भेडा बाख्रामा ‘ओभरइटिङ रोग’ पुष्टि
सल्यानमा मरेका भेडा बाख्रामा ‘ओभरइटिङ रोग’ पुष्टि भएको छ ।
बदेडावासीको उम्मेदवारसँग सिँचाइको माग
बाजुराको बुढीगङ्गा नगरपालिका–१०, बदेडाका स्थानीयले गाउँमा आउने उम्मेदवारसँग सिँचाइ सुविधाको माग गर्दै आएका छन् ।
पुरानै दलबिच प्रतिस्पर्धा
नेपाली कांग्रेसको तेस्रो पुस्ताका नेता खड्गबहादुर बुढा दोस्रो पुस्ताका नेतासँग चुनावी मैदानमा उत्रिनुभएको छ । दोस्रो पुस्ताका मानिने नेकपाका नेता शक्तिबहादुर बस्नेत र नेकपा (एमाले) का डम्बरबहादुर सिंहसँग बुढा चुनावी मैदानमा उत्रिनुभएको हो ।
चुनावी प्रचार तीव्र
कालीकोटमा राजनीतिक दलहरूले चुनावी प्रचारलाई तीव्रता दिएका छन् । यसपालिको प्रचार शैली फरक छ । यस पटक कालीकोटमा चुनावभन्दा अलिअघि नै प्रचार सुरु भएको छ । नेकपा (एमाले) का उम्मेदवार नगिन्द्र शाही नेसनलको चुनावी प्रचारसँगै नेपाली कांग्रेसका उम्मेदवार हर्षबहादुर बम र नेपाली कम्युनिस्ट पार्टीका उम्मेदवार महेन्द्रबहादुर शाहीको प्रचार शैलीबाट एक दलले तयार पारेको जनमत अर्कोले आफ्नो पक्षमा पार्ने प्रयास गरेको देखिन्छ ।
माटोको ढिस्कोले पुरिएर महिलाको मृत्यु
जुम्लामा माटोको ढिस्कोले पुरिएर आमाको मृत्यु भएपछि पाँच बालबालिका समस्यामा परेका छन् । आमाको अप्रत्याशित दुर्घटनामा मृत्यु भएपछि ती बालबालिका अभिभावकको अभावमा कठिनाइमा परेका हुन् ।
घोषणापत्रमा मुद्दा समावेश गर्न माग
आगामी फागुन २१ गते हुने निर्वाचनका क्रममा विभिन्न पार्टीका उम्मेदवार घरदैलो अभियानमा जुटे पनि तिनले घोषणापत्र नबनाइसकेको हुँदा घोषणापत्रमा दलित र महिलाका मुद्दा समावेश गर्न माग गरिएको छ ।
दुर्गम वडा जोड्न सडक
रुकुमपश्चिमको मुसीकोट नगरपालिकाको दुर्गम मानिने वडा नं. १० लाई सडक सञ्जालमा जोड्न पाँच नाकाबाट सडक निर्माण गरिएको छ । रोल्पा र रुकुमपूर्वसँग जोडिएको यस वडाको पाँच नाकाबाट र वडाभित्र चार वटा सडक निर्माण गरिएको हो । वडाभित्रका बस्ती जोड्न चार वटा र बाहिरबाट वडा प्रवेश गर्न पाँच वटा सडकको ट्र्याक खोलिएको वडाध्य
कर्णाली र सुदूरपश्चिममा कला प्रदर्शनी
नेपाल ललितकला प्रज्ञा–प्रतिष्ठानको आयोजनामा तेस्रो कर्णाली प्रदेशस्तरीय ललितकला प्रदर्शनीको करिब आठ हजारले रैथाने कलाकृतिको अवलोकन गरेका छन् । प्रतिष्ठानका प्राज्ञ एवं परम्परा कला विभाग प्रमुख पाल्साङ्मो लामाले करिब आठ हजारले कलाकृति अवलोकन गरेको बताउनुभयो । कलाकृति अवलोकन गर्नेमा धेरै जसो विद्यार्थी भएको उहाँको भनाइ छ ।
अनुत्तीर्णलाई लाइसेन्स बाँड्ने कर्मचारीमाथि मुद्दा
अख्तियार दुरुपयोग अनुसन्धान आयोगले यातायात व्यवस्था कार्यालय, जुम्लामा सवारी चालक अनुमतिपत्र वितरण गर्दा अनियमितता गरेको अभियोगमा तीनजनाविरुद्ध विशेष अदालतमा आरोपपत्र दायर गरेको छ।
लाइसेन्सविना चलाइएका १८ अटोरिक्सा नियन्त्रणमा
सवारी चालक अनुमतिपत्र (लाइसेन्स) नलिइ सञ्चालन गरिएका १८ अटोरिक्सा प्रहरीले नियन्त्रणमा लिएको छ । ट्राफिक प्रहरीसहितको संयुक्त चेकिङ टोलीले जिल्लाको खलंगा, लुहाम, कपुरकोट, थारमारे र सल्लीबजार क्षेत्रमा सञ्चालन भइरहेका लाइसेन्सविनाका अटोरिक्सा नियन्त्रणमा लिएको हो ।
१८ वटा अति संवेदनशील मतदानस्थलको अनुगमन
आगामी फागुन २१ गते हुने प्रतिनिधिसभा सदस्य निर्वाचनका लागि कायम भएका अतिसंवेदनशील मतदानस्थलहरुको जिल्ला स्तरीय अनुगमन समितिद्वारा अनुगमन गर्ने कार्य भएको छ ।
कर्णालीको मतपत्र छपाइ सकियो
आगामी फागुन २१ गते हुने प्रतिनिधि सभा सदस्य निर्वाचनका लागि कर्णाली प्रदेशका १० वटै जिल्लाको मतपत्र छपाइ सकिएको छ । पहिलो हुने निर्वाचित हुने निर्वाचन प्रणाली अर्थात् प्रत्यक्षतर्फको मतपत्र छपाइ सकिएको निर्वाचन आयोगले जानकारी दिएको छ ।
उम्मेदवारको पर्खाइमा ओलेनावासी
बाजुराको बडीमालिका नगरपालिका–४ का ओलेनावासी यतिबेला गाउँमा उम्मेदवारको पर्खाइमा बसेका छन्। २०७६ सालदेखि यो बस्ती पहिरो र नदी कटानको उच्च जोखिममा रहँदै आएको छ।
पूरा भएनन् बादी समुदायका माग
वीरेन्द्रनगर नगरपालिका–११ को बादी समुदायको बस्ती भेरी नदी र झुप्राखोलाको दोभानमा छ । सदरमुकाम वीरेन्द्रनगर बजारदेखि करिब १० किमीनजिकै उक्त बस्ती भए पनि त्यहाँ प्रत्येक निर्वाचनमा विकास गर्ने आश्वासन दिइन्छ तर पूरा हुँदैन । बादी समुदायले नदी र खोला किनारको बस्ती भएकाले स्थानान्तरणको माग गरेका छन् । बादी बस्तीले हरेक निर्वाचनमा राख्ने यो माग भने अहिलेसम्म पूरा नभएको उनीहरू बताउँछन् ।
चुनावी एजेन्डा : पेट्रोलियम पदार्थ उत्खनन
दैलेखमा उम्मेदवार चुनावी एजेन्डा लिएर मतदाताको घरदैलोमा पुग्न थालेका छन् । दैलेखका दुई निर्वाचन क्षेत्रमा प्रतिनिधि सभा सदस्य निर्वाचनका लागि २१ जना उम्मेदवारले मतदातालाई आफ्नो चुनावी मुद्दा लिएर मतदाताको घरदैलोमा पुग्न थालेका हुन् ।
सल्यानमा उम्मेदवारलाई मतदाताको प्रश्न - बाचा पूरा नभए के हुन्छ?
फागुन २१ गते हुने प्रतिनिधिसभा निर्वाचन नजिकिँदै गर्दा उम्मेदवारहरू मतदाताको घरदैलोमा सक्रिय भएका छन्। यस पटक मतदाता विगतभन्दा बढी सचेत देखिएका छन्। उनीहरूले उम्मेदवारले दिएका प्रतिबद्धता मात्र होइन, ती पूरा गर्न स्पष्ट योजना समेत खोजिरहेका छन्।
चुनावी एजेन्डा मात्रै बन्ने सुनथराली विमानस्थल
कालीकोटका राजनीतिक दलले चुनावी एजेन्डाका रूपमा प्रयोग गर्दै आएको सुनथराली विमानस्थलमा अहिलेसम्म जहाज आउन सकेको छैन । २०४२ सालमा निर्माण सुरु भएको यस विमानस्थलको २०७९ मा कालोपत्रेको काम सम्पन्न भएको थियो ।
बिमानको एजेण्डा आयो, विमान आएन
कालीकोटको राजनीतिक दलले २०६४ यताका आम निर्वाचनदेखि स्थानीय तहका निर्वाचनमा भोट बटुल्ने साधनका रुपमा प्रयोग गर्नेगरेको सुनथराली बिमानस्थल बने पनि अझै जहाज आउन सकेको छैन ।
भरुवा बन्दुकसहित एकजना पक्राउ
जिल्ला प्रहरी कार्यालय हुम्लाले भरुवा बन्दुक र भालुको जस्तो पन्जाको नङ्ग्रासहित एक जनालाई पक्राउ गरेको छ ।
प्रतिनिधिसभा सदस्य निर्वाचनका लागि घरदैलो अभियान तिव्र
उम्मेदवारहरू मत आफ्नो पक्षमा पार्न मतदाताको घरदैलो पुग्न थालेका छन् ।
मतदान स्थलमा सुरक्षा विशेष चासो
आगामी फागुन २१ मा हुने प्रतिनिधि सभा सदस्य निर्वाचनका सुरक्षाका हिसाबले वर्गीकरण गरिएका मतदान स्थलमा जिल्ला सुरक्षा समितिले चासो लिएको छ । सुरक्षाका दृष्टिले वर्गीकरण गरिएकामध्ये अति संवेदनशील मतदान केन्द्र तथा स्थललाई समितिले विशेष चासो दिएको हो ।
कर्णालीको निर्वाचनमा आमचासो
कर्णाली प्रदेशमा १० जिल्ला र १२ निर्वाचन क्षेत्र छन् । यस पटकको निर्वाचनको नतिजालाई लिएर आमचासो देखिएको छ । १२ सिटमा १३१ जना उम्मेदवार चुनावी मैदानमा छन् ।
दुर्गमका मतदान स्थलको स्थलगत अनुगमन
रुकुमपश्चिममा जिल्ला सुरक्षा समितिको अगुवाईमा मतदान स्थलहरूको स्थलगत अनुगमन भइरहेको छ ।
छुट्टै खाता खोल्न पत्राचार
निर्वाचन प्रचार प्रसारका लागि उम्मेदवारहरूलाई छुट्टै बैँक खाता खोल्न जिल्ला निर्वाचन कार्यालय सल्यानले पत्राचार गरेको छ ।
निर्वाचनमा पाँच सयभन्दा बढी कर्मचारी खटिने
आगामी फागुन २१ गते हुने प्रतिनिधिसभा निर्वाचनका लागि जिल्लाभरका मतदान केन्द्रहरूमा पाँच सयभन्दा बढी कर्मचारी खटिने भएका छन् ।
