मनाङको ङिस्याङ उपत्यका
मनाङ, चैत १९ गते । मनाङ ङिस्याङ गाउँपालिका ५ सब्जे नजिकै चामे खाङसार सडक छेउमा रहेको नीलो पोखरी र ङिस्याङ उपत्यका । तस्बिरः रासस
२७ देशका राजदूतले अन्तु भ्रमण गर्ने
नयाँ वर्ष २०८२ को अवसरमा नेपालका लागि विभिन्न २७ बढी देशका राजदूत इलामको अन्तु आउने कार्यक्रम तय भएको छ । परराष्ट्र मन्त्रालय र नेपाल टुरिजम बोर्डको आयोजना तथा इलामको सूर्योदय नगरपालिकाको समन्वयमा अनौपचारिक भ्रमण अन्तर्गत अन्तु आउने भएको हो ।
खोकनाको तेल
भाइबहिनीहरू, ललितपुरको खोकना खाने तेलका लागि प्रख्यात छ ।
घाँस पलाउने भन्दै धनकुटाका दर्जनौँ वनमा आगलागी
घाँस पलाउने बहानामा धनकुटाका दर्जनौँ बनमा आगो लगाएको पाइएको छ । आगो निभाउन सुरक्षाकर्मीलाई हम्यहम्य भएको थियो ।
बुझाइयो ध्यानाकर्षणपत्र
समाचार सङ्कलन गर्ने क्रममा मारिएका पत्रकार सुरेश रजकको हत्या तथा सञ्चारगृहमा आक्रमण गर्नेउपर कारबाहीको माग गर्दै नेपाल पत्रकार महासङ्घ सप्तरीले प्रधानमन्त्रीलाई ध्या
नेपालगन्जका परिकार
नेपालको पुरानोमध्येको सहर हो नेपालगन्ज । यसलाई नयाँ मुलुक पनि भनिन्छ । भारतमा शासन गरेका अङ्ग्रेजबाट भूमि फिर्ता पाएको हुनाले नेपालगन्जलाई नयाँ मुलुक भनिएको हो । यो सहर अहिले लुम्बिनी प्रदेशको बाँके जिल्लामा छ । नेपालगन्ज परिकारका कारण पनि प्रसिद्ध छ ।
चितवनको ब्रान्ड तास
दसैँतिहार जस्ता चाडपर्वमा रमाइलाका लागि खेलिने तासका बारेमा पक्कै पनि सुन्नुभएकै छ ।
जताततै खानेपानी अभाव
उदयपुरमा यसअघि कहिल्यै नसुकेका पानीका मुहान धमाधम सुक्न थालेपछि गाउँका मानिसलाई मात्र होइन सदरमुकामस्थित गाईघाट बजारका उपभोक्तालाई समेत खानेपानीको अभाव हुन थालेको छ ।
कुटपिट गरी प्रहरीको पेस्तोल लुटियो
राममणि दाहालमकवानपुर चैत १९ गते । मकवानपुरको कैलाश गाउँपालिका वडा नं. ६ मा लागु औषध कारोबारीबाट प्रहरीको पेस्तोल लुटिएको छ । कैलाश गाउँपालिका ६ स्थित दुम्सीखर्क जङ्गलमा लागु औषध कारोबारी रहेको सूचना पाएर सोमबार इलाका प्रहरी कार्यालय पालुङका प्रहरी हवलदार अर्जुन तामाङ र सहायक हवलदार गोविन्द मगरातीसहित त्यहाँ गएको प्रहरी टोलीमाथि कुटपिट गरी पेस्तोल लुटेर भागेको प्रहरीले जनाएको छ । जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काले अफिम कारोबारीहरू त्यहाँ रहेको सूचना आएपछि गएको प्रहरी टोलीको पेस्तोल लुटिएको जानकारी दिनुभयो । लागु औषध कारोबारीसहितका १०–१५ जनाको समूहले हुल हुज्जत गरी पेस्तोल लुटेर लगेको भन्दै उहाँले पेस्तोल र लुटपाटमा संलग्नहरूको खोजी कार्य भOरहेको बताउनुभयो । हवलदार तामाङ र सहायक हवलदार मग्राती लागु औषध कारोबार भइरहेको सूचना पाएर जङ्गलमा गएकोमा अफिम र मोटरसाइकल छाडेर लागु औषध कारोबारी भागेका थिए । अफिम र मोटरसाइकल लिएर इलाका प्रहरी कार्यालयतर्फ आउँदै गर्दा ठुलो समूहमा रहेका स्थानीयले घेरा हालेर प्रहरीलाई कुटपिट गरेका थिए । घटना पाए लगतै जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालको नेतृत्वमा प्रहरी परिचालन भए पनि हतियार अझै फेला नपरेको जनाएको छ । प्रहरी उपरीक्षक खड्काले घटनामा संलग्न रहेको र पेस्तोल खोजी कार्य भइरहेको बताउनुभयो ।
चार अस्पतालमा हेमोडायलासिस उपकरण
काभ्रेपलाञ्चोकको धुलिखेलमा रहेको धुलिखेल अस्पतालसहित चार अस्पतालका लागि ‘हेमोडायलासिस’ उपकरण हस्तान्तरण गरिएको छ । जर्मन रोटरी भोलेन्टियर्स डक्टर्स इभीको सहयोगमा रोटरी क्लब अफ धुलिखेलले धुलिखेल अस्पतालसहित चार वटा अस्पतालका लागि ३६ थान हेमोडायलासिस उपकरण हस्तान्तरण गरेको हो ।
बढ्न थाल्यो डढेलोको जोखिम
पछिल्लो समय वनमा डढेलो लाग्ने क्रम बढेको छ । वनजङ्गलमा रहेका वनजन्य उत्पादनको प्रयोगमा आएको कमीले गर्दा डढेलोको जोखिम दिनानुदिन बढ्दै जान थालेको हो ।
बेलस्वारामा खानेपानीको समस्या
नवलपरासीपूर्व (नवलपुर) को देवचुली–१६ मा पर्ने बेलस्वारा गाउँमा खानेपानीको समस्या भएको स्थानीयको गुनासो छ । गाउँनजिक रहेको धरादीखोलाबाट पानी ल्याइए पनि पर्याप्त नहुँदा खानेपानीको समस्या झेल्दै आएको स्थानीय कुलबहादुर पाटामगरले गुनासो गर्नुभयो ।
अशक्त बालिका बलात्कार गर्ने गुरुङ पक्राउ
गुणबहादुर रोकासुलीकोट, चैत १९ गते । सुस्त मनस्थिति भएकी नवबालिकालाई जबरजस्ती करणी गरेको आरोपमा एक व्यक्तिलाई प्रहरीले पक्राउ गरेको छ । पक्राउ पर्नेमा बारपाक सुलिकोट गाउँपालिका – ८ स्थायी घर भएका ४२ वर्षीय सुचन्द्र गुरुङ भएको जिल्ला प्रहरी कार्यालय गोरखाका प्रहरी नायब उपरीक्षक इन्द्रप्रसाद सुबेदीले जानकारी दिनुभयो । जन्मजात सुस्त मनस्थिति भएकी बालिकालाई चैत १५ गते दिउँसो २ बजेको समयमा जबरजस्ती करणी गरेको आरोपमा पीडितको आफन्तले दिएको जाहेरी दरखास्तको आधारमा उनलाई पक्राउ गरेको प्रहरीले जनाएको छ ।
डढेलो निभाउने क्रममा जलेर दुईको मृत्यु
ताप्लेजुङमा जङ्गलमा लागेको डढेलो निभाउने क्रममा दुई जनाको मृत्यु भएको छ । छुट्टाछुट्टै डढेलो घटनामा दुई साताको अवधिमा दुई जनाको मृत्यु भएको हो ।
वैकल्पिक मार्गमा बेलिब्रिजको काम सुरु
पूर्वी पहाडलाई जोड्ने ‘लाइफ लाइन’ सडकका रूपमा रहेको मेची राजमार्गको बिग्रिएको स्थानको वैकल्पिक मार्ग सञ्चालन गर्न बेलिब्रिजको काम सुुरु गरिएको छ । मेची राजमार्ग अन्तर्गत गोदकको सिमलगोलाई–तिल्केनी सडकबिचमा पर्ने जोगमाई खोलामा बेलिब्रिज राख्ने काम थालिएको सडक डिभिजन कार्यालय इलामका प्रमुख पवन भट्टराईले बताउनुुभयो ।
रारा क्याम्पसको स्ववियु सभापतिमा जयलक्ष्मी विजयी
हरिकृष्ण ऐडीमुगु, चैत १९ गते । रारा बहुमुखी क्याम्पसको स्ववियु सभापतिमा जयलक्ष्मी रावल भाम निर्वाचित हुनु भएको छ । चैत १८ गते सम्पन्न निर्वाचनबाट ७३ मत प्राप्त गरी जयलक्ष्मी सभापतिमा निर्वाचित भएकी हुन् ।उहाँ नेपाल विद्यार्थी सङ्घबाट उम्मेदवारी दिनुभएको थियो । त्यसै गरी, अखिल क्रान्तिकारीबाट सचिवमा औसरा बुढा, कोषाध्यक्षमा नेपाल विद्यार्थी सङ्घकी पञ्चमा सेजुवाल विजयी भएकी छन्। यस्तै अखिल क्रान्तिकारीका मनोज शाहीले ६७ मत र अनेरास्ववियुका रेखा कार्कीले ६३ मत प्राप्त गरेको निर्वाचन अधिकृत लाल केशर रोकायाले जानकारी दिनुभयो।निर्वाचन अधिकृत रोकायाका अनुसार समानुपातिक तर्फ अखिल क्रान्तिकारीले ९ मत,अनेरास्ववियुले ६५ मत, नेविसंघले ५८ मत र राष्ट्रिय प्रजातान्त्रिक विद्यार्थी सङ्गठनले ६ मत प्राप्त गरेका छन् भने ७ मत बदर भएका छन् ।
सुक्न थाले इनार पानीको सङ्कट चुलिँदै
धनुषाको मिथिला नगरपालिका–२ स्थित सुकुमवासी बस्तीमा पानीको चरम सङ्कट उत्पन्न भएको छ । बस्तीमा रहेका तीन इनारमध्ये दुई वटामा पानी सुकेपछि समस्या उत्पन्न भएको हो ।
सम्झौताको पाँच महिना अगावै पुल निर्माण
सम्झौता भन्दा पाँच महिना अगाडि नै यहाँ निर्माणाधीन पुल सम्पन्न हुने भएको छ । व्यास नगरपालिकाको वडा नम्बर १ र २ जोड्ने बुल्दी खोलामाथि कराङकाठ, बसपार्क जाने सडकमा निर्माणाधीन पुल सम्पन्न हुने भएको हो ।
बेलिब्रिज निर्माण अलपत्र हुँदा स्थानीयलाई सास्ती
सर्केगार्ड, अदानचुली गाउँपालिका र मुगु जिल्लाको सोरूँ गाउँपालिकालाई जोड्ने तुम्चको कर्णाली नदीमा निर्माण सुरु भएको बेलिब्रीज अलपत्र अवस्थामा रहेको छ । पुल निर्माण नभएपछि स्थानीयवासीले सास्ती खेप्न बाध्य छन् ।
-original-thumb.jpg)
दुई दिनमा करिब चौध हजार पर्यटक
दुई दिनको अवधिमा मुस्ताङमा करिब १४ हजार स्वदेशी तथा विदेशी पर्यटक मुस्ताङ प्रवेश गरेका छन् ।
शिक्षक नेताले नियुक्तिपत्र बाँडे
लमजुङमा राजनीतिक दलनिकटका शिक्षक नेताले प्राथमिक तहका नवनियुक्त शिक्षकलाई नियुक्तिपत्र वितरण गरेका छन् । शिक्षकलाई राजनीतिबाट टाढा राख्नुपर्ने बहसलाई सो घटनाले चुनौती दिएको सरोकारवालाले टिप्पणी गरेका छन् ।
निर्माणाधीन झोलुङ्गे पुल बर्खाअघि नै निर्माण हुने
सिन्धुपाल्चोक जिल्लामा निर्माणाधीन झोलुङ्गे पुल वर्षा सुरु हुनुअगावै निर्माण सम्पन्नको चरणमा रहेको छ । चालु आर्थिक वर्ष २०८१÷८२ मा निर्माण सम्पन्न गर्ने लक्ष्यसहित चार वटा पुल निर्माणका
समावेशीकरणको दिशामा नयाँ फड्को : गोरखापत्रद्वारा प्रकाशित खश जुम्ली भाषा
समावेशीकरणको दिशामा नयाँ फड्को : गोरखापत्रद्वारा प्रकाशित खश जुम्ली भाषा
रोकियो स्वास्थ्य केन्द्रको भवन निर्माण
बजेट अभावका कारण घोराही उपमहानगरपालिका–८ स्थित मर्पाडाँडा सहरी स्वास्थ्य केन्द्रको भवन निर्माणको काम रोकिएको छ । दुई वर्षअघि निर्माण सुरु भएको सहरी स्वास्थ्य केन्द्रको भवन गत वर्षदेखि ठप्प रहेको छ ।
धनकुटामा भरुवा बन्दुकसहित २ जना पक्राउ
कोकिला भण्डारी धनकुटा, चैत १९ गते । इलाका प्रहरी कार्यालय भेडेटारबाट खटिएको टोलीले धनकुटाको साँगुरीगढी गाउँपालिकाबाट भरुवा बन्दुकसहित २ जनालाई पक्राउ गरेको छ ।धनकुटाको साँगुरीगढी गाउँपालिका ८, सिन्कुलामा उक्त टोलीले २ जनालाई बारुदसहित पक्राउ गरेको हो । प्रहरीले साँगुरीगढी गाउँपालिका ८, सिन्कुलाका ३२ वर्षीय तेज कुमार बिक र ३८ वर्षीय मनभा राईलाई नियन्त्रणमा लिइएको जिल्ला प्रहरी कार्यालय धनकुटाका डिएसपी ओम प्रकाश खनालले बताउनुभयो ।
