गोरखापत्र अनलाइन
रामोजीमा निताको चलचित्र
पछिल्लो दशकमा नेपाली चलचित्रले छायाङ्कनको दायरा फराकिलो पार्दै लगेका छन् । कुनै समय नेपालमा मात्र छायाङ्कन गरिने चलचित्र अहिले विदेशका उत्कृष्ट लोकेसनमा खिचिन थालिएको छ । यही क्रममा नेपाली चलचित्रको इतिहासमा पहिलो पटक चलचित्र ‘ह्रस्व दीर्घ’ भारतको प्रख्यात रामोजी फिल्म सिटीमा खिचिने भएको छ ।
अवैध उत्खनन रोक्न ध्यानाकर्षण
महोत्तरी जिल्ला भएर बग्ने नदी तटीय क्षेत्रमा भइरहेको अनियन्त्रित र अवैध उत्खनन रोक्न जिल्ला समन्वय समितिलाई महìवपूर्ण भूमिका खेल्न ध्यानाकर्षण गराइएको छ । नवनिर्वाचित जिससका प्रमुखलगायत पदाधिकारीको पदभार ग्रहण कार्यक्रममा सरिक भएका सरोकारवालाले अनियन्त्रित र अवैध खोला उत्खनन कार्यलाई नियन्त्रण गर्न भूमिका खेल्न आग्रह गरेका छन् ।
मलाई मन परेका पाँच चलचित्र
बलिदानयो चलचित्रले देश प्रेमको भावना देखाएको छ । मैले सानो उमेरमै यो चलचित्र हेरेको थिएँ । त्यसले मेरो मानसपटलमा देश, राष्ट्रियताप्रति छुट्टै प्रभाव पारेको थियो । चलचित्रमा हरिवंश आचार्य, मदनकृष्ण श्रेष्ठ, नीर शाहलगायतका कलाकारको अभिनय बेजोड थियो । चिनो यो चलचित्रका सबै पात्र रमाइलो किसिमका थिए । चलचित्रमा विशेषतः सुनील थापाको चरित्र अझ गजबको छ । चलचित्रको सङ्गीत, कलाकारहरूको अभिनय, कथावस्तु मन छुने किसिमको छ । अहिले पनि बेलाबेलामा यो चलचित्रको सम्झना आउँछ ।श्री यो चलचित्रमा मैले अभिनयको मौका पाएँ । यो चलचित्र मेरो करियरकै एउटा उत्कृष्ट चलचित्र हो । मेरो जीवनकै एउटा अविस्मरणीय चलचित्रका रूपमा ‘श्री’ लाई लिन्छु । सायद अब यस्तो चलचित्र गर्छु या गर्दिनँ थाहा छैन ।पशुपतिप्रसादयो चलचित्रको प्रमुख पक्ष भनेको यसको कथावस्तु हो । चलचित्रमा खगेन्द्र लामिछाने, विपिन कार्कीको अभिनय आफैँमा बेजोड लाग्छ । एउटा युवाको सङ्घर्ष अनि त्यसभित्रको सफलता र असफलताको कुरालाई निर्देशकले निकै गहिरो ढङ्गले प्रस्तुत गरेका छन् ।जात्रैजात्रा हामी सबै परिवारले हेरेको अर्को मनपर्ने चलचित्र ‘जात्रैजात्रा’ हो । यसमा एउटा सानो विषयलाई निर्देशन प्रदीप भट्टराईले कति रोचक ढङ्गले प्रस्तुत गरेका छन् । विशेषतः मलाई चलचित्रमा विपिन कार्कीको क्यारेक्टर उत्कृष्ट लागेको छ । प्रस्तुति : युवराज गौतम
वर्षातमा पनि चलायमान सौराहा
चितवन राष्ट्रिय निकुञ्जभित्रका पर्यटकीय गतिविधि रोकिए पनि निकुञ्जमै निर्भर रहेको पर्यटकीय नगरी सौराहाको गतिविधि भने रोकिएको छैन । सौराहा नजिकै रहेका बाघमारा र कुमरोज मध्यवर्ती सामुदायिक वनमा हात्ती र जिपजस्ता जङ्गल सफारीका गतिविधि चलिरहेकाले सौराहाको पर्यटकीय गतिविधि वर्षात्को सिजनमा पनि चलायमान रहेको क्षेत्रीय होटल सङ्घ सौराहाका महासचिव गुणराज थपलियाले बताउनुभयो । “हामीले सौराहा आउने पर्यटकका लागि जङ्गल सफारीका कुनै पनि गतिविधि रोकेका छैनौँ । निकुञ्जसँगै जोडिएका
बोक्सीको आरोपमा मलमूत्र खुवाउने प्रयास
‘धेरै दिनपछि बोक्सी आज एक्लै फेला परी । यसलाई मलमूत्र नखुवाई छाड्दैनौँ भन्दै मेरो दुवै हात समाएर भुइँमा लडाएर मुखमा मलमूत्र खुवाउने प्रयास भयो । मैले मुख खोलिन । मुख नखोल्दा दुवै गालामा मुक्काले हिर्काई बेहोस बनाए । बोतलमा ल्याएको मलमूत्र जीउभरि छर्किदिए, आफूमाथि बोक्सीको आरोपमा मलमूत्र खुवाउने प्रयास भएको घटना सुनाउँदै अतिकादेवी कामतले भन्नुभयो ।
स्याङ्जा–पर्वत सडक कालोपत्रे
पूर्वाधार विकास कार्यालय स्याङ्जाले जिल्लाभित्रका तीन सडकको २०.५ किलोमिटर कालोपत्रे गरेको छ । गण्डकी प्रदेश सरकारको निर्वाचन क्षेत्र सडकअन्तर्गत क्षेत्र नम्बर १ ‘क’को घुम्ती चिसापानी, ‘ख’को नागडाँडा कार्कीनेटा र क्षेत्र नम्बर २ को गल्याङ र चापाकोट खण्ड कालोपत्रे गरिएको हो ।
पूर्ण क्षमतामा सञ्चालन गर्न निर्देशन
उद्योग, वाणिज्य तथा आपूर्तिमन्त्री दिलेन्द्रप्रसाद बडूले चोभार सुक्खा बन्दरगाहको अवलोकन गर्नुभएको छ ।सो अवसरमा मन्त्री बडूले यो सुक्खा बन्दरगाहले काठमाडौँ केन्द्रित व्यवसायको समय र लागत कम हुन गई आयात निर्यातमा महत्त्वपूर्ण भूमिका निर्वाह गर्ने चर्चा गर्दै चोभार सुक्खा बन्दरगाहलाई सरकारको लक्ष्य हासिल गर्नेगरी सञ्चालन गर्न निर्देशन दिनुभयो ।
मुसलधारे पानीले उडान अवरुद्ध
लगातार परेको पानी नरोकिएपछि विहान ६ बजेदेखि हुने उडान रोकिएको छ । त्रिभुवन अन्तर्राष्ट्रिय विमानस्थलबाट हुने लुक्ला, भैरहवा, सुर्खेत र भोजपुर विमानस्थलमा अझै पनि उडान हुन सकेको छैन ।
सडक निर्माणमा लापरबाही
सडक निर्माणसँग सम्बन्धित निकायको चरम लापरबाहीका कारण चार महिनामा सक्नुपर्ने काम १५ महिना बितिसक्दा पनि पूरा हुन सकेको छैन । दाङ जिल्लाको मुख्य बजारकैै सडक निर्माणमा ढिलासुस्ती हुँदा स्थानीयवासीले सास्ती बेहोर्नु परेको छ ।
कैदीबन्दीलाई मताधिकार
सर्वोच्च अदालतले कैदीबन्दीको नाम मतदाता नामावलीमा सङ्कलन र अद्यावधिक गर्न निर्वाचन आयोगको नाममा आदेश गरेको छ । न्यायाधीश सपना प्रधान मल्लको एकल इजलासले असार १० गते नामावली सङ्कलनका लागि आदेश गरेको हो । कैदीको हिँडडुलबाहेकका अन्य अधिकार यथावत् रहेको भन्दै मतदानको अधिकार दिन पनि अदालतले आदेशमा भनेको छ ।
मुहानमा भलबाढी घरघरमा धारा खाली
बाढीपहिरोले पानीको मुहानमा क्षति पु-याएपछि कर्णाली प्रदेश राजधानी वीरेन्द्रनगरमा एक हप्तादेखि पानी आपूर्ति हुन सकेको छैन । वीरेन्द्रनगर–५ की गीता थापाले धारामा एक हप्तादेखि पानी नआएको र नजिकको खोलामा रहेको धारामा पानी भर्नेको भीड हुने गरेको बताउनुभयो ।
वैदेशिक रोजगारीलाई ऐच्छिक बनाइने
नवनियुक्त श्रम, रोजगार तथा सामाजिक सुरक्षामन्त्री शेरबहादुर कुँवरले वैदेशिक रोजगारीलाई मर्यादित, व्यवस्थित र सुरक्षित बनाउने कामलाई पहिलो प्राथमिकतामा राख्ने प्रतिबद्धता व्यक्त गर्नुभएको छ । सोमबार पदभार ग्रहण गर्दै उहाँले वैदेशिक रोजगारीमा भएका बेथिति अन्त्य गरी यस क्षेत्रलाई भरपर्दो बनाउँदै लैजाने प्रतिबद्धता व्यक्त गर्नुभएको हो । श्रममन्त्री कुँवरले यसअघिका मन्त्रीबाट भएका राम्रा कामलाई निरन्तरता दिँदै आन्तरिक रोजगारी सिर्जना गरेर सकेसम्म स्वदेशमै रोजगारीका अवसर खोजिने बताउनुभयो ।
तीन दिनसम्म देशैभर मुसलधारे वर्षा
मनसुनी वायुको प्रभावले मंङ्लबारदेखि बिहीबारसम्म देशभर मुसलधारे वर्षा हुनेछ । मौसम पुर्वानुमान महाशाखाले मंगलबार विहान जारी गरेको विज्ञप्तीनुसार सातै प्रदेशमा सामान्य देखि भारी वर्षा हुने जनाएको छ ।
‘ओटीपी बाइपास’ले उठाएका प्रश्न
विज्ञान प्रविधिको आधुनिक युगमा नवीन प्रविधिको प्रयोगबिना समृद्धिलाई साकार पार्न सम्भव छैन । सूचना प्रविधिको यो युगमा जनजीवनका हरेक क्षेत्रमा आधुनिक प्रविधिको प्रयोग प्रचुर मात्रामा भइरहेको छ । प्रत्येक सिक्काका दुई पाटा भनेझैँ प्रविधिको प्रयोगबाट सहजतासँगै विविध किसिमका चुनौती पनि सिर्जना भइरहेका पाइन्छन् । त्यस क्रममा हिजोआज इन्टरनेटकै माध्यमबाट विभिन्न अनलाइन कार्यले निकै तीव्रता पाइरहेका छन् ।
राजनीतिको मूलप्रवाहीकरणमा युवा
राजनीतिक सहभागिता र समानता लोकतन्त्रका मुख्य आदर्श हुन् । सैद्धान्तिक रूपमा दुवै एकअर्काका अनुरूप भए पनि व्यावहारिक रूपमा असमान सहभागिताले लोकतन्त्रप्रति जनताको मोह भङ्ग हुने खतरा बढेको छ । सरकारमा गएका व्यक्तिको अस्वाभाविक जीवनशैलीले लोकतान्त्रिक मूल्य मान्यता झुटतन्त्र र लुटतन्त्रमा परिणत भएको छ ।
