पोखरा–वाग्लुङ सडकमा सास्ती, सांसद बाटैबाट फर्किए
मध्यपहाडी राजमार्गअन्तर्गत पोखरा–वाग्लुङ सडक कास्कीको अन्नपूर्ण गाउँपालिका काँडे नजिक पाउदुर खण्डमा पटक पटक सडक अवरुद्ध हुदाँ दर्जनौँ सवारीसाधन अलपत्र भएका छन् भने हजारौँ सङ्ख्यामा यात्रुले द:ख पाएका छन् ।
व्यासमा दुई हजार बढी पशुलाई लम्पी स्किनविरुद्धको खोप
किसानको गोठसम्म पुगेर निःशुल्क भ्याक्सिन लगाउने काम भईरहेको र सो सङ्ख्यामा लगाउने काम पुरा भईसकेको नगरपालिकाले जनाएको छ ।
तामेकोट सडकलाई विष्णु क्षेत्री मार्ग नामाकरण गरिने
गल्याङ नगरपालिकाले वडा नं –५, जोगिमारा स्यालवास तामेकोट सडकलाई विष्णु क्षेत्री मार्ग नामाकरण गरिने भएको छ ।
दोबा र भुरुङ तातोपानीको सीमा विवाद समाधान
म्याग्दीको अन्नपूर्ण गाउँपालिकाका दुई वडाबीच वर्षौँ देखिको सीमा विवाद समाधान भएको छ । अन्नपूर्ण गाउँपालिका १ दोबा र २ भुरुङ तातोपानीका बीच दुवै वडाको सीमा क्षेत्रमा पर्ने बस्ती, खेतीयोग्य जमिन, वन र चरन क्षेत्रको उपभोगका विषयमा वर्षौँ देखि विवाद चल्दै आएको थियो ।
म्याग्दीका स्थानीय तहमा तीन अर्ब बढी बजेट
म्याग्दीका ६ वटा स्थानीय तहले आगामी आर्थिक वर्ष २०८०/८१ को नीति, कार्यक्रम र बजेट पारित गरेका छन् । गाउँ तथा नगर सभा मार्फत बेनी नगरपालिका, मङ्गला, मालिका, धवलागिरि, रघुगङ्गा र अन्नपूर्ण गाउँपालिकाले एकमुष्ट २ अर्ब दुई करोड ५३ लाख ४१ हजार एक सय रुपियाँ बराबरको बजेट पारित गरेका हुन् ।
मर्स्याङ्दीको जलविद्युत केन्द्रको उत्पादन बढ्यो
तनहुँको आँबुखैरेनी गाउँपालिका–४ स्थित मर्स्याङ्दी जलविद्युत केन्द्रको विद्युत उत्पादन बढेको छ । हाल वर्षा हुन थालेपछि उत्पादन बढेको तर पूर्ण क्षमतामा भने उत्पादन हुन नसकेको केन्द्रले जनाएको हो ।
स्याङ्जाका १० पालिकाले ल्याए बजेट
पाँच नगरपालिका र छ गाउँपालिका सहित ११ स्थानीय तह रहेको स्याङ्जामा आगामी आर्थिक वर्ष २०८०/८१ का लागि १० पालिकाले मात्र बजेट सार्वजनिक गरेका छन् । बिरुवा गाउँपालिकामा विवादका कारण बजेट ल्याउन सकेको छैन ।
पालिकाको नीति तथा कार्यक्रममा जनयुद्ध र मधेश आन्दोलन
अर्जुनचौपारी गाउँपालिकाको १३ औँ गाउँ सभामा जनयुद्ध र मधेश आन्दोलनलाई नीति तथा कार्यक्रम समेट्ने प्रयास गरेको छ। स्थानीय तहमा नेकपा (माओवादी केन्द्र) तथा मधेशवादी दलले जितेको पालिकामा जनयुद्ध र मधेश अन्दोलनलाई समेट्नु स्वाभाविककै भएको बताइएको छ।
गाउँ गाउँमा फैलियो योग अभियान
पछिल्लो समय योग सिक्ने र यसको साधना गर्नेको सङ्ख्या बढेको छ। पतञ्जली योगपीठ वालिङबाट सुरु भएको योग अभियान अहिले जिल्लाभर फैलिएको छ। वालिङमा पतञ्जली योगपीठको आफ्नै सुविधा सम्पन्न भवन र योग गर्ने ठाउँ रहेको छ। जहाँ नियमित ठुलो सङ्ख्यामा योग गर्नेको सहभागिता रहन्छ। प्रत्येक दिन बिहान ५ बजेदेखि ७ बजेसम्म सञ्चालन हुने योग साधनामा वालिङवासीको सक्रिय सहभागिता रहने गर्छ। आचार्य बालकृष्णको गृह जिल्ला भएर पनि यहाँको योगको प्रभाव राम्रो देखिन्छ। तत्कालीन राष्ट्रपति डाक्टर रामवरण यादव र बाबा रामदेवले २०६८ सालमा उद्घाटन गरेको योग साधना कार्यक्रमको अहिले पनि उत्तिकै प्रभाव देखिन्छ। समितिका अध्यक्ष नारायणप्रसाद तिवारी पतञ्जली योग समिति स्याङ्जाको सक्रयतामा वालिङका विभिन्न वडामा नियमित योग साधना सञ्चालन हुने गरेको बताउनुहुन्छ ।
‘लम्पी स्किन’ रोगविरुद्ध खोप अभियान
लम्पी स्किन रोगको सङ्क्रमण फैलँदै गएपछि गोरखा नगरपालिकाभित्रका तीन सय गाईभैँसीलाई लम्पी स्किन रोगविरुद्ध खोप लगाइएको छ । गोरखा नगरपालिका पशुसेवा शाखा र भेटेरीनरी अस्पताल तथा पशुसेवा विज्ञकेन्द्र गोरखाको प्राविधिक सहयोगमा नगरपालिकाभित्रका दुईवटा वडाका गाईभैँसीलाई लम्पी स्किनविरुद्धको खोप लगाइएको पशुसेवा विज्ञकेन्द्र गोरखाका सूचना अधिकारी डा लालमणि अर्यालले जानकारी दिनुभयो ।
तनहुँका दश स्थानीय तहद्वारा रु सात अर्ब ७५ करोडको बजेट प्रस्तुत
तनहुँका दश स्थानीय तहले आगामी आर्थिक वर्ष २०८०-८१ का लागि रु सात अर्ब ७५ करोड ७० लाख ६७ हजार तीन सय ७० को बजेट प्रस्तुत गरेका छन् । जिल्लाका चार नगरपालिका र छ गाउँपालिकाले आगामी आवका लागि उक्त बजेट प्रस्तुत गरेका हुन् ।
पोखरा महानगरको बजेट सात अर्ब १५ करोड
पोखरा महानगरपालिकाले आगामी आव ०८०/८१ को बजेट सार्वजनिक गरेको छ। आज १३ औं नगरसभामा महानगरकी उपप्रमुख मञ्जुदेवी गुरुङले सात अर्ब १५ करोड १५ लाख १७ हजारको बजेट प्रस्तुत गर्नुभएको हो।
पोखरा महानगरको नीति तथा कार्यक्रम
पोखरा महानगरपालिकाले आगामी आर्थिक वर्ष २०८०/८१ को नीति तथा कार्यक्रम प्रस्तुत गरेको छ। महानगर प्रमुख धनराज आचार्यले आज नीति तथा कार्यक्रम प्रस्तुत गर्दै लेकसाइडलाई २४ घण्टा खुला गर्न पहल गर्ने बताउनुभयो।
संस्कृति संरक्षणका लागि पञ्चेबाजा हस्तान्तरण
पूर्वी नवलपरासीको मध्यविन्दु नगरपालिकाले दलित समुदायको परम्परागत सिप तथा संस्कृति संरक्षण गर्न पञ्चेबाजा हस्तान्तरण गरेको छ ।
बेनी नगरपालिकाले ल्यायो ७१ करोडको बजेट
म्याग्दीको बेनी नगरपालिकाले आगामी आर्थिक वर्ष २०८०-०८१ का लागि झण्डै ७१ करोडको बजेट पेस गरेको छ । बेनी नगरपालिकाकी उपप्रमुख ज्योति लामिछानेले आइतबार बेनी नगरपालिकाको नगर सभाको १३ औँ अधिवेशनमा ७० करोड ८९ लाख रुपियाँको बजेट पेस गर्नुभएको हो ।
अवरुद्ध पोखरा वाग्लुङ सडक आंशिक रूपमा खुल्ला
गए रातीबाट अवरुद्ध रहेको पोखरा वाग्लुङ सडकअन्तर्गत कास्कीको अन्नपूर्ण गाउँपालिका काँडे नजिक पाउदुर खण्डमा बन्द भएको सडक १३ घण्टापछि आंशिक रूपमा खुलेको छ ।सडक अवरुद्ध हुँदा दर्जनौँ सवारीसाधन अलपत्र भएका छन् भने हजारौँको सख्यामा रहेका यात्रुले दुख पाएका छन ।
पहिराले मध्यपहाडी लोकमार्ग अवरुद्ध
शनिबार साँझदेखि परेको अविरल वर्षाका कारण मध्यपहाडी लोकमार्ग अवरुद्ध भएको छ । लोकमार्गको बागलुङ–बुर्तिबाङ खण्डअन्तर्गत ढोरपाटन नगरपालिका –२ खप्तरिबाङमा माथिदेखि झरेको पहिराले सडक अवरुद्ध भएको हो ।
व्यावसायिक बनाउँदै घरेलु मदिरा
स्याङ्जाको भिरकोट नगरपालिकाले घरेलु मदिरा व्यावसायिक बनाउने भएको छ। पालिकाले घरेलु मदिरालाई ब्रान्डिङ गरी व्यावसायिक बनाउने योजना सार्वजनिक गरेको हो। पालिकाले १२ औँ नगर सभामा घरेलु मदिरालाई व्यावसायिक बनाउने योजना अघि सारेको हो। नगरपालिकाले कार्यपालिका बैठकबाट नीति तथा कार्यव्रmममा घरेलु मदिराको ब्रान्डिङ गर्ने र व्यावसायिक बनाउने निर्णय गरी नीति तथा कार्यक्रममा समावेश गरेको हो।
मनोरञ्जन क्षेत्र करको दायरामा
अब ग्राहकले नाइट क्लब गएबापत सरकारलाई कर तिर्नुपर्ने भएको छ। गण्डकी प्रदेश सरकारले नाइट क्लब तथा डान्सबार जाने ग्राहकबाट कर लिने भएको हो। सरकारले आर्थिक ऐन, २०८० मार्फत नाइट क्लब तथा डान्सबार जाने ग्राहकबाट २५ रुपियाँ कर लिने व्यवस्था गरेको हो।
भिडियो एक्सरे सेवा बन्द
जनशक्ति अभाव भएको भन्दै पर्वत अस्पतालले भिडियो एक्सरे सेवा बन्द गरेपछि पर्वतका सर्वसाधारण नागरिक उक्त सेवाबाट वञ्चित बनेका छन्। अस्पतालका निमित्त प्रमुख डा. रुक्मिणा अधिकारीले दक्ष जनशक्ति नहुँदा इमरजेन्सीबाहेकका सेवा बन्द गरिएको जानकारी दिनुभयो।
घोडेपानीमा लालीगुराँस पार्क
म्याग्दीको अन्नपूर्ण गाउँपालिका -६ स्थित प्रसिद्ध पर्यटकीय स्थल घोडेपानीमा लालीगुराँस पार्क निर्माण गरिएको छ । लालीगुराँस पार्कले घोडेपानी र पुन हिलमा पर्यपर्यटन प्रवर्द्धनमा टेवा पुग्ने लक्ष्य लिइएको छ ।
बागलुङमा चट्याङ लागेर दुई जनाको मृत्यु, एक घाइते
बागलुङमा चट्याङ लागेर दुई जनाको मृत्यु भएको छ । ढोरपाटन नगरपालिका–५ पाखापानीका चित्रबहादुर विकको घरमा शनिबार राति ९ बजे चट्याङ पर्दा उनको छ वर्षीय दिनेश विक र नौ वर्षीया छोरी सुनिता विकको मृत्यु भएको हो ।
बस र कार ठक्कर खाँदा पाँच यात्रु घाइते
डुम्रे–वेशीसहर सडक खण्डमा पर्ने भानु नगरपालिका–९ बडहरेमा बस र कार शनिबार दिउँसको ठक्कर खाँदा पाँच यात्रु घाइते भएका छन्। घाइते हुनेमा कारमा सवार रहेका छन्।
आँधीखोलामा दश किमी सडक कालोपत्रे
आँधीखोला गाउँपालिका र पूर्वाधार विकास कार्यालयले १०.२ किलोमिटर सडक कालोपत्रे गरेका छन्। यहाँ पूर्वाधारले आठ किलोमिटर कालोपत्रे गर्दा गाउँपालिकाले आफ्नो लगानीमा २.२ किलो मिटर सडक कालोपत्रे गरेको हो।
कालीगण्डकी नदी किनारमा पैदलमार्ग
विश्वमा नै शालिग्राम शिला पाइने एकमात्र नदी कालीगण्डकीलाई पर्यटन विकाससँग जोड्ने प्रयास थालिएको छ । शालिग्राम र कालीनदी नामबाट पनि चिनिने यस कालीगण्डकी नदीलाई आयआर्जनसँग जोड्दै यहाँको धार्मिक तथा पर्यटन विकासका लागि स्थानीय सरकारले योजना अगाडि सारेको छ ।
