गोरखापत्र अनलाइन
लुम्बिनी सरकारद्वारा अस्थायी दरबन्दी स्वीकृत
लुम्बिनी प्रदेश सरकारले आर्थिक वर्ष २०८२–८३ को तेस्रो त्रैमासिकका लागि अस्थायी दरबन्दी स्वीकृत गर्ने निर्णय गरेको छ।
केरामा अस्वाभाविक मूल्यवृद्धि
बजारमा व्यवसायीले कृत्रिम अभाव देखाएर केरामा अस्वाभाविक मूल्यवृद्धि गराएका छन् । सरकारले भारतबाट आयात हुने केरामा प्रतिबन्ध लगाएका बेला व्यापारीले अभाव देखाएर मनपरी मूल्य बढाएका हुन् ।
पूर्वबाट हराउँछ चीनको स्याउ
विराटनगर भन्सार कार्यालयको तथ्याङ्क अनुसार चालु आर्थिक वर्ष २०८२/८३ को साउनदेखि २०८२ चैत ३० सम्ममा दुई करोड ११ लाख ३२ हजार ९९५ केजी स्याउ भित्रिएको छ । भन्सार कार्यालय विराटनगरका अधिकृत विमलदेव साहका अनुसार यो गत वर्षको यसै अवधिको तुलनामा दोब्बरले बढी हो ।
अन्तर्राष्ट्रिय उडान बढाउँदै नेपाली वायुसेवा
चार्टरमार्फत अन्तर्राष्ट्रिय उडान गर्दै आएको श्री एयरलाइन्सले भारत र बङ्गलादेशमा नियमित उडान सञ्चालनको अनुमति पाएको छ । गत चैत अन्तिम साता भारतको कोलकातामा परीक्षण उडान गरेको श्रीले नेपाल नागरिक उड्डयन प्राधिकरणबाट भारतको नयाँदिल्ली र कोलकातासँगै नेपालबाट बङ्गलादेशमा व्यावसायिक उडानको अनुमति पाएको हो ।
बेनी नगरपालिकाबाट करदाता सेवा सुरु
बेनी नगरपालिकामा पहिलो पटक करदाता सेवा सुरु भएको छ । नगरपालिकाका प्रमु्ख प्रशासकीय अधिकृत अर्जुन शर्मा र आन्तरिक राजस्व कार्यालय बागलुङका प्रमुख कर अधिकृत कपिल सिलवालबिच मङ्गलबार समझदारीपत्रमा हस्ताक्षर गरी सेवा प्रवाहको औपचारिक सुरुवात गरिएको हो ।
गोरखापत्रकर्मी हमाललाई ‘गोल्ड मेडल’
गोरखापत्रकी पत्रकार चाँदनी हमालले पूर्वाञ्चल विश्वविद्यालयबाट ‘गोल्ड मेडल’ प्राप्त गर्नुभएको छ । आमसञ्चार तथा पत्रकारिता अन्तर्गत स्नातकोत्तर तहमा उत्कृष्ट नतिजासहित विश्वविद्यालयमै प्रथम (टप) भएकोमा उहाँलाई पूर्वाञ्चल विश्वविद्यालयको १४ औँ दीक्षान्त समारोहमा आज उक्त स्वर्ण पदक प्रदान गरिएको हो । काठमाडौँस्थित कान्तिपुर सिटी कलेजको ‘ब्याच २०२२’ की छात्रा हमालले ३.५७ जिपिए अङ्कसहित ‘एमएएमसिजे’ कार्यक्रममा विश्वविद्यालय टप गर्नुभएको हो ।
यस्तो छ आजका लागि तय भएको विदेशी मुद्राको विनिमयदर
नेपाल राष्ट्र बैंकले आज (बुधबार) का लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलरको मूल्य बढेको छ ।
तराई र उपत्यकामा तातो दिन
हाल नेपालमा पश्चिमी र स्थानीय वायुको आंशिक प्रभाव रहेको छ । यसको प्रभाव रहदा देशका हिमाली भूभागमा सहित कोशी प्रदेशका पहाडी भूभागमा आंशिक बादल लागेको छ भने बाँकी भूभागमा मौसम मुख्यतया सफा रहेको छ ।
अमेरिका–इरान युद्धविराम : समयसीमा आज सकिँदै
अमेरिका र इरानबिच भएको दुई साताको अस्थायी युद्धविरामको समय बुधबार सकिँदै छ । दोस्रो चरणको शान्तिवार्ताका लागि अमेरिकाका उपराष्ट्रपति जेडी भान्स पाकिस्तान आउन लाग्नुभएको अमेरिकी टेलिभिजन संस्था सिएनएनले जनाएको छ । इरानले भने वार्तामा कसलाई पठाउने भन्नेबारे निर्णय गरिनसकेको बताइएको छ ।
योजना आयोग खारेज नहुने
प्रधानमन्त्री वालेन्द्र शाहले राष्ट्रिय योजना आयोग र नीति अनुसन्धान प्रतिष्ठान खारेज नहुने स्पष्ट पार्नुभएको छ । यी संस्थालाई थप सुधारमार्फत सुदृढ बनाएर सरकारको सेवा प्रवाहलाई प्रभावकारी बनाउने उहाँको भनाइ छ ।
टिकटक भिडियोका कारण चिकित्सकलाई स्पष्टीकरण
बिरामीको उपचार गरेको दृश्य सामाजिक सञ्जालमा राखेपछि एक चिकित्सकलाई नेपाल मेडिकल काउन्सिलले कारबाही प्रक्रिया अगाडि बढाएको छ । मेडिकल काउन्सिलले सामाजिक सञ्जाल टिकटकमा भाइरल भएका भिडियो सामग्रीका विषयमा डा. सुधीरप्रसाद साहलाई स्पष्टीकरण सोधेको हो । भिडियो सामग्रीले पेसागत आचारसंहिता उल्लङ्घन गरेको आरोप लगाउँदै स्पष्टीकरण सोधिएको छ ।
रास्वपाले तोक्यो समानुपातिक सांसदको जिम्मेवारी
प्रतिनिधि सभाको सबैभन्दा ठुलो दल राष्ट्रिय स्वतन्त्र पार्टी (रास्वपा) ले आफ्नो प्रतिनिधित्व नभएको निर्वाचन क्षेत्रमा समानुपातिक सांसदलाई जिम्मेवारी तोकेको छ । रास्वपा महामन्त्री कवीन्द्र बुर्लाकोटीका अनुसार पार्टीका तर्फबाट प्रत्यक्ष निर्वाचनमा विजय प्राप्त गर्न नसकेका निर्वाचन क्षेत्रलाई केन्द्रित गरी समानुपातिक सांसदहरूलाई जिम्मेवारी तोकेको हो । रास्वपाले जिम्मेवारीसहित प्रतिनिधित्व गर्ने सांसदहरूको विस्तृत विवरण नाम, जिम्मेवारी, क्षेत्र तथा सम्पर्क नम्बर सार्वजनिक गरेको हो ।
-original-thumb.jpg)
बालश्रम निषेध गर्न विधेयक मसौदा
सरकारले बालश्रमलाई पूर्ण रूपमा निषेध र नियमन गर्न ‘बालश्रम (निषेध तथा नियमित गर्ने) विधेयक, २०८२’ को मसौदा तयार गरेर सरोकारवालाबाट सुझाव लिने गरी सार्वजनिक गरेको छ । श्रम, रोजगार तथा सामाजिक सुरक्षा मन्त्रालयले २५ वर्ष पुरानो बालश्रम (निषेध र नियमित गर्ने) ऐन, २०५६’ लाई प्रतिस्थापन गर्न यो नयाँ विधेयक ल्याएको हो ।
अब घरबाटै ‘एनओसी’
वैदेशिक अध्ययनमा जाने विद्यार्थीले वैदेशिक अध्ययन अनुमतिपत्र ‘नो अब्जेक्सन सर्टिफिकेट’ का निम्ति ठुलो तनाव खेप्नु परेको विगत छ । वर्तमान सरकारले त्यसमा व्यापक सरलीकरण गरेको छ । अब घरबाटै ‘नो अब्जेक्सन सर्टिफिकेट’ (एनओसी) लिन सक्ने भएका छन् । एनओसी विद्यार्थी आफैँले प्रिन्ट गरेर लिन सक्ने गरी सहजीकरण गरिएको छ ।
वैदेशिक रोजगार विभागबाट तीन बिचौलिया पक्राउ
वैदेशिक रोजगार विभाग ताहचलमा सेवाग्राहीलाई दुःख हैरानी दिने तीन बिचौलिया पक्राउ परेका छन् ।
