गोरखापत्र अनलाइन
फुटेज गायब हुनु गलत हो : अध्यक्ष ओली
प्रमुख प्रतिपक्षी दल नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले अर्थमन्त्री जनार्दन शर्माको छानवीनका लागि गठित संसदीय विशेष समितिलाई कल डिटेल हेर्न नदएिर छानविन कार्यलाई प्रभावित बनाएको आरोप लगाउनुभएको छ । समिति भित्रै रहेका सत्तारुढ दलका सांसदले छानविन समितिलाई कल डिटेल हेर्न नदिएको टिप्पणी गर्नुभयो ।
'छम्म छम्म नाचौं न' बोलको तीज गीत सार्वजनिक
काठमाडौं, साउन १५ गते । नारायण रिजालको निर्देशनमा बनेको 'छम्म छम्म नाचौं न' बोलको तीज गीत सार्वजनिक भएको छ । गीतको भिडियो 'ओएसआर डिजिटल'मार्फत सार्वजनिक गरिएको हो।शान्तिश्री परियार र सारिका घिमिरेको स्वर रहेको गीतमा रश्मी भट्ट, सारिका घिमिरे, रेनुका रिजाल, सुस्मिता लामा, संगीता श्रेष्ठ, आरती थापामगर, सुस्मिता पौडेल, सपना रिमाल, माया लगायतको अभिनय तथा नृत्य रहेको छ । सञ्चारकर्मी गीता अधिकारीको शब्द रहेको गीतमा योगेश काजीको संगीत तथा एरेन्ज छ । राहुल राईले छायांकन गर्नुभएको भिडियोलाई विष्णु शर्माले सम्पादन गर्नुभएको हो ।
सूचना टाँस गर्दै सुदूरपश्चिम प्रदेशसभा बैठक स्थगित
अविनाश चौधरीधनगढी, साउन १५ गते। सुदूरपश्चिम प्रदेश सभाको आइतबार बोलाइएको प्रदेश सभा बैठक स्थगित भएको छ। अपराह्न ३ बजे बोलाइएको बैठक सूचना टाँस गरेर स्थगित गरिएको हो। अर्को बैठक साउन १८ गते बोलाइएको प्रदेश सभा सचिवालयका प्रवक्ता नरेन्द्रबहादुर पालले जानकारी दिनुभयो। उहाँका अनुसार आइतबारको बैठकमा सुदूरपश्चिम प्रदेश सभाका पदाधिकारी तथा सदस्यको पारिश्रमिक तथा सुविधा सम्बन्धी ऐन २०७५ लाई संशोधन गर्न बनेको विधेयकमाथि छलफलको कार्यसूची रहेको थियो। सो विधेयकमा सत्तापक्ष र प्रतिपक्ष दुवैतर्फका प्रदेश सभा सदस्यहरुको विमति रहेको छ। अघिल्लो बैठकमा विधेयकमाथि सामान्य छलफलमा भाग लिनु भएका प्रदेश सभा सदस्यहरुले विधेयकलाई फिर्ता लिन सरकारलाई सुझाव दिनुभएको थियो। फलस्वरुप, विधेयकमा सहमति जुटाउनका लागि कार्यव्यवस्था परामर्श समितिको बैठकमा छलफल चलिरहेको जनाइएको छ। उक्त बैठकमा सहमति नजुटेपछि बैठक स्थगित गरेको बुझिएको छ।
राखेपको बाँकी बोर्ड सदस्य टुङ्गो चाँडै लाग्ने
युवा तथा खेलकुद मन्त्री महेश्वरजंग गहतराजले राष्ट्रिय खेलकुद परिषद (राखेप) मा नियुक्त गर्नुपर्ने बाँकी सदस्यहरुको चाँडै टुङ्गो लाग्ने बताउनुभएको छ ।
यो वर्ष प्राधिकरणले १६ अर्ब बढीको विद्युत निर्यात गर्छ : कुलमान घिसिङ
काठमाडौं, साउन १५ गते। नेपाल विद्युत प्राधिकरणका कार्यकारी निर्देशक कुलमान घिसिङले प्राधिकरणले यो वर्ष १६ अर्बभन्दा बढीको विद्युत निर्यात गर्ने उल्लेख गर्नुभएको छ। आइतबार नेपाल आर्थिक पत्रकार समाज (सेजन) ले क्रस बोर्डर विद्युत व्यापारमा खुला पहुँच र प्रशारण मूल्य निर्धारणलाई प्राथमिकता विषयक कार्यशाला बोल्नु हुँदै निर्देशक घिसिङले यस्तो बताउनुभएको हो। उहाँले विद्युतको मूल्य भारतमा राम्रो पाएकाले यो वर्ष विद्युत प्राधिकरणले करिब १६ अर्ब रुपैयाँ विद्युत निर्यातबाट कमाउने बताउनुभएको हो। गत वर्ष प्राधिकरणले ५ अर्बको विद्युत निर्यात उहाँको भनाइ छ।उहाँले भन्नुभयो, ‘‘विद्युत व्यापारमा भारतबाट राम्रै मूल्य आएको छ, प्राधिकरणले केही कमाई रहेका छ। विगतमा एक वर्षमा ५ अर्बको निर्यात गरेका छौं। यो वर्ष प्राधिकरणबाट करिब १६ अर्ब भन्दा बढीको विद्युत निर्यात गर्छौं।’’त्यसैगरी, घिसिङले २० वर्षपछि पनि निजी क्षेत्रलाई विद्युत व्यापार गर्न दिन नसकिने भनाइ राख्नुभएको छ। उहाँले विद्युत प्राधिकरणले ट्रान्समिसन प्रशारण लाइनको जोखिम शुल्क तिर्ने र २० वर्षपछि निजी क्षेत्रलाई व्यापार गर्न दिने कुरा हुन नसक्ने स्पष्ट पार्नुभएको हो। । निर्देशक घिसिङले प्रसारण लाइनमा वन तथा अन्य विविध कारणले प्रशारण शुल्क बढाउँदै जान नहुने बताउनुभयो। निर्देशन घिसिङले प्रशारण लाइनको लागत कम गर्नुपर्नेमा जोड दिनुभएको छ। कार्यकारी निर्देशक घिसिङले सिमेन्ट उद्योगमा ६५ प्रतिशत विद्युत क्षमता दिन नसकेको विषय गलत भएको बताउनुभयो। उहाँले अहिले सबै उद्योगमा शतप्रतिशत क्षमता विद्युत दिएको दाबी गर्नुभयो। निर्देशक घिसिङले उद्योगमा विद्युत सामान्य समस्या हुँदा पनि ठूलो मुद्दा बनाउने काम भइरहेको भन्दै त्यस्तो नगर्न आग्रह गर्नुभयो। उहाँले प्राधिकरण उद्योगले मागेजति विद्युत दिन तयार रहेको भन्दै अहिले ट्रान्समिसन र सव-इस्टेसनमा लगानी बढाएको बताउनु भयो। निर्देशक घिसिङले विद्युतीय सवारीको कुरामा सबै विद्युतीय सवारी चलाए पनि ४०० मेगावट खपत हुँदैन भन्ने डाटा गलत भएको दाबी गर्नुभयो। उहाँले विद्युतीय सवारीमा प्रति किलोमिटरमा एक रुपैयाँ पनि नपर्ने भन्दै अहिले पेट्रोल डिजेलमा २० रुपैयाँ सवारी भाडा रहेको बताउनुभयो। त्यस्तै, कार्यक्रममा ऊर्जा मन्त्रालयका सचिव सुशीलचन्द्र तिवारीले विद्युत उत्पादन र व्यापारको लागि ऊर्जा मन्त्रालयले आवश्यकता अनुसार नीतिहरु परिमार्जन गर्दै गएको बताउनुभएको छ। उहाँले जलविद्युत क्षेत्रको विकासको लागि लगानी बढाउन आवश्यक रहेको उल्लेख गर्नुभयो। सचिव तिवारीले जलविद्युतमा सरकार र निजी क्षेत्रले समेत लगानी बढाउनुपर्ने बताउनुभयो। उहाँले जलविद्युत क्षेत्रको उच्च विकासको लागि वैदेशीक लगानीको पनि आवश्यकता रहेको बताउनुभयो।
२४ घण्टामा थप ६२० जनामा कोरोना पुष्टि : एक जनाको मृत्यु
पछिल्लो २४ घण्टामा थप ६२० जनामा कोरोना संक्रमण पुष्टि भएको छ।
निगमलाई निजीकरण गर्ने सोंच छैन : मन्त्री बडू
उद्योग, वाणिज्य तथा आपूर्तिमन्त्री दिलेन्द्रप्रसाद बडूले नेपाल आयल निगमलाई निजीकरण गर्ने पक्षमा आफू नरहेको स्पट पार्नु भएको छ । अर्बौको कमिशन लिएर निगमलाई निजीकरण गर्न लागिएको भन्ने चर्चा सञ्चार माध्यममा भइरहेकाबेला मन्त्री बडूले आफू सो पक्षमा नरहेको बताउनुभएको हो ।
राप्रपाको स्थानीय तह परिचालन विभागले पूर्णता पायो
राष्ट्रिय प्रजातन्त्र पार्टीको स्थानीय तह परिचालन विभागले पूर्णता पाएको छ।
नेप्से परिसूचक ५४.५८ अंकले वृद्धि
साताको पहिलो कारोबारको दिन आइतबार नेप्से परिसूचक उच्च अंकले वृद्धि भएको छ।
वितरण नहुँदै हरायो १५९ क्विन्टल अनुदानको नुन
सरकारले मुगुमा बिक्री वितरणका लागि अनुदानमा उपलब्ध गराएको नुन जिल्ला सदरमुकाम गमगढी बजारबाट हराएको छ । छायाँनाथ रारा एयर कार्गो ढुवानी सेवाले ढुवानी जिम्मा लिएको १ सय ५९ क्वीन्टल नुन सदरमुकाम गमगढीबाट हराएको हो ।
जनार्दन शर्मा अर्थमन्त्री नियुक्त : केही बेरमा शपथ हुँदै
राष्ट्रपति विद्यादेवी भण्डारीले प्रधानमन्त्री शेरबहादुर देउवाको सिफारिसमा जनार्दन शर्मालाई अर्थमन्त्री पदमा नियुक्त गर्नुभएको छ ।
उपत्यकासहित देशका अधिकांश भागमा भारी वर्षा
काठमाडौं, साउन १५ गते। आइतबार दिउँसो उपत्यकासहित देशभरका अधिकांश भागमा भारी वर्षा भएको छ। जल तथा मौसमविज्ञान विभाग मौसम पूर्वानुमान महाशाखा अनुसार मनसुनको न्यूनचापीय प्रभावका कारण अहिले देशका विभिन्न स्थानमा भारी वर्षा भएको हो। अहिले मनसुनको न्यूनचापीय रेखा सामान्य स्थानभन्दा केही उत्तरतिर पुगेकाले वर्षा बढी भइराखेको छ। मौसमविद् सञ्जीव अधिकारीका अनुसार आइतबार साँझसम्म प्रदेश १, मधेश, बागमती, गण्डकी र लुम्बिनीका केही स्थानमा भारी वर्षा हुनेछ। यो क्रम बुधबारसम्म निरन्तर रहने सम्भावना रहेको उहाँको भनाइ छ। उहाँले भन्नुभयो, “न्यूनचापीय मनसुनी प्रभावले बुधबारसम्म वर्षा हुने देखिन्छ। पानी परिरहने रोकिँदै नरोकिने भन्ने हुँदैन।’’ मङ्गलबारसम्म यो प्रणालीले भारी वर्षा गराउने उहाँको भनाइ छ। निरन्तरको वर्षाले पहाडी र तराई क्षेत्रका नदीको बहाब बढ्दा ती क्षेत्रमा भू-क्षय र पहिरोको सम्भावना छ। जल तथा मौसम पूर्वानुमान महाशाखाले आगामी २४ घण्टामा देशभर सामान्यदेखि पूर्णबदली रही विभिन्न स्थानमा मेघ गर्जन र चट्याङ्सहित हल्कादेखि मध्यम वर्षाको सम्भावना रहेकाले सतर्क रहन अनुरोध गरेको छ। महाशाखाले नदी नाला तथा खहरे खोलामा पानीको सतह बढ्ने र दैनिक जीवनयापन र यातायात क्षेत्र प्रभावित हुने भन्दै सतर्कता अपनाउन आग्रह गरेको हो। आइतबार दिउँसो एकसाथ ठूलो वर्षा हुँदा काठमाडौं उपत्यकाको जनजीवन प्रभावित भएको छ। सडकमा पानी जमेर हिँडडुल र सवारी आवतजावतमा समस्या भएको हो।
ब्राजिल कोपा अमेरिका महिला च्याम्पियन
कोपा अमेरिका कप महिला फुटबलको उपाधि ब्राजिलले जितेको छ । कोलम्वियास्थित स्टेडियो अलफन्सो लोपेजमा आइतबार बिहान भएको फाइनलमा ब्राजिलले आयोजक कोलम्वियालाई १–० गोलले स्तब्ध बनायो ।
हिमाल दोलखाको शेयर कारोबारमा रोक
नेपाल स्टक एक्सचेञ्जले हिमाल दोलखा हाइड्रोपावर कम्पनी लिमिटेडको शेयर कारोबारमा रोक लगाएको छ।
लिभरपुललाई कम्युनिटी शिल्ड उपाधि
कम्युनिटी शिल्ड फुटबलको उपाधि इङ्लिस क्लब लिभरपुलले जितेको छ । किङ्स पावरमा शनिबार राति भउको खेलमा लिभरपुलले बलियो प्रतिद्वन्द्वी म्यानचेस्टर सिटीलाई ३–१ गोलले हरायो ।
