राष्ट्रिय परिचयपत्र बनाउन भीड
राष्ट्रिय परिचयपत्र बनाउन सेवाग्राहीको भीड बढेपछि जिल्ला प्रशासन कार्यालयले बारअनुसार स्थानीय तहको तालिका बनाएको छ । दैनिक ४० जनाले सेवा लिने गरी टोकन व्यवस्था गरेर कार्यालयले सेवा दिए पनि सेवाग्राहीले भने परिचयपत्र बनाउन सास्ती भोग्दै आएका छन् । “४० जनाको टोकन हुँदो रहेछ, एक जना सेवाग्राहीले भन्नुभयो, प्रशासनमा आइपुग्दा टोकन सकिएको हुन्छ,” राह
अन्तर्राष्ट्रिय सम्मेलन केन्द्र सञ्चालन गर्नेबारे अन्योल
बुटवलमा अन्तर्राष्ट्रिय सम्मेलन केन्द्र निर्माणको काम पूरा भए पनि यो संरचनाको जिम्मेवारी कसले लिने भन्ने विषयमा अन्योल देखिएको छ । भौतिक संरचना निर्माण सम्पन्न भइसकेको सम्मेलन केन्द्र कसलाई हस्तान्तरण गर्ने भन्ने विषयमा टुङ्गो नलागेको बुटवल सभाकक्ष तथा प्रदर्शनी केन्द्र निर्माण आयोजनाले जनाएको छ ।
बाँकेमा ८३ जना सक्रिय संक्रमित, दैनिक सङ्क्रमित बढ्दै
पछिल्लो समय बाँकेमा कोरोना सङ्क्रमितको सङ्ख्या बढ्न थालेको छ । अहिले बाँकेमा ८३ जना सक्रिय संक्रिमतको संख्या पुगेको छ । केही दिन यता दैनिक संक्रमित फेला पर्नेक्रम बढ्दैगएको छ ।
सडक निर्माण सम्पन्न नहुँदा आवतजावत गर्नेलाई सास्ती
नारायणगढ–बुटवल पूर्ब–पश्चिम राजमार्ग अन्तर्गतको सडकखण्ड विस्तारको काम कछुवा गतिमा चलिरहेको छ । यसले सडक वरिपरिका बासिन्दालाई बढी सास्ती भएको छ । सो सडकखण्ड भएर आवतजावत गर्नेलाई पनि दुःख भएको छ । घाम लाग्दा धुलोको समस्या र पानी पर्दा हिलोको समस्याले स्थानीयहरु पीडित भएको बताएका छन् ।
रामपुर अस्पतालले नयाँ भवनबाट सेवा दिएपछि बिरामीलाई सहज
रेखीराम रानापाल्पा, साउन २६ गते । पुरानो भवनबाट सेवा दिँदै आएको जिल्लाको पूर्वी भेग रामपुरमा रहेको रामपुर अस्पतालले नयाँ भवनबाट सेवा सुरु गरेको छ । वि.स. २०७२ सालमा ५० शैय्याको रुपमा स्तरोन्नति भएको अस्पतालको व्यवस्थित भवन नहुँदा पुरानै भवनबाट सेवा दिइएको थियो । नेपाल सरकारको १८ करोड ५० लाख रुपियाँको लागतमा अस्पतालको नयाँ भवन बनेपछि सेवा सोही भवनबाट सुरु गरिएको अस्पताल विकास समितिका अध्यक्ष रामप्रसाद ढकालले जानकारी दिनुभयो । आर्थिक वर्ष ०७२/७३ को पुसबाट निर्माणकार्य सुरु गरिएको भवन ढिला गरी सम्पन्न भएपछि सेवा सुचारु गरिएको उहाँले बताउनुभयो । भवनको बाहिर ट्रस र भुइँमा टायल बिछ्याउने काम अझैँ बाँकी छ । बाँकी काम समेत आगामी असोजभित्र सकिने अस्पतालले जनाएको छ । नयाँ भवनबाट सेवा दिन थालेपछि अहिले अस्पतालमा सेवाग्राहीको चाप बढेको अस्पताल प्रमुख नेत्रनारायण पोखरेलले जानकारी दिनुभयो । नयाँ भवनमा बहिरङ्ग सेवा सुरु गरेपछि दैनिक एक सयभन्दा बढी सेवाग्राही थपिएको उहाँले बताउनुभयो । नयाँ भवनबाट सेवा सुरु गरेपछि बिरामीको सङ्ख्या समेत बढेको अस्पतालले जनाएको छ । नयाँ भवनको पहिलो तल्लामा सञ्चालन भएको सेवा नागरिकले सहज रुपमा लिन पाएका छन् । बिरामीलाई आरामदायी बस्ने व्यवस्था, टिभी, खानेपानीलगायतको सुविधा उपलब्ध गराइएको उहाँले बताउनुभयो ।
ग्रामीण भेगलाई सडक सञ्जालमा जोड्ने पक्की पुल
पुल नभएर सास्ती खेप्दैआएका कपिलवस्तुका ६ स्थानमा पुल निर्माण सम्पन्न भएपछि स्थानीयहरु लाभान्वित भएका छन् । लुम्बिनी प्रदेश सरकारले अघिल्लो आर्थिक वर्ष सडक पूर्वाधार विकास कार्यालय कपिलवस्तुमार्फत १५० मिटर सम्मका पुल निर्माण भएका छन् ।
गुल्मीमा कोरोना संक्रमण सय नाघ्याे, एकै दिन ३३ जनामा संक्रमण पुष्टि
गुल्मीमा कोरोना संक्रमण तिब्र रुपमा फैलिन थालेको छ । बुधबार मात्रै गुल्मी जिल्लामा ३३ जनामा संक्रमण पुष्टि भएको जिल्ला स्वास्थ्य कार्यालय गुल्मीका प्रमुख पशुपति आचार्यले जानकारी दिनुभयो । बुधबार ७७ जनामा गरिएको एन्टिजेन परीक्षणमा ३३ जनामा संक्रमण पुष्टि भएको हो । यो सङगै जिल्लामा कुल सक्रिय संकमितको संख्या ११२ जना रहेको जिल्ला स्वास्थ्य कार्यालय गुल्मीले जनाएको छ ।
लेकमा गोठालाको रमझम
वरिपरि गोठै गोठको छरछिमेक। चारैतिर हरियाली तथा मडारिएको कुहिरो। चरीको चिरबिर आवाज, गोठालाहरूले बजाउने बाँसुरीको सुरिलो धुन। गाईभैँसी, भेडा/बाख्रा र घोडा/खच्चड चरनमा सराबरी। एउटा छुट्टै समाज, एउटा पृथक संस्कार। मानव समाजको इतिहास हराइसकेको आदिम मानवहरूको यायावर (फिरन्ते) जीवनजस्तो लाग्ने फरकपन। विश्व आधुनिक पुँजीवादी युगमा प्रवेश गरेको छ तर यहाँका अधिकांश मानिस पुरानै पेसामा रहेका छन्। मौसमअनुसार पशुचौपायलाई लेक/बेँसी गराउँछन् र जहाँ चरिचरण धेरै छ, त्यहीँ पुगेर बस्तुभाउ चराउँछन्। लुम्बिनी प्रदेशकै एक मात्र हिमाली जिल्ला रुकुमपूर्वको जनजीवन सकसभित्र हर्षका भाव अनुभूति गरी यसरी नै चलिरहेको छ।
गोरखापत्रकर्मी कोहार सम्मानित
गोरखापत्रका तौलिहवा समाचारदाता नारद कोहार विकास पत्रकारिता पुरस्कार २०७९ बाट नगदसहित सम्मानित हुनुभएको छ । कपिलबस्तु नगरपालिकाले नगरको समग्र विकासमा पत्रकारिताको माध्यमबाट सहयोग गरेकाले उहाँलाई सम्मानित गरेको नगर प्रमुख सुदीप पौडेलले जानकारी दिनुभयो ।
वर्षौंदेखि थन्किाएका विद्युतीय गाडी दशैंअघि नै चलाइने
वर्षौंदेखि लुम्बिनीमा थन्काएर राखिएका विद्युतीय बस दशैं अगावै सञ्चालनमा आउने भएका छन् । लुम्बिनी विकास कोषका अनुसार दसैंअघि नै विद्युतीय गाडी सञ्चालन गर्ने गरी आवश्यक तयारी भइरहेको छ । विद्युतीय गाडी सञ्चालन गर्न बनेको कार्यदलले अहिले आफ्नो कामलाई तीव्रता दिएसँगै गाडी सञ्चालनको आशा पलाएको छ ।
छोरीसँग प्रेम गर्नेलाई शिक्षकले कुटे
दाङमा छोरीको प्रेमीलाई घरमा बोलाएर एक जना शिक्षकले निर्घात कुटपिट गरेका छन् । विद्यार्थी कुट्ने छोरीका बुवा पाटेश्वर यादव लगायत तीन जनालाई प्रहरीले पक्राउ गरेको छ ।
पर्यटकीय गन्तव्य बन्दै तानसेनको श्रीनगर
सुन्दर वातावरण हरियाली डाँडाकाँडा पाखापखेराले भरिभराउ पाल्पा अहिले आन्तरिक तथा बाह्य पर्यटकको गन्तव्य बनिरहेको छ । सुन्दर डाँडा श्रीनगरले पनि पर्यटक लोभ्याउने काम गरिरहेको छ ।
पाल्पामा चाँडै लालपूर्जा वितरण हुने
रेखीराम रानापाल्पा, साउन २५ गते । राष्ट्रिय भूमि आयोगले पाल्पाका थप पाँच वटा पालिकामा काम सुरु गरेको छ । जिल्लाको पूर्वखोला, निस्दी, बगनासकाली, रिब्दीकोट र रम्भा गाउँपालिकामा आयोगले भूमिहीन दलित, भूमिहीन सुकुम्बासी तथा अव्यवस्थित बसोबासीको तथ्याङ्क सङ्कलन कार्य सुरु गरेको हो । आयोग र पालिकाबीच सम्झौता भएपछि तथ्याङ्क सङ्कलनको काम प्रारम्भ गरिएको आयोगका जिल्ला अध्यक्ष मोहनलाल गैरेले जानकारी दिनुभयो । यसअघि तानसेन, रामपुर, माथागढी, रैनादेवी छहरा र तिनाउमा सम्झौतापछि काम सुरु भइसकेको उहाँले बताउनुभयो । पाल्पाका बाँकी पाँच वटा पालिकासँग सम्झौतापछि भूमिहीन, सकुम्बासी तथा दलितको तथ्याङ्क सङ्कलन गरेर इन्ट्री गरिने उहाँले जानकारी दिनुभयो । ती पालिकामा अव्यवस्थित बसोबाससमेत रहेको जानकारी प्राप्त भएकाले अव्यवस्थित बसोबासको समेत निवेदन माग गरिनेछ । थपिएका पाँच वटा पालिकामा लालपूर्जा वितरणको लागि काम तीव्र रुपमा अगाडि बढाइने र तीन/चार महिनाभित्रै आयोगले तोकेको मापदण्डअनुसार लालपूर्जा वितरण गरिने आयोजकका सदस्य हरिता थापामगरले जानकारी दिनुभयो । पाल्पा जिल्लामा हालसम्म रामपुर नगरपालिकाभित्रका ८८२ जना भूमिहीन सुकुम्बासी, भूमिहीन दलित तथा अव्यवस्थित बसोबासको तथ्याङ्क सङ्कलन, फिल्ड बुक तयार, जग्गा नापजाँच, नक्सा तयार भएको छ । उनीहरूको नाममा तयार लालपूर्जा वितरणका लागि हकदावी सम्बन्धी सूचना प्रकाशित गरेर लालपूर्जा वितरणको काम गरिने जिल्ला अध्यक्ष गैरेले बताउनुभयो । माथागढीको विभिन्न स्थानमा यसअघिका आयोगले वितरण गरेका दुई सय २५ जनाको लालपूर्जाको फिल्डबुक तयार, जग्गा नापजाँच तथा नक्सा तयार गर्ने कार्य भइरहेको छ । आयोगका अनुसार पाल्पाको तानसेन नगरपालिकाभित्रका ११२ भूमिहीन दलित, १९९ भूमिहीन सुकुम्बासी तथा एक हजार ११२ व्यवस्थित बसोबासीको निवेदन प्राप्त भएको छ । यस्तै, रामपुर नगरपालिकाको थप ८२ जना भूमिहीन दलित, ९१ जना भूमिहीन सुकुम्बासी तथा एक हजार ६७० अव्यवस्थित बसोबासको निवेदन प्राप्त भएको छ । माथागढीमा भूमिहीन दलित ४२, भूमिहीन सुकुम्बासी २३ तथा एक हजार दुई सय पाँच व्यवस्थित बसोबासको निवेदन आएको भूमि आयोग जिल्ला समितिले जनाएको छ । रैनादेवी छहरा गाउँपालिकामा हालसम्म भूमिहीन दलित १२, भूमिहीन सुकुम्बासी २४ र अव्यवस्थित बसोबास गर्ने एक हजार ४० जनाको निवेदन परेको छ ।
सशस्त्र प्रहरीद्वारा एकै पटक ६० लाखको अवैध सामान नियन्त्रणमा
नेपालगञ्ज, साउन २५ गते । सीमा पारीबाट हुँदै आएको तस्करी र अवैध आयात रोक्न कडा रुपमा प्रस्तुत भइरहेको सशस्त्र प्र्रहरीले एकै पटकमा ६० लाख रुपियाँको अवैध सामान बरामद गर्न सफल भएको छ । गत केही समयदेखि सशस्त्र प्रहरीले जिल्लाको ६५ किलोमिटरको खुला नाकामा तस्करी र अवैध आयात रोक्न कडा अभियान चलाएको थियो । सोही अभियान अन्तर्गत सशस्त्र प्रंहरी बल नेपाल नं. ३० गण हेडक्वार्टर बागेश्वरी बाँकेका गणपति एवं सशस्त्र प्रहरी उपरीक्षक जनकराज बस्नेतको नेतृत्वमा खटिएको सात जनाको टोलीले बाँकेको बैजनाथ गाउँपालिका वडा नं. १ हात्तिसारबाट उक्त अवैध सामान बरामद गरेको हो ।भे १ ख ३५८८ नम्बर को ट्रकलाई शंका लागेर जाँच गर्दा बिल विजक नभएको ५९ लाख ४० हजार मूल्य बराबरको अवैध सामान बरामद भएको सशस्त्र प्रहरीका एसपी जनक बस्नेतले बताउनुभयो । सीमा पारी भारतबाट ल्याएर भन्सार राजस्व छलेर सुर्खेत लैजाँदै गरेको अवस्थामा उक्त ट्रकलाई खानतलासी गर्दा चिनी १०० बोरा, चामल ३०० बोरा, सुपर पावर सुर्ती २९ बोरा र लेडिज सुट १०० थान फेला परेको एसपी बस्नेतले बताउनुभयो । ट्रकसँगै चालक दैलेखको गुराँसे गाउँपालिका वडा नं. ४ बस्ने २७ वर्षीय गौरव गिरी र सहचालक दैलेखको दुल्लु नगरपालिका वडा नं. १२ बस्ने २१ वर्षीय अर्जुन रावतलाई पनि नियन्त्रणमा लिई आवश्यक कारबाहीका लागि नेपालगञ्ज भन्सार कार्यालयमा बुझाइएको सशस्त्र प्रंहरी बल नेपाल नं. ३० गण हेडक्वार्टर बागेश्वरी बाँकेले जनाएको छ । पछिल्लो समयमा आएर सीमा पारीबाट तस्करी र अवैध सामानको आयात बढ्दै गएकाले एकातिर राजस्व संकलनमा समेत प्रभाव परेको छ भने अर्कोतिर अवैध गतिविधि बढ्दै गएको पाइएको छ ।
सैनामैनामा सुविधाजन्य ज्येष्ठ नागरिकग्राम बन्ने
पविता पौडेल रुपन्देही, साउन २५ गते । सैनामैना नगरपालिका -१ बनकट्टामा ३० करोडको लागतमा सुविधाजन्य ज्येष्ठ नागरिकग्राम बन्ने भएको छ ।प्रदेश सरकारबाट बजेट स्वीकृत भइसकेको सैनामैना नगरपालिकाका इन्जिनियर सुुरज न्यौपानेले जानकारी दिनुभएको हो । बहुवर्षे योजनामा परेको उक्त ज्येष्ठ नागरिक ग्राममा १ ,२ र ३ बल्कहरु हुनेछन् । सो ग्राममा मेडिकल बल्क, ठूलो सभाहल र मन्दिर पनि बनाइनेछ । उक्त जग्गामा ग्रामको लागि पर्खाल लगाइसकेको छ ।उहाँका अनुुसार ग्राम बन्नका लागि सैनामैना नगरपालिकाको संयोजनमा ६ बिघा १० कठा १७ धुर जग्गा उपलब्ध भएको छ ।नगरपालिका प्रमुख फडेन्द्र शर्माले ग्रामसँगै सैनामैना -१ पिपलडाडाँमा छिट्टै ट्रमा सेन्टर पनि बन्न लागेको जानकारी गराउनुभयो । ट्रमा सेन्टरको लागि पनि बजेट स्वीकृत भइसकेको छ ।
सडक नजोडिँदा जीवन धान्न सकस
जिल्लाका अधिकांश गाउँ सडक सञ्जालमा नजोडिएकाले दैनिक जीवनयापन कष्टकर बनिरहेको छ । सिकिस्त बिरामीलाई समेत स्वास्थ्य संस्थामा बोकेरै पु-याउनुपर्ने बाध्यता छ । गाउँमा कोही बिरामी परे भने स्वास्थ्य संस्थामा ल्याउन डोको, झोलुङ्गो र स्ट्रेचरमा बोकेर स्वास्थ्य संस्थासम्म पु-याइन्छ । भुमे, पुथाउत्तरगङ्गा र सिस्ने गाउँपालिका गरी तीन पालिकाले बनेको जिल्लामा यातायातको सहज पहुँच नहुँदा समस्या भोग्नुपरेको हो ।
सद्भावको पर्व बन्दै मोहर्रम
मुस्लिम समुदायले मनाउने महान् पर्व मोहर्रम केही वर्षयता हिन्दु समुदायले पनि मनाउन थालेपछि सद्भावको पर्व बन्दै गएको छ । हिन्दुले समेत मनाउन थालेपछि धार्मिक सद्भावको पर्वका रूपमा विकसित हुँदै गएको हो । तराईका हिन्दु र मुस्लिम समुदायले एकैसाथ मनाउन थालेपछि छुट्टै रौनक थपिएको छ ।
उठ्दैछ कोइलाबास नाका, चल्दैछ भन्सार
यत्रतत्र घर ढलेका छन्, नढेलेका घर पनि जीर्ण अवस्थामा रहेका छन् । झाडीले घर ढाकेको छ, सडकको पिच उप्केको छ । यो चित्रण हो, भारतसँग सीमाना रहेको दाङ देउखुरी उपत्यकाको कोइलाबासको ।
गुल्मीका नायब सुब्बा धर्नामा
असमान रुपमा भएको तलब वृद्धिको विरोधमा गुल्मीका विभिन्न कार्यालयमा कार्यरत नायब सुब्बाहरुले जिल्ला प्रशासन कार्यालयमा धर्ना दिएका छन् ।
गुल्मीमा नवौं राष्ट्रिय खेलकुद प्रतियोगिताको तयारी तीव्र
रमेश विश्वकर्मा गुल्मी, साउन २४ गते । गुल्मीमा नवौं राष्ट्रिय खेलकुद प्रतियोगिताको जिल्लास्तरीय छनाेट प्रतियोगितालाई प्रभावकारी बनाउन तीव्र तयारी भइरहेको छ । गण्डकी प्रदेशको पोखरामा आगामी असोज २८ गतेदेखि कात्तिक ३ गतेसम्म हुन लागेको नवौं राष्ट्रिय खेलकुद प्रतियोगितामा जिल्लाबाट खेलाडीहरु सहभागी गराउने उद्देश्यले जिल्लास्तरीय छनाेट प्रतियोगितालाई प्रभावकारी बनाउन जिल्ला खेलकुद विकास समिति पालिका स्तरमा पुगेको छ । जिल्लास्तरीय छनाेट प्रतियोगिता तयारीका लागि अनुमानित खर्च विवरणसहितको प्रस्तावना जिल्लाका १२ वटै स्थानीय तहमा पुगेर पेश गरिने जिल्ला खेलकुद विकास समिति गुल्मीका उपाध्यक्ष नारायण जिसीले जानकारी दिनुभयो । हालसम्म सात स्थानीय तहका प्रमुख, उपप्रमुख एवम् प्रमुख प्रशासकीय अधिकृतहरुलाई प्रस्तावना पेश गरिएको छ । बाँकी पाँच स्थानीय तहमा पनि छिट्टै प्रस्तावना पेश गर्ने बताइएको छ । प्रस्तावना पेश गर्दै पालिकाबाट जिल्लास्तरीय छनाेट प्रतियोगितामा खेलाडीहरु सहभागी बनाउन आग्रह गरिएको उपाध्यक्ष जिसीले बताउनुभयो ।गुल्मी जिल्लाबाट भलिबल, फुटबल, क्रिकेट, ब्याडमिण्टनलगायत १९ वटा खेलमा प्रदेश खेलकुद परिषद, लुम्बिनीलाई माग गरिएको कार्यालय प्रमुख डिल्ली विश्वकर्माले जानकारी दिनुभयो । उहाँले जिल्लास्तरीय छनाेट प्रतियोगितामा सहभागी भई छनाेट भएका खेलाडीहरुलाई समयानुकूल बन्द प्रशिक्षणको व्यवस्था मिलाउने बताउनुभयो । कराँते, फुटबल, भलिबल, खो खो, तेक्वान्दो, बक्सिङ्ग खेलका प्रशिक्षकहरु यस जिल्लामा उपलब्ध गराइदिन प्रदेश खेलकुद परिषदमा माग गरिएको जिल्ला खेलकुद विकास समिति गुल्मीका अध्यक्ष गिरीप्रसाद महाकिमले जनाकारी दिनुभयो ।
लुम्बिनी प्रदेशको योगदान चौध प्रतिशत
देशको कुल गार्हस्थ्य उत्पादनमा लुम्बिनी प्रदेशको योगदान १४ प्रतिशत रहेको छ । प्रदेशमा सबैभन्दा बढी योगदान कृषि क्षेत्रको ४५ प्रतिशत रहेको छ । चालू आर्थिक वर्षमा प्रदेशको आर्थिक वृद्धिदर ५.३७ प्रतिशत हुने अनुमान रहेको लुम्बिनी प्रदेश आर्थिक मामिला तथा सहकारी मन्त्रालयले जनाएको छ । जुन नेपालको चालू आर्थिक वर्षको अनुमानित आर्थिक वृद्धिदर ५.८४ प्रतिशतको नजिक रहेको छ ।
सुरक्षाको अनुभूति गर्दैनन् सीमावासी
गाउँको थोरै तल दक्षिणतर्फ दसगजा क्षेत्र, जुन क्षेत्रलाई नेपाल–भारत दुई देशको साझा भूमिको रूपमा लिइन्छ। दसगजाको माथि उत्तरतर्फ ठाउँ ठाउँमा ससाना झुप्रा खरको फुसले बारेका घर। ती घरमा बसेर कष्टकर जीवन विताइरहेका नेपाली नागरिक सीमा क्षेत्रसँगै जोडिएर बसेकाले आफूहरू नाकाबासी भएको भन्न रुचाउँछन्। सीमा बस्नेहरू नेपाली नागरिक भए पनि सम्पूर्ण भर छिमेकी मुलुक भारतसँग रहेको छ।
स्थानीय पाठ्यक्रम कार्यान्वयनमा ल्याइँदै
जिल्लाका अधिकांश स्थानीय सरकार पाठ्यक्रम तयार पारेर कार्यान्वयनको तयारीमा जुटेका छन्। जिल्लाका दुई उपमहानगरसहित पाँचवटा पालिकाले पाठ्यक्रम तयार पारेर कार्यान्वयनमा ल्याएका छन्। संविधानमै कक्षा ८ सम्म स्थानीय पाठ्यक्रम तयार पारेर अध्यापन गराउन सकिने व्यवस्था गरिएको छ। घोराही उपमहानगरपालिकाले थारू भाषामा पाठ्यक्रम तयार पारेर कक्षा १ देखि ३ सम्म परीक्षण गरेको थियो। यद्यपि यो उपमहानगरपालिकाले अझै स्थानीय पाठ्यक्रम भने कार्यान्वयनमा ल्याएको छैन। दङ्गीशरण, बङ्गलाचुली, राप्ती र राजपुर गाउँपालिकाले पाठ्यक्रम तयार पारिसकेका छन् तर पाठ्यपुस्तक भने अझै पठाइएको छैन।
खर्च सकिँदा सिकलसेलका २० बिरामी समस्यामा
सरकारले दिएको उपचार खर्च सकिएपछि भेरी अस्पतालमा उपचार गराइरहेका सिकलसेलका बिरामीहरु समस्यामा परेका छन् ।