ललितपुर–१ मा उदय शमशेरको अग्रता
ललितपुर क्षेत्र नम्बर १ को प्रतिनिधि सभा सदस्य पदमा नेपाली कांग्रेसका उम्मेदवार उदय शमशेर राणाले १६६ मतले अग्रता लिनुभएको छ ।
कोमल वलीलाई पछि पार्दै कांग्रेसका गिरीको अग्रता कायमै
दाङ निर्वाचन क्षेत्र नम्बर ३ मा प्रतिनिधि सभामा सदस्य पदमा लोकतान्त्रिक–वाम गठबन्धनका उम्मेदवार नेपाली कांग्रेसका दीपक गिरीले अग्रता कायमै राख्नुभएको छ ।
बागमतीका अधिकांश जिल्लामा मतगणना सुरु
आइतबार भएको प्रतिनिधि तथा प्रदेश सभा सदस्यको निर्वाचनको मतगणना कार्य सुरु भएको छ । बागमती प्रदेशका केही जिल्लामा ढिला गरी मतगणना सुरु भए पनि अधिकांश जिल्लामा सोमबार बिहानैबाट मतगणना प्रक्रिया सुरुभएको छ । मतदान स्थलमा सुरक्षा व्यवस्थामा कडाइ गरिएको छ । प्रतिनिधि सभाको ३३ र प्रदेश सभाको ६६ निर्वाचन क्षेत्र रहेको यस प्रदेशमा मतगणनाको प्रारम्भिक मतपरिणामअनुसार नेकपा (एमाले), नेपाली कांग्रेस, राष्ट्रिय स्वतन्त्र पार्टी र नेकपा (एकीकृत समाजवादी)का उम्मेदवार अगाडि रहेका छन् । यस प्रदेशमा प्रदेश सभा सदस्यमा प्रत्यक्षमा ६६८ उम्मेदवार प्रतिस्पर्धामा गरेका थिए ।
विदेशी पर्यवेक्षकद्वारा निर्वाचनको प्रशंसा
आइतबार सम्पन्न आमनिर्वाचन शान्तिपूर्ण रूपमा सफल भएको भन्दै विदेशी पर्यवेक्षकले उच्च प्रशंसा गरेका छन्। आमनिर्वाचनको दिन मतदानको अनुगमनमा संलग्न रहनुभएका विदेशी पर्यवेक्षकले नेपालको लोकतान्त्रिक संस्कार राम्रो रहेकाले पनि आमनिर्वाचन शान्तिपूर्ण रूपमा सफल हुन सकेको प्रतिक्रिया दिनुभएको निर्वाचन आयोगले जनाएको छ।
प्रारम्भिक मतगणनामा नेपाली कांग्रेसको अग्रता
प्रतिनिधि सभा तथा प्रदेश सभा सदस्य निर्वाचनको प्रारम्भिक मतपरिणामबमोजिम प्रत्यक्ष निर्वाचन प्रणालीतर्फ नेपाली कांग्रेस सबैभन्दा ठूलो दल बनेको छ। निर्वाचन आयोगका अनुसार सयभन्दा बढी प्रतिनिधि सभा क्षेत्रको मतगणनाको प्रारम्भिक तथ्याङ्कबमोजिम नेपाली कांग्रेसले ३८ भन्दा बढी प्रतिनिधि सभा निर्वाचन क्षेत्रमा अग्रता कायम गरेको छ। प्रतिनिधि सभातर्फ दुई र प्रदेश सभातर्फ कांग्रेसका तीन उम्मेदवार निर्वाचित भएका छन्। नेकपा (एमाले)ले एक स्थानमा विजय प्राप्त गरेको छ भने २५ प्रतिनिधि सभा क्षेत्रमा अग्रता कायम गरेको छ।
डडेल्धुरामा प्रधानमन्त्री देउवा झण्डै तीन हजार मतले अगाडि
डडेल्धुरा जिल्लाको प्रतिनिधि सभा सदस्यमा प्रधानमन्त्री एवम् नेपाली कांग्रेसका सभापति शेरबहादुर देउवा दुई हजार ९४८ मतले आफ्नो प्रतिस्पर्धीभन्दा अगाडि हुनुहुन्छ ।
काठमाडौंका ९ वटा निर्वाचन क्षेत्रमा कसको अग्रता कति ?
सङ्घीय राजधानी काठमाडौँ जिल्लाका १० निर्वाचन क्षेत्रमध्ये १ मा नेपाली कांग्रेसका प्रकाशमान सिंह विजयी हुनुभएको छ। अन्य क्षेत्रको प्रतिनिधि सभा र प्रदेश सभा सदस्यको मतगणना जारी छ।
काठमाडौं १ बाट प्रकाशमान सिंह विजयी
नेपाली कांग्रेसका नेता प्रकाशमान सिंह काठमाडौँ क्षेत्र नं १ बाट लगातार चौथो पटक विजयी हुनुभएको छ । सिंहले यस निर्वाचनमा सात हजार एक सय ४० मत ल्याएर विजयी हुनुभएको हो ।
मनाङबाट प्रतिनिधि सभामा कांग्रेसका गुरुङ निर्वाचित
हिमाली जिल्ला मनाङबाट प्रतिनिधि सभा सदस्यमा नेपाली कांग्रेसका टेकबहादुर गुरुङ निर्वाचित हुनुभएको छ ।
इलाम २ मा नेम्वाङलाई पछि पार्दै ६ मतले खड्का अगाडि
इलाम प्रतिनिधि सभा निर्वाचन क्षेत्र नम्बर २ मा नेपाली कांग्रेसका सभापति डम्बरबहादुर खड्काले एमाले उपाध्यक्ष सुभाषचन्द्र नेम्वाङलाई पछि पार्दै अग्रता लिनुभएको छ ।
ललितपुर २ मा एमालेका उम्मेदवार महर्जन निर्वाचित
ललितपुर निर्वाचन क्षेत्र नं २ मा नेकपा (एमाले) का उम्मेदवार प्रेमबहादुर महर्जन विजयी हुनुभएको छ । मतगणनाको परिणामअनुसार महर्जन १९,७३४ मतसहित निर्वाचित हुनुभएको हो । उहाँका निकटतम प्रतिद्वन्द्वी हाम्रो नेपाल पार्टीका उम्मेदवार सुदिन शाक्यले १०,४४० मत ल्याएर दोस्रो स्थान बनाउनुभयो । निर्वाचन आयोगले आधिकारिक रुपमा विजयीको घोषणा गर्न भने बाँकी छ ।
-original-thumb.jpg)
गृहमन्त्री खाणलाई सुरुवाती अग्रता
रुपन्देहीको क्षेत्र नं ३ मा गृहमन्त्री बालकृष्ण खाणले सुरुवाती अग्रता लिनुभएको छ । दिउसो २ बजेबाट यहाँ मतगणना सुरु भएको थियो ।
मनाङ प्रदेशसभा (क) मा कांग्रेसबाट गुरुङ निर्वाचित
हिमाली जिल्ला मनाङको प्रदेश सभा (क) मा नेपाली कांग्रेसका मुनिन्द्रजङ गुरुङ निर्वाचित हुनुभएको छ ।
गोरखा क्षेत्र नम्बर दुईको मतगणना सुरु
गोरखा क्षेत्र नम्बर २ को मतगणना सुरु भएको छ। सोमबार साँझ सवा सात बजेबाट गणना सुरु भएको निर्वाचन अधिकृत नारदप्रसाद भट्टराईले जानकारी दिनुभयो।
धनुषा क्षेत्र ३ मा जुली महतोको अग्रता कायमै
धनुषाको चार वटा निर्वाचन क्षेत्रमध्ये निर्वाचन क्षेत्र नं. १, २ र ३ मा मतगणना जारी रहे पनि क्षेत्र नं. ४ मा अझै पनि मतगणना सुरु हुन सकेको छैन । निर्वाचन आयोगले एक निर्वाचन क्षेत्रमा चार ठाउँमा मतगन्ना गर्न दिएको निर्देशन बमोजिम पुर्वाधार तयारी गर्नमा ढिलाइ भएपछि एउटा निर्वाचन क्षेत्रको मतगणना अझै सुचारु हुन सकेको छैन ।
ललितपुर २ मा सूर्य र ३ मा घण्टीको अग्रता
ललितपुर निर्वाचन क्षेत्र नम्बर २ मा नेकपा (एमाले) का उम्मेदवार प्रेम महर्जनको अग्रता कायमै रहेको छ।
लमजुङमा एमालेका गुरुङको अग्रता
तिनिधि सभा तथा प्रदेश सभा निर्वाचन २०७९ को मतगणनाको क्रममा प्रतिनिधि सभा सदस्यतर्फ नेकपा (एमाले) ले अग्रता लिएको छ ।
दुई हजार मत गणना हुँदा प्रधानमन्त्री देउवालाई ९४९ मत
डडेलधुरामा प्रतिनिधिसभा सदस्यतर्फ दुई हजार मत गणना हुँदा नेपाली कांग्रेसका उम्मेदवार प्रधानमन्त्री शेरबहादुर देउवाले ९४९ मत प्राप्त गर्नुभएको छ।
धरानमा मतगणना सुरु
धरान सुनसरी क्षेत्र नं १ को मतगणना कार्य सुरु भएको छ । सर्वपक्षीय बैठकले दिउँसोदेखि मतगणना सुरु गर्ने निर्णय भए पनि मतगणना कार्य ढिलो सुरु भएको हो ।
मार्तडी दिनभर तनावग्रस्त
सोमबार बिहानै देखि जिल्ला सदरमुकाम मार्तडी निकै तनावग्रस्त बनेको छ । त्रिवेणी नगरपालिका–७ मा मतदान स्थलमा विद्यार्थी नेता चेतन एडीको हत्या गरेको आरोप सहित अनेरास्ववियु सदरमुकाम मार्तडीमा आन्दोलित छ ।
-original-thumb.jpg)
सुनसरीमा मन्त्री कार्कीलाई अग्रता
नेपाली काग्रेंसका उम्मेदवार सञ्चार तथा सूचना प्रविधि एवम् कानुन, न्याय तथा संसदीय मामिला मन्त्री ज्ञानेन्द्रबहादुर कार्कीले १८५ मत र नेकपा एमाले–जसपा गठबन्धनका तर्फबाट नेकपा एमालेका जगदीश कुसियैतले १३१ मल ल्याउनुभएको छ ।
दाङ १ मा मेटमणि चौधरीको अग्रता
दाङको प्रतिनिधिसभा क्षेत्र नं १ मा एकीकृत समाजवादीले अग्रता लिएको छ । सहरी विकासमन्त्री मेटमणि चौधरीले नेकपा (एमाले) का नेत्री शान्ता चौधरीलाई पछि पार्दै अग्रता लिनुभएको हो ।
स्याङ्जा–२ मा कांग्रेसले बुथ कब्जा गरेको एमालेको आरोप
स्याङ्जा क्षेत्र नं. २ का चार बुथमा धाँधली गरी बुथ कव्जा भएको नेकपा एमालेले आरोप लगाएको छ । चापाकोट नगरपालिका वडा नम्वर ३, ४ र ५ को दिसिङकोट, राममन्दिर, दिनदलाय चिठ्ठी पोखरी बुथमा नेपाली कांग्रेसले धाँधली गरेको भन्दै एमालेले पुनः मतदानको माग गरेको छ ।
स्याङ्जा–१ मा कांग्रेसको प्रारम्भिक अग्रता
स्याङ्जाको क्षेत्र नम्बर १ मा नेपाली कांग्रेसका उम्मेदवार राजु थापाले प्रारम्भिक अग्रता लिनु भएको छ । एक हजार ५८९ मत गणना हुँदा थापाले ७२६ मत हात पार्दा नेकपा एमालेका नारायण मरासिनीले ५६६ मत हात पार्नु भएको हो ।
मुस्ताङमा कांग्रेसको जित, भत्कियो एमालेको गढ
हिमालपारिको जिल्ला मुस्ताङमा प्रतिनिधिसभा तथा प्रदेशसभाको तीन स्थानमै नेपाली कांग्रेसका उम्मेदवार विजयी भएका छन् ।
.jpg)