तथ्यमा आधारित नीति र सुशासनले मात्रै स्वास्थ्य प्रणाली बलियो बनाउँछ : सचिव देवकोटा
स्वास्थ्य तथा जनसङ्ख्या मन्त्रालयका सचिव डा. विकास देवकोटाले मुलुकको स्वास्थ्य प्रणालीलाई मजबुत बनाउन तथ्यमा आधारित नीति निर्माण र प्रभावकारी सुशासन अपरिहार्य रहेको बताउनुभएको छ ।
स्वास्थ्य अनुसन्धानलाई नीति निर्माणको आधार बनाउनुपर्छ :उपराष्ट्रपति यादव
उपराष्ट्रपति रामसहायप्रसाद यादवले स्वास्थ्य अनुसन्धानलाई नीति निर्माण र कार्यक्रम कार्यान्वयनको मुख्य आधार बनाउनुपर्नेमा जोड दिनुभएको छ ।
दर्ज्यानी चिह्न प्रदान
प्रधानसेनापति अशोकराज सिग्देलले उपरथीद्वय पदमबहादुर बुढा र पवन खत्रीलाई दर्ज्यानी चिह्न प्रदान गर्नुभएको छ ।
सुनको मूल्य बढ्यो, चाँदीको घट्यो
स्थानीय बजारमा आज सुनकोे मूल्य बढेको छ भने चाँदीको मोल घटेको छ । सुन प्रतितोला दुई हजार २०० ले बढेको छ भने चाँदी तोलामा ८५ ले घटेको छ ।
-original-thumb.jpg)
आर्थिक समृद्धिका लागि निजी क्षेत्रसँग सहकार्य आवश्यक : राष्ट्रपति
राष्ट्रपति रामचन्द्र पौडेलले व्यापारव्यवसाय, उद्योग धन्दा र आर्थिक क्रियाकलापको विकास र विस्तार नै हाम्रो आर्थिक समृद्धिको मूल आधार भएको धारणा व्यक्त गर्नुभएको छ ।
नागरिक एपमा सेवा विस्तार, एक हप्ताभित्र थप सुविधा आउने
सरकारले डिजिटल सुशासन सुदृढ गर्ने दीर्घकालीन लक्ष्यअनुसार नागरिक सेवाहरूलाई अनलाइनमार्फत उपलब्ध गराउने अभियानलाई योजनाबद्ध रूपमा अघि बढाएको छ।
स्वास्थ्य सेवा प्रवाहलाई प्रभावकारी बनाउन सरकारको निर्देशन
सरकारले शनिबार र आइतबार लगातार दुई दिन सार्वजनिक बिदा दिने व्यवस्था लागू भएको सन्दर्भमा स्वास्थ्य सेवा प्रवाहलाई निरन्तर र प्रभावकारी बनाउन वैकल्पिक प्रबन्ध गर्न सम्बद्ध निकायलाई निर्देशन दिएको छ ।
लागूऔषधसहित दुई जना पक्राउ
नियमित गस्तीमा रहेको प्रहरी टोलीले सिन्धुली र उदयपुरबाट लागूऔषधसहित दुई जनालाई पक्राउ गरेको छ ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
नयाँ शैक्षिक सत्रअगावै पाठ्यपुस्तक वितरण
समयमा पाठ्यपुस्तक नपाउने अवस्थाको अन्त्य गर्दै जनक शिक्षा सामग्री केन्द्र लिमिटेड बागमती प्रादेशिक कार्यालय भरतपुरले नयाँ शैक्षिक सत्रअगावै पाठ्यपुस्तक पु¥याउने काम गरेको छ । पछिल्ला केही वर्ष समयमा पाठ्यपुस्तक नपाउँदा विद्यार्थीको अध्ययन प्रभावित हुँदै आएकामा यो शैक्षिक सत्रअगावै प्रादेशिक कार्यालयले चैत १६ गतेदेखि सात जिल्लामा पाठ्यपुस्तक वितरण कार्य सुरु गरेको हो । नेपाल सरकारले जनक शिक्षा सामग्री केन्द्र लिमिटेड बागमती प्रादेशिक कार्यालय भरतपुरका प्रमुख धनबहादुर केसीले सूचीकृत स्टेसनरी पसलमार्फत विद्यार्थीसम्म पाठ्यपुस्तक पु¥याउने काम भएको जानकारी दिनुभयो ।
दुई सर्जक सम्मानित
नेपाली वाङ्मयको श्रीवृद्धिमा विगत २७ वर्षदेखि समर्पित संस्था एपेक नेपालले आफ्नो २७ औँ वार्षिकोत्सवको अवसर पारेर दुई सर्जकलाई सम्मान तथा पुरस्कार प्रदान गरेको छ । एपेक नेपालद्वारा बुधबार काठमाडौँमा आयोजित कार्यक्रममा ‘विश्व–ज्योति काव्य सम्मान–२०८२’ अग्रज कवि तथा साहित्यकार मेघराज नेपाल ‘मञ्जुल’ लाई प्रदान गरेको छ । यस सम्मानका साथ नगद राशि ५१ हजारसमेत प्रदान गरिएको छ । उक्त अवसरमा ‘विश्व–ज्योति युवा पाण्डुलिपि पुरस्कार–२०८२’ सुर्खेतकी लघुकथाकार हिमा रोका ‘प्रतिज्ञा’ लाई प्रदान गरिएको छ । रोकाको लघुकथाकृति ‘प्रतिज्ञा’ को पाण्डुलिपिलाई उक्त पुरस्कार प्रदान गरिएको हो ।
आर्थिक वृद्धिदर २.३५ रहने प्रक्षेपण
विश्व बैङ्कले सार्वजनिक गरेको पछिल्लो आर्थिक परिदृश्य अनुसार पश्चिम एसियामा जारी द्वन्द्व र २०८२ भदौको जेनजी आन्दोलनका असर कारण नेपालको आर्थिक वृद्धिदर २.३५ मा सीमित हुने प्रक्षेपण गरेको छ । यो अघिल्लो आर्थिक वर्ष २०८१/८२ को ४.६५ झन्डै आधा कम हो । पुनर्निर्माण कार्य, जलविद्युत्को निरन्तर विस्तार र २०८४ मा हुने प्रदेश तथा स्थानीय निर्वाचनसँग सम्बन्धित उपभोगका कारण आव २०८४/८५ मा आर्थिक वृद्धिदर औसत ४.४५ पुग्ने अपेक्षा गरिएको पनि विश्व बैङ्कले गरेको छ ।
रोकियो नेपाल उद्योग वाणिज्य महासङ्घको वार्षिक साधारण सभा
नेपाल उद्योग वणिज्य महासङ्घको वार्षिक साधारण सभा अन्तिम समयमा रोकिएको छ । उच्च अदालत पाटनको आदेशले चैत २९–३० गतेका लागि तय भएको ६० औँ वार्षिक साधारण सभा स्थगित भएको हो । अदालतको आदेशानुसार महासङ्घको निर्वाचन कमिटीले सूचना जारी गर्दै साधारण सभा स्थगित गरेको हो । नेपाल पेट्रोलिय ढुवानी व्यवसायी महासङ्घसमेतको रिटमा न्यायाधीशद्वय खड्कबहादुर केसी र दीपक खनालको संयुक्त इजलासले निवेदकको मागबमो
स्वदेशी उत्पादनलाई प्रोत्साहित गर्न माग
नेपाल उद्योग परिसङ्घका अध्यक्ष वीरेन्द्रराज पाण्डेले नेपालको अर्थतन्त्र सुदृढ बनाउन तिनै तहका सरकारले स्वदेशी उत्पादनको प्रयोगलाई प्रोत्साहित गर्नुपर्ने बताउनुभएको छ । उद्योग सङ्घ मकवानपुरको २४ औँ साधारण सभा तथा १८ औँ अधिवेशनको बिहीबार हेटौँडामा उद्घाटन गर्दै उहाँले अर्थतन्त्रलाई अगाडि बढाउन स्वदेशी उत्पादनको प्रयोगलाई बढावा दिने नीति लिनु आवश्यक भएको बताउनुभयो ।
यस्तो छ आजका लागि तय भएको विदेशी मुद्राको विनिमयदर
नेपाल राष्ट्र बैंकले आज (शुक्रबारका)का लागि विदेशी मुद्राको विनिमयदर निर्धारण गरेको छ । निर्धारित विनिमयदर अमेरिकी डलर एकको खरिददर १४७ रुपियाँ ९६ पैसा र बिक्रीदर १४८ रुपियाँ ५६ पैसा तोकिएको छ ।
राष्ट्रपतिको सम्बोधन आज
राष्ट्रपति रामचन्द्र पौडेलले सङ्घीय संसद्को संयुक्त बैठकलाई शुक्रबार सम्बोधन गर्नुहुने भएको छ । नेपालको संविधानको धारा ९५ को व्यवस्थाबमोजिम राष्ट्रपति पौडेलले शुक्रबार दिउँसो ३ बजे बस्ने संयुक्त बैठकलाई सम्बोधन गर्नुहुने छ । प्रतिनिधि सभाको निर्वाचनपछि सङ्घीय संसद्को संयुक्त बैठक बस्न लागेको पहिलो पटक हो । संविधानको धारा ९५(२) ले राष्ट्रपतिले प्रतिनिधि सभाको निर्वाचनपछिको पहिलो अधिवेशन र प्रत्येक वर्षको पहिलो अधिवेशन प्रारम्भ भएपछि सङ्घीय संसद्को दुवै सदनको संयुक्त बैठकलाई सम्बोधन गर्ने व्यवस्था गरेको छ ।
‘स्थानीय तह बलियो बनाउने कानुन निर्माण हुन्छ’
प्रतिनिधि सभाका सभामुख डोलप्रसाद (डिपी) अर्यालले स्थानीय तहलाई बलियो र सक्षम बनाउने गरी आवश्यक कानुन निर्माण गर्न सङ्घीय सरकार तयार रहेको बताउनुभएको छ । नेपाल नगरपालिका सङ्घको ३३ औँ वार्षिकोत्सव बिहीबार उद्घाटन गर्दै उहाँले यस्तो बताउनुभएको हो ।
लाइसेन्स छपाइ तीव्र
सवारीचालक अनुमतिपत्र (लाइसेन्स) छपाइ तीव्र पारिएको छ । दुई/तीन वर्षदेखि छाप्न बाँकी रहेका लाइसेन्स दैनिक पाँच/छ हजार छापिँदै आएकोमा हाल झन्डै ४० हजार प्रतिसम्म छापिन थालेको छ । सुरक्षण मुद्रण केन्द्रले दुई सिफ्टमा छपाइ सुरु गरेको छ । बिहान ७ देखि ३ र ३ देखि बिहान १ बजेसम्म गरी दुई सिफ्टमा छपाइ सुरु भएको केन्द्रका कार्यकारी निर्देशक देवराज ढुङ्गानाले बताउनुभयो । उहाँले भन्नुभयो, “हाल दैनिक झन्डै ४० हजार प्रति ‘लाइसेन्स’ छपाइ भइरहेको छ । दुई सिफ्टमा छाप्ने काम भएको छ ।” सञ्चार तथा सूचना प्रविधिमन्त्री डा. विक्रम तिमिल्सिनाले सुरक्षण मुद्रण केन्द्रलाई ‘लाइसेन्स’ छपाइमा अवरोध हटाउन र नतिजामुखी शासकीय व्यवस्थापन प्रणाली प्रभावकारी बनाउने उद्देश्यले १० प्रमुख सुधारात्मक कार्यक्रम समेटिएको विस्तृत कार्ययोजनासँगै लाइसेन्सको ढिलासुस्ती हटाउन निर्देशन दिएपछि छपाइ तीव्र पारिएको हो ।
श्रममन्त्री पदमुक्त
राष्ट्रपति रामचन्द्र पौडेलले नेपालको संविधान २०७२ को धारा ७६ उपधारा ९ बमोजिम चैत १३ गते गठित मौजुदा मन्त्रीपरिषद्मा प्रधानमन्त्री वालेन्द्र शाहको सिफारिसमा हेरफेर र कार्यविभाजन गर्नुभएको छ ।
‘मुलुकप्रति सधैँ समर्पित रहौँ’
प्रधानमन्त्री वालेन्द्र शाहले मुलुकप्रति सदैव समर्पित र प्रतिबद्ध भई दृढसङ्कल्पसाथ राष्ट्रसेवामा लाग्न नेपाली सेनाका नवप्रवेशी अधिकृतलाई निर्देशन दिनुभएको छ । भक्तपुरको खरीपाटीस्थित नेपाली सैनिक प्रतिष्ठानमा आयोजित अधिकृत क्याडेट तालिमको आयुक्त पद प्रदान कवाज समारोहलाई सम्बोधन गर्दै उहाँले मुलुक र जनताप्रति सदैव प्रतिबद्ध रही समर्पित रहन निर्देशन दिनुभएको हो ।
त्रिभुवन विमानस्थलमा ‘एईडी’ मेसिन जडान
दक्षिण एसियाली स्वास्थ्य समुन्नति कार्यक्रम (हाप्सा) नेपालले मुटुको धड्कन अचानक बन्द हुने अवस्थामा मुटुको प्राथमिक उपचारका लागि त्रिभुवन अन्तर्राष्ट्रिय विमानस्थलमा ‘अटोमेटेड एक्सटर्नल डफिब्रुलेटर’ मेसिन जडान गरेको छ ।
-original-thumb.jpg)
पेट्रोलियम पदार्थको मूल्यमा भारी वृद्धि, ग्यासको मूल्य पनि बढ्यो
नेपाल आयल निगमले पेट्रोलियम पदार्थको मूल्य वृद्धि गरेको छ । अन्तर्राष्ट्रिय बजारमा मूल्य बढ्दा निगमलाई ठूलो घाटा भएको कारण नयाँ मूल्य समायोजन गरिएको निगमले जनाएको हो ।6
नागढुङ्गा सुरुङमार्ग : सवारी साधनको शुल्क सार्वजनिक
भौतिक पूर्वाधार तथा यातायात मन्त्रालयले नागढुङ्गा सुरुङ मार्गमा चल्ने सवारी साधनको शुल्क सार्वजनिक गरेको छ।
बिस्का जात्राको पूर्व सन्ध्यामा तःमारी धिमे नृत्य
बिस्का जात्राको पूर्व सन्ध्यामा तःमारी क्षेत्रमा भव्य धिमे नृत्य प्रस्तुत गरिएको छ। नयाँ वर्षसँग जोडिएको ऐतिहासिक र सांस्कृतिक महत्व बोकेको बिस्का जात्राको अवसरमा आयोजना गरिएको उक्त कार्यक्रममा स्थानीय बासिन्दा, युवापुस्ता तथा आन्तरिक पर्यटकहरूको उल्लेखनीय उपस्थिति रहेको थियो।
राप्तीमा घडियालको गुँड खोज्दै निकुञ्ज
विश्वमै अति संकटापन्न अवस्थामा रहेको घडियाल गोही संरक्षणका लागि चितवन राष्ट्रिय निकुञ्जले राप्ती नदी किनारमा गुँड खोज्ने अभियान सुरु गरेको छ ।
