गोरखापत्र अनलाइन
जनतालाई सेवा गर्ने काममा कुनै कमजोरी नगर्नुहोला : अध्यक्ष ओली
नेकपा (एमाले) अध्यक्ष केपी शर्मा ओलीले स्थानीय तह ‘समृद्ध नेपाल र सुखी नेपाली’ निर्माणको आधारभूत ठाउँ भएको बताउनुभएको छ ।
वातावरणीय अध्ययन गरेर मात्रै प्राकृतिक स्रोतको उत्खनन गर्न राष्ट्रपतिको आग्रह
राष्ट्रपति विद्यादेवी भण्डारीले चुरे क्षेत्रको वातावरणीय अध्ययन गरेर मात्रै ढुङ्गा, गिटी र बालुवा जस्तो प्राकृतिक स्रोतको उत्खनन् तथा सङ्कलन गर्न आग्रह गर्नु भएको छ । उहाँले बिहीबार सिन्धुलीको दुधौली नगरपालिका–३ स्थित रानीबासमा राष्ट्रपति चुरे–तराई संरक्षण विकास समिति र नेपाली सेनाको श्री नं. १ वन तथा पर्यावरण सुरक्षा गणले संयुक्त रुपमा आयोजना गरेको आठाैं चुरे दिवसको अवसरमा एक दिनमा एक लाख विरुवा वृक्षारोपण कार्यक्रमको शुभारम्भ समारोहमा यस्तो आग्रह गर्नुभएको हो ।
एसपीपीमा नेपाल आबद्ध हुने निर्णय भएको छैन : गृहमन्त्री खाण
गृहमन्त्री बालकृष्ण खाणले अमेरिकी स्टेट पार्टनरसीप प्रोगाम (एसपीपी)मा नेपाल आबद्ध हुने कुनै निर्णय नेपाल सरकारले नगरेको जानकारी दिनुभएको छ ।
बाघको आक्रमणबाट एक युवतीको मृत्यु, बाघ धपाउन पाँच राउण्ड हवाई फायर
भरतपुर महानगरपालिका २७ स्थित राधा कृष्ण मध्यवर्ती सामुदायिक बनमा निगुरो टिप्न भनी गएको अवस्थामा एक युवतीलाई बाघले आक्रमणमा गरी मारिदिएको छ ।
करको दायरा हेरफेरमा चलखेल गरेको आरोप
प्रमुख प्रतिपक्ष दल नेकपा (एमाले)का सांसदहरु प्रतिनिधिसभा बैठकबाट बाहिरिएका छन् । अर्थमन्त्री जनार्दश शर्माले करको दायरा हेरफेरमा चलखेल गरेको आरोप लगाउँदै एमाले सांसद बैठकबाट बाहिरिएका हुन् ।
एमालेका सांसदहरुबाट संसद् अवरोध
प्रमुख प्रतिपक्ष दल नेकपा (एमाले)ले प्रतिनिधिसभा बैठकमा विरोध गरेका छन् । एमाले सांसदको विरोधका बीच अर्थमन्त्री जनार्दन शर्माले संसदमा जवाफ दिनुभएको छ ।
राष्ट्रियसभा बैठक सुरु
नयाँबानेश्वरस्थित सङ्घीय संसद् भवनमा राष्ट्रियसभा बैठक सुरु भएको छ ।
साना तथा मझौला उद्योगहरुको संरक्षण गर्नुपर्छ : प्रम देउवा
प्रधानमन्त्री शेरबहादुर देउवाले स्थानीय उत्पादन प्रवर्द्धन गर्न सके साना तथा मझौला उद्योगहरुको संरक्षण गर्न मद्दत पुग्ने बताउनुभएको छ ।
प्रतिनिधिसभा बैठक (प्रत्यक्ष प्रसारण)
नयाँबानेश्वरस्थित सङ्घीय संसद भवनमा प्रतिनिधिसभा बैठक सुरु भएको छ ।
रेसुङ्गा विमानस्थल परीक्षण उडानमै सीमित
शिलान्यास भएको १६ वर्ष बित्नैलाग्दा गुल्मेलीहरुले रेसुङ्गा विमानस्थलबाट विमान चढेर भैरहवा र काठमाडौं जान पाएका छैनन् । तत्कालीन संस्कृति, पर्यटन तथा नागरिक उडड्यन मन्त्री प्रदीपकुमार ज्ञवालीले २०६३ सालमा शिलान्यास गरेको विमानस्थलको निर्माण कार्य करिब सकिएको छ ।
एसपिपी ओली सरकारका पालामा कार्यान्वयन गर्ने काम भएकाे थियाे : अध्यक्ष प्रचण्ड
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले गठबन्धन सरकारले ‘स्टेट पार्टनरसीप प्रोगाम’ (एसपिपी) सम्झौता नगर्ने प्रष्ट पार्नुभएको छ । २१औँ रितबहादुर खड्का स्मृति दिवसका अवसरमा आज पार्टी मुख्यालय पेरिसडाँडामा आयोजित कार्यक्रममा उहाँले सरकार नेपालको राष्ट्रियता स्वाधीनताको पक्षमा दृढतापूर्वक उभिने र त्यस्तो खालको कुनै सम्झौता नगर्ने विश्वास दिलाउनुभयो ।
जनप्रतिनिधिलाई आँखा स्वास्थ्य सचेतना
ग्रामीण क्षेत्रका आँखाको बिरामी पहिचान गरी उपचारका लागि प्रेरित गर्न कपिलवस्तुका जनप्रतिनिधिलाई आँखा स्वास्थ्य शिक्षा प्रदान गरिएको छ । छन्दे कालेवाबु नारायणी आँखा अस्पताल बहादुरगन्जले कपिलवस्तुका नवनिर्वाचित जनप्रतिनिधिलाई सचेतना प्रदान गरेको छ । अस्पतालले शिवराज र बुद्धभूमि नगरपालिकाका सबै जनप्रतिनिधिलाई एक दिने प्रशिक्षण गरेको छ ।
दुर्घटनामा टिप्पर चालकको मृत्यु
पृथ्वीराजमार्गमा पर्ने तनहुँ आबुँखैरेनी गाउँपालिका– ४ मर्स्याङ्दी पावरहाउसस्थित रुवा खोला पुलमा टिप्पर दुर्घटना हुँदा चालकको मृत्यु भएको छ । मुग्लिनबाट आबुँखैरेनी जाँदै गरेको ग १ क ४४६९ नं.को मिनी टिप्पर अनियन्त्रित भई पुलबाट २५ मिटर तल खोलामा खसेर सो टिप्पर चालकको मृत्यु भएको हो ।
प्रदेश सरकार र प्रहरीबाट अनुसन्धान
घोराही समाचारदाताघोराही, असार २ गते ।लुम्बिनी प्रदेशकी स्वास्थ्य, जनसङ्ख्या तथा परिवार कल्याण राज्यमन्त्री विमला खत्री वलीको विवादमा प्रदेश सरकार र स्थानीय प्रहरी प्रशासनले अनुसन्धान थालेका छन् । मङ्गलबार स्वास्थ्य राज्यमन्त्री वलीले तुलसीपुर उपमहानगरपालिका–५ बसपार्कनिवासी २७ वर्षीया मीना भण्डारी बस्नेत र छोरी एलिजा बस्नेतलाई अभद्र व्यवहार गरेको आरोपमा पीडितले जाहेरी दिएपछि प्रहरीले अनुसन्धान थालेको जिल्ला प्रहरी कार्यालय दाङका प्रहरी प्रमुख एवं प्रहरी उपरीक्षक सुरेशप्रसाद काफ्लेले जानकारी दिनुभएको छ । प्रदेश सरकारले पनि घटनाको छानबिनका लागि समिति गठन गरेको छ । “प्रदेश सरकारसँगै जिल्लामा हामीले घटनाको अनुसन्धान गरिरहेका छौँ,” प्रहरी प्रमुख काफ्लेले भन्नुभयो, “घटनाको तथ्य अनुसन्धानले बताउनेछ ।” बुधबार बसेको लुम्बिनी प्रदेश सरकारको मन्त्रिपरिषद् बैठकले समेत घटनाको छानबिन गर्न आन्तरिक मामिला तथा सञ्चारमन्त्री तिलकराम शर्माको नेतृत्वमा कार्यदल गठन गरेको छ । समितिका सदस्यमा महिला, बालबालिका तथा कानुनमन्त्री रमा घर्तीमगर र मुख्य न्यायाधिवक्ता श्रीकृष्ण सुवेदी रहनुभएको छ । “दाङमा घटना भएकाले प्रहरीले स्वाभाविक रूपमा आफ्नोतर्फबाट अनुसन्धान गरिरहेको छ । हामीभन्दा माथि नै प्रदेश सरकारका मन्त्रीकै नेतृत्वमा छानबिन कार्यदल गठन भइसकेको छ,” प्रहरी प्रमुख काफ्लेले भन्नुभयो, “छानबिन समितिको प्रतिवेदन आउँदासम्म पर्खनुको विकल्प छैन ।” स्वास्थ्य राज्यमन्त्री विमला वली प्रकरणले बजेट प्रस्तुतका लागि बसेको लुम्बिनी प्रदेश सभाको बैठकसमेत स्थगित हुन पुगेको छ । प्रदेश सरकारका स्वास्थ्य राज्यमन्त्री वली प्रकरणबारे सरकारले प्रदेश सभा बैठकमा जवाफ नदिँदासम्म बैठक चल्न नदिने नेकपा एमालेको घोषणासँगै बैठक २५ मिनेटलाई स्थगित भएको हो । बैठक प्रारम्भ भएलगत्तै एमाले संसदीय दलका प्रमुख सचेतक भूमिश्वर ढकालले राज्यमन्त्री वली प्रकरणमा मुख्यमन्त्रीको जवाफ माग गर्नुभएको थियो । सभामुख पूर्ण घर्तीले जवाफका लागि सरकारलाई निर्देशन गर्दै २५ मिनेटका लागि बैठक स्थगित गर्नुभएको थियो । यसअघि नेकपा एमालेले लुम्बिनी प्रदेश सभा संसदीय दलको बुधबार दिउँसो बसेको बैठकले सरकारको जवाफ नआएसम्म बैठक चल्न नदिने निर्णय गरेको थियो ।स्वास्थ्य राज्यमन्त्री वलीले मङ्गलबार बिहान तुलसीपुर–५ बसपार्कस्थित एकराज बस्नेतको घरमा गएर श्रीमती मीना भण्डारी बस्नेत र छोरी एलिजालाई गालीगलौज र अभद्र व्यवहार गरेको भन्दै पीडित भण्डारीले इलाका प्रहरी कार्यालय तुलसीपुरमा जाहेरी दिनुभएको छ । वली २०७६ मङ्सिर १४ मा भएको उपनिर्वाचनमा नेकपाबाट प्रदेश सांसद निर्वाचित हुनुभएको थियो । वली नेकपा एमालेका स्वर्गीय प्रदेश सभा सदस्य उत्तर वलीकी श्रीमती हुनुहुन्छ ।
सुपर डान्सर नेपालको डिजिटल अडिसन
‘सुपर डान्सर नेपाल’को डिजिटल अडिसन बुधबारदेखि सुरु भएको छ । फ्रेन्चाइज गरिएको उक्त कार्यक्रम शारीरिक (फिजिकल) अडिसन सकेपछि डिजिटल अडिसन सुरु भएको एडी रिलिज प्रालिकी कम्युनिकेसन म्यानेजर रश्मि अग्रवालले जानकारी दिनुभयो ।
