राउटेलाई प्राथमिक उपचारबारे सिप सिकाइँदै
कर्णाली प्रदेशमा पहाडी जिल्लाका जङ्गल तथा नदी किनारमा घुमन्ते जीवन बिताउने लोपोन्मुख राउटे समुदायलाई चोटपटक लागेमा त्यसको प्राथमिक उपचार कसरी गर्ने भन्नेबारे सिकाउन थालिएको छ ।
सिफारिस सूचीमा पुरानै अनुहार
आगामी फागुन २१ गते हुने प्रतिनिधि सभाको निर्वाचनका लागि दैलेखका रहेका प्रमुख राजनीतिक दल नेपाली कांग्रेस, नेपाल कम्युनिस्ट पार्टी (एमाले), नेपाली कम्युनिस्ट पार्टीलगायतका दलले गरेको सिफारिस सूचीमा पुरानै अनुहारको दबदबा रहेको पाइएको छ ।
रमितेमा धमाधम खुल्दै होटेल
उत्तरी मोरङको रमितेमा पछिल्लो दुई वर्षयता १८ वटा सानाठुला होटेल सञ्चालनमा आएका छन् । पूर्वपश्चिम राजमार्ग अन्तर्गत मोरङ
पुरुषभन्दा महिला मतदाताको सङ्ख्या बढी
आगामी फागुन २१ गते हुने प्रतिनिधि सभा सदस्य निर्वाचनका लागि सुदूरपश्चिम प्रदेशमा पुरुषको भन्दा महिला मतदाताको सङ्ख्या बढी देखिएको छ । निर्वाचन आयोगले अद्यावधिक गरेको मतदातामध्ये महिलाको सङ्ख्या आठ लाख ६४ हजार ४२३ महिला र पुरुषको सङ्ख्या आठ लाख ५२ हजार २१९ रहेको प्रदेश निर्वाचन कार्यालयका प्रमुख प्रेमराज भट्टले जानकारीले जानकारी दिनुभयो । त्यस्तै १८ जना अन्य मतदाता रहेका छन् ।
एक हजार बढीले गराए गर्भपतन
कञ्चनपुरमा चालु आर्थिक वर्ष २०८२/८३ को मङ्सिर मसान्तसम्म एक हजार १८ महिला तथा किशोरीले गर्भपतन गराएका छन् । जिल्लास्थित सरकारी अस्पताल तथा स्वास्थ्य संस्थाका तथ्याङ् अनुसार, पछिल्लो पाँच महिनामा २० वर्ष कम उमेर समूहका ३० जना र २० वर्षमाथिका ९८८ गरेर एक हजार १८ महिला तथा किशोरीले गर्भपतन सेवा लिएका हुन् ।
बालबालिकाले देखाए पैंसरी र हुड्केली
सल्यानमा सामुदायिक विद्यालयमा अध्ययन गर्ने बालबालिकामा मौलिक तथा परम्परागत लोककला र संस्कृतिप्रति चासो बढ्दै गएको देखिएको छ । जिल्लाको छत्रेश्वरी गाउँपालिकामा आयोजित खेलकुद प्रतियोगिताका क्रममा बालबालिकाले पैंसरी (लहरे) र हुड्केली नाच प्रस्तुत गर्दै आफ्नो संस्कृति संरक्षण र सिकाइप्रति उत्साह देखाएका हुन् ।
निर्यात प्रोत्साहन कार्यविधि अन्तिम चरणमा
उद्योग, वाणिज्य तथा आपूर्तिमन्त्री अनिलकुमार सिन्हाले विदेशी मुद्रा भित्र्याउने र व्यापार घाटा कम गर्ने निर्यात व्यापार रहेकाले यसलाई बढाउन आवश्यक रहेको बताउनुभएको छ ।
-original-thumb.jpg)
गोलभेँडाले भाउ पाउँदा किसान मक्ख
यस वर्षको मध्य चिसोयाममा पनि गोलभेँडाले प्रशस्त मूल्य पाउँदा सर्लाहीका किसान मक्ख छन् । अघिल्ला वर्षमा शीतलहर चल्ने याममा गोलभेँडा बिक्री नभएर किसान हैरान हुन्थे । केजीको १०/१२ रुपियाँमा पनि बेच्न मुस्किल पथ्र्यो ।
फेरि उकालो लाग्यो सुनचाँदीको मूल्य
स्थानीय बजारमा सुनचाँदीको मूल्य फेरि उकालो लाग्न थालेको छ । प्रतितोला दुई लाख ७० हजार रुपियाँ पुगेर दुई लाख ५९ हजार छ सय रुपियाँसम्म झरेको सुनको मूल्य गत आइतबारदेखि पुनः बढ्न थालेको हो ।
इजरायल र ओमानसँग नयाँ श्रम समझदारीको तयारी
सरकारले इजरायलमा दीर्घकालीन सहायक श्रमिक (केयरगिभर) सहित कृषिक्षेत्रमा समेत नेपाली श्रमिक पठाउने गरी श्रम सम्झौताको स्वीकृत प्रदान गरेको छ । यसअघि दीर्घकालीन सहायक श्रमिकको दर्जा (केयरगिभर) मा संस्थामा काम गर्ने गरी मात्रै श्रमिक पठाउने गरेकोमा अब केयरगिभरको होम टु होम काम गर्ने र कृषिक्षेत्रमा काम गर्ने श्रमिक पठाउने गरी स्वीकृति भएको हो ।
अनलाइन व्यापारमा बिल अनिवार्य
अनलाइनमार्फत व्यापार गर्नेले अनिवार्य रूपमा बिलको प्रयोग गर्नुपर्ने प्रस्ताव गरिएको छ । उद्योग, वाणिज्य तथा आपूर्ति मन्त्रालयले सुझावका लागि सार्वजनिक गरेको विद्युतीय व्यापार (इकमर्स) निर्देशिका, २०८२ को मसौदामा यस्तो प्रस्ताव गरिएको हो ।
कोशी प्रदेशमा स्टार्टअप : साढे दुई अर्ब लगानी
कोशी प्रदेशमा स्टार्टअप उद्यमहरूको सङ्ख्या तीव्र रूपमा बढिरहेको छ । नेपाल राष्ट्र बैङ्क विराटनगर कार्यालयले सार्वजनिक गरेको ‘कोशी प्रदेशमा स्टार्टअप उद्यमको प्रवृत्ति विशेष अध्ययन प्रतिवेदन २०८१/८२’ प्रतिवेदन अनुसारसो प्रदेशमा १६० स्टार्टअप उद्यममध्ये ८० प्रतिशत उद्यम नाफामा सञ्चालनमा छन् । तिनको औसत नाफा १३.९ प्रतिशत छ ।
ज्येष्ठ नागरिकको व्यवस्थापन सरकारले गर्छ : सञ्चारमन्त्री
सञ्चार तथा सूचना प्रविधिमन्त्री जगदीश खरेलले ललितपुरको बागडोलस्थित ज्यापू समाजको ज्येष्ठ नागरिक आनन्द निकेतनको मङ्गलबार अवलोकन गर्नुका साथै ज्येष्ठ नागरिकसँग अन्तर्क्रिया गर्नुभएको छ ।
नेकपाले राष्ट्रिय सभाको निर्वाचनमा सहकार्य गर्ने
नेपाली कम्युनिस्ट पार्टी (नेकपा) ले राष्ट्रिय सभाको निर्वाचनमा आफ्नो मतभार अनुसारको सिट सङ्ख्या पाए प्रमुख दलसँग सहकार्य गर्ने भएको छ । केन्द्रीय कार्यालय पेरिसडाँडामा मङ्गलबार बसेको बैठकले उक्त निर्णय गरेको हो । नेपाली कांग्रेस र नेकपा (एमाले) सँग तालमेल हुँदा नेकपाले कम्तीमा चार सिट पाउनुपर्ने दाबी गरेको छ ।
अस्पताल विस्तार गर्ने योजना
कान्ति बाल अस्पतालले एक हजार शय्यमा विस्तार गर्ने योजना अघि सारेको छ । कान्ति बाल अस्पतालको ६४ औँ वार्षिकोत्सवका अवसरमा अस्पतालका निर्देशक डा. पङ्कज रायले अस्पताललाई एक हजार शय्यामा विस्तार गर्ने योजना रहेको जानकारी दिनुभयो ।
स्वास्थ्य बिमा बोर्ड समस्याग्रस्त
स्वास्थ्य बिमा बोर्ड समस्याग्रस्त अवस्थामा गुज्रिरहेको बताइएको छ । स्वास्थ्य बिमा बोर्डले मङ्गलबार आयोजना गरेको पत्रकार सम्मेलनमा स्वास्थ्य बिमा बोर्डले समयमा सेवाप्रदायक संस्थालाई भुक्तानी दिन नसक्दा समस्या उत्पन्न भएको जनाएको छ ।
त्रिविको अतिक्रमित जग्गा : फिर्ता ल्याउने काममा विलम्ब
त्रिविको जग्गा तथा अचल सम्पत्ति खोजबिन समितिको प्रतिवेदन, २०८१ सार्वजनिक भएको तीन महिना बितिसक्दा पनि अतिक्रमणमा परेका जग्गा फिर्ता ल्याउने विषयमा ठोस प्रगति देखिएको छैन । समितिले त्रिविको जग्गा विभिन्न व्यावसायिक तथा सामाजिक संस्थाबाट अतिक्रमणमा परेको तथ्यसहितको प्रतिवेदन सरकारलाई बुझाएको थियो । उक्त प्रतिवेदन असोज अन्तिम साता सार्वजनिक भएको थियो । प्रतिवेदन कार्यान्वयनका लागि फेरि अर्को समिति बनाउने तयारी भएको छ ।
सार्वजनिक पदाधिकारीको पारिश्रमिक : एकरूपता कायम गरिने
सरकारले सार्वजनिक निकायका पदाधिकारीको पारिश्रमिक तथा सेवा सुविधामा एकरूपता कायम गर्नेसम्बन्धी सुझाव कार्यदलबाट पेस भएको प्रतिवेदन कार्यान्वयन गर्ने निर्णय गरेको छ ।
परामर्श नहुँदा विषादीले ढाकिन्छ तरकारी
नेपालमा विगत केही वर्षदेखि तरकारीको उत्पादन उल्लेखनीय मात्रामा वृद्धि भएको छ तर किसानले तरकारीबालीमा विषादीको समुचित प्रयोग गर्न नजान्दा विषादीको अत्यधिक मात्रा फेला पर्न थालेको छ ।
विद्यालयका ६० छात्रछात्रालाई न्यानो कपडा
पाँचथरको फिदिम नगरपालिका –१० मा सञ्चालन भइरहेको याङनाम आधारभुत विद्यालयमा अध्ययनरत ६० जना छात्र छात्रालाई न्यानो कपडा वितरण गरिएको छ ।
समानुपातिक प्रणालीको दुरुपयोग नगर्न आग्रह
आगामी फागुन २१ गते हुने निर्वाचनका लागि राजनीतिक दलबाट निर्वाचन आयोगमा पेश गरिएको समानुपातिक सूचीमा समानुपातिक प्रणालीको गम्भीर दुरुपयोग भएकोभन्दै आदिबासी सम्बद्ध संघ संस्थाले आपत्ति जनाएका छन् ।
मानिस मार्ने बाघको खोजी तीव्र
बाँके राष्ट्रिय निकुञ्जअन्तर्गत राप्तीसोनारी गाउँपालिका–१, कुसुमस्थित सौरी क्षेत्रमा मानिसलाई आक्रमण गरेर ज्यान लिने बाघको खोजी कार्यलाई तीव्र पारिएको छ ।
दुर्घटनामा घाइते भएकाको मृत्यु
मदन भण्डारी राजमार्गअन्तर्गत मोरङको लेटाङ–५, थापा चौकमा भएको सवारी दुर्घटनामा गम्भीर घाइते हुनु भएका लेटाङ–९, जाँतेका ५५ वर्षीय योगेन्द्र थापाको उपचारका क्रममा मृत्यु भएको छ ।
एमाले सोलुखुम्बुबाट पाँच जना सिफारिस
आसन्न प्रतिनिधिसभा निर्वाचनका लागि नेकपा (एमाले) सोलुखुम्बुले प्रत्यक्षतर्फ पूर्व मन्त्रीसहित पाँच जनाको नाम सिफारिस गरेको छ ।
धनगढीमा विद्यार्थी महोत्सव सुरु
कैलालीको धनगढीमा दोस्रो चैतन्य विद्यार्थी महोत्सव आजदेखि सुरु भएको छ । धनगढीमा रहेको चैतन्य पाठशालाले महोत्सवको आयोजना गरेको हो ।
