गोरखापत्र
काठमाडौं महानगर–१६ मा कांग्रेसका रिजाल विजयी
काठमाडौं महानगरपालिकाको मतगणनाको क्रम अन्तिम चरणमा छ । निर्वाचन अधिकृतको कार्यालय अनुसार अब तीन मतपेटिका गणना हुन मात्रै बाँकी रहेको छ ।
सुत्केरीलाई भत्ता र निःशुल्क स्वास्थ्य बीमा गर्ने बर्दिवास नगरप्रमुखको निर्णय
बर्दिवास नगरपालिकामा स्वतन्त्रबाट निर्वाचित भएर पदभार ग्रहण गर्नुभएका प्रह्लाद क्षेत्रीले निवर्तमान प्रमुख चढ्ने सवारी साधन एम्बुलेन्सकाे रुपमा प्रयोग गर्ने , सुत्केरी भत्ता नगरको तर्फबाट दिइने विपन्नका लागि निःशुल्क स्वास्थ्य वीमा गर्ने निर्णय गर्नुभएको छ ।
त्रियुगामा मतगणनामा कलम र रुखको आलोपालो अग्रता
भोटराज राईउदयपुर, जेठ १२ गते । उदयपुरको जेठो र ठूलो नगरपालिका त्रियुगाको मतपरिणाम रोचक बन्दै गएको छ । यहाँ नेपाली कांग्रेस, नेकपा एमाले र एकीकृत समाजवादी र माओवादी केन्द्रको गठबन्धनबीच प्रतिस्पर्धा देखिएको छ । प्रमुख र उपप्रमुख पदमा यी तीनै पक्षमा मत आइरहेको छ । यसबीचमा पनि कांग्रेस र गठबन्धनको निकटतम टक्कर देखिएको छ ।१० हजार ५१४ मतगणनामा गठबन्धनबाट नेकपा एसका बलदेव चौधरी तीनहजार ४७२ मतका साथ अग्रतामा हुनुहुन्छ । कांग्रेसको प्रमुख पदका उम्मेद्वार वसन्त बस्नेत तीनहजार ३२४ मतका साथ दोस्रो स्थान र एमालेका भागवत राउत दुई ३६१ मतका साथ तेस्रो स्थानमा हुनुहुन्छ । सयदेखि तीनसयसम्मको मतान्तरमा कांग्रेस र गठबन्धनको अग्रता आलोपालो भइरहेको छ । हालसम्मको मत परिणामले उपप्रमुखमा पहिलो रुख, दोस्रो गोलाकारभित्रको हँसिया हथौडा र तेस्रोमा सूर्यले मत पाएको छ । उपप्रमुखमा कांग्रेसका सरिता राईको तीनहजार ४२, गठबन्धनबाट माओवादी केन्द्रका गीता खड्का कार्कीको दुई हजार ८५७ र एमालेका महेश्वरी राईको दुईहजार ६१३ मत छ ।हालसम्म पाँचवटा वडाहरु १, २, १४, १५ र १६ को मतगणना सकिएको छ । पाँचमध्ये १४, १५ र १६ गरी तीनवटा वडामा गठबन्धनबाट नेकपा माओवादी केन्द्रले वडामा प्यानलै विजय हासिल गरेको छ । वडा नं. १ मा नेपाली कांग्रेस र २ मा नेकपा एमालेले विजय गरेको छ । वडा नं. १६, १५ र १४ मा माओवादी केन्द्रले जितेको छ भने वडा नं. १ मा कांग्रेस र वडा नं. २ मा एमालेले वडाध्यक्ष जितेको हो । गठबन्धनका १६ नं वडाध्यक्षमा मानबहादुर राई, १५ मा गणेशप्रसाद तिम्सिना र १४ मा हिमराज मगरले प्यानलै जितेका हुन् । वडा नं. १ मा कांग्रेसका मनोजकुमार चौधरीसहित प्यानलै जित्नुभयो भने वडा नं. २ मा घमानसिंह खत्रीले वडाध्यक्षमा जित हात पार्नुभयो । सो वडाको अन्य सदस्य भने सबै कांग्रेसका विजयी भएका छन् । अब त्रियुगाको २९ हजार ६६५ मत गन्न बाँकी छ । त्रियुगामा ६० हजार ४६ मतदातामध्ये ४० हजार १७९ मत खसेको छ ।
तनहुँमा दुई दलित उम्मेदवार बने उपप्रमुख
अमरराज नहर्की तनहुँ, जेठ १२ गते । स्थानीय तहको निर्वाचनमा तनहुँमा दलित समुदायबाट दुई जना उपप्रमुखमा निर्वाचित हुनुभएको छ । एक नेपाली कांग्रेस र अर्को माओवादी केन्द्रको तर्फबाट उम्मेदवार बन्नुभएको व्यक्ति उपप्रमुख बन्न सफल हुनुभएको हो । भानु नगरपालिकामा काँग्रेसका उमा गोतामे र शुक्लागण्डकी नगरपालिकामा माओवादी केन्द्रका राजु विश्वकर्मा उपप्रमुखमा विजयी हुनुभएको हो । दलित समुदायबाट पालिकाको प्रमुखमा भने शुन्य रहेको छ । नेपाली कांग्रेसबाट उम्मेदवार बन्नुभएका गोतामे झण्डै दोब्बर मत ल्याई निर्वाचित हुनुभयो । गोतामेले १० हजार ५४७ मत ल्याएर विजयी हुनुभयो भने उहाँको निकटतम प्रतिद्वन्द्वी स्वतन्त्र उम्मेद्वार केशरबहादुर गुरुङले पाँच हजार ८१७ मत प्राप्त गर्नुभयो । सीप विकास तालिम प्रदान गरी महिलालाई स्वरोजगारबाट आत्मनिर्भर बनाउने, दलित, सिमान्तकृत समुदायको महिलालाई नेतृत्व विकासको तालिम दिने, अध्ययनमा समस्या भएका विपन्न अभिभावकका बालबालिकालाई मद्दत गर्नेलगायतलाई प्राथमिकतामा राखिएको गोतामे बताउनुहुन्छ । साथै, उहाँले दलित तथा पिछडिएको वर्गलगायतको हितमा काम गर्ने बताउनुभएको छ । यस अघि उहाँ स्थानीय तहको निर्वाचनमा भानु नगरपालिका–५ को वडा सदस्य भई काम गर्नुभएको थियो । जिल्ला समन्वय समिति तनहुँका सदस्य अर्जुनबहादुर अधिकारीले गोतामे गण्डकी प्रदेशमै दलित महिलाबाट उपप्रमुख बन्ने एक मात्र महिला भएको बताउनुभयो । दलित समुदायबाट उपप्रमुखमा गोतामेलाई काँग्रेसले उम्मेवार प्रमुखलाई समेत मत धेरै प्राप्त भएको अधिकारीले बताउनुभयो । ‘दलित महिलालाई अवसर दिएपछि अधिकांश समुदायले प्रमुख तथा उपप्रमुख दुवैलाई भोट दिएकाले दुवैले अत्याधिक मत ल्याएर विजयी हुनुभयो’ अधिकारीले भन्नुभयो । शुक्लागण्डकी नगरपालिकाको उपप्रमुखमा विकले १० हजार २६२ मत ल्याएर विजयी हुनुभयो । विकको निकतम प्रस्तिपर्धी एमालेका फुलमाया वाग्लेले नौ हजार ९५७ मत पाउनुभयो । उपप्रमुख विक विकासमा पछि परेको समुदाय, भूगोललाई प्राथमिकता दिएर बजेट विनियोजनको लागि पहलकदमी गर्ने बताउनुहुन्छ । यस अघिको वि.सं २०७४ को निर्वाचनमा दलित समुदायबाट शुक्लागण्डकीको नेकपा एमालेको तर्फबाट उम्मेदवार बन्नुभएका सविता रसाइली उपप्रमुखमा विजयी हुनुभएको थियो ।
बेंगलोर आइपीएलको क्वालिफायरमा
रोयल च्यालेन्जर्स बेंगलोर इन्डियन प्रिमियर लिग (आइपिएल) को दोस्रो क्वालिफायरमा प्रवेश गरेको छ । कोलकाता स्थित इडेन गार्डेन मैदानमा बुधबार राति भएकोएलिमिनेटर राउन्डमा बेंगलोरले लखनउ सुपर जायन्ट्सलाई १४ रनले हरायो ।
युवाको विदेश पलायन रोक्न कोहलपुरमा रोजगार बैंक स्थापना गर्ने निर्णय
स्थानीय तहमा निर्वाचित हुनुभएका बाँके जिल्लाका विभिन्न पालिका प्रमुख र अध्यक्षहरुले जनतालाई आकर्षित गर्न विभिन्न लोकप्रिय निर्णय गर्नुभएका छन् ।
एक चीन नीतिमा नेपाल अडिग छ कि छैन ? : अध्यक्ष ओली
नेकपा (एमाले) अध्यक्ष एवम् प्रमुख प्रतिपक्षी दलका नेता केपी शर्मा ओलीले नेपाल एक चीन नीतिमा छ कि छैन भनी सरकारसँग जवाफ माग गर्नुभयो । बिहीबार आर्थिक वर्ष २०७९/०८० का लागि प्रस्तुत नीति तथा कार्यक्रममाथि छलफलमा भाग लिनुहुँदै पूर्व प्रधानमन्त्री समेत रहनुभएको ओलीले आफ्नो भूमि प्रयोग गर्न नदिने नीतिमा सरकार अडिग छ कि छैन भनी सरकारसँग जवाफ माग गर्नुभएको हो ।
जनताको सेवक भएर काम गर्न जनप्रतिनिधिलाई ओलीको आग्रह
नेकपा (एमाले)का अध्यक्ष केपी शर्मा ओलीले जनताको सेवक भएर काम गर्न जनप्रतिनिधिलाई आग्रह गर्नुभएको छ । बिहीबार आर्थिक वर्ष २०७९/०८०का लागि प्रस्तुत नीति तथा कार्यक्रममाथि छलफलमा भाग लिनुहुँदै एमाले अध्यक्ष ओलीले सो कुरा बताउनुभएको हो ।
अब चार पालिकाको मात्रै अन्तिम नतिजा आउन बाँकी
७५३ स्थानीय तहमध्ये अहिलेसम्म ७४९ वटा पालिकाको मत परिणाम सार्वजनिक भएको छ । अब चार वटा पालिकाको मात्रै अन्तिम नतिजा सार्वजनिक हुन बाँकी छ । जसअन्तर्गत नेपाली कांग्रेसले ३२७ पालिका जितेको छ । नेकपा एमालेले २०५ पालिका जितेको छ । यसैगरी, नेकपा माओवादी केन्द्रले १२१ पालिका जित्दा नेकपा एकीकृत समाजवादीले १२, जनता समाजवादी पार्टीले २१ र अन्य पार्टीले ६३ पालिका जितेका छन् ।
काठमाडौं महानगरपालिका प्रमुखमा बालेन्द्र र उपप्रमुखमा सुनीताकाे विजय सुनिश्चित
काठमाडौं महानगरपालिकाकाे भृकुटीमण्डपस्थित राष्ट्रिय सभा गृहमा जारी मतगणना अन्तिम चरणमा छ । मुख्य निर्वाचन अधिकृत राजुकुमार खतिवडाकाअनुसार एक लाख ९१ हजार १८६ कुल मतमध्ये अहिलेसम्म एक लाख ८३ हजार ६७९ भन्दा बढी मतगणना भइसकेकाे छ । अब करिब सात हजार ५०७ मतगणना हुन मात्रै बाँकी छ ।
नीति तथा कार्यक्रममाथि छलफल सुरु (लाइभ)
प्रतिनिधि सभाको बैठक सुरु भएको छ । नयाँ बानेश्वरस्थित सङ्घीय संसद् भवनमा बैठक सुरु भएको हो ।
मृतक दर्जीको परिवारलाई मुद्दा दर्ता नगर्न दबाब
शङ्कास्पद रूपमा ज्यान गुमाएका रास्कोट नगरपालिका ८ का प्रेम दर्जीको परिवारलाई कानुनी प्रक्रियामा नजान दवाव दिएको परिवारले जनाएको छ ।
गौतम बुद्ध विमानस्थलमा छुट सुविधा
गौतम बुद्ध अन्तर्राष्ट्रिय विमानस्थलमा विदेशी विमान कम्पनीलाई आकर्षित गर्न विभिन्न सुविधा दिइने भएको छ । नेपाल नागरिक उड्डयन प्राधिकरणले एक वर्षका लागि ती सुविधा दिने निर्णय गरेको हो । विमानस्थलका महाप्रबन्धक गोविन्दप्रसाद दाहालका अनुसार एक वर्षसम्मका लागि अवतरण, सुरक्षा, सञ्चार र उड्डयन सेवा
फेसनेबल आउटरको लोकप्रियता
विगत केही वर्षयता लोकप्रिय बनेको फेसनेबल आउटर यस वर्ष पनि फेसनमा निकै अगाडि देखिएको छ । बच्चादेखि पाका उमेरसम्मका सबैलाई सुहाउने भएकाले पछिल्लो समय आउटर निकै प्रचलित बन्दै गएको छ ।
पेट्रोलियमबाट एक खर्ब राजस्व
पेट्रोलियम पदार्थ आयात गरेर १० महिनामा एक खर्ब राजस्व सङ्कलन भएको छ । नेपाल आयल निगमले चालू आर्थिक वर्षको साउनदेखि वैशाख महिनासम्म दुई खर्ब २३ अर्ब रुपियाँ बराबरको पेट्रोलियम पदार्थ आयात गरेर एक खर्ब छ अर्ब रुपियाँ राजस्व सङ्कलन भएको हो ।
