अमरराज नहर्की
तनहुँ, माघ २१ गते। मिस कुमाल तनहुँ-२०७९ को उपाधि व्यास नगरपालिका–४ दमौलीकी सरिष्मा कुमालले जित्नु भएको छ।
सरिष्माले उपाधिका साथै नगद ३० हजार र अन्य उपहार प्राप्त गर्नुभयो। एएस क्रियटिभ मल्टिमिडिया एण्ड इभेन्ट प्रालिले आयोजना गरेको प्रतियोगितामा फष्ट रनर अप अन्जना कुमाल र सेकेण्ड रनरअफ नवीना कुमाल घोषित भए।
छनोट परेका पाँच प्रतिस्पर्धीलाई पछाडि पार्दै सरिष्माले उपाधि जित्नु भएको हो। विजेता सरिष्माले म्युजिक भिडियोमा अभिनय गर्न पाउने र दुई वर्षसम्म नृत्य प्रशिक्षण प्राप्त गर्ने इभेन्टका प्रमुख सुमन कुमालले जानकारी दिनुभयो।
‘भाषा, संस्कृति र जातीको उत्थान, मिस कुमाल तनहुँको अभियान’ भन्ने नारा रहेको प्रतियोगितामा १६ देखि २९ वर्षका १० जना सहभागी थिए।
