सभामुख सापकोटासँग राजदूत यान्छीद्वारा बिदाइ भेट
सभामुख अग्निप्रसाद सापकोटासँग नेपालका लागि चिनियाँ राजदूत होउ यान्छीले बिदाइ भेट गर्नुभएको छ । राजदूत यान्छीले शनिबार विहान सभामुखसँग उहाँको सरकारी निवास लैनचौरमा बिदाइ भेट गर्नुभएको हो ।
उम्मेदवार नबन्ने सभामुख सापकोटाको घोषणा
प्रतिनिधि सभाका सभामुख अग्निप्रसाद सापकोटाले आगामी मङ्सिर ४ गते हुने प्रतिनिधि सभा निर्वाचनमा उम्मेदवार नबन्ने घोषणा गर्नुभएको छ । सिंहदरवारमा शनिबार पत्रकार सम्मेलन गरी सभामुख सापकोटाले सो घोषणा गर्नुभएको हो ।
नेकपा (एमाले) र जसपाबीच चुनावी तालमेलमा सहमति
प्रमुख प्रतिपक्षी दल नेकपा (एमाले) र जनता समाजवादी नेपाल (जसपा) बीच चुनावी तालमेल भएको छ । अध्यक्ष केपी शर्मा ओली र जसपा अध्यक्ष यादवबीच आज शनिबार सहमतिपत्रमा हस्ताक्षर भएको हो । सहमतिअनुसार जसपाले १७ सिट पाउने छ ।
अध्यक्ष माधवकुमार नेपाल रौतहट – १ बाट लड्ने
सत्तारुढ दल नेकपा (एकीकृत समाजवादी)ले प्रतिनिधिसभातर्फको उम्मेदवार टुङ्गो लगाएको छ । समाजवादीका अध्यक्ष तथा पूर्वप्रधानमन्त्री माधवकुमार नेपाल रौतहटको निर्वाचन क्षेत्र नम्बर १ बाट प्रतिनिधिसभाको उम्मेदवार हुनुहुन्छ । पार्टीका सम्मानित नेता तथा पूर्वप्रधानमन्त्री झलनाथ खनाल इलाम क्षेत्र नम्बर १ बाट प्रतिनिधिसभा उम्मेदवार हुनुहुन्छ ।
सत्ता गठबन्धनको सिट बाँडफाँटबारे लोसपासँग छलफल हुँदै
सत्ता गठबन्धनको आगामी निर्वाचनमा सिट बाँडफाँट टुङ्ग्याउन शनिबार पनि छलफलमा जुट्दैछ । सत्तारुढ दल नेकपा ९एकीकृत समाजवादी० का सम्मानित नेता झलनाथ खनालले प्रतिनिधिसभा र प्रदेशसभाको सिट सङ्ख्याबारे आजको बैठकले अन्तिम टुङ्गो लगाउने बताउनुभयो ।
उम्मेदवार मनोनयन भोलि, यी हुन् आवश्यक पर्ने कागजात
प्रतिनिधि सभा र प्रदेश सभाका लागि यहीँ मङ्सिर ४ गते निर्वाचनका लागि पहिलो हुने निर्वाचित हुने (प्रत्यक्ष) निर्वाचनतर्फको मनोनयन पत्र दर्ता भोलि अर्थात् आश्विन २३ गते आइतबार बिहान १० बजेदेखि सॅाझ ५ बजेसम्म मात्र रहेको निर्वाचन आयोगले जनाएको छ ।
नेता ओझाद्वारा कैलाली ५ मा उम्मेदवारी घोषणा
गत निर्वाचन २०७४ मा कारवाहीमा पर्नुभएका नेपाली कांग्रेसका नेता पुष्करनाथ ओझाले स्वतन्त्रबाट कैलाली क्षेत्र नं. ५ मा आफ्नो उम्मेदवारी घोषणा गर्नुभएको छ ।
लोसपा नेताहरु बालुवाटारमा
लोकतान्त्रिक समाजवादी पार्टीका नेताहरु बालुवाटार बैठकमा जुटेका छन् । लोसपा नेता लक्ष्मणलाल कर्णले पार्टीका केही नेताहरु बालुवाटार बैठकमा जुट्नुभएको जानकारी दिनुभयो ।
नेपाली कांग्रेसले यस वर्ष चाडपर्व विशेष चियापान कार्यक्रम आयोजना नगर्ने
सत्तारुढ दल नेपाली कांग्रेसले यस वर्ष चाडपर्व विशेष चियापान कार्यक्रम आयोजना नगर्ने भएको छ । कांग्रेस केन्द्रीय कार्यालयका मुख्सचिव कृष्णप्रसाद पौडेलले शुक्रबार प्रेस विज्ञप्ति जारी गर्दै प्रत्येक वर्ष कोजाग्रत पूर्णिमाका दिनमा चियापान कार्यक्रम गर्दै आएकोमा यस वर्ष सो दिन आगामी निर्वाचनको उम्मेदवार चयनको मिति रहेकोले सो कार्यक्रम स्थगन भएको जानकारी दिनुभयो ।
बारा बस दुर्घटनामा परी ज्यान गुमाउनेप्रति एमालेद्वारा दुःख व्यक्त
बाराको जितपुर सिमरा उपमहानगरपालिका –२२ स्थित अमलेखगञ्ज सडक खण्डमा आज विहान भएको बस दुर्घटनामा परी १६ जना यात्रुको मृत्यु भएको घटनाप्रति नेकपा (एमाले) ले दुःख व्यक्त गरेको छ । एमाले प्रचार विभागका उपप्रमुख विष्णु रिजालले विहीबार शोक बक्तव्य जारी गर्नुहुँदै सो दुःख व्यक्त गर्नुभएको हो ।
राप्रपा केन्द्रीय कार्यसम्पादन समिति बैठक धुम्बाराहीमा
राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठक धुम्बाराहीस्थित केन्द्रीय कार्यालयमा बसेको छ । राप्रपा अध्यक्ष राजेन्द्र लिङ्देनको नेतृत्वमा बसेको बैठकमा मङ्सिर ४ गते हुने प्रतिनिधिसभा तथा प्रदेशसभा सदस्य निर्वाचन सम्बन्धमा छलफल भएको नेता केशव श्रेष्ठले जानकारी दिनुभयो ।
स्वस्थ चुनावी प्रतिस्पर्धामा उत्रिन अध्यक्ष ओलीको अनुरोध
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले जनताले स्वतन्त्रतापूर्वक मतदान गर्ने वातावरण बनाएर स्वस्थ चुनावी प्रतिस्पर्धामा उत्रिन राजनीतिक दलहरूलाई अनुरोध गर्नुभएको छ ।
दशैंलाई देखावटी, खर्चिलो र भड्किलो नबनाउन उपराष्ट्रपतिको आग्रह
उपराष्ट्रपति नन्दबहादुर पुनले दशैंलाई देखावटी, खर्चिलो र भड्किलो नबनाउन आग्रह गर्नुभएको छ।
दशैंमा भत्ताको रकम बौद्धिक अपाङ्गता भएका विद्यार्थीलाई कपडा
स्थानीय तहको निर्वाचनमा निर्वाचित जनप्रतिनिधिले विभिन्न शीर्षकमा भत्ता पाउने गरेका छन्।
चाडपर्वले विविधताबीचको एकतालाई मजबुत बनाउँछ : मुख्यमन्त्री पोखरेल
गण्डकी प्रदेशका मुख्यमन्त्री कृष्णचन्द्र नेपाली पोखरेलले दशैंलगायतका चाडपर्वले विविधताबीचको एकतालाई मजबुत बनाउने बताउनुभएको छ।
राष्ट्रपतिबाट सम्पूर्ण नेपालीको सुख, शान्ति र समृद्धिको कामना
राष्ट्रपति विद्यादेवी भण्डारीले नेपालीहरूको महान् चाड बडादशैं, २०७९ को पावन अवसरमा विश्वभर छरिएर रहेका सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि एवं उत्तरोत्तर प्रगतिको कामना गर्नुभएको छ।
निर्वाचन निष्पक्ष र भयरहित सम्पन्न गर्न सरकार प्रतिबद्ध छ : प्रधानमन्त्री देउवा
प्रधानमन्त्री शेरबहादुर देउवाले आगामी मङ्सिर ४ गते हुन गइरहेको प्रतिनिधिसभा तथा प्रदेशसभा सदस्यको निर्वाचनलाई स्वतन्त्र, निष्पक्ष र भयरहित वातावरणमा सम्पन्न गर्न सरकार प्रतिबद्ध रहेको दोहोर्याउनुभएको छ।
केन्द्रीय निर्देशन समितिको अध्यक्षमा डा. लोहनी
राष्ट्रिय प्रजातन्त्र पार्टी (राप्रपा)ले पूर्वअध्यक्ष डा. प्रकाशचन्द्र लोहनीको नेतृत्वमा केन्द्रीय निर्देशन समिति गठन गरेको छ।
चितवन नछाड्न दाहाललाई गठबन्धनको अपिल
चितवनको पाँचदलीय गठबन्धनले नेकपा (माओवादी केन्द्र) का अध्यक्ष पुष्पकमल दाहाललाई चितवनबाटै निर्वाचन लडेर अभिभाकत्व लिन अनुरोध गरेको छ । गठवन्धनको मंगलबार भरतपुरमा बसेको वैंठकले संयु्क्त रुपमा निर्णय सार्वजनिक गर्दै चितवन जिल्ला छाडेर अन्यत्र स्थानमा निर्वाचन लड्न नजान वैठकले अनुरोध गरेको हो ।
सत्ता साझेदार दलको बैठक बालुवाटारमा
प्रतिनिधिसभा र प्रदेशसभा निर्वाचनका लागि पाँच दलीय सत्ता गठबन्धनका तर्फबाट सिट बाँडफाँट गर्ने सम्बन्धमा छलफल गर्न शीर्ष नेताको बैठक बालुवाटारमा सुरु भएको छ।
सिट बाँडफाँट गर्न पाँच दलीय गठबन्धनका शीर्ष नेताको बैठक बालुवाटारमा
प्रतिनिधिसभा र प्रदेशसभा निर्वाचनका लागि पाँच दलीय गठबन्धनको सिट बाँडफाँट गर्ने सम्बन्धमा छलफल गर्न शीर्ष नेताको बैठक बालुवाटारमा जारी छ।
नेपाली कांग्रेसले बनायो उम्मेदवारको चयनको मापदण्ड
काठमाडौं, असोज १७ गते। नेपाली कांग्रेसले सङ्घीय चुनावका लागि उम्मेदवार चयनको मापदण्ड बनाएको छ। सोमबार पार्टी सभापति एवम् प्रधानमन्त्री शेरबहादुर देउवाको सभापतित्वमा बसेको केन्द्रीय कार्यसम्पादन समिति बैठकले उम्मेदवार चयनको मापदण्ड बनाएको हो। पार्टी कार्यालयका मुख्य सचिव कृष्णप्रसाद पौडेलका अनुसार महामन्त्री विश्वप्रकाश शर्माले बैठकमा प्रस्तुत गर्नुभएका प्रस्ताव पारित गर्दै उम्मेदवार चयनको मापदण्ड बनाएको हो। ‘प्रतिनिधि सभा र प्रदेश सभा निर्वाचन २०७९ को पहिलो निर्वाचित हुने प्रणालीतर्फका उम्मेदवारको चयनका लागि आधार र मापदण्ड तय गरिएको छ’’, मुख्य सचिव पौडेलले भन्नुभयो। उम्मेदवार चयन गर्दा पार्टीको विभिन्न तहबाट विधान बमोजिम उम्मेदवारको लागि भएको सिफारिस, व्यक्तिगत योग्यता, नैतिकता, कार्यक्षमता, लोकतान्त्रिक आन्दोलनमा पुर्याएको योगदान, सामाजिक भूमिका, पार्टीको विभिन्न तह र क्षेत्रमा गरेको योगदान, लोकप्रियता एवं आगामी दिनको सम्भावना समेतलाई आधार बनाइने बैठकपछि जारी विज्ञप्तिमा उल्लेख गरिएको छ। कांग्रेसले स्थानीय तहको निर्वाचनमा कुनै पनि पदमा उम्मेदवार भएको व्यक्तिलाई प्रतिनिधि सभा र प्रदेश सभाको उम्मेदवार नबनाउने भएको छ। बैठकले पार्टीका उम्मेदवारलाई विजयी गराउन सबैलाई अपिल गरेको छ। निर्वाचनमा पार्टी र गठबन्धनका उम्मेदवारलाई विजय गराउन पार्टीपंक्ति सम्पूर्ण रूपले एकताबद्ध र अनुशासनका साथ दृढ ढङ्गले परिचालित गर्ने निर्णयसमेत बैठकले गरेको छ। त्यसैगरी बैठकले विजया दशमीको शुभकामना व्यक्त गर्दै निर्वाचन आयोगमा असोज ३ गते बुझाइएको समानुपातिक तर्फको बन्दसूचीमा केही हेरफेर गर्ने निर्णयसमेत गरेको छ। केन्द्रीय कार्यसम्पादन समितिको अर्को बैठक २०७९ असोज २० गते बिहान ९ बजे बस्नेछ।
जनप्रिय कानुन नेताबाटै तुहाइन्छ : मन्त्री कुँवर
श्रम, रोजगार तथा सामाजिक सुरक्षामन्त्री शेरबहादुर कुँवरले जनताको पक्षका कानुनहरु ठूला नेताहरुको दबाबका कारण तुहिने गरेको आरोप लगाउनुभएको छ । सोमवार ७७ औं विश्व श्रमिक दिवसको अवसरमा काठमाडौंमा आयोजित कार्यक्रमलाई सम्बोधन गर्दै मन्त्री कुँवरले सो आरोप लगाउनुभएको हो ।
पूर्व प्रधानमन्त्री भट्टराई उम्मेदवार नबन्ने
पूर्व प्रधानमन्त्री तथा नेपाल समाजवादी पार्टीका अध्यक्ष डा. बाबुराम भट्टराईले आगामी मङ्सिर ४ गते हुने प्रतिनिधि सभा निर्वाचनमा उम्मेदवार नबन्ने बताउनुभएको छ । अघिल्लो प्रतिनिधि सभामा गोरखा–२ बाट निर्वाचित डा. भट्टराईले आगामी निर्वाचनमा उम्मेदवार नबन्ने बताउनुभएको हो ।
निर्वाचनमा करिब २० हजार पर्यवेक्षक हुने
मङ्सिर ४ गते हुने प्रतिनिधिसभा र प्रदेशसभा निर्वाचनका लागि स्वदेशी र विदेशी गरेर करिब २० हजार पर्यवेक्षक परिचालित हुने भएका छन्।
