केन्द्रीय प्रसारण लाइन नपुगेको ठाउँमा सौर्य मिनिग्रेट निर्माण हुँदै
कुशे गाउँपालिका–८ चाल्चामा सौर्य मिनिग्रेट निर्माण गरिने भएको छ । केन्द्रीय प्रसारण लाइन तत्काल पुर्याउन नसक्ने ठाउँमा विद्युतीकरण गर्ने उद्देश्यले ऊर्जा, जलस्रोत तथा सिँचाइमन्त्री शक्तिबहादुर बस्नेतले कुशे–८ चाल्चामा सौर्य मिनिग्रेट निर्माण हुन लागेको बताउनुभयो ।
प्राङ्गारिक कृषि उत्पादनबाट पर्यटन प्रवर्द्धन गर्न सक्छौ : मुख्यमन्त्री शर्मा
कर्णाली प्रदेश सरकारका मुख्यमन्त्री राजकुमार शर्माले प्राङ्गारिक कृषि उत्पादनबाट पर्यटन प्रवर्द्धन गर्न सकिने बताउनुभएको छ ।
जलविद्युत आयोजनाका लागि लगानीको खोजी
रुरु जलविद्युत परियोजनाले लगानी जुटाउन पहल थालेको छ । कर्णाली प्रदेशको हुम्लामा प्रस्तावित दुई वटा जलविद्युत आयोजना निर्माणका लागि लगानी जुटाउन पहल थालिएको हो ।
जडीबुटी सङ्कलन सुरु
जिल्लामा आम्दानीको मुख्य स्रोतको रूपमा रहेको जडीबुटीको सङ्कलन कार्य सुरु भएको छ । सामुदायिक बनले जडीबुटी सङ्कलन कार्य फुक्का गरेसँगै स्थानीयले सङ्कलन गर्न सुरु गरेको हो ।
मानसिक स्वास्थ्यको समस्या बढ्दो
कर्णाली प्रदेश सरकारका सामाजिक विकासमन्त्री खड्गबहादुर पोखरेलले मानसिक स्वास्थ्य प्रवर्धनका विषयमा ध्यान दिन जरुरी रहेको बताउनुभएको छ। मन्त्री पोखरेलले मानसिक स्वास्थ्यको समस्या समाजमा बढ्दै गएको चर्चा गर्दै यस्ता समस्यालाई न्यूनीकरण गर्न सरकारले प्राथमिकता दिने बताउनुभयो ।
एमाले कर्णाली प्रदेश अध्यक्षमा गुलावजंग शाह निर्वाचित
नेकपा (एमाले) कर्णाली प्रदेशको अध्यक्षमा गुलाबजंग शाह विजयी हुनुभएको छ । नयाँ नेतृत्वका लागि भएको निर्वाचनमा उहाँले तीन सय ६९ मत ल्याएर विजयी हुनुभएको हो ।
भीरबाट खसेका प्रहरी जवानको उद्धार
ड्युटीका क्रममा भीरबाट खसेर गम्भीर घाइते भएका प्रहरी जवान सुवास पौडेललाई थप उपचारका लागि काठमाडौँ लगिएको छ । कर्णाली प्रदेश अस्पताल सुर्खेतमा उपचाररत पौडेललाई थप उपचारका लागि काठमाडौँ लगिएको हो ।
कर्णालीमा ८२.९३ प्रतिशतमा ऊर्जाको पहुँच
कर्णालीमा ८२.९३ प्रतिशत नागरिक ऊर्जाको पहुँच पुगेको प्रदेशस्थित जलस्रोत तथा ऊर्जा विकास मन्त्रालयले जनाएको छ । मन्त्रालयले सार्वजनिक गरेको तथ्याङ्कअनुसार कर्णालीमा विद्युत् उत्पादन क्षमता २० हजार मेगावाट रहेको छ ।
नेकपा एमाले कर्णाली अधिवेशन : मतगणना सुरु
नेकपा (एमाले)को कर्णाली प्रदेशको नयाँ नेतृत्व चयनका लागि भएको निर्वाचनको मतगणना सुरु भएको छ । सोमबार बिहान ८ बजेदेखि सुरु हुने भनिएको मतगणना केही बेर अघिबाट सुरु भएको हो ।
वन फडानी गर्ने वडा अध्यक्षसहित चार जना धरौटीमा रिहा
सामुदायिक वन क्षेत्रका रुख अवैध रूपमा फडानी गरेको आरोपमा पक्राउ परेका रुकुम पश्चिमको चौरजहारी नगरपालिका –११ का वडाध्यक्ष तुल्से ओलीसहित चार जना धरौटीमा छुटेका छन् ।
भिजेको चामल फिर्ता
खाद्य व्यवस्था तथा व्यापार कम्पनी लिमिटेडले वितरण गरेको बिग्रेको खाद्यान्न (चामल) फिर्ता लिएको छ । कम्पनीले सो खाद्यान्न फिर्ता लिएर नयाँ चामल उपलब्ध गराएको छ । नाम्खा गाउँपालिकाका उपाध्यक्ष तकदिर लामाले अनुदानमा वितरण गरिएको चामल अनुगमनका क्रममा पानीमा भिजेको अवस्थामा फेला परेको बताउनुभयो । खाद्यको सिमकोट शाखाका कर्मचारीका साथै उहाँको टोली खाद्यान्नको अवस्था बुझ्न हिल्सासम्म पुगेको थियो । उहाँले स्थानीयको घर घरमा पुगेर बिग्रेको खाद्यान्नबारे जानकारी लिएको बताउनुभयो ।
बिरुवा रोपिन्छ, संरक्षण हुँदैन
विभिन्न दिवस होस् या अभियान तथा नयाँ कामको थालनी गर्दा वीरेन्द्रनगरमा वृक्षरोपण गर्ने होडबाजी नै चल्ने गरेको छ। सरकारी कार्यालय, बैङ्क, विभिन्न सङ्घ संस्था, समूहले सडक छेउछाउ र खुला चौरमा विभिन्न समयमा विभिन्न प्रजातिका बिरुवा रोप्ने गरेका छन्। यसरी रोपिएका बिरुवाको अवस्थाबारे भने सबै अनभिज्ञ छन्। बिरुवा रोपेपछि कोही कसैले चासो नदिँदा यस्तो समस्या आएको हो। व्यक्ति, समूह, सङ्घ संस्थाले सार्वजनिक, सरकारी तथा निजी जग्गामा रोपेका बिरुवा केही समयपछि हराउने गरेका छन्।
गाउँमा बिमा जनचेतना अभियान
ग्रामीणस्तरमा जनचेतना फैलाउन बिमा जागरण अभियान सञ्चालन गरिएको छ । ग्रामीणस्तरमा जीवन बिमा गर्ने सङ्ख्या निकै कम हुनु र सबैलाई बिमाको पहुँचमा ल्याउन यो जागरण अभियान सञ्चालन गरिएको हो । सूर्यज्योति लाइफ इन्सोरेन्स कम्पनी लिमिटेडलाई बिमा प्राधिकरणले हुम्ला जिल्लामा जीवन बिमा जागरण अभियान सञ्चालन गर्ने जिम्मा दिएको उक्त कम्पनीका भेरी क्षेत्रका क्षेत्रीय प्रबन्धक मोहन माझीले बताउनुभयो । उहाँले प्राधिकरणले दिएको जिम्मा अनुसार कम्पनीले महिनाको कम्तीमा एक पटक गाउँ गाउँमा पुगेर ग्रामीणस्तरमा जागरण अभियान सञ्चालन कार्य सुरु गरेको बताउनुभयो । यस क्रममा उक्त कम्पनीले पहिलो पटक खार्पुनाथ गाउँपालिकामा यो अभियान सञ्चालन गरेको हो ।
भुक्तानी नपाएपछि विद्यालयमा तालाबन्दी, पठनपाठन अवरुद्ध
रुकुमपश्चिमको एक सामुदायिक विद्यालयमा ताला लगाइएको छ । सानीभेरी गाउँपालिका–७ फुक्रुमा रहेको जनज्योति आधारभूत विद्यालय ताला लगाइएको हो ।
जाजरकोटका मानबहादुर भेरी नदीमा बेपत्ता
भेरी नदिमा हाम फालेर एक जना बेपत्ता भएका छन् । जुनीचाँदे गाउँपालिका ३ डाँडा कोटका ४२ वर्षीय मानबहादुर खड्का बेपत्ता भएको प्रहरीले जनाएको छ ।
एमालेको कर्णालीमा मतदान सुरु हुँदै
नेकपा (एमाले) कर्णाली प्रदेश अधिवेशनका लागि मतदानको अन्तिम तयारी भएको छ । यस अघि शनिवारका लागि निर्धारित मतदान कार्यक्रम आज (आइतबार) बिहान ८ बजेका सुरु गर्ने निर्वाचन समितिले जनाएको छ ।
पेट्रोलियम पदार्थ अन्वेषण मुआब्जा विवाद सुल्झियो
पेट्रोलियम पदार्थ अन्वेषणका लागि जग्गा खरिद प्रक्रियामा देखिएको विवाद सुल्झिएको छ । सरकारले दैलेखको भैरवी गाउँपालिका–१ रावतकोटमा पेट्रोलियम पदार्थ अन्वेषण गर्ने भन्दै अघि बढाएको जग्गा खरिद प्रक्रिया अन्र्ततको मुआब्जा वितरणलाई लिएर स्थानीयले असन्तुष्टि जनाएका थिए ।
-original-thumb.jpg)
कर्णालीका ८२ प्रतिशत जनसङ्ख्यामा ऊर्जाको पहुँचमा
कर्णाली प्रदेशमा ८२.९३ प्रतिशत नागरिक ऊर्जाको पहुँचमा रहेको तथ्याङ्क सार्वजनिक भएको छ । जलस्रोत तथा ऊर्जा विकास मन्त्रालयले सार्वजनिक गरेको तथ्याङ्क अनुसार कर्णालीमा विद्युत उत्पादन क्षमता २० हजार मेगावाट रहेको छ ।
कर्णाली एमालेमा तीन जनाबिच प्रतिस्पर्धा
नेकपा (एमाले) कर्णाली प्रदेश अध्यक्षमा उम्मेदवारी दिएका पाँच जनामध्ये दुई जनाले उम्मेदवारि फिर्ता लिएपछि अब तीन जनाबिच अध्यक्षमा प्रतिस्पर्धा हुनेभएको छ ।
मन्त्री बस्नेतद्वारा जाजरकोट बहुप्राविधिक शिक्षालयको भवन उद्घाटन
ऊर्जा, जलस्रोत तथा सिँचाइमन्त्री शक्तिबहादुर बस्नेतले जाजरकोट बहुप्राविधिक शिक्षालयको भवन उद्घाटन गर्नुभएको छ ।
मानव अधिकार संरक्षणमा सरकार प्रतिबद्ध छ : मुख्यमन्त्री शर्मा
कर्णाली प्रदेशका मुख्यमन्त्री राजकुमार शर्माले मानव अधिकार संरक्षणका लागि सरकार प्रतिबद्ध रहेको बताउनुभएको छ ।
दुई बालकको मृत्युपछि वीरेन्द्रनगरमा आन्दोलन उग्र
सुर्खेतमा ८ वर्षीय बालक मृत भेटिएपछि सुरु भएको आन्दोलन उग्र बन्दै गएको छ । वीरेन्द्रनगर नगरपालिका–६ घण्टाघर नजिक रहेको उषा बालवाटिका सेकेण्डरी स्कुलको होस्टेलमा ८ वर्षीय सलाम पुलामी मगर मृत भेटिएपछि आफन्तहरूले आन्दोलन सुरु गरेका थिए ।
अध्ययनमै १५ वर्ष मान्म–कोटबाडा केबुलकार
मान्म कोडबाडा केबुलकार सम्भाव्यता अध्ययनमै सीमित रहेको छ । सदरमुकाम मान्मको कोटदरबारदेखि कोडबाडा जोड्ने दुई हजार एक सय ५७ मिटरको दूरीमा रहने केबुलकारको डिपिआर तयार गरे पनि अहिलेसम्म यसको निर्माणमा भने अन्यौलता रहेको छ ।
‘न्यायपालिकालाई सक्षम बनाउन पहल गरिरहने’
प्रधान न्यायाधीश विश्वम्भरप्रसाद श्रेष्ठले न्यायपालिकालाई सक्षम र सुधार गर्न निरन्तर पहल गरिरहेको बताउनुभएको छ। प्रधान न्यायाधीश श्रेष्ठले सक्षम र सुदृढ न्यायपालिका बनाउन आफ्नो प्रयास जारी रहेको चर्चा गर्दै आमनागरिकमा न्यायपालिका एउटा आस्थाको केन्द्रका रूपमा स्थापित हुनुपर्ने बताउनुभयो । उहाँले नेपाल बार एसोसिएसनको सुर्खेतमा शुक्रबार आयोजित केन्द्रीय साधारण सभामा यस्तो धारणा व्यक्त गर्नुभएको हो ।
अध्ययनमै १५ वर्ष अधुरै डिपिआर
प्रसिद्ध धार्मिकस्थल बडीमालिका मन्दिर यात्रालाई सहज बनाउने गरी निर्माण गरिने भनिएको केबुलकार सम्भाव्यता अध्ययनमै सीमित भएको छ । कालीकोट सदरमुकाम मान्म–कोडबाडा २.१५७ किलोमिटर लामो दुरीको केबुलकारको अध्ययन गर्न नै १५ वर्ष लागेको थियो । नरहरिनाथ गाउँपालिका–१ मा रहेको सुनथराली विमानस्थलसम्म पुग्न र विमानस्थलबाट सरमुकाम मान्म पुग्न छिटोछरितो र सहज होस् भन्ने उद्देश्यले केबुलकार निर्माण योजना अघि सारिएको थियो ।
