नायक शाहको मुद्दाको आज नवलपुरमा पेसी हुँदै
नायक पूर्णविक्रम (पल शाह)को जबरजस्ती करणी मुद्दाको आज नवलपुरमा पेसी तोकिएको छ । यसैगरी भदौ १५ गतेको लागि तनहुँ जिल्ला अदालतमा तोकिएको छ । नवलपुर जिल्ला अदालतमा भदौ ८ र तनहुँ जिल्ला अदालतमा भदौ १५ गते लागि पेसी तोकिएको तनहुँ कारागारका निमित्त जेलर नारायणप्रसाद अधिकारीले जानकारी दिनुभयो ।
'महापुरुष'को पोस्टर सार्वजनिक
काठमाडौं, भदौ ७ गते । हास्य कलाकार मदनकृष्ण श्रेष्ठ र हरिवंश आचार्य अभिनित फिल्म 'महापुरुष'को पोस्टर सार्वजनिक गरिएको छ । मंगलबार सार्वजनिक गरिएको पोस्टरमा हरिवंश र डेब्यू अभिनेता अरुण क्षेत्रीलाई प्रस्तुत गरिएको हो । फिल्ममा अरुण हरिवंशका कान्छा छोराको रुपान देखिनेछन् । सामाजिक विषयवस्तुमा आधारित फिल्ममा मदनकृष्ण, हरिवंश र अरुणसँगै गौरी मल्ल, अन्जना बराइली, रविन्द्र सिंह बानियाँ, राजाराम पौडेल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्य, प्रज्वल पराजुलीलगायत कलाकारको अभिनय छ ।फिल्ममा प्रदीप भट्टराईको लेखन तथा निर्देशन रहेको छ । षट्कोण आर्ट्स प्रालिको ब्यानरमा निर्माण भएको यस फिल्ममा कार्यकारी निर्माता रविन्द्र सिंह बानियाँ र दिपेश खत्री निर्माता हुनुहुन्छ। दीपक बज्राचार्यको छायांकन गर्नुभएको फिल्मलाई मित्र डि गुरुङले सम्पादन गर्नुभएको हो । फिल्म कार्तिक ११ अर्थात् भाइटीकाको भोलिपल्ट प्रदर्शन हुने तयारीमा छ ।
फिल्म 'मिलन' कार्तिक १८ मा
काठमाडौं, भदौ ७ गते । फिल्म ‘मिलन’को प्रदर्शन मिति सार्वजनिक गरिएको छ । टेक पौरखी राईले निर्देशन गर्नुभएको फिल्मको मंगलबार ‘फष्र्ट लुक्स’ सार्वजनिक गर्दै कार्तिक १८ गतेका लागि प्रदर्शन मिति तोकिएको हो । फिल्मको सार्वजनिक पोष्टरमा अभिनेता कुशल शाह ठकुरी र अभिनेत्री शिल्पा थापा फिचर छन् । त्रिकोणात्मक प्रेम कथामा आधारित यस फिल्मको कथा पनि निर्देशक राईले नै लेख्नुभएको हो । फिल्ममा अभिनेता सलोन बस्नेतको पनि मुख्य भूमिका रहेको छ । फिल्ममा शिशिर बांग्देल, सुमिन गुरुङ, जानुका पौडेल, रेजिना एक्चै मगर, डेनियल खड्का, करन थापा मगर लगायतका कलाकारको पनि अभिनय रहेको छ ।फिल्मका निर्माता प्रविन थापा हुनुहुन्छ भने फिल्ममा राहुल राईको छायांकन रहेको छ । फिल्म किम्बे थापाले सम्पादन गर्नुभएको हो ।
स्वीमसुटमा मिस युनिभर्स नेपालका प्रतिस्पर्धी
मिस युनिभर्स नेपाल २०२२ का प्रतिस्पर्धीहरुले स्वीमसुट राउणमा प्रस्तुती प्रदर्शनी गरेका छन् ।
'आईईसी डिजाइनर रनवे ११' फेसन शो
काठमाडौं, भदौ ६ गते । ‘आईईसी डिजाइनर रनवे ११’ फेसन शो काठमाडौंमा सम्पन्न भएको छ । आईईसी कलेजको आयोजनामा भएको कार्यक्रममा नेपाल र भारतका दर्जनौं मोडलको सहभागिता थियो । रनवेको शो-टपरस्का रुपमा नायिका आँचल शर्मा, पूर्व मिस नेपाल नम्रता श्रेष्ठ, अस्मी श्रेष्ठ र नायक आकाश श्रेष्ठ थिए । सहभागीहरूले आईईसी कलेजबाट दिक्षित विद्यार्थीहरुले डिजाइन गरेको ड्रेसमा सजिएर विभिन्न १२ वटा सिक्वेन्समा र्याम्पमा उत्रिएका थिए । दरबारमार्गस्थित होटल याक एण्ड एतिमा सम्पन्न उक्त फेसन शो नेक्स्ट मोडल्स नेपालले व्यवस्थापन गरेको हो।
जुम्लामा फिल्म 'प्रकाश'को प्रिमियर
काठमाडौं, भदौ ६ गते । जुम्लाको दुर्गम गाउँमा पहिलो पटक फिल्म 'प्रकाश'को विश्वव्यापी प्रिमियर गरिएको छ । भदौको १० गतेबाट रिलिज हुन लागेको यो फिल्मको आइतबार साँझ पातारासी गाउँपालिकाको तिर्खु गाउँमा अवस्थित ऋणमोक्ष माध्यमिक विद्यालयको परिसरमा प्रिमियर गरिएको हो ।हल र बिजुली नभएका गाउँमा फिल्म निर्माण टिमले नै जेनेरेटर र प्रोजेक्टरको व्यवस्था गरि फिल्म देखाइएको हो । फिल्मको प्रिमियरमा नायक प्रदीप खड्का र लेखक विकास सुवेदी उपस्थिति थियो । कलाकारको स्वागतमा गाउँलेले झाँकी निकालेका तस्बिरहरु अभिनेता प्रदीप खड्काले सामाजिक सञ्जालमार्फत सार्वजनिक गर्नुभएको छ । जुम्लामै सुटिङ गरिएको फिल्ममा शिक्षक बन्न एक युवाले गर्नुपरेका सङ्घर्षको कथालाई प्रस्तुत गरिएको छ । दिनेश राउतको निर्देशनमा तयार भएको यो फिल्ममा प्रदीप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाहीलगायतका कलाकारको अभिनय छ ।विकास सुवेदीको लेखन रहेको फिल्ममा राजेश श्रेष्ठको छायाङ्कन, जीवन थापाको सम्पादन, सुवास भुषाल, दीपक शर्मा, तारा प्रकाश लिम्बू र एलिस कार्कीको सङ्गीत, उत्तम न्यौपानेको साउण्ड डिजाइन र शैलेश श्रेष्ठको पार्श्व सङ्गीत छ । फिल्मका निर्माता महेन्द्र अधिकारी हुनुहुन्छ ।
'प्रेमगीत ३'को हिन्दी संस्करणका चार गीत रिलिज
काठमाडौं, भदौ ६ गते । फिल्म 'प्रेमगीत ३'को हिन्दी संस्करणका चार गीत रिलिज गरिएको छ । 'जी म्युजिक'ले सार्वजनिक गरेको फिल्मका गीतहरुमा जुबिन नौटियाल, पलक मुछल, राहत फतेह अली खान, अङ्कित तिवारी र देव नेगीले स्वर भर्नुभएको छ । ‘कोही ना कोही नाता हे मेरा तुजसे’मा जुबिनको स्वर र पवनदीप राजनले सङ्गीत दिनुभएको छ । ‘जहाँ भी जाओ ए सनम बस तु ही तु’ गीतमा राहत फतेह अली खानको स्वर छ । यस्तै, ‘तुम प्यार हो’ गीतमा पलक र अङ्कितको स्वर छ भने ‘मुझे में बस जाना’मा पलक मुछल र देव नेगीको स्वर छ ।सन्तोष सेन र छेतेन गुरुङले निर्देशन गर्नुभएको यस फिल्म असोज ७ गते नेपाल र भारतसहितका देशमा रिलिज हुने भएको छ ।
ऋचालाई उत्कृष्ट अभिनेत्रीको अवार्ड
अभिनेत्री ऋचा शर्माले छोटा चलचित्र ‘ब्लड मनी’बाट उत्कृष्ट अभिनेत्रीको अवार्ड हात पार्न सफल हुनुभएको छ। उहाँले टाइटन इन्टरनेसनल फिल्म फेस्टिभलमा यो अवार्ड जित्नुभएको हो। अवार्डको घोषणा भए पनि यसको वितरण भने डिसेम्बर १७ मा सिड्नीमा हुने जनाइएको छ। शर्माले अवार्ड समारोहमा उपस्थितिका लागि फेस्टिभल आयोजकबाट निमन्त्रणा आइसकेको बताउनुभयो।
'फूलै फूल दिन्छौ कि' सार्वजनिक
काठमाडौं, भदौ ५ गते । गायक शिव परियारको नयाँ म्युजिक भिडियो 'फूलै फूल दिन्छौ कि' सार्वजनिक गरिएको छ । गीतको भिडियो 'आशिष अविरल'को अफिसियल युट्युब च्यानलमार्फत सार्वजनिक गरिएको छ ।आनन्द अधिकारीको शब्द रहेको गीतमा आशिष अविरलले सङ्गीत दिनुभएको छ । विवेक रसाइलीको निर्देशनमा बनेको म्युजिक भिडियोमा आकाश श्रेष्ठ र करुणा श्रेष्ठको अभिनय देख्न सकिन्छ । भिडियोको छायाङ्कन सौरभ लामिछानेले गर्नुभएको हो भने भिडियोलाई भूपेन्द्र अधिकारीले सम्पादन गर्नुभएको हो ।
पाकिस्तानी गायिका नायरा नूरको निधन
काठमाडौं, भदौ ५ गते । पाकिस्तानी चर्चित गायिका नायरा नूरको आइतबार निधन भएको छ । भारतीय सञ्चारमाध्यम डिएनएका अनुसार ‘बुलबुल–ए–पाकिस्तान’नामबाट चिनिने ७१ नूरका भतिजा राणा जैदीले उहाँको निधनबारे जानकारी दिनुभएको हो । ‘तेरा साया जहां भी हो सजना’, ‘पलक बिछा दूं’, ‘मुझे दिल से ना भुलाना’, ‘चाहे रोके जमाना’, ‘टूट गया सपना’, इतना भी ना चाहो मुझे, ‘तू ही बता’, ‘पगली पवन’, ‘वतन की मिट्टी गवाह रहना’, ‘ऐ जज्बा–ए–दिल’जस्ता गीतहरुमा उहाँले स्वर भर्नुभएको छ।
रोचक कथा बोकेको ‘दोबारा’
चलचित्र ‘दोबारा’को कथा रोचक बनेको छ। चलचित्रले सुरुदेखि अन्त्यसम्म दर्शकलाई उत्साह जगाउने काम गर्छ। यो एउटा थ्रिलर चलचित्र हो, जसमा तापसी पन्नु, पावेल गुलाटी, राहुल भट्ट जस्ता कलाकारको अभिनय देख्न सकिन्छ। स्पेनिस चलचित्र ‘मिराज’को रिमेक हो ‘दोबारा’ ।
तीज गीत 'छुनुमुनु गर्दै' सार्वजनिक
काठमाडौं, भदौ ४ गते । गीतकार शान्तिप्रियको तीज गीत 'छुनुमुनु गर्दै' सार्वजनिक गरिएको छ । राकेश सोनीको संगीत तथा संगीत संयोजन रहेको गीतमा बिन्दु बिसीले स्वर भर्नुभएको छ । भिडियोमा अप्सरा पुरी, वर्षा तामाङ र झरना परियारको अभिनय देख्न सकिन्छ । हेरुका लामाले निर्देशन गर्नुभएको भिडियोमा छायाङ्कन तथा सम्पादन बज्र ङ्यासुरको छ । भिडियोमा कोरियोग्राफी निर्देशक लामाले नै गर्नुभएको हो ।
नयाँ तीन नेपाली चलचित्र प्रदर्शनमा
शुक्रबार सिनेमाघरहरूमा नयाँ तीन नेपाली चलचित्र प्रदर्शनमा आएका छन्। रञ्जित रौनियारको ‘माइकल अधिकारी’, दीपक वली निर्देशित ‘कृष्णलीला’ र परिच्छेद सेन निर्देशित ‘प्रेमगञ्ज’ प्रदर्शनमा आएका हुन्।
फिल्म 'भगवद् गीता' बन्ने
काठमाडौं, भदौ ३ गते । झरना थापाको निर्देशनमा बन्ने फिल्म ‘भगवद् गीता’को औपचारिक घोषणा भएको छ । श्रीकृष्ण जन्माष्टमीको अवसरमा शुक्रबार युट्युबबाट फिल्मबारे जानकारी दिइएको हो । जनकपुरधामको जानकी मन्दिरमा खिचिएको दृश्यमा सुहाना रामजानकी भक्तको रुपमा उहाँकाे प्रस्तुती देख्न सकिन्छ ।सार्वजनिक टिजरले फिल्मको मुख्य पात्र गीतको चरित्रलाई स्थापित गरेको छ । फिल्मको नायक भने सार्वजनिक गरिएको छैन ।२०८० सालको वैशाख १ गतेकाे रिलिज घोषणासमेत गरिएको छ । सुहाना थापाकै होमप्रोडक्सन सुहाना इन्टरटेनमेन्ट र सुनिल थापा प्रोडक्सनको ब्यानरमा निर्माण हुन लागेको फिल्मको सहनिर्माता र अमेरिका वितरकको रुपमा अमृत राई, जंग राई र खेम गुरुङ हुनुहुन्छ ।सञ्जय लामाको छायांकन, साहिल खानको सम्पादन, रामजी लामिछानेको नृत्य निर्देशन, उत्तम न्यौपानेको ध्वनि डिजाइन रहेको छ । कृष्ण जन्माष्टमीमा फिल्मको औपचारिक घोषणा भएको हो।
-original-thumb.jpg)
'प्रेमगीत ३'को दोस्रो नेपाली र हिन्दी टिजर सार्वजनिक
काठमाडौं, भदौ ३ गते । प्रदीप खड्का अभिनीत फिल्म ‘प्रेमगीत ३’ को दोस्रो नेपाली र हिन्दी टिजर सार्वजनिक भएको छ । 'जी म्युजिक कम्पनी'बाट हिन्दी र ओएसआर युट्युब च्यानलबाट नेपाली टिजर सार्वजनिक गरिएको हो । निर्माता सन्तोष सेनका अनुसार सेप्टेम्बर १ तारिखमा ट्रेलर रिलिज हुनेछ । फिल्म असोज ७ गतेदेखि नेपाल र भारतमा एकसाथ प्रदर्शन हुने तयारीमा छ । फिल्म सन्तोष सेन र छेतेन गुरुङको निर्देशनमा बनेको हो । प्रदीप र मनीषसँगै क्रिस्टिना गुरुङ, अनुभव रेग्मी, समृद्धि ठकुरी, सुनिल थापा र शिव श्रेष्ठको अभिनय छ । फिल्मलाई राजेश श्रेष्ठले छायाङ्कन गर्नुभएको हो । हिन्दी टिजरनेपाली टिजर
अक्षयकुमारको फिल्म ‘कठपुतली’
काठमाडौं, भदौ ३ गते । अक्षयकुमार अभिनीत फिल्म ‘कठपुतली’ को टिजर सार्वजनिक भएको छ । फिल्ममा अक्षय प्रहरीको भूमिकामा देखिनुभएको छ । फिल्म ‘कठपुतली’ तमिल फिल्म ‘रत्सासन’ को हिन्दी रिमेक हो । फिल्ममा अक्षयसँगै रकुल प्रीत कौर पनि मुख्य भूमिकामा हुनुहुन्छ । निर्माण टिमले फिल्मको टिजर सेयर गर्दै यो फिल्म सेप्टेम्बर २ मा 'ओटीटी'मा रिलिज हुने बताएको छ ।
गायनसँगै अभिनयमा जम्दै सापकोटा
गीतसङ्गीतमा लाग्दा राम्रो हुन्छ भनेर कसैले नभने पनि अनायासै यो क्षेत्रमा लागेका गायक तथा मोडल कृष्ण सापकोटा यही क्षेत्रमा स्थापित हुने प्रयत्नमा हुनुहुन्छ। अर्घाखाँचीको छत्रदेव गाउँपालिका–३, बल्कोटमा जन्मिनुभएका सापकोटा सानैदेखि गीतसङ्गीतमा बढी रुचि राख्नुहुन्थ्यो। दश वर्षको उमेरबाट उहाँले आफूलाई अब्बल बनाउन थाल्नुभएको हो।
'अमेरिकन आइडल'का उपविजेता अर्थर गन नेपालमा
काठमाडौं, भदौ २ गते । अमेरिकी गायन रियालिटी शो 'अमेरिकन आइडल'का उपविजेता अर्थर गन अर्थात् दिवेश पोखरेल नेपाल आइपुग्नुभएको छ । उहाँ बुधबार अपरान्ह काठमाडौं आइपुग्नुभएको हो । उहाँसहित ब्यान्डका अन्य चार जना सदस्य पनि काठमाडौं आउनुभएको छ । पोखरेल आगामी शनिबार हुने सांगीतिक प्रस्तुतीका लागि काठमाडौं आउनुभएको हो । उहाँले काठमाडौं, पोखरा, चितवन, बुटवल, धरानलगायत नेपालका विभिन्न सहरहरूमा प्रत्यक्ष सांगीतिक प्रस्तुती दिने बताइएको छ । सन् २०२० को अमेरिकन आइडलमा उपविजेता भएका उहाँ त्यसयता पहिलोपटक नेपाल आउनुभएको हो । टुबोर्गले ब्रेन सर्भिसिङ र एमएन इभेन्ट्ससँगको सहकार्यमा यो कार्यक्रम हुन लागेको हो ।
विचारको सङ्घर्ष १२ दुर्वासा’
सैद्धान्तिक रूपमा सामाजकि परिवर्तन तथा राजनीतिक परिवर्तनले आजको समयमा हरेक मान्छेको विचारलाई सम्मान गर्न सकेको छ तर व्यावहारिक पाटोलाई नियाल्ने हो भने आफ्ना विचार प्रस्तुत गर्न अथवा भावना प्रकट गर्न‘ निकै नै गाह्रो काम हो । हाम्रो देशमा हरेक निर्णय बहुमतले पारित गर्ने चलन छ । यदि अदालतलाई कुनै निर्णय गर्न गाह्रो भएमा वा विशेष कारणवश कुनै मुद्दामा गम्भीर शङ्का देखेमा फरक पेसाका १२ जना आम नागरिकलाई त्यस मुद्दामा छलफल गर्न लगाएर निर्णय गर्न लगाइने अभ्यास भएका छन्, केही देशहरूमा । नाटक यही पृष्ठभूमिबाट सुरु भएको छ । १२ जना आम नागरिक एउटा बन्द कोठाभित्र निर्णय गर्न लागिपरेका छन् । १२ जनाले सर्वसम्मतिमा नै निर्णय गर्न‘ परेकाले १२ जनाको विचारको बीचमा भएको सङ्घर्षको कथा हो, ‘१२ दुर्वासा’ ।
फाल्गुन १९ मा 'बर एन्ड बधु'
काठमाडौं, भदौ १ गते । निर्देशक मिलन चाम्सले निर्देशन गर्नुभएको फिल्म 'बर एन्ड बधु'को प्रदर्शन मिति तय गरिएको छ । रोमानियामा छायांकन सकेर नेपाल फर्किएको केही दिनपछि फिल्मको फाल्गुन १९ को लागि प्रदर्शन मिति तय गरिएको हो ।फिल्ममा नायिका आँचल शर्मा, नव-नायक विवेक कर्माचार्य र कलाकार विजय लामा मुख्य भूमिकामा हुनुहुन्छ । एलआरके इन्टरटेन्मेन्टको ब्यानरमा निर्माण भएको फिल्ममा जानुका थापाको लगानी छ भने डाक्टर अमित रिजाल फिल्मका कार्यकारी निर्माता हुनुहुन्छ ।
-original-thumb.jpg)
'प्रेमगीत ३' चीनमा पनि प्रदर्शन हुने
काठमाडौं, भदौ १ गते । चलचित्र 'प्रेमगीत ३' चीनमा पनि प्रदर्शन हुने भएको छ । हिन्दी भाषामा भारतमा पनि प्रसारण हुने यस फिल्म अब चिनियाँ भाषामा चीनमा पनि रिलिज हुने भएको हो । फिल्म चीनमा प्रदर्शन गर्नका लागि मुम्बईमा वितरण कम्पनीहरू यूएफओ, मधु इन्टरटेनमेन्टसहित नेपाली र भारतीय निर्माताबीच पहिलो चरणको बैठक बसेकोसमेत निर्माण पक्षले जनाएको छ ।यूएफओले नै चलचित्र चिनियाँ हलहरुमा फिल्म प्रदर्शन गर्ने बताइएको छ ।चलचित्रमा प्रदीपसँगै कृष्टिना गुरुङ, शिव श्रेष्ठ, मनिष राउत, सुनिल थापा, लक्ष्मी बर्देवा लगायतका कलाकारको अभिनय रहेको छ । छेतेन गुरुङ र सन्तोष सेनले निर्देशन गर्नुभएको फिल्म नेपाल र भारतमा असोज ७ गते रिलिज हुने तयारीमा रहेको छ ।
'नेक्स्ट सुपर मोडल नेपाल २०२२' को आवेदन खुला
काठमाडौं, भदौ १ गते । सौन्दर्य प्रतियोगिता 'नेक्स्ट सुपर मोडल नेपाल २०२२'को लागि आवेदन खुला भएको छ । ट्यालेन्ट पिक इन्कर्पोरेटले आयोजना गर्न लागेको यस प्रतियोगिताको पहिलो संस्करणका लागि आवेदन खुला गरिएको हो ।प्रतियोगितामा १८ वर्षदेखि माथिका उमेर समूहका व्यक्तिले सहभागिता जनाउन सक्नेछन् । युवकको हकमा कम्तीमा ५ फिट ५ इन्च र युवतीको हकमा कम्तीमा ५ फिट उचाइ हुनुपर्नेछ । अडिसनमा सहभागी हुन इच्छुक प्रतिस्पर्धीले ग्लोबल अनलाइनपेज मार्फत आफ्नो आवेदन दिनुपर्नेछ ।विजेताले २ लाख रुपियाँ पुरस्कारका साथै अन्तर्राष्ट्रिय फेसन र मोडलिङसम्बन्धी विभिन्न अवसर प्राप्त गर्ने बताइएको छ । प्रतियोगिताको अडिसन भदौ ११ गते हुनेछ ।
'फापरको रोटी'मा सुष्मा र यशराज
काठमाडौं, साउन ३१ गते । सुष्मा कार्की अभिनित नयाँ गीत रिलिज भएको छ । भदौ ३ गते रिलिजको तयारीमा रहेको फिल्म ‘माइकल अधिकारी’को नयाँ गीत ‘फापरको रोटी’मा सुष्मा र अभिनेता यशराज गराच फिचर्ड छन् । गीतको भिडिओमा सौगात मल्ल र सृष्टि श्रेष्ठ पनि देख्न सकिन्छ । शम्भुजीत बास्कोटाको संगीत रहेको गीत ‘फापरको रोटी’मा बास्कोटासहित रवि ओड र टीका प्रसाईंको स्वर रहेको छ । गीतका लेखेक दयाराम पाण्डे हुनुहुन्छ । फिल्मको निर्देशन रञ्जित रौनियारले गर्नुभएको हो ।
फिल्म 'पिप्पा'को ट्रेलर सार्वजनिक
काठमाडौं, साउन ३० गते । फिल्म 'पिप्पा'को ट्रेलर र प्रदर्शन मिति सार्वजनिक गरिएको छ । राजाकृष्ण मेननले निर्देशन गर्नुभएको र सिद्धार्थ रोय कपुर तथा रोनी स्क्रेवाला निर्मित फिल्म मंसिर १६ गते रिलिज हुने भएको हो । अक्षयकुमार अभिनित ‘एयरलिफ्ट’ निर्देशक मेननको यो अर्को बहुप्रतीक्षित फिल्म हो । तत्कालीन भारतीय प्रधानमन्त्री इन्दिरा गान्धीले पाकिस्तानसँग युद्ध घोषणा गरेको सन्दर्भ टिजरमा देखाइएको छ । ओस्कार विजेता एआर रहमानको संगीत रहेको फिल्ममा इशान खतार, मृणाल ठाकुर र प्रियांशु पैंयालु मुख्य भूमिका मा देख्न सकिन्छ । फिल्म भारतीय सेनाका बिग्रेडियर बलराम मेहताद्वारा लिखित पुस्तक ‘द बर्निङ चफिज’मा आधारित रहेको छ ।
सम्भावना उजागर गर्ने चलचित्र ‘लालसिंह चड्डा’
चलचित्र ‘ठग्स अफ हिन्दुस्तान’ रिलिज भएको करिब चार वर्षपछि आमिर खानद्वारा अभिनित चलचित्र ‘लालसिंह चड्डा’ प्रदर्शनमा आएको छ। चलचित्र टम ह्यान्क्स अभिनित हलिउड चलचित्र ‘फरेस्ट गम्प’ को रिमेक हो। चलचित्रलाई अद्वैत चन्दनले निर्देशन गरेका छन्। रिमेक चलचित्र भए पनि निर्देशकले कथालाई बलिउडको ढाँचामा पस्कन खोजेका छन्। कथा पञ्जाबमा जन्मिएको एक अपाङ्ग भएको बालकबाट सुरु हुन्छ । जो कसैको सहाराबिना हिँडडुल गर्न सक्दैन। उक्त बालकको नाम लालसिंह चड्डा हुन्छ। उसलाई आमाले मायाले लाल भन्ने गरेकी हुन्छिन्। अरू केटाकेटीभन्दा केही फरक भएको हुनाले लालको प्रायः मान्छेले मजाक बनाइरहेका हुन्छन्। तर लालकी आमाले उनलाई सधैँ प्रोत्साहन गर्दै भन्ने गरेकी हुन्छिन् कि ऊ कोहीभन्दा कम छैन। यसपछि लालको जीवनमा रूपाको प्रवेश हुन्छ, जसलाई उसले स्कुलमा भेट्छ। लाल रूपाको प्रेममा पर्छन्। उनको जीवनमा केही यस्तो घटना घट्छ जसले गर्दा लालसिंह चड्डा सोचेको भन्दा अघि बढ्न थाल्छन्। यसपछि चलचित्रको कथामा विभिन्न मोड आउँछ।
