काठमाडौं, माघ २६ गते । अभिनेता नाजिर हुसेन र कविता रायाको अभिनय रहेको म्यूजिक भिडियो 'मायामा यस्तो किन ?' सार्वजनिक गरिएको छ । विक्रम चौहानले निर्देशन गर्नुभएको भिडियोमा एलिना चौहानको स्वर सुन्न सकिन्छ ।
सार्वजनिक गीतको भिडियोमा नाजिर र कविताको प्रेमसँगै बिछोड तथा मिलन प्रस्तुत गरिएको छ । गीतको शब्द रचना तथा सङ्गीत नरेश जोगीले तयार पार्नुभएको हो ।
गणेश चौधरीको सङ्गीत संयोजन रहेको भिडियोमा निर्देशक चौहान स्वंयमको कोरियोग्राफी छ । पिके फिल्स्को ब्यानरमा निर्माण भएको भिडियोमा नवराज उप्रेती एण्ड टिमको छायाङ्कन, कलर तथा सम्पादन मिलन विश्वकर्माको छ ।
