काठमाडौं, फागुन १ गते । सुरक्षा पन्त र कमलमणि नेपालको प्रमुख भूमिका रहेको फिल्म ‘बहाव’को फस्टलुक सार्वजनिक भएको छ । प्रमोद कँडेलको लेखन तथा निर्देशनमा बनेको फिल्मको पोस्टरमा सुरक्षालाई देख्न सकिन्छ ।
स्वर्णिम इन्टरटेनमेन्ट र योङ स्टार सिनेमाको प्रस्तुति रहेको फिल्ममा निर्माता श्रीधर पौडेल हुनुहुन्छ । फिल्ममा सुरक्षा र कमलमणिका साथै अफरान अलि, सूर्य शर्मा भट्ट, ईश्वरी सिंह, हीरालाल कँडेल, पवन श्रेष्ठलगायतको अभिनय छ ।
सुजन बडालको सम्पादन, वसन्त सापकोटा, सुशान्त गौतम र रिकेश गुरुङको सङ्गीत तथा कार्तिकेय स्मिता कर्नाटकको छायाङ्कन छ ।
फिल्म आगामी चैत २४ गते रिलिज हुने तयारीमा छ ।
