गोरखापत्र अनलाइन
देश चौतर्फी ढङ्गले विकास गर्दैछौँ : प्रधानमन्त्री ओली
प्रधानमन्त्री केपी शर्मा ओलीले ग्वार्कोमा नवनिर्मित ‘फ्लाई ओभर’ ले ग्वार्कोसहित आसपासका क्षेत्रमा हुने सवारी जामको समस्या समाधान गर्ने बताउनुभएको छ।
डोटीमा जिप दुर्घटना : तीन जनाको मृत्यु, पाँच घाइते
डोटीमा जिप दुर्घटनामा हुँदा तीन जनाको मृत्यु भएको छ भने पाँच जना घाइते भएका छन् । जिल्लाको आदर्श गाउँपालिका-१ खिरधार धौलामाटी भन्ने ठाउँमा शुक्रबार दिउँसो जिप दुर्घटना भएको हो ।
६० किलो सुन तस्कर गर्ने अमला रोका पक्राउ
६० किलो सुन ओसारपसारका क्रममा बरामद गरिएको घटनामा संलग्न एक जनालाई प्रहरीले पक्राउ गरेको छ । रोल्पाको थवाङ गापा २ स्थायी घर भई हाल काठमाडौँको टोखा नपा वडा ३ सुर्यदर्शन टोल बस्ने ४४ बर्षीया अमला रोकालाई प्रहरीले पक्राउ गरेको हो ।
सङ्क्रमणकालीन न्यायका विषयमा प्रधानमन्त्री ओली, देउवा र दाहालबिच छलफल
धानमन्त्री केपी शर्मा ओली, नेपाली काँग्रेसका सभापति शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहालबिच सङ्क्रमणकालीन न्यायका विषयमा छलफल भएको छ ।
ग्वार्को ‘ओभर पास’ प्रधानमन्त्री ओलीद्वारा उद्घाटन (फोटो फिचर)
लितपुरको ग्वार्को चोकमा ‘ओभर पास’ आज प्रधानमन्त्री केपी शर्मा ओलीले उद्घाटन गर्नुभएको छ । उद्घाटनसँगै सञ्चालनमा आएको ओभरपासका कारण काठमाडौँ उपत्यकाको निकै व्यस्त सडक चक्रपथको जाम कम हुने विश्वास गरिएको छ ।
तीन करोड कम लागतको आयोजना कार्यान्वयन कागजमै सीमितः पूर्व अर्थमन्त्री महत
पूर्व अर्थमन्त्री डा. प्रकाशशरण महतले तीन करोडभन्दा तलको आयोजना केन्द्र सरकारले कार्यान्वयन नगर्ने निर्णय कागजमै सीमित भएको बताउनुभएको छ ।
रैथानीबाली कागुनो, झुमरो र चिनोको संरक्षण गरिँदै
बाजुराको स्वामिकार्तिक खापर गाउँपालिकाले रैथाने बाली कागुनो, झुमरो, चिनो, कोदो, मकैको संरक्षण अभियान सुरु गरेको छ ।
क्यान्सर रोगका बिरामीलाई घरमै उपचार सुविधा
धरान, असार ६ गते । बिपी कोइराला स्वास्थ्य विज्ञान प्रतिष्ठान धरानले क्यान्सरका सिकिस्त बिरामीहरूलाई लक्षित गरी सहज रूपमा उपचार तथा हेरचाह पुर्याउने उद्देश्यले घरमै गएर उपचार दिने सेवाको प्रारम्भ गरेको छ । क्यान्सरका बिरामीलाई लक्षित गरी आवश्यक पर्ने नियमित या आकस्मिक उपचार सेवाहरू सर्वसाधारणहरूलाई सहज रूपमा उपलब्ध गराउन प्रतिष्ठानले स्वास्थ्यकर्मीहरूको टोलीले घरैमा गएर उपचार गर्ने व्यवस्था मिलाइएको बिपी प्रतिष्ठानको सह–प्रवक्ता डा.अभिजीत कुमारले जानकारी दिनुभयो । यस प्रकारको सेवाले क्यान्सरका कारण दुखाइको पिडाले असह्य भएर छटपटाइ रहेको तथा कमजोर भई घरमा थलिएर बसेको समयमा उपचारका लागि अस्पताल आउनुपर्ने कठिन परिस्थितिको सामना गर्नुपरेका बिरामी तथा आफन्तजनका लागि ठुलो राहत दिने विश्वास प्रतिष्ठानले लिएको छ । यो सेवा काठमाडौँ बाहेक धरानमा नै पहिलो पटक रहेको सह–प्रवक्ता डा.कुमारले जानकारी दिनुभयो । यस सेवा लिनको लागि प्रतिष्ठानको आन्तरिक चिकित्सा विभाग अन्तर्गतको ओन्कोलोजी एकाइस“ग समन्वय गरी सर्वसाधारणले सेवा लिन सकिने छ । उक्त सेवाको लागि प्रतिष्ठानले हाललाई प्रति भिजिट पन्ध्र सय शुल्क निर्धारण गरेको छ भने विपन्न बिरामीको हकमा भने प्रतिष्ठानले विपन्न बिरामीलाई प्रदान गर्ने नियमानुसारको निःशुल्क सेवा दिने व्यवस्था गरिएको छ । हाललाई यो सेवा धरान उपमहानगरपालिका भित्र प्रदान गरिने प्रतिष्ठानले जनाएको छ । घरमै गएर उपचार गरिने यस प्रकारको कार्यक्रममा क्यान्सर रोग भएका सिकिस्त बिरामीहरूलाई क्यान्सर सम्बन्धी प्रशिक्षित नर्सहरू र डाक्टरहरू लेभेटी, लक्षण व्यवस्थापन गर्ने, उपशामक व्यवस्थापन गर्ने, भावनात्मक-आध्यात्मिक सहयोग गर्ने जस्ता कार्यका साथै पारिवारिक परामर्श प्रदान गर्ने गरिन्छ सह–प्रवक्ता डा.कुमारले जानकारी दिनुभयो । यसै गरी उपचारका लागि आउने बिरामीहरूको सुविधाका लागि ओपिडी टिकट दर्ता गर्न तथा ल्याब रिपोर्ट हेर्न मोबाइल एपको नयाँ“ संस्करण सार्वजनिक गरेको सह–प्रवक्ता डा.कुमराले जानकारी दिनुभयो । सेवाको पहुँच, पारदर्शिता र सेवा ग्रहण प्रक्रियालाई अझ सरल र प्रभावकारी बनाउन सुविधाहरू थप गरिएको हो । यस मोबाइल एप मार्फत सेवाग्राहीहरूले घरमै बसेर जेनेरल ओपिडी टिकट दर्ता गर्न सक्नेछन् । एपमा लग इन गरी आफूले देखाउन चाहेको ओपिडी चयन गरी भुक्तानीको प्रक्रिया पश्चात् दर्ता भइसकेको जानकारीका साथै टोकन नम्बर प्राप्त गर्न सक्ने छन् ।सो टोकन नम्बरको आधारमा अस्पतालको सम्बन्धित ओपिडीमा आएर ओपिडी टिकट तथा चिकित्सकलाई देखाउने टोकन प्राप्त गर्न सक्नेछन् । साथै ओपिडी टिकट बापतको शुल्क आएमइपे र खल्ती नामका माध्यमबाट भुक्तानी गर्न सकिने छ ।विद्यार्थीहरूको चिकित्सकीय अभ्यासलाई बृहत् बनाउने उद्देश्यले प्रतिष्ठानमा स्नातक तहका विद्यार्थीका लागि विद्यार्थी अन्कोलोजी शाखा पनि स्थापन गरिएको छ । यस शाखामा रहेर विद्यार्थीले क्यान्सर रोकथाम र जागरूकतामा योगदान पुर्याउनु, विद्यार्थी र आमजनतामा क्यान्सर शिक्षा, जागरूकता र निवारक स्वास्थ्य सेवा अभ्यासहरूलाई प्रवर्धन गर्नुका साथ प्रतिष्ठान र समुदाय बिच पुलको रूपमा काम गर्ने गरेको छ । चिकित्सा विज्ञानको क्षेत्रमा अनुसन्धानको ठुलो महत्त्व रहेको हुँुदा प्रारम्भिक चरणदेखि नै विद्यार्थीहरूलाई अनुसन्धानको क्षेत्रमा आबद्ध गराई अनुसन्धान सम्बन्धी ज्ञानलाई बलियो बनाउने उद्देश्यले विद्यार्थी अनुसन्धान शाखाको समेत स्थापना गरिएको सह–प्रवक्ताले कुमारले जानकारी दिनुभयो ।
धार्मिक नदी वरुणबाट बिजुली निकाल्न स्थानीयको अवरोध
धार्मिक, सांस्कृतिक र पर्यावरणीय दृष्टिले अत्यन्तै संवेदनशील मानिने भोटखोला गाउँपालिकामा रहेको वरुण नदीमा विद्युत् परियोजना सञ्चालन गर्ने सरकारी निर्णयप्रति स्थानीयवासीले आपत्ति जनाएका छन् ।
-original-thumb.jpg)
अन्दोलनका घाइतेको निःशुल्क उपचार गराएको तीन अस्पतालले मागे ३९ लाख रकम
विसं. २०८१ चैत १५ गते व्यवस्था विरोधी आन्दोलनको क्रममा घाइते भएकाको निःशुल्क उपचार गराए बापत तीन अस्पतालले ३९ लाख छ हजार ८७७ रुपियाँ स्वास्थ्य तथा जनसङ्ख्या मन्त्रालयमा बिल पेस गरेका छन् ।
इजरायल र इरानबाट नेपालीको उद्धारको तयारीमा छौँः परराष्ट्रमन्त्री डा. राणा
परराष्ट्रमन्त्री डा. आरजु राणा देउवाले इजरायल र इरानमा विकसित परिस्थिति अनुसार त्यहाँ रहेका नेपाली नागरिकको सुरक्षा र उद्धारका लागि नेपाल सरकारले सम्भव भएका सबै उपाय अवलम्बन गर्ने र नेपाल फर्कन चाहनेलाई उद्धार गर्ने तयारीमा रहेको बताउनुभएको छ।
मधेश सङ्ग्रहालय स्थापना हुने
मधेश प्रदेश सरकारका शिक्षा तथा संस्कृति मन्त्री रानीकुमारी तिवारीले मधेशका सबै भेषभाषा, कला लोक संस्कृतिको संरक्षण, प्रवर्धन गरेर अस्तित्व जोगाउनमा जोड दिनुभएकाे छ ।
पाँचथरमा ट्राफिक सप्ताह
पाँचथरमा ट्राफिक सप्ताह सुरु भएको छ। सवारी दुर्घटना र तिनबाट हुने क्षतिको न्युनीकरणका लागि जिल्ला ट्राफिक प्रहरी कार्यालयको अगुवाइमा ट्राफिक सप्ताह सुरु भएको हो।
आगोले जलेर घाइते बालिकाको उपचारको क्रममा मृत्यु
नवलपुरको देवचुलीमा आगोले जलेर घाइते भएकी कावासोती नगरपालिका–८ की बालिकाको उपचारको क्रममा काठमाडौँमा मृत्यु भएको छ।
मनसुन प्रणाली देशभर फैलियो
यस वर्षको मनसुन प्रणाली आजदेखि देशभर फैलिएको छ । मौसम पूर्वानुमान महाशाखाले आज विशेष मौसम बुलेटिन निकालेर २३ दिनपछि मनसुन देशभर फैलिएको जनाएको हो ।
