रौतहट, फागुन २२ गते । प्रतिनिधि सभा सदस्यको निर्वाचनमा रौतहट क्षेत्र नं. ४ मा राष्ट्रिय स्वतन्त्र पार्टीका उम्मेदवार गणेश पौडेलले सुरुवाती अग्रता लिनुभएको छ । तीन हजार ६९ मतको गणना गर्दा पौडेलले १ हजार ९०८ मत पाउनु भएको निर्वाचन अधिकृतको कार्यालय प्रतिनिधि सभा सदस्य निर्वाचन क्षेत्र नं. ४ का निर्वाचन अधिकृत उद्धव ढोडारिले जानकारी दिनुभयो ।
त्यसैगरी, नेपाली कांग्रेसका उम्मेदवार देव प्रसाद तिमल्सिनाले ५३६ मत, नेपालि कम्युनिष्ट पार्टीका उम्मेदवार राम कुमार भट्टराइले ३७९ मत, नेकपा एमालेका उम्मेदवार रामजी साह सोनारले ६९ मत पाउनुभएको छ ।
यस्तै, जनमत पार्टीका पार्टीका उम्मेदवार कल्याण पटेलले १५ मत, जनता समाजवादी पार्टी नेपालका राज कुमार दाश तत्माले २४ मत, आम जनता पार्टीका उम्मेदवार ऋषि धमलाले ६ मत पाउनु भएको छ ।
