काठमाडौं, फागुन ३ गते । अनमोल केसी र आना शर्माको अभिनय रहने फिल्म 'जेरी : अन टप'को साङ्केतिक टिजर पोस्टर सार्वजनिक गरिएको छ । सन् २०१४ मा रिलिज भएको फिल्म जेरीको दोस्रो शृङ्खला हो भने अनमोल र आनासँगै फिल्ममा पूर्णिका सिंजापति पनि प्रमुख भूमिकामा देख्न सकिनेछ ।
अनन्या फिल्म्स र नेपकम्स ग्लोबलको निर्माण रहने फिल्मका निर्माता सरोज न्यौपाने र रामकृष्ण श्रेष्ठ हुनुहुन्छ । फिल्मलाई हेमराज बीसीले निर्देशन गर्दैहुनुहुन्छ भने कथा, पटकथा तथा संवादमा बीसी र विश्वास तिमल्सिनाले सहकार्य छ ।
फागुन अन्तिमदेखि छायाङ्कन हुने फिल्मलाई नेपालको सगरमाथा क्षेत्र, अमेरिका र अष्ट्रेलियामा छायाङ्कन गर्ने तयारी रहेको बताइएको छ ।
