगै उद्यमशीलतालाई अगाडि बढाउन उत्पादन वृद्धिका लागि सिँचाइको व्यवस्था गरिने निर्णय भएको बताउनुभयो ।दमक नगरपालिकाले आधारभूत स्वास्थ्य केन्द्रहरुमार्फत निःशुल्क रुपमा सुगर जाँचको व्यवस्था गर्ने पहिलो निर्णय गरेको छ । अब स्वास्थ्य केन्द्रहरुमा निःशुल्क रुपमा नगरवासीहरुले स्वास्थ्य परीक्षण गर्न पाउनेछन् । दमक नगरपालिका प्रमुख राम थापाका अनुसार सुकुम्बासी बस्तीको एक सडकलाई लकिङ टायल लगाउने योजनामा पहिलो हस्ताक्षर भएको छ ।
त्रियुगा नगरपालिकामा मतगणना सुरु
विवादका कारण रोकिएको उदयपुरको त्रियुगा नगरपालिकाको मतगणना मङ्गलबारबाट मुख्य निर्वाचन अधिकृतको कार्यालय बोक्सेमा सुरु भएको छ ।
वैशाख महिनामा ११ जनाले गरे आत्महत्या
जिल्लामा रहेका सात स्थानीय तहमा एक महिनामा ११ जनाले आत्महत्या गरेका छन् । २०७९ वैशाख महिनामा ज्यान सम्बन्धी १६ वटा घटना घटेकोमा ११ जनाले आत्महत्या गरेको जिल्ला प्रहरी कार्यल धनकुटाले जनाएको छ ।
गरिब तथा विपन्न परिवारलाई निःशुल्क स्वास्थ्य बीमा
धनकुटा जिल्लामा सात स्थानीय तह छन् । जसमध्येको एक स्थानीय तह महालक्ष्मी नगरपालिकामा नवनिर्वाचित नगरप्रमुखका रुपमा धु्रब रायले आफ्नो पदभार ग्रहण गर्नुभएको छ ।
सुनसरीमा कांग्रेस पहिलो
१२ वटा स्थानीय तह रहेको सुनसरीमा सातवटा प्रमुख जितेर नेपाली कांग्रेस पहिलो बनेको छ । दुई उपमहानगरपालिका, चार नगरपालिका र छ गाउँपालिका रहेको सुनसरीमा कांग्रेसले छवटा तहमा उपप्रमुखसमेत जितेको छ । यता दोस्रो स्थानमा रहेको नेकपा (एमाले)ले तीन पालिकाको प्रमुख र पाँच पालिकाको उपप्रमुखमा जित हासिल गरेको छ ।
पदभार ग्रहणसँगै विराटनगर महानगरमा दुई निर्णय
विराटनगर महानगरपालिकामा निर्वाचित प्रमुख नागेश कोइराला र उपप्रमुख शिल्पा निरौला कार्कीले पदभार ग्रहण गर्नुभएको छ । सोमबार शपथग्रहण लगतै महानगरपालिका प्रमुख र उपप्रमुखले पदभार ग्रहण गर्नुभएको हो । पदभार ग्रहण गरेको दिन महानगरपालिकाका प्रमुख र उपप्रमुखले दुईवटा निर्णयमा हस्ताक्षर गर्नुभएको छ । प्रमुख कोइरालाले महानगरपालिकामा करको दायरा बढाउने र दरलाई घटाउने निर्णय गर्नुभएको छ । यसैगरी उपमेयर कार्कीले महानगरपालिकामा लैङ्गिक हिंसा निवारण कोष स्थापना गर्ने निर्णयमा हस्ताक्षर गर्नुभएको छ ।
झापाको मेचीनगरमा एमाले विजयी
झापाको मेचीनगर नगरपालिकाको प्रमुख र उपप्रमुख दुबै एमालेका उम्मेद्वारहरु विजयी हुनु भएको छ ।
