'लाल सिंह चड्ढा' काे व्यापार २० प्रतिशतले बढ्याे
काठमाडौं, साउन २९ गते । आमिर खान अभिनित 'लाल सिंह चड्ढा' को रिलिजको तेस्रो दिन बक्स अफिस कलेक्सनमा सामान्य वृद्धि भएको छ । फिल्म रिलिज भएको दोस्रो दिन (शुक्रबार)को तुलनामा ‘लालसिंह चड्डा’को कारोबारमा २० प्रतिशत वृद्धि भएको हो । भारतीय सञ्चारमाध्यमका अनुसार (भारु) १८० करोडको बजेटमा बनेको ‘लाल सिंह चड्डा’ ले तेस्रो दिन करिब (भारु) ८.७५ करोडको व्यापार गरेको छ । यसअघि फिल्मले दोस्रो दिन ७.२६ करोड र पहिलो दिन ११.७ करोड कलेक्सन गरेको थियो । यस अनुसार फिल्मले भारतबाट तीन दिनमा अहिलेसम्म २७ करोड ७१ लाखको बक्स अफिस कलेक्सन गरेको छ ।
हलिउड अभिनेत्री एनी हेचेको निधन
काठमाडौं, साउन २९ गते । हलिउड अभिनेत्री एनी हेचेको निधन भएको छ । कार दुर्घटनामा परी गम्भीर घाइते भएकी हेचेको उपचारको क्रममा क्यालिफोर्नियाको एक अस्पतालमा निधन भएको हो । कार दुर्घटनमा गम्भीर घाइते भएकी ५३ वर्षकी अभिनेत्री एनीलाई ६ दिनअघि अस्पताल भर्ना गरिएको थियो । त्यसपछि उहाँ कोममा गएकाे अस्पतालले जनाएकाे छ । लस एन्जलसस्थित आफ्नो घर नजिक भएको कार दुर्घटनामा एनी गम्भीर घाइते भएकी थिइन् । सन् १९९७ मा रिलिज भएको फिल्म ‘डोनी ब्रास्को’, ‘आइ नो ह्वाट यू डिड लास्ट समर’का उहाँका चर्चित फिल्म हुन् ।
भक्तपुरमा गाईजात्रा (सापारु) पर्व
भक्तपुरका नगरवासीले बिहानै तलेजुको ताहामचा बनाई नगर परिक्रमा गराएपछि सात दिनसम्म मनाइने गाईजात्रा (सापारु) पर्व शुक्रबारबाट सुरु भएको छ। दिवङ्गत आफन्तको सम्झना तथा उनीहरूको आत्मशान्तिका लागि हरेक वर्षको श्रावण शुक्ल प्रतिपदादेखि कृष्ण जन्माष्टमीसम्म मनाइने गाईजात्रा पर्व बिहानैदेखि सुरु भएको हो। गाईलाई विधिवत् रूपमा नगर परिक्रमा गराएमा दिवंगत आत्माहरू सजिलैसित स्वर्गलोकमा पुग्छन् भन्ने धार्मिक विश्वास रहिआएको छ।
'परदेशी २'काे रिलिज मिति सर्याे
काठमाडौं, साउन २८ गते । नारायण रायमाझी निर्देशित चलचित्र 'परदेशी २'को रिलिज मिति सरेको छ । दशैंको अवसर पारेर असोज १४ गते रिलिज हुने भनिएको चलचित्र अब फागुन ५ गतेबाट प्रदर्शनमा आउने निर्माता राजेश वंशलले जानकारी दिनुभयो ।उहाँले वितरक, हल सञ्चालक र चलचित्रकर्मीसँगको सल्लाहमा ‘परदेशी २’लाई फागुनमा ल्याउने निर्णय गरिएको बताउनुभये । उहाँका अनुसार आफूहरुले प्रदर्शन मिति तोकेको समयमा नेपाली र हिन्दी चलचित्रको भीडभाड भएकाले पछि सर्ने निर्णय गरिएको हो ।भदौंदेखि नै चलचित्र प्रदर्शनको चाप देखिएको छ । ‘परदेशी २’ ले पदर्शन मिति तोकेको एक साता अगाडि ‘प्रेमगीत ३’ रिलिज हुँदैछ । भारतमा समेत रिलिज हुने तयारीमा रहेको यस चलचित्रको उत्तिको महत्व रहेको वंशल बताउनुहुन्छ । ‘एकले अर्को चलचित्रलाई असर नगरोस् भनेर हामी पछि सर्ने निर्णयमा पुगेका हौं’ बंशल भन्नुहुन्छ । दशैं तिहारमा चलचित्र प्रदर्शनको भीडभाड हुँदा उक्त समयमा चलचित्र रिलिज गर्दा पछिसम्म र धेरै दर्शकसम्म पुर्याउन गाह्रो हुनसक्ने आँकलन गर्दै पछि सारिएको वंशलको भनाई छ । दशैं तिहारमा धेरै चलचित्र हुँदा प्रचारप्रसारमा पनि असर पर्नसक्ने बताउँदै पछि सार्दा प्रचारप्रसार पनि ससक्त तरिकाले गर्न सकिने र धेरै दर्शकसम्म पुर्याउन सकिने निर्देशक नारायण रायमाझी बताउनुहुन्छ ।चलचित्रको केही प्राविधिक काम पनि बाँकी नै रहेको र त्यसका लागि निर्धारित मितिसम्म तयारी नपुग्ने देखिएकाले पनि रिलिज मिति पछाडि सार्ने निर्णय लिईएको उहाँको भनाइ छ । निर्णय अनपेक्षित भए पनि समग्र चलचित्र क्षेत्रको हितलाई विचार गर्दै यस्तो निर्णय लिइएको निर्माण टिमको भनाइ छ । निर्देशक रायमाझीले भन्नुभयो, ‘यसलाई सबैले सकारात्मक रूपमै लिनुहुनेछ भन्ने अपेक्षा राखेका छौँ ।’‘परदेशी २’ मा प्रकाश सपुत, केकी अधिकारी, प्रशान्त तामाङ, दिलीप रायमाझी, वर्षा सिवाकोटी लगायतको मुख्य भूमिका छ । चलचित्रको कथा रमेश बिजीले तयार पार्नुभएको हो ।
'प्रेमगीत ३'को टिजर सार्वजनिक
काठमाडौं, साउन २८ गते । 'प्रेमगीत ३'को टिजर सार्वजनिक भएको छ । नेपाली र हिन्दी भाषामा एकै पटक 'प्रेमगीत ३'को टिजर सार्वजनिक गरिएको हो ।नेपाली भाषाको टिजर ओएसआर डिजिटलमा र हिन्दीको टिजर स्पार्कलिङ स्टुडियोको युट्युब च्यानलमार्फत सार्वजनिक गरिएको छ ।यो फिल्म आगामी २३ सेप्टेम्बर, असोज ७ गते नेपाल र भारतमा एकैदिन प्रदर्शन हुने भएको छ ।स्वर्गीय छेतन गुरुङ र सन्तोष सेनको संयुक्त निर्देशन रहेको फिल्ममा प्रदीप खड्का र क्रिस्टिना गुरुङको मुख्य भूमिका छ । फिल्ममा सुनिल थापा, शिव श्रेष्ठ, माओत्से गुरुङ, पुस्कर कार्की, जीवन भट्टराई, लक्ष्मी वर्देवालगायतका कलाकारको अभिनय छ ।
तीज गीत 'माइती आँगन' सार्वजनिक
काठमाडौं, साउन २८ गते । हिन्दु नारीहरुको महान् पर्व हरितालिका तीजको अवसरमा सम्पूर्ण नारीहरुमा प्रवासमा रहेका नेपालीको तर्फबाट उपहारस्वरुप तीज गीत भिडियो सार्वजनिक गरिएको छ । भिडियो 'इनफोकस यु ट्युब च्यानल'मार्फत सार्वजनिक गरिएको हो ।प्राश्ना शाक्यको स्वर रहेको सार्वजनिक ‘माइती आँगन’ बोलको गीतमा मन्जु खनालको शब्द रचना तथा सुनिल माष्केको सङ्गीत छ । कुशल श्रेष्ठको छायांकन, सम्पादन र निर्देशन रहेको भिडियोमा तीजमा जम्मा भएर चेलीहरुले रमाइलो गरेको प्रसङ्गलाई देखाउन खोजिएको छ । विनीता थापाको कोरियोग्राफी रहेको भिडियोको कलर संयोजन भरत रेग्मीले गर्नुभएको हो ।भिडियोमा आस्था जोशी, रोश्ना कार्की, दीपिका श्रेष्ठ ,निरु कोइराला, रिमा कँडेल, अमिका महत, शिक्षा पौडेल, विनीता थापा, बिनी खनाल, प्रतिमा पाण्डे, मेरिना थापा, दीपक थापा र मैथाने मगर फिचर्ड छन् ।
करण राईको 'द काइट्स' विमाेचन
काठमाडौं, साउन २८ गते । नवगायक करण राईको पहिलो गीत ‘द काइट्स' विमाेचन गरिएकाे छ । प्रमुख अतिथी वरिष्ठ गायक गणेश रसिक, विशेष अतिथिहरु लोकप्रिय गायक राजेश पायल राई, लोकप्रिय अभिनेता दयाहाङ राई, रैथाने सङ्गीतज्ञ झुमा लिम्बू र कवि, गीतकार, निर्देशक तथा कार्यक्रमका सभापति प्रकाश आङ्देम्बेले गायक करणको एल्बम ‘द काइट्स’ एकसाथ एल्बम विमोचन गर्नुभएको हो । एल्बम विमोचनपछि करणले २ गीतहरु ‘रानी हो’ र ‘चङ्गा’ लाइभ ब्याण्डसहित गाएका थिए । आफ्नो पहिलो एल्बमको बारेमा बोल्दै करणले भन्नुभयो, ‘सानै उमेरदेखि गाउँथे,ँ आज आएर पहिलो एल्बम उहाँहरु (गणेश रसिक, राजेश पायल राई, दयाहाङ राई, झुमा लिम्बु) को हातबाट विमोचन गर्न पाउँदा चङ्गा जस्तै आकाशमा उडिरहेको महसुस गरिरहेको छु ।’ बाल्यकालदेखि नै गीत सङ्गीतमा चासो राख्ने करण अमेरिकाबाट नेपाल फर्किएर यो एल्बम बजारमा ल्याउनुभएकाे हाे ।सार्वजनिक भएको ‘द काइट्स’ एल्बममा ९ गीत समावेश छन् । सबै गीतमा करणको स्वर रहेको छ, भने ‘फुलै राम्रो’ डोएट गीतमा गीतमा भने करणलाई गायिका मेलिना राईले साथ दिनुभएको छ । एल्बमका गीतहरुमा क्रमश प्रकाश आङ्देम्बे, डम्बर नेपाली, धरारानी, थुक्तेन डु«क्पा र सपना भुजेलको शब्द रहेको छ भने डम्बर क्रमश देबेश राई, डम्बर नेपाली र महेन्द्र राईको सङ्गीत छ । सबै गीतहरुको एरेञ्ज गायक तथा सङ्गीतकार देवेशले नै गर्नुभएको हो ।
गाईजात्राबाट घर खर्च निकालेँ : दीपकराज गिरी
दीपकराज गिरी नेपाली चलचित्र बजारलाई एकपछि अर्को राम्रो चलचित्र दिने सफल निर्माता तथा कलाकार हुनुहुन्छ। काठमाडौं जिल्ला चन्द्रागिरी नगरपालिका दहचोकमा जन्मिनुभएको गिरी अहिले छक्का पञ्जा–४ को तयारीमा जुट्नु भएको छ। चलचित्रले गर्दा गाईजात्रालाई खासै समय दिन नपाएको उहाँको भनाइ छ। गाईजात्राको सेरोफेरोमा केन्द्रित भएर उहाँसँग गोरखापत्रको लागि सुकृत नेपालले गरेको कुराकानी आजभोली निकै व्यस्त देखिनुहुन्छ ? हो, अलि व्यस्त नै छु। अहिले छक्का पञ्जा-४ को कामले गर्दा अलि व्यस्त छु। कहिले हो छक्का पञ्जा-४ लाई दर्शकसामु ल्याउने ? चलचित्रको प्रदर्शन मिति अहिले तोकिएको छैन। असोज या कात्तिकमा प्रदर्शनमा ल्याउने सोच छ। यसपटकको गाईजात्रामा केही प्रहसन गर्नुभएन किन ?गाईजात्रा मेरो क्यारियरको महत्त्वपूर्ण पर्व हो, किनकी यसमा मैले धेरै प्रहसन मञ्चन गेरेर अनुभवहरू बटुल्ने मौका पाएको छु। कुनै बेला हास्य कलाकार गाईजात्रा आउनु एकहप्ता अघि नै तयारीमा जुटेको देखिन्थ्यो। तर, अहिले यस्तो छैन किन ?अहिले र पहिलेको हास्य कलाकारहरूमा धेरै फरक आइसक्यो, अहिले कलाकार टेलिचलचित्रदेखि ठूला पर्दाका चलचित्रसम्ममा व्यस्त रहन्छन्। उनीहरुले चाहेर पनि गाईजात्रामा त्यति धेरै समय रिहल्समा दिन सक्ने अवस्था हुँदैन। फेरि पहिला कलाकार सजिलै उपलब्ध हुन्थे भने अहिले खोज्दै हिँड्नुपर्छ। सबै हास्य कलाकार एकजुट भएर जुट्न नसकेर पनि हो भन्छन् नि ?यो कुरामा म अलि सहमत छैन। मलाई लाग्छ हाम्रो क्षेत्रमा आदर सम्मान र मित्रता कायम भएको भनेकै हास्य कलाकारितामा हो। हामी कलाकारहरुबिच पेशागत प्रतिस्पर्धा रहेता पनि भाइचारा, एक अर्कालाई गर्ने आदर सम्मानमा कहिले कमी आएन त्यसैले हामी जुट्न गाह्रो छैन। हाम्रो मुख्य समस्या भनेको हाम्रो व्यस्तता नै हो। तपाईं टेलिचलचित्र र गाईजात्रा प्रहसनमा भन्दा पनि चलचित्रमा नै रमाउन थाल्नुभयो, किन ?मैले रेडियोमा एकदशक काम गरे त्यसपछि आजसम्म पनि हप्तामा दुईदिन कान्तिपुर एफएममा कार्यक्रम चलाउँछु त्यहाँबाट आउने पैसा भन्दा पनि त्यो संघर्षको दिनमा गरेको कामसंगको लगाबले गर्दा हो। त्यस्तै मेरो रुची टेलिचिलचित्रमा र स्टेज शोहरूमा पनि रहेको छ। तर, पछिल्लो एकदशक चलचित्र निर्माणमा लागि रहेको छु र यो कर्म अत्यन्तै कठिन रहेको छ। यसमा समय पनि अत्याधिक लाग्ने, मेहिनत पनि धेरै गर्नु पर्ने, त्यहि कारणले मैले अन्य कर्महरू गर्न पाइरहेको छैन। अब हेरौं हो भबिष्यमा फेरी अवश्य जोडिने सोच छ। अन्य काममा भन्दा चलचित्रमा पैसा धेरै छ हो ?पैसा धेरै जहाँ हुन्छ त्यहाँ चुनौती पनि धेरै हुन्छ। मेहिनत पनि धेरै हुन्छ। मलाई पैसा धेरै भन्दा ग्ल्यामर धेरै हुन्छ भन्ने शब्द उचित हुन्छ जस्तो लाग्छ। गाईजात्रालाई कसरी बुझनुहुन्छ ? गाईजात्रा किन मनाइन्छ त्यो त धेरैलाई थाह भएकै कुरा हो तर, मेरा लागि भने यो हास्यव्यंग्य पर्वको रूपमा रहेको छ। यसबाट मैले धेरै कुराहरु सिक्ने मौका पाँए, घर खर्च पनि निकाले, प्रत्यक्ष दर्शकहरुबाट प्रतिक्रियाहरु पनि पाए। यो पर्व भनेको हास्यकलाकारबिच एउटा छुट्टै सम्बन्ध रहने पर्व हो जस्तो लाग्छ। पहिले र अहिलेको गाईजात्रालाई कसरी हेर्नुहुन्छ ?पहिला संञ्चार माध्यमहरु पनि कम थिए। त्यो समय गाईजात्रको आकर्षण गजब थियो। मान्छेहरू गाईजात्रा हेर्न ठेलमठेल गर्दै पुग्थे, हल खचाखच हुन्थ्यो, प्रहसनमा ताली र सिठ्टिको माहोलले एउटा छुट्टै मज्जा हुन्थ्यो तर जब देखि डिजिटल प्रविधीक साधनहरू आए बिस्तारै त्यो अर्गानिकता कम हुँदै गयो।आजकल दीपा–दीपकको जोडी बाहिर खासै देखिँदैन नी, बोलचाल बन्द भएको त होइन ? दीपा–दीपकको जोडि दर्शकहरू माझ ३० बर्ष देखि निरन्तर रुपमा चलिरहेछ र चलिरहनेछ।अहिले र पहिलेको हास्य कलाकारहरूमा धेरै फरक आइसक्यो, अहिले कलाकार टेलिचलचित्रदेखि ठूला पर्दाका चलचित्रसम्ममा व्यस्त रहन्छन्। उनीहरुले चाहेर पनि गाईजात्रामा त्यति धेरै समय रिहल्समा दिन सक्ने अवस्था हुँदैन। फेरि पहिला कलाकार सजिलै उपलब्ध हुन्थे भने अहिले खोज्दै हिँड्नुपर्छ। सबै हास्य कलाकार एकजुट भएर जुट्न नसकेर पनि हो भन्छन् नि ?यो कुरामा म अलि सहमत छैन। मलाई लाग्छ हाम्रो क्षेत्रमा आदर सम्मान र मित्रता कायम भएको भनेकै हास्य कलाकारितामा हो। हामी कलाकारहरुबिच पेशागत प्रतिस्पर्धा रहेता पनि भाइचारा, एक अर्कालाई गर्ने आदर सम्मानमा कहिले कमी आएन त्यसैले हामी जुट्न गाह्रो छैन। हाम्रो मुख्य समस्या भनेको हाम्रो व्यस्तता नै हो। तपाईं टेलिचलचित्र र गाईजात्रा प्रहसनमा भन्दा पनि चलचित्रमा नै रमाउन थाल्नुभयो, किन ?मैले रेडियोमा एकदशक काम गरे त्यसपछि आजसम्म पनि हप्तामा दुईदिन कान्तिपुर एफएममा कार्यक्रम चलाउँछु त्यहाँबाट आउने पैसा भन्दा पनि त्यो संघर्षको दिनमा गरेको कामसंगको लगाबले गर्दा हो । त्यस्तै मेरो रुची टेलिचिलचित्रमा र स्टेज शोहरूमा पनि रहेको छ। तर, पछिल्लो एकदशक चलचित्र निर्माणमा लागि रहेको छु र यो कर्म अत्यन्तै कठिन रहेको छ। यसमा समय पनि अत्याधिक लाग्ने, मेहेनत पनि धेरै गर्नु पर्ने, त्यहि कारणले मैले अन्य कर्महरू गर्न पाइरहेको छैन। अब हेरौं हो भबिष्यमा फेरी अवश्य जोडिने सोच छ । अन्य काममा भन्दा चलचित्रमा पैसा धेरै छ हो ?पैसा धेरै जहाँ हुन्छ त्यहाँ चुनौती पनि धेरै हुन्छ। मेहेनत पनि धेरै हुन्छ। मलाई पैसा धेरै भन्दा ग्ल्यामर धेरै हुन्छ भन्ने शब्द उचित हुन्छ जस्तो लाग्छ। गाईजात्रालाई कसरी बुझनुहुन्छ ? गाईजात्रा किन मनाइन्छ त्यो त धेरैलाई थाह भएकै कुरा हो तर, मेरा लागि भने यो हास्यव्यंग्य पर्वको रूपमा रहेको छ। यसबाट मैले धेरै कुराहरु सिक्ने मौका पाँए, घर खर्च पनि निकाले, प्रत्यक्ष दर्शकहरुबाट प्रतिक्रियाहरु पनि पाए। यो पर्व भनेको हास्यकलाकारबिच एउटा छुट्टै सम्बन्ध रहने पर्व हो जस्तो लाग्छ। पहिले र अहिलेको गाईजात्रालाई कसरी हेर्नुहुन्छ ?पहिला संञ्चार माध्यमहरु पनि कम थिए। त्यो समय गाईजात्रको आकर्षण गजब थियो। मान्छेहरू गाईजात्रा हेर्न ठेलमठेल गर्दै पुग्थे, हल खचाखच हुन्थ्यो, प्रहसनमा ताली र सिठ्टिको माहोलले एउटा छुट्टै मज्जा हुन्थ्यो तर जब देखि डिजिटल प्राविधिक साधनहरू आए बिस्तारै त्यो अर्गानिकता कम हुँदै गयो।आजकल दीपा–दीपकको जोडी बाहिर खासै देखिँदैन नी, बोलचाल बन्द भएको त होइन, नी ?दीपा–दीपकको जोडि दर्शकहरू माझ ३० बर्ष देखि निरन्तर रुपमा चलिरहेछ र चलिरहनेछ ।
अभिनेता अनुपविक्रम शाही कांग्रेस प्रवेश
काठमाडौं, साउन २७ गते । अभिनेता अनुपविक्रम शाही नेपाली कांग्रेस प्रवेश गर्नुभएको छ । दुई दर्जन बढी चलचित्रमा अभिनय गर्नुभएका शाहीले शुक्रबार बिहान एक कार्यक्रमकाबीच कांग्रेस प्रवेश गर्नुभएको हो । उहाँलाई गृहमन्त्री एवं कांग्रेस नेता बालकृष्ण खाणले पार्टी सदस्यतासँगै नेपाल तरुण दलको सदस्यता पनि दिनुभएको छ । मन्त्री निवास पुल्चोकमा आयोजित पार्टी प्रवेश कार्यक्रममा तरुण दलका पूर्व अध्यक्षहरु महेन्द्र यादव, उदय शम्शेर राणा, जितजंग बस्नेतका साथै अध्यक्ष विद्वान गुरुङलगायत उपस्थिती थियो ।शाहीले आफू युवा भएकाले तरुण दलमार्फत् युवाका पक्षमा काम गर्न चाहेको बताउनुभयो ।अभिनेता शाहीले द्रव्य, सौर्य, हसियाँ, ठमेल डटकम, हाउ फन्नी, वीर विक्रम, कमलेको विहे, कृ, हुर्रे, लिलिबिली, पुरानो बुलेटलगायत चलचित्रमा अभिनय गर्नुभएको छ ।
नाटक 'खुवालुङ' भदौ ११ गतेसम्म चल्ने
काठमाडौं, साउन २७ गते । मण्डला थिएटरमा साउन ६ गतेबाट मञ्चन भइरहेको नाटक 'खुवालुङ' थप केही समय चल्ने भएको छ । नाटकको निर्माण पक्षले नाटकको मञ्चन अवधिलाई भदौ ११ गतेसम्म लम्बाइएको हो ।यो नाटक किरण चाम्लिङ राईले निर्देशन गर्नुभएको हो । नाटकमा विभिन्न जाति, भाषा र संस्कारमा बाँचेर रहेको खुवालुङको कथालाई देखाइएको छ ।नाटकमा पशुपति राई, मानहाङ लावती, इंगि होपो कोइच सुनुवार, समयोग गुरागाईं, सविना थापा, प्रसम्शा सिवाकोटी, बेदना राई, रियर राई, रमिला मोक्तानलगायतका कलाकारको अभिनय छ । नाटकमा प्रयोग भएका दुई गीतहरुको रचना स्वप्निल स्मृति र राजन मुकारुङले गर्नुभएको हो ।
विष्णु माझीको तीज गीत 'चरी जेलैमा २'
काठमाडौं, साउन २७ गते । 'चरी जेलैमा'को सिक्वेलको रुपमा 'चरी जेलैमा २' सार्वजनिक भएको छ । गायिका विष्णु माझीको स्वरमा गत वर्ष निकै चलेको तीज गीत 'चरी जेलैमा' तीजको छेकोमा सार्वजनिक भएको हो । गायिका माझीको स्वर रहेको गीतमा शब्द तथा संगीत माझीका श्रीमान् सुन्दरमणि अधिकारीले दिनुभएको छ । गीतमा ललिता पौडेलको अभिनय रहको छ भने यसलाई शम्भु चालिसेले खिच्नुभएको हो । गीतको भिडियोमा निर्देशन पनि अधिकारीको नै रहेको छ ।
चलचित्र बोर्डका अध्यक्ष केसीविरुद्ध सर्वोच्चमा रिट दर्ता
चलचित्र विकास बोर्डका अध्यक्ष भुवन केसीविरुद्ध सर्वोच्च अदालतमा रिट दर्ता भएको छ । सर्वोच्चका प्रवक्ता विमल पौडेलले बिहीबार अध्यक्ष केसीको शैक्षिक योग्यता नपुगेको भन्दै उहाँको नियुक्तिविरुद्ध रिट दर्ता भएको जानकारी दिनुभयो ।
फिल्म 'चंगाचेट २'मा विपिन कार्की
काठमाडौं, साउन २६ गते । कमेडी फिल्म 'चंगाचेट २'को प्रमुख कलाकारमा विपिन कार्की अनुबन्धित हुनुभएको छ । निर्माण कम्पनी डीएस डिजिटल र विपिनबीच बिहीबार सम्झौता पत्रमा हस्ताक्षर भएको हो ।मंसिर पहिलो साता जनकपुरधाममा छायांकन हुने फिल्मलाई दीपेन्द्र के खनालले निर्देशन गर्ने भएको छ । खनालले यसपटक भने मूलधारको कमेडीमा फिल्म बनाउँदै हुनुहुन्छ । फिल्ममा विपिन पनि हास्य भूमिकामा देखिने भएका छन् ।यो फिल्म पाँच वर्षअघिको फिल्म चंगाचेटकै दोस्रो श्रृंखला हो । मुख्य कलाकारमा यसअघि अर्पण थापा पनि जोडिनुभएको छ ।
दर्शकलाई रुवाउन सजिलो तर हँसाउन निकै गाह्रो
आफ्नो वास्तविक नामले कमै चिनिने हास्य कलाकार हुनुहुन्छ पल्पसा डङ्गोल अर्थात् चम्सुरी ।
चलचित्रमा महिला हिंसाको कथा
आलिया भट्ट अभिनित चलचित्र ‘डार्लिंग्स’ नेटफ्लिक्समा रिलिज भएको छ। चलचित्रमा हरेक कलाकारको अभिनय बेजोड छ। आलियाबाहेक विजय बर्मा, रोशन म्याथ्यू र सेफाली शाह जस्ता उत्कृष्ट कलाकार मुख्य भूमिकामा देखिएका छन्। चलचित्रको कथा घरेलु हिंसामा आधारित छ, जहाँ श्रीमान्ले दिनहुँ श्रीमतीलाई यातना दिने गर्छ। यसै चलचित्रबाट आलिया निर्मात्री पनि बनेकी छिन्।
फिल्म 'दुई नम्बरी'को टिजर
काठमाडौं, साउन २४ गते । दीपेन्द्र लामाको निर्देशनमा बनेको फिल्म 'दुई नम्बरी'को टिजर सार्वजनिक भएको छ । फिल्मको टिजरमा मुख्य कलाकार सौगात र दयाहाङसँगै अभिनेता बुद्धि तामाङ, उग्येन चोदेन, उपासना सिंहलगायतका कलाकारलाई फिचर्ड गरिएको छ ।सामाजिक कथावस्तुमा बनेको फिल्ममा अभिनेत्री उग्येन र उपासनाका अभिनय पनि देख्न सकिन्छ । फिल्मलाई दिपक मनांगे, अमला देवी राई र जयश श्रेष्ठको लगानीमा निर्माण गरिएको छ । फिल्ममा पुस्कर गुरुङ, शारदा गिरी, कविता आले, प्रकाश घिमिरे, सुष्मा निरौला लगायतका कलाकारको अभिनय रहेको छ । फिल्ममा निमेश श्रेष्ठले सम्पादन गर्नुभएको हो ।
'ब्रह्मास्त्र'को गीत 'देवा देवा' सार्वजनिक
काठमाडौं, साउन २४ गते । फिल्म 'ब्रह्मास्त्र'को दोस्रो गीत सार्वजनिक गरिएको छ । फिल्मको ‘देवा देवा’ बोलको गीत हालै सार्वजनिक भएको हो । यसअघि फिल्मको ‘केशरिँया’ बोलको गीत सार्वजनिक भएको थियो । त्यसपछिको यो दोस्रो गीत सार्वजनिक गरिएको हो । प्रितमको संगीत तथा अमिताभ भट्टाचार्यको शब्द रहेको गीतलाई अरजित सिंह र जोनिता गान्धीले स्वर भर्नुभएको छ । भिडियोमा रणवीर, आलिया भट्ट र अमिताभ बच्चन फिर्चड हुनुुहुन्छ । आयान मुखेर्जीको निर्देशनमा बनेको ‘ब्रह्मास्त्र’ सेप्टेम्बर ९ मा प्रदर्शनमा हुने भएको छ ।
महापुरुष कात्तिकमा
चलचित्र ‘महापुरुष’ को पहिलो ‘लुक’ पोस्टरसहित प्रदर्शन मिति तय भएको छ। महजोडी मदनकृष्ण श्रेष्ठ र हरिवंश आचार्यको मुख्य भूमिका रहेको चलचित्र आगामी कात्तिक ११ गते प्रदर्शन हुने भएको छ। प्रचारका लागि निर्माण पक्षले दुईवटा पोस्टर सार्वजनिक गरेको छ। दुवै पोस्टरमा हरिवंश आचार्य हुनुहुन्छ। एउटा पोस्टरमा भने भने हरिवंश र गौरी मल्ल बेहुला बेहुलीको भेषमा भागिरहेको देख्न सकिन्छ।
नयाँ तीज गीत 'भेलु बाजे डान्स' सार्वजनिक
काठमाडौं, साउन २३ गते । लोकप्रिय गायिका प्रिती आले र गायक राजेश बर्देवाको नयाँ तीज गीत 'भेलु बाजे डान्स' को म्यूजिक भिडियो सार्वजनिक भएको छ । गीतमा प्रतिभा शर्माको शब्द, प्रिय कुमारको संगीत र केशब बाबुको एरेन्ज रहेको छ ।गायिका प्रिती आले र लोकप्रिय गायक राजेश बर्देवाको सहकार्यमा तयार भएको सार्वजनिक म्यूजिक भिडियोलाई गायिका प्रिती आलेले नै निर्देशन गर्नुभएको हो । यस्तै, दुर्गा पौडेलले छायांकन गर्नुभएको भिडियोलाई नबिन घर्ति मगरले सम्पादन गर्नुभएको छ । भिडियोमा प्रिती आले र राजेश बर्देवा लगायत अन्य कलाकारहरुलाई फिचर्ड गरिएको छ ।
अर्जुन र स्मृतिकाे 'भाउ बढ्यो' सार्वजनिक
काठमाडौं, साउन २३ गते । हिन्दु नेपाली नारीहरुको महान पर्व हरितालिका तीजको शुभकामनासहित लोकप्रिय दोहोरी गायक अर्जुन सापकोटाको आवाजमा नयाँ तिज गीत 'भाउ बढ्यो' सार्वजनिक भएको छ ।दोहोरी गायक अर्जुन सापकोटा र म्युजिक भिडियो निर्देशक स्मृति तिमिल्सिना 'गुरुआमा'ले गाउनुभएको गीतमा सुमन ढकालको शब्द सृर्जना छ भने गायक सापकोटाकै लय रहेको छ । गीतमा विश्वास नेपालको संगित संयोजन छ । मौलिक शब्दहरुमा सजिएको उक्त गीतमा समसामायिक घटनामा आधारित सामाजिक यथार्थका विषयवस्तु चित्रण गरिएको छ ।गीतको म्युजिक भिडियोमा अर्जुन सापकोटा, स्मृति तिमिल्सिना र सुमन ढकालको अभिनय रहेको छ । भिडियोलाई सुरेश श्रेष्ठले छांयाकन एवम् प्रकाश धमलाले सम्पादन गर्नुभएको हो ।
चलचित्र क्षेत्रको सुधारमा लाग्नेछु : केसी
चलचित्र विकास बोर्डका अध्यक्ष भुवन केसीले आफूसँग यस क्षेत्रको लामो अनुभव भएकोले सीमित समयमा नै उल्लेख्य काम गरेर देखाउने प्रतिबद्धता व्यक्त गर्नुभएको छ। क्याराभान नेपाल प्रालिले पोखरामा आयोजना गरेको ‘आफ्नो कथा आफ्नो सिनेमा’ कार्यक्रममा बोल्दै केसीले समग्र चलचित्र क्षेत्रको संरक्षणका लागि आफूले काम गर्ने बताउनुभयो।
नेपाली पुरुष मोडललाई अवसर
मिस्टर मोडल अफ द वल्र्ड नेपाल–२०२२ का लागि आवेदन खुला गरिएको छ। आयोजक संस्था प्याजेन्ट नेपाल इन्टरनेसनल र ब्राइट इभेन्ट म्यानेजमेन्टले शनिबार भक्तपुरमा पत्रकार सम्मेलन आयोजना गर्दै उक्त प्रतियोगिताका लागि पुरुष मोडलहरूलाई सहभागिताका लागि आह्वान गरेको हो।
'द ग्रे मेन'को सिक्वेल बन्ने
काठमाडौं, साउन २२ गते । नेटफ्लिक्स हिट 'द ग्रे मेन'को सिक्वेल बन्ने भएको छ । अभिनेता धनुषले यसमा आफू हत्यारा अविक सान उर्फ द लोन वुल्फको भूमिकामा फर्किने घोषणा गर्नुभएको हो ।धनुषले इन्स्टाग्राममा एक भिडियो क्लिप पोस्ट गर्नुभएको छ जसमा उहाँ हलिउड स्टार रयान गोसलिङका सीआईए कोर्ट जेन्ट्री उर्फ सिएरा सिक्सासँग देखिएको छ । अडियो क्लिप सेयर गर्दै धनुषले ‘ग्रे मेन युनिभर्सको सिक्वेल आउँदैछ, लेख्नुभएकाे छ ।हलिउड फिल्म 'द ग्रे मेन' सन् २००९ मा रिलिज राइटर मार्क ग्रेनीको उपन्यासमा आधारित छ । फिल्ममा धनुषकासँगै गोस्लिङ, इवान्स, एना डे अर्मास, रेगे जीन पेज र जेसिका हेनविक प्रमुख भूमिकामा छन् ।
'झिँगे दाउ'को ट्रेलर सार्वजनिक
काठमाडौं, साउन २२ गते । फिल्म 'झिँगे दाउ'को ट्रेलर सार्वजनिक गरिएको छ । ज्ञानेन्द्र देउजाले निर्देशन गर्नुभएको फिल्ममा केकी अधिकारी, आँचल शर्मा, मुकुन भुषाल र कुशल बिष्टको मुख्य भूमिका छ ।फिल्मका सह-निर्माता सुशील दाहाल र इश्वर घिमिरे हुनुहुन्छ । फिल्ममा प्रदीप भारद्वाजको कथा र संवाद, विष्णु घिमिरे 'कल्पित'को छायाङ्कन, अर्जुन पोखरेलको सङ्गीत, रामजी लामिछानेको कोरियोग्राफी र रोशन श्रेष्ठको एक्सन छ । भीमनिधि तिवारीको चर्चित कृति 'झिँगे दाउ'मा आधारित रहेर यो फिल्म तयार पारिएको हो । फिल्म भदौ १७ गतेबाट रिलिज हुनेछ ।
हास्यव्यङ्ग्यको उत्सव
गाईजात्रा अर्थात् हाँसोको उत्सव सुरु हुन अब केही दिन मात्र बाँकी छ तर पनि हास्यकलाकारको दशैँ मानिने गाईजात्राको चर्चा भने सुरु हुन थालिसकेको छ। धेरैको मनमा यो वर्ष हास्य कलाकारले गाईजात्रामा कस्तो प्रहसन देखाउलान् भन्ने कुतूहलता जाग्न थालिसकेको छ। पछिल्लो वर्ष झैँ यस वर्ष पनि धेरै कलाकार गाईजात्रामा स्टेज सो नगर्ने सुरसारमा देखिनुहुन्छ। कोही आफ्नै युट्युब च्यानलमार्फत गाईजात्रा प्रहसन देखाउने सुरमा हुनुहुन्छ भने केही काठमाडौँबाहिर जाने सुर कसिरहनुभएको छ।
