जाजरकोटमा च्याउ खाँदा छोराको मृत्यु, आमा सिकिस्त
जाजरकोटमा विषालु च्याउ खाँदा एक जनाको मृत्यु भएको छ । जिल्लाको वारेकोट गाउँपालिका ४ सार्की टोलमा १८ वर्षका तुले सार्कीको मृत्यु भएको र आमा सिकिस्त बिरामी भएको जनाइएको छ ।
पश्चिम सुर्खेतमा सडक : सुस्त निर्माण, जोखिममा यात्रु
पश्चिम सुर्खेतमा सडकको सहज पहुँच छैन। भएका सडक पनि जीर्ण छन्। बर्सातको समयमा हिलाम्मे सडकले सास्ती दिन्छ। हिउँदमा धुलाम्मे सडकको दुःख वर्षाैंदेखि नागरिकले झेल्दै आएका छन्। मदन भण्डारी राजमार्ग अन्तर्गत पश्चिमका तीन वटा पालिका जोड्ने सडक स्तरोन्नति हुँदैछ। बड्डीचौर–खम्बागाडे र विद्यापुर–बल्दे सडकखण्डमा काम भइरहेको छ। यो सडक हुँदै दैनिक ठुलो सङ्ख्यामा मालवाहक, यात्रुवाहक र निजी सवारीसाधन ओहोरदोहोर गर्छन्। त्यही सडक बिचका खाल्टाखुल्टी र किनारमा थुपारिएका निर्माण सामग्रीले दुर्घटनाको जोखिम बढाइरहेको छ। पञ्चपुरी नगरपालिका–२ का पदम गिरीका अनुसार पुल र बाटो समयमा नबन्दा समस्या भइरहेको छ।
-original-thumb.jpg)
पर्यटक लोभ्याउँदै मनमोहक मौलिक चौमुखे घर
तस्बिरमै हेरिरहुँजस्तो लाग्ने, जोकसैको मन जित्ने मनमोहक मौलिक चौमुखे घरले पर्यटकलाई आकर्षित गरिरहेको छ । जिल्लाको पूर्वी प्रवेशद्वारको रूपमा भगवतीमाई गाउँपालिका–४ मनघरका नरेन्द्रजंग शाहीको घर हो यो ।
-(1)-original-thumb.jpg)
पहिरोमा ज्यान गुमाएका परिवारलाई राहत वितरण
रुकुमपश्चिमको बाँफिकोट गाउँपालिका–७ मा पहिरोमा परेर ज्यान गुमाएका दुई परिवारलाई जनही दुई लाखको दरले राहत रकम उपलब्ध गराइएको छ।
डोल्पामा दुई सातादेखि हवाई उडान ठप्प
दुई सातादेखि नेपालगन्ज डोल्पा हवाई उडान ठप्प भएको छ हवाई उडान नहुँदा सर्वसाधारणलाई समस्या परेको छ ।
रुकुम पश्चिममा आँखा पाक्ने रोगको समस्या
रुकुम पश्चिममा आँखा पाक्ने समस्या भएका बिरामी बढ्न थालेका छन् । आँखा सर्जिकल तथा आँखा उपचार केन्द्र सल्लेमा प्रत्येक दिन आँखा पाक्ने समस्या भएका बिरामीको सङ्ख्या बढ्दै गएको छ । केन्द्रका प्रमुख धनबहादुर केसीले केन्द्रमा आँखा पाक्ने रोगका बिरामी दैनिकरुपमा २२ जना आउने गरेको जानकारी दिनुभयो ।
प्रयोगशाला बन्द भएपछि बजेट व्यवस्था गर्न माग
संघीय सरकार मातहतमा रहेको पशुपन्छी रोग अन्वेषण प्रयोगशाला सुर्खेतका लागि आवश्यक बजेटको व्यवस्था गर्न कर्णाली प्रदेश सरकारले पहल थालेको छ ।
प्रदेश मामिला समिति : कानुन निर्माणमा सक्रिय
कर्णाली प्रदेश सभाका चारमध्ये सबैभन्दा सक्रिय समिति हो, प्रदेश मामिला समिति । गठन भएको दुई महिनामै समितिका १४ वटा बैठक सम्पन्न भएका छन् ।
कर्णालीमा पशुपन्छी आयातभन्दा निर्यात बढी
कर्णालीमा कृषि उपज तथा पशुपन्छीको निर्यात बढेको छ। आर्थिक वर्ष २०७९/८० मा कृषि उपज तथा पशुपन्छीको आयातभन्दा निर्यात बढी भएको थियो। गत आवमा पाँच अर्ब ८५ करोड ३९ लाख ९१ हजार बराबरको कृषि तथा पशुपन्छीको निर्यात भएको थियो। २३ करोड ८८ लाख एक हजार बराबरको पशुपन्छी आयात भएको थियो।
कर्णालीमा जलविद्युत् अध्ययन बढी उत्पादन कम
हुम्लास्थित कर्णाली नदीमा प्रस्तावित दुई वटा ठुला जलविद्युत् आयोजना अध्ययनको जिम्मा पाएको चिनियाँ कम्पनीले काम पूरा नगरी छोडिदियो। २३५ मेगावाट क्षमताको हुम्ला कर्णाली–१ र ३३५ मेगावाटको हुम्ला कर्णाली–२ जलविद्युत् आयोजनाबाट चिनियाँ कम्पनी सिचुवान वाङपिङ इनर्जीले हात झिकेपछि दुवै आयोजना अलपत्र परेका छन्। सिचुवान पछि हटेपछि यी दुवै आयोजना नेपाली कम्पनी रुरु जलविद्युत् परियोजना लिमिटेडको जिम्मा दिइएको छ। कम्पनीले विद्युत् विकास विभागसँग जलविद्युत् आयोजना निर्माणका लागि उत्पादन अनुमतिपत्र (जेनेरेसन लाइसेन्स) माग गरेको छ। अनुमतिको टुङ्गो लागिसकेको छैन।
९० रोपनी धानखेतीमा क्षति
सर्केगार्ड गाउँपालिकाका तीन वटा गाउँमा ९० रोपनी जग्गामा लगाइएको धान तथा कोदोखेतीमा पहिरोले क्षति पुगेको छ । गत शुक्रबार राति गएको पहिरोले उक्त गाउँपालिकामा रोपाइ सकेर गोडमेल गर्ने तयारी भएको धान र गोडमेल गरेको कोदोखेतीमा क्षति पुगेको हो ।
गाउँमा बत्ती बल्यो, महिला खुसी
सोरु गाउँपालिका–१ जवलधारा र गहताडी गाउँमा बिजुली बत्ती बलेपछि त्यहाँका बासिन्दामा खुसी भएका छन् ।
-(1)-original-thumb.jpg)
विदेशको राम्रो कमाइ त्यागेर स्वदेशमा भैंसीपालन व्यवसाय
सुर्खेतको वीरेन्द्रनगर नगरपालिका – १० का युवा हेमराज रेग्मी पाँच वर्ष मलेसिया बसेर फर्किनुभयो । त्यहाँ उहाँको आम्दानी राम्रै थियो । मासिक एक लाखभन्दा बढी कमाउनुहुन्थ्यो । तर उहाँ परदेशमा रमाउन सक्नु भएन । स्वदेश फर्किनुभयो ।
सल्यानमा अहिलेसम्मकै महँगाे गोलभेंडा
कपुरकोट हाटबजारमा गोलभेडा (टमाटर) ले अहिले सम्मकै धेरै मुल्य पाएको छ । किसानले अहिलेसम्मकै धेरै मूल्य १ ४० रुपियाँ प्रतिकिलोमा बिक्री गरेका छन् ।
विद्युत् विधेयक पेस
कर्णाली प्रदेश सभामा विद्युत् सम्बन्धमा व्यवस्था गर्न बनेको विधेयक पेस गरिएको छ। प्रदेश सरकारले मङ्गलबार बसेको प्रदेश सभाको बैठकमा उक्त विधेयक पेस गरेको हो। सरकारका तर्फबाट आन्तरिक मामिला तथा कानुनमन्त्री कृष्णबहादुर जिसीले प्रदेशको विद्युत् सम्बन्धमा व्यवस्था गर्न बनेको विधेयक पेस गर्नुभएको हो। मन्त्री जिसीले प्रदेश सभामा पेस गर्नुभएको विधेयकमा ‘प्रदेशको उपलब्ध जलस्रोत तथा नवीकरणीयलगायतका अन्य ऊर्जाका स्रोतको दिगो रूपमा अधिकतम र उचित परिचालनका माध्यमबाट विद्युत् उत्पादन प्रसारण र वितरणलाई प्रवर्धन गरी उपभोक्तालाई वातावरणमैत्री स्वच्छ, नियमित, भरपर्दो, गुणस्तरीय, सुरक्षित तथा सर्वसुलभ रूपमा विद्युत् सेवा उपलब्ध गराउनका लागि कानुनी व्यवस्था गर्न आवश्यक भएको’ उल्लेख गरिएको छ।
एक हजार रुख काट्न वनको अनुमति
मदन भण्डारी राजमार्ग अन्तर्गत सुर्खेतको धुलियाविटदेखि भेडाबारी जोड्ने सडकखण्डमा पर्ने रुख कटान गर्न डिभिजन वन कार्यालय सुर्खेतले स्वीकृति दिएको छ। रुख कटानको अनुमति नपाउँदा ३५ किलोमिटर सडक निर्माणमा अवरोध भएको थियो। कटान अनुमति नपाए पनि सडक क्षेत्रका रुखमा चिनो लगाउने काम यसअघि नै सुरु गरिएको थियो। चिनो लगाउन थालिएको लामो समयपछि कटानका लागि स्वीकृति पाएको हो।
कारागारमा पुस्तक हस्तान्तरण
इन्सेक कर्णाली प्रदेश कार्यालयले जिल्ला कारागार सुर्खेतमा पुस्तक हस्तान्तरण गरेको छ ।
अदुवा र खुकुरीको ब्रान्डिङ गरिँदै छ
खुकुरी र अदुवाले प्रख्यात सल्यानको सदरमुकाममा शारदा नगरपालिका पर्दछ। शिक्षा, स्वास्थ्य, कृषिमा विशेष जोड दिँदै आएको शारदा नगरपालिकामा नेपाली कांग्रेसका तर्फबाट प्रकाश भण्डारी प्रमुख हुनुहुन्छ। विगतकै राम्रा योजनालाई अघि सार्दै केही नयाँ योजना पूरा गर्ने सोचमा प्रमुख भण्डारी हुनुहुन्छ। प्रस्तुत छ, शारदा नगरपालिकाका प्रमुख प्रकाश भण्डारीसँग नगरको विकास, निर्माण तथा आगामी योजनाबारे गोरखापत्रका सल्यान समाचारदाता प्रतीक इच्छुक शर्माले गर्नुभएको कुराकानीको सार–
हिमाली जिल्लामा पनि फल्यो अनार
मध्यपहाडी क्षेत्रमा फल्ने अनार हुम्लामा पनि फल्न थालेको छ । पछिल्लो समय मौसममा आएको परिवर्तनका कारण उच्च हिमाली क्षेत्रमा पनि अनार फल्न सुरु भएको हो ।
दैलेख कारागारमा पुस्तकालय स्थापना
जिल्ला कारागार दैलेखमा पुस्तकालय स्थापना गरिएको छ ।
मौसमी फ्लुका बिरामी बढे
जिल्ला अस्पताल लगायतका स्वास्थ्य संस्थाहरूमा मौसमी फ्लुका बिरामीको सङ्ख्या ह्वात्तै बढेको छ । मौसममा आएको परिवर्तन र बर्खायाममा दूषित पानीको प्रयोगले गर्दा यस्ता खाले बिरामीको सङ्ख्या दैनिक वृद्धि भएको हो ।
वडा कार्यालय बन्द हुँदा सेवाग्राही मर्कामा
कालीकोटको तिलागुफा नगरपालिका–१० को वडा कार्यलय बन्द भएको छ । गत मङगलबारदेखि वडा कार्यालय लगातार बन्द हुँदा वडाबाट सेवा लिनेहरू मार्कामा परेका छन् ।
उद्धार र राहतमा ध्यान दिन आग्रह
कर्णाली प्रदेश सभा सदस्यले बाढीपहिरो प्रभावितको उद्धार र राहतमा ध्यान दिन सरकारसँग माग गरेका छन्। आइतबार बसेको प्रदेश सभाको बैठकमा विशेष समयमा बोल्दै प्रदेश सभा सदस्यले हुम्लालगायतका ठाउँमा बाढीपहिरो प्रभावितको उद्धार, रातहत र सुरक्षित बासस्थानका लागि व्यवस्था गर्न आग्रह गरेका हुन्।
सक्रियता बढाउँदै लेखा समिति
कर्णाली प्रदेश सभाको सार्वजनिक लेखा समितिले सरकारका विभिन्न निकायबाट भएका आर्थिक अपारदर्शितामाथि निगरानी थालेको छ। समिति गठनको लगभग दुई महिनामा नौ वटा बैठक सम्पन्न गरिसकेको छ। समितिले सरकारका विभिन्न निकायले गरेको कामको आर्थिक अपारदर्शितामाथि निगरानी, जाँचबुझ तथा आवश्यक निर्देशन दिन सक्ने अधिकार राख्छ।
रुकुम पश्चिममा पहिरोमा पुरिएर दुई जनाको मृत्यु
रुकुम पश्चिमको बाँफिकोट गाउँपालिका ७ को बाँसथलामा पहिरोमा पुरिएर दुई जनाको मृत्यु भएको छ । एक जना घाइते भएका छन् ।
