हरित नगर बन्दै कोहलपुर
बाँकेको कोहलपुर नगरपालिकाले हरित नगरपालिका निर्माणका लागि स्थानीयसँग सहयोग लिने भएको छ । नगर प्रमुख पूर्णप्रसाद आचार्यले नगरवासीसँग सहकार्य गरी हरित नगरको अवधारणाले मूर्त रूप लिने बताउनुभयो । नगर प्रमुख आचार्यले भन्नुभयो, “नगर क्षेत्रभित्र वृक्षरोपण गरी सहरी सुन्दरता कायम गर्न आआफ्ना घरपरिसरमा सदाबहार हरियाली हुने एवं सौन्दर्य कायम हुने बिरुवा लगाउन सार्वजनिक अपिल गरेका छौँ ।”
भूमिहीनलाई लालपूर्जा वितरण
भूमि व्यवस्था सहकारी तथा गरिवी निवारणमन्त्री रञ्जिता श्रेष्ठले सरकारले कुनै पनि नागरिकलाई भूमिविहीन हुन नदिने बताउनुभएको छ । बाँकेको नरैनापुर गाउँपालिकामा शुक्रबार आयोजित जग्गाधनी प्रमाणपूर्जा (लालपुर्जा) वितरण कार्यक्रममा मन्त्री श्रेष्ठले देशभर भूमिहिन र अव्यवस्थित बसोबासीलाई सरकारले ब्यवस्थापन गर्ने बताउनुभयो ।
दाङमा ८ प्रतिशत रोपाइँ सम्पन्न
दाङ जिल्लामा हालसम्म करिब ८ प्रतिशत धान रोपाइँ भएको छ ।
थोर्गाका कृषक व्यावसायिक लिची उत्पादनमा
गुल्मीको रुरुक्षेत्र गाउँपालिका–३ अन्तर्गत थोर्गा च्युरेकको लिची गाउँका किसान व्यावसायिक लिची उत्पादनमा लागेका छन् । यस क्षेत्रमा प्रमुख नगदे फलफूल बालीको रुपमा लिची मानिन्छ ।
बाघको छाला र हड्डीसहित तीन जना पक्राउ
कोहलपुरमा पाटेबाघको छाला र हड्डी सहित तीन जना पक्राउ परेका छन् । कोहलपुर इलाका प्रहरी कार्यालयबाट खटिएको प्रहरी टोलीले बाँकेको कोहलपुर नगरपालिका वडा नम्बर ११ बाट बाघको छाला र हड्डीसहित तीन जनालाई पक्राउ गरेको हो ।
निर्माणको गुणस्तर जाँच गर्न प्रयोगशाला सञ्चालनमा
बगनासकाली गाउँपालिकाले ‘सिभिल प्रयोगशाला’ सञ्चालनमा ल्याएको छ । विकासे योजनाहरूमा प्रयोग हुने कच्चा पदार्थको जाँच गर्ने गरी प्रयोगशाला सञ्चालनमा ल्याइएको हो ।
बाँकेमा १५ प्रतिशत धान रोपाइँ
करिब देशभरि धान रोपाइँ कार्यक्रम भइरहँदा बाँकेमा भने अधिकांश खेत बाँझै रहेका छन् । कृषि ज्ञान केन्द्र बाँकेले असार १५ सम्म जिल्लाका आठ वटै स्थानीय तहमा गरी करिब १५ प्रतिशत धान रोपाइँ भएको छ ।
विष्फोटकाे आरोपमा तीन जना पक्राउ
रुपन्देही प्रहरीले जिल्लाका विभिन्न स्थानमा बम विष्फोटमा संलग्न भएको अभियोगमा तीन जनालाई पक्राउ गरेको छ । जिल्ला प्रहरी कार्यालय, रुपन्देहीले भैरहवामा पत्रकार सम्मेलन गरी घटनामा संलग्न अभियुक्तहरूलाई सार्वजनिक गरेको हो ।
कोहलपुरको अत्याधुनिक बसपार्क साउनबाट सञ्चालनमा आउने
बाँकेको कोहलपुरमा २८ करोडको लागतमा निर्माण गरिएको पश्चिम नेपालकै अत्याधुनिक नमुना बसपार्क आगामी साउन १ बाट औपचारिक रूपमा सञ्चालनमा आउने भएको छ ।
रैथाने धान जोगाउँदै प्रदेश सरकार
स्थानीय र प्रदेश सरकारले रैथाने प्रजातिका अन्न बाली संरक्षण गर्ने नीति ल्याएको छ । लुम्बिनी प्रदेश सरकारले आर्थिक वर्ष २०८०/८१ को नीति तथा कार्यक्रम र बजेटमै रैथाने प्रजातिका अन्नबाली संरक्षण कार्यक्रम समावेश गरेको छ ।
पहिराले कालीगण्डकी कोरिडोर अवरुद्ध
गए रातिदेखि परिरहेको अविरल वर्षाले कालीगण्डकी कोरिडोर सडक अवरुद्ध बनेको छ । कोरिडोरअन्तर्गत पाल्पाको रम्भा गाउँपालिका –२ र ३ को सिमानामा रहेको सहर्दीखोला पुल नजिकै पहिरो खसेपछि सडक अवरुद्ध भएको हो ।
चक्लाबन्दीमा सुन्तला र कागती खेती
गुल्मीमा चक्लाबन्दीमा फलफूल खेती सुरु गरिएको छ । कृषि ज्ञान केन्द्रको ७५ प्रतिशत अनुदानमा रेसुङ्गा नगरपालिका –४ अर्खलेमा १५० रोपनी जग्गामा चक्लाबन्दी गरी अहिले ११३ रोपनी जग्गामा फलफूल खेती अन्तर्गत सुन्तला र कागती खेती सुरु गरिएको हो ।
स्थानीयलाई सुपानेट झुल वितरण
रुपन्देहीको सम्मरीमाई गाउँपालिका –६ डिहुलीका स्थानीयलाई सुपानेट झुल वितरण गरिएको छ । वडा कार्यालयको आयोजना तथा वीर फाउन्डेसन नेपाल र नमस्ते बालबचाउ नेपालको व्यवस्थापनमा वडाभित्र रहेका ६ सय जनालाई एक–एक थानका दरले झुल वितरण गरिएको हो ।
-original-thumb.jpg)
राष्ट्रसंघका उपमहासचिव जिन पियरे लुम्बिनी भ्रमणमा
संयुक्त राष्ट्रसंघका उपमहासचिव जिन पियरे ल्याक्रोइक्सले बुद्धजन्मस्थल लुम्बिनी भ्रमण गर्नुभएको छ । चार दिवसीय भ्रमणका लागि नेपाल आउनुभएका उपमहासचिव पियरेलाई आज लुम्बिनी विकास कोषले स्वागत गरेको छ ।
बाँके प्रदेशमै पहिलो पूर्ण खोप सुनिश्चित तथा दिगोपना जिल्ला घोषणा
लुम्बिनी प्रदेशमै पहिलो पूर्ण खोप सुनिश्चित तथा दिगोपना जिल्लाका रूपमा बाँके जिल्लालाई घोषित गरिएको छ।
भैरहवामा थपियो अर्को पाँचतारे होटल
सिद्धार्थ बिजनेस ग्रुप अफ हस्पिटालिटी प्रालिले रुपन्देहीको भैरहवामा पाँचतारे होटल थपिएको छ । साढे दुई अर्ब लगानीमा निर्माण गरिएको सिद्धार्थ बिलासा होटलको सञ्चालन सुरु भएको छ । रुपन्देहीमा यो तेस्रो पाँचतारे होटल हो ।
राप्ती आँखा अस्पतालमा कर्नियल फोटोग्राफी मेसिन
राप्ती आँखा अस्पतालले आँखा सम्बन्धी सेवालाई प्रभावकारी बनाउने उद्देश्यले कर्नियल फोटोग्राफी मेसिन खरिद गरेको छ । राप्ती अस्पताल र लुम्बिनी प्रदेश सरकार स्वास्थ्य मन्त्रालयको लागत साझेदारीमा मेसिन खरिद गरिएको हो ।
-original-thumb.jpg)
तानसेन खानेपानी उपभोक्ता समिति खारेज
चार वर्षदेखि अवैध रूपमा सञ्चालित तानसेन खानेपानी उपभोक्ता समिति खारेज गरिएको छ । तानसेन नगरपालिकाको आयोजना गरिएको वृहत् उपभोक्ताहरूको भेलाले चार वर्षदेखि अवैध रूपमा सञ्चालित उपभोक्ता समितिलाई खारेज गर्ने निर्णय गरेको हो ।
बाँकेमा बकर इद मनाइँदै
इस्लाम धर्मावलम्बीहरूको दोस्रो ठुलो पर्व इद–उल–अजाह (बकर इद) बाँकेमा धुधामका साथ मनाइँदैछ । तीन दिनसम्म मनाइने यो पर्वलाई कुर्बानी र बलिदानको पर्व पनि भनिन्छ ।
महिला दर्शनार्थीलाई दुर्व्यवहार गर्ने पुजारी निलम्बित
पश्चिम नेपालकै धार्मिक तथा ऐतिहासिक पाल्पा भैरवस्थान मन्दिरका मुख्य पुजारी जितनाथ योगीलाई निलम्बन गरिएको छ ।
यौन हिंसाका घटना वृद्धि
रुपन्देहीमा यौनजन्य हिंसाका घटनामा वृद्धि भएको एक तथ्याङ्कले देखाएको छ । अनौपचारिक क्षेत्र सेवा केन्द्र इन्सेकले विगत सात महिनाको अवधीमा गरेको अध्ययनले सो तथ्याङ्क देखाएका हो । सो अवधिमा भएका विभिन्न अपराधका घटना मध्ये सबैभन्दा बढी यौनजन्य हिंसाका घटना भएको उल्लेख गरिएको छ । इन्सेकको अभिलेख अनुसार, बालबालिकासम्बन्धी बलात्कारका घटना २६, यौन दुव्र्यवहार छ, जबरजस्ती करणी आठ र बलात्कारको प्रयास गरी सात वटा घटना भएको उल्लेख छ । त्यसै गरी मानव बेचबिखन तथा ओसारपसार पाँच, पारिवारिक हत्या चार, बालिका हत्या एक, अपहरण तथा शरीर बन्धक एक, बहुविवाह आठ, जबरजस्ती गर्भपतन एक र घरेलु हिंसा २६४ वटा रहेको जनाइएको छ ।
आठ वर्षमा पनि सकिएन विद्यालय भवनको निर्माण
आठ वर्षअघि निर्माण कार्य सुरु गरिएको गुल्मीको मदाने गाउँपालिका–६ पुर्कोटदहको धाराचौर आधारभुत विद्यालयको भवन अहिलेसम्म पनि निर्माणाधीन अवस्थामा छ । साबिक जिल्ला विकास समितिलाई यस विद्यालयका लागि भारतीय दूतावासमार्फत् २०७२ सालमा १६ कोठे भवन निर्माणका लागि योजना परेको हो ।
संघर्षमै बित्यो कमलरीको मुक्त घोषणाको दश बर्ष
सरकारले कमलरी प्रथा उन्मुलन गरेको दश बर्ष पूरा भएको छ । २०७० जेठ १९ गते सरकार र आन्दोलनरत कमलरीकावीच १० बुँदे सहमति भएपछि सरकारले २०७० साल असार १३ गते देशलाई कमलरी मुक्त घोषणा गरेको थियो ।
मलका लागि विहानैदेखि लाममा किसान
बाँकेको खजुरा –४ ‘इ’गाउँस्थित मिलिजुली वहुउद्देश्यीय कृषि सहकारी संस्थाले रासायनिक मल वितरण गर्ने भएपछि विहानैदेखि किसानहरु लाइनमा बसेका छन् ।
आफू खुसी शुल्क नलिन सामुदायिक विद्यालयलाई निर्देशन
बर्दियाको बारबर्दिया नगरपालिकाले नगरभित्रका सामुदायिक विद्यालयहरूलाई आफू खुसी विद्यालय शुल्क नलिन निर्देशन दिएको छ ।
