.jpg)
तनहुँ–१ निर्वाचन मतगणनाः रास्वपाका वाग्लेको फराकिलो अग्रता
तनहुँ क्षेत्र नम्बर १ को प्रतिनिधिसभा सदस्य निर्वाचनको मतगणना शुक्रबार बिहान १ बजेदेखि सुरु भएको छ । प्राप्त प्रारम्भिक मत परिणाम अनुसार राष्ट्रिय स्वतन्त्र पार्टी (रास्वपा) का उम्मेदवार डा. स्वर्णिम वाग्ले आफ्ना प्रतिस्पर्धीभन्दा दोब्बर बढी मतले अगाडि देखिनुभएको छ ।
काठमाडौँ-१० मा रास्वपाका विष्ट अग्रता
काठमाडौँ प्रतिनिधिसभा निर्वाचन क्षेत्र नं। १० मा राष्ट्रिय स्वतन्त्र पार्टी (रास्वपा) का प्रदिप विष्टले अग्रता पाउनुभएको छ । काठमाडौँ १० का निर्वाचन अधिकृत अमृताकुमारी शर्माका अनुसार रास्वपाका विष्टले सात हजार २६७ मत प्राप्त गर्नुभएको छ ।
हुम्लामा ६० मतदान केन्द्रका मतपेटिका सदरमुकाम आइपुगे
प्रतिनिधिसभा सदस्य निर्वाचनअन्तर्गत हिमाली जिल्ला हुम्लाका ६० वटा मतदान केन्द्रका मतपेटिका सदरमुकाम सिमकोट आइपुगेका छन्।
सर्लाही ४ को मतगणना सुरु
सर्लाही क्षेत्र नं. ४ को मतगणना भर्खरै सुरु भएको छ । निर्वाचन अधिकृत विनोदप्रसाद घिमिरेका अनुसार शुक्रबार बिहान १०ः२० बजेदेखि मतगणना सुरु भएको हो ।
बागलुङ–१ मा ११ बजेदेखि मतगणना हुने
बागलुङ क्षेत्र नम्बर १ को मतगणना शुक्रबार बिहान ११ बजेदेखि सुरु हुने भएको छ । केही समयअघि सम्पन्न भएको सर्वदलीय बैठकले ११ बजेदेखि मतगणना सुरु गर्ने निर्णय गरिएको हो ।
कपिलवस्तु १ र २ मा मतगणना सुरु
प्रतिनिधि सभा सदस्य निर्वाचनअन्तर्गत कपिलवस्तु निर्वाचन क्षेत्र नम्बर १ मा मतगणना कार्य सुरु भएको छ ।
सिरहा–४ मा रास्वपाका यादवको सुरुआती अग्रता
सिरहाका चार निर्वाचन क्षेत्रमध्ये तीन क्षेत्रमा मतगणनाको तयारी भइरहेको छ भने निर्वाचन क्षेत्र नम्बर ४ मा राष्ट्रिय स्वतन्त्र पार्टी (रास्वपा) का उम्मेदवार तपेश्वर यादवले सुरुआती अग्रता लिनुभएको छ।
रुकुमपूर्वमा प्रचण्डको अग्रता कायमै
रुकुमपूर्वको मतगणनामा सुरु देखि नै नेपाली कम्युनिस्ट पार्टीका पुष्पकमल दाहाल (प्रचण्ड) भारी मतले अग्रता कायमै राख्नु भएको छ ।
सुनसरी–१ मा ११ बजेबाट मतगणना सुरु गरिने
सुनसरी–१ मा ११ बजेबाट मतगणना सुरु गरिने भएको छ । बिहीबार भएको प्रतिनिधि सभाको निर्वाचनको मतगणनाको लागि शुक्रबार बिहान ९ बजे बसेको सर्वदलीय एवं सर्वपक्षीय बैठकले ११ बजे सुरु गरिने सहमति भएको जिल्ला निर्वाचन अधिकारी दिव्यराज अधिकारीले जानकारि दिनुभयो ।
दोलखामा मतगणना सुरु हुन सकेन
प्रतिनिधिसभा सदस्य निर्वाचनअन्तर्गत निर्वाचन एक क्षेत्र रहेकामे दोलखामा मतगणनाका लागि ११ बजे सर्वदलीय बैठक बोलाइएको छ ।
मुस्ताङका कांग्रेसका गौचनको अग्रता कायमै
एक निर्वाचन क्षेत्र रहेको मुस्ताङमा मतगणनामा नेपाली कांग्रेसका योगेश गौचन थकालीले निरन्तर अग्रता लिनुभएको छ ।
बाँकेका दुई क्षेत्रमा रास्वपा र एकमा एमालेको अग्रता
बाँके जिल्लाका तीन वटा निर्वाचन क्षेत्रमध्ये दुईवटा क्षेत्रमा राष्ट्रिय स्वतन्त्र पार्टी (रास्वपा) का उम्मेदवार र एउटा क्षेत्रमा एमालेका उम्मेदवारले मतगणनामा अग्रता लिएका छन् ।
दाङ – २ मा मतगणना सुरु
प्रतिनिधिसभा सदस्य निर्वाचन–२०८२ अन्तर्गत दाङ निर्वाचन क्षेत्र नम्बर २ मा मतगणना सुरु भएको छ । आज बिहान ९:३० बजेदेखि दाङ जिल्ला अदालतमा क्षेत्र नम्बर २ को मतगणना सुरु भएको हो ।
सल्यानमा ११ बजेदेखि मतगणना सुरु गर्ने सहमति
सल्यानमा प्रतिनिधिसभा सदस्य निर्वाचनको मतगणना बिहीबार बिहान ११ बजेदेखि सुरु गर्ने सहमति भएको छ। मतगणना अघि बसेको सर्वदलीय तथा सर्वपक्षीय बैठकले आज ११ बजेदेखि मतगणना सुरु गर्ने निर्णय गरेको हो।
-original-thumb.jpg)
मकवानपुरमा १०ः३० बजेपछि मतगणना गरिने
प्रतिनिधि सभा सदस्य निर्वाचन मकवानपुरको मतगणना शुक्रबार १०ः३० बजेबाट सुरु हुने भएको छ । दुबै निर्वाचन क्षेत्रको मत पेटिका मत गणना स्थल हेटौँडा–४ स्थित भुटनदेवी माध्यामिक विद्यालयमा आइसकेको छ ।
म्याग्दीमा मतगणना सुरु
म्याग्दीमा मतगणना सुरु गरिएको छ । गणना जिल्ला समन्वय समितिको सभाहलमा निर्माण गरिएको मतगणना स्थलमा मतगणना सुरु भएको हो ।
काठमाडौँ –१ मा रास्वपाको फराकिलो मतान्तरको अग्रता
काठमाडौँ प्रतिनधिसभा निर्वाचन क्षेत्र नं. १ मा राष्ट्रिय स्वतन्त्र पार्टी (रास्वपा) कि रन्जु दर्शना फराकिलो मतान्तरका साथ अग्रस्थानमा हुनुहुन्छ ।
रसुवामा कांग्रेसका आचार्य अग्रस्थानमा
प्रतिनिधिसभा सदस्य निर्वाचन क्षेत्र नं. १ अन्तर्गतका तीन मतदान केन्द्रको मतगणना परिणाम सार्वजनिक हुँदा नेपाली कांग्रेसका उम्मेदवार मोहन आचार्य अग्रस्थानमा देखिनुभएको छ।
गुल्मीमा १० बजेदेखि मतगणना हुने
बिहीबार सम्पन्न प्रतिनिधिसभा सदस्य निर्वाचनको मतदान गणना गुल्मीमा शुक्रबार बिहान १० बजेदेखि गरिने भएको छ। जिल्ला प्रशासन कार्यालयको सभाहलमा मुख्य निर्वाचन अधिकृत कृष्णप्रसाद पौडेलको संयोजकत्वमा बसेको सर्वदलीय बैठकले यस जिल्लाका दुवै निर्वाचन क्षेत्रको मतगणना आज बिहान १० बजेदेखि गरिने निर्णय गरेको हो।
रुपन्देही–२ मा सुलभ खरेलको अग्रता
रुपन्देही क्षेत्र नम्बर २ मा रास्वपाका सुलभ खरेलले अग्रतालाई फराकिलो बनाउँदै लग्नुभएको छ । १० हजार ६२९ मत गणना गर्दा खरेलले सात हजार १५१ मत ल्याउनुभएको छ ।
रौतहट –४ मा रास्वपालाई सुरुवाती अग्रता
प्रतिनिधि सभा सदस्यको निर्वाचनमा रौतहट क्षेत्र नं. ४ मा राष्ट्रिय स्वतन्त्र पार्टीका उम्मेदवार गणेश पौडेलले सुरुवाती अग्रता लिनुभएको छ ।
महोत्तरीको निर्वाचन १ मा रास्वपाको अग्रता
महोत्तरी निर्वाचन क्षेत्र नं १ मा मतगणना सुरु भएको छ । प्रारम्भिक मत गणनामा राष्ट्रिय स्वतन्त्र पार्टी (रास्वपा)ले अग्रता लिएको छ ।
रुकुमपश्चिममा सर्वदलीय बैठक सुरु
रुकुम पश्चिममा सर्वदलीय बैठक सुरु भएको छ । बिहीबार सम्पन्न प्रतिनिधि सभा सदस्य निर्वाचनको मत गणनाका लागि सर्वदलीय बैठक बसेको हो ।
भूकम्पले क्षतिग्रस्त भवनमा मतगणना
दुई वर्ष अघि भूकम्पले क्षतिग्रस्त जाजरकोट अदालतको भवनम मतगणना हुने भएको छ । बिहीवार सम्पन्न भएको प्रतिनिधि सभा निर्वाचनका मतपेटिका मुख्य निर्वाचन कार्यालयमा आइपुगेका छन् । सबै मतदान केन्द्रबाट मतपेटिका जाजरकोट सदरमुकाम पुर्याएको हो ।
मकवानपुरका दुवै क्षेत्रमा मतगणनाको तयारी
प्रतिनिधिसभा निर्वाचनअन्तर्गत मकवानपुर जिल्लाका दुवै निर्वाचन क्षेत्रको मतगणना शुक्रबारबाट सुरु गरिने भएको छ ।
