गोरखापत्र अनलाइन
अग्नी पीडितलाई २८ क्वीन्टल धान सहयोग
अविनाश चौधरीधनगढी, जेठ ११ गते । कैलालीका एक दम्पत्तीले कैलारी गाउँपालिका –७ विपतपुर मुक्त कमैया शिविरका अग्नी पीडित परिवारलाई २८ क्वीन्टल २१ किलो धान सहयोग गर्नुभएको छ । सोही वडाको रतनपुर गाउँका भरथनियाँदेवी चौधरी र भरतकुमार चौधरीले अग्नी पीडित परिवारलाई आफ्नो निजी धान सहयोग गर्नुभएको हो । गत वैशाख ११ गते भएको आगलागीबाट पूर्ण र आङ्शिक गरेर ७१ घरमा क्षति पुगेको थियो । पूर्ण क्षति भएका परिवारको खाद्यान्न, लत्ताकपडा सबै जलेर नष्ट भएको थियो । अग्नी पीडित परिवारलाई केही हद्सम्म राहत पुगोस भनेर आफ्नो कमाइबाट सकेजति सहयोग गरेको भरतकुमारले बताउनुभयो । उहाँले ५० किलो नुनसमेत सहयोग गरेको जानकारी दिनुभयो ।
तुलसीपुुरमा एमालेका उम्मेदवार विजयी
गोकर्ण पौडेलतुलसीपुर, जेठ ११ गते । तुलसीपुर उपमहानगरपालिकाको प्रमुख उपप्रमुख दुवै पदमा नेकपा (एमाले) का उम्मेदवार विजयी हुनुभएको छ । एमालेबाट प्रमुख पदका उम्मेदवार टीकाराम खडकाले ३१ हजार चार सय आठ मत प्राप्त गरी विजयी बन्नुभएको हो । उहाँका निकटतम प्रतिस्पर्धी गठबन्धनबाट काँग्रेसका गेहेन्द्र गिरीले २७ हजार सात सय १६ मत प्राप्त गर्नुभयो । मतान्तर तीन हजार छ सय ३७ रहेको छ ।त्यस्तै, उपप्रमुखमा एमालेकै स्यानी चौधरीले ३० हजार पाँच सय ९७ मत प्राप्त गर्नुभएको छ । गठबन्धनबाट नेकपा (एकीकृत समाजवादी) का जोगबहादुर राणाले २१ हजार एक सय ६५ मत प्राप्त गर्नुभएको छ । मतान्तर नौ हजार ५३२ मत रहेको छ । तुलसीपुरका १९ वटामध्ये एमालेले १० वटामा जित हासिल गरेको छ । २, ३, ६, ८, १०, ११, १३, १५, १८ र १९ नम्बर वडाको नेतृत्वमा जीत हासिल गरेको छ ।सोहीअनुसार, काँग्रेसले चारवटा वडामा जित हासिल गरेको छ । काँग्रेसले ५, ७, ९ र १४ मा वडा नेतृत्वमा जित हासिल गरेको छ । त्यस्तै, नेकपा माओवादी केन्द्रले तीन वटा वडा १, ४ र १२ मा जितेको छ । वडा नम्बर १६ मा स्वतन्त्रका उम्मेदवारले वडाध्यक्षमा जितेका छन् । तुलसीपुरमा काँग्रेस, माओवादी केन्द्र, जनमोर्चा र एकीकृत समाजवादी गठबन्धनमा छन् । एमालेले एक्लै चुनावी मैदानमा थियो । तुलसीपुर एमालेका केन्द्रीय उपाध्यक्ष युवराज ज्ञवाली र महासचिव शंकर पोखरेलको गृह नगर हो ।दाङमा एमालेले दुईवटै उपमहानगरमा जित हात पार्न सफल भएको छ । तुलसीपुरमा २०५४, २०७४ मा पनि एमालेले नेतृत्वमा विजयी हासिल गरेको थियो ।
धन्यवादका लागि उम्मेदवारहरु मतदाताको घरमा
बेलिना थापालमजुङ, जेठ ११ गते । लमजुङका स्थानीय तहमा निर्वाचित जनप्रतिनिधिहरु चुनावपछि पनि मतदाताको घर पुग्न छाडेका छैनन् । निर्वाचनअघि प्रतिवद्धताका साथ मतदाताको घर घरमा पुगेका उहाँहरु निर्वाचन पछि धन्यवाद दिनका लागि घरमा पुगिरहेको बताउनुभएको छ ।चुनाव जितेपछि नेताले वास्ता गर्दैनन् भन्ने नागरिकको गुनासालाई चिर्दै जनप्रतिनिधिहरु नागरिकलाई भेट्न पुगेको दावी गर्नुभएको छ । चार नगरपालिका र चार गाउँपालिका रहेको लमजुङमा निर्वाचित जनप्रतिनिधिहरुले गाउँ गाउँ पुग्ने, मतदातालाई धन्यवाद दिने र उनीहरुको पिरमर्का बुझ्ने गरिरहनुभएको छ । बेँसीसहर नगरपालिकाका प्रमुख गुमानसिंह अर्याल, उपप्रमुख पद्मा गुरुङ लगायतको टिम गाउँमा पुगेको छ । नव–निर्वाचित प्रमुख अर्यालले नागरिकलाई चुनावअघि मात्र नभएर चुनावपछि पनि भेट्न गएको बताउनुभयो । ‘उम्मेदवारहरु गाउँ जाँदा चुनाव जित्नकै लागि गाउँ आयो । जितेर गएपछि वास्ता गर्दैनन् भन्ने चलन छ । तर, हामीले त्यस्तो गरेनौं । चुनाव अघि जति महत्वकासाथ गयौं, अहिले पनि सोही महत्वकासाथ गयौं’ उहाँले भन्नुभयो । उपप्रमुख पद्मा गुरुङले स्थानीय तह निर्वाचन २०७९ मा अमूल्य मत दिएर बिजयी गराएको भन्दै मतदातालाई धन्यवाद ज्ञापन गर्न गाउँ पुगेको बताउनुभयो । चुनाव अघि गरेका प्रतिवद्धता पूरा गर्ने उहाँले पुनः दोहो¥याउनुभयो । सुन्दरबजार नगरपालिकाका नव–निर्वाचित प्रमुख कृष्णप्रसाद कोइरालाले नगरपालिका भित्रका गाउँँ पुगेको बताउनुभयो । चुनावअघि भोट माग्न र चुनाव पछि धन्यवाद दिन आफूहरु त्यहाँ पुगेको बताउनुभयो । नगरपालिकाका सबैजसो गाउँमा पुगेर धन्यवाद दिएको उहाँले बताउनुभयो । उपप्रमुख भवानी केसीले भोट दिएर बिजयी गराउनेलाई गाउँमै पुगेर धन्यवाद दिएको बताउनुभयो । मस्र्याङदी गाउँपालिका अध्यक्ष अर्जुन गुरुङ, उपाध्यक्ष जुनामाया थापा पनि घरदैलो अभियानमा हुनुहुन्छ । नौ वटा वडा रहेको गाउँपालिकाका गाउँमा पुग्ने गरेको अध्यक्ष गुरुङले बताउनुभयो । ‘चुनावमा विभिन्न एजेण्डा लिएर गएका थियौं । त्यसलाई मन पराएर हामीलाई जिताउनुभयो । अमूल्य मतको सम्मानका लागि गाउँ जाने, धन्यवाद दिने, रमाइलो गर्ने, दुःख सुःखका कुरा सुन्ने गरेका छौं’ उहाँले भन्नुभयो, ‘हामीले गरेका प्रतिवद्धता अवश्य पूरा गरेर छाड्नेछौं । नागरिकलाई दुःखी बनाउने छैनौं ।’दोर्दी गाउँपालिका अध्यक्ष युवराज अधिकारीले मतदातालाई धन्यवाद दिनका लागि गाउँघर जाने अभियानमा व्यस्त रहेको बताउनुभयो । नागरिकको माया र प्रेमले चुनाव जित्न सफल भएको भन्दै मतदाता भेट्न पुगेको बताउनुभयो । आफूले गरेका प्रतिवद्धता पूरा नभएमा झकझकाउन पनि अनुरोध गरेको जानकारी दिनुभयो । नागरिकको आवश्यकता र माग अनुसार नै अघि बढ्ने उहाँको भनाई छ । कव्होलासोंथर गाउँपालिका अध्यक्ष सूर्यप्रसाद गुरुङले मतदातालाई भेट्न गाउँ पुग्ने कार्यमा लागेको बताउनुभयो । बिजयी भएपछि मतदातालाई धन्यवाद दिनुपर्ने भन्दै गाउँघर पुग्ने, नागरिकको घर पुग्ने, समस्या बुझ्ने गरेको बताउनुभयो । मतदातालाई चुनावअघि दिएका आश्वासन पूरा गर्ने उहाँले बताउनुभयो । अन्य पालिकाका प्रमुख–अध्यक्ष, उपप्रमुख–उपाध्यक्ष लगायत पनि मतदातालाई धन्यवाद दिन गाउँ पुगेका छन् ।
बेँसीसहरको कार्यपालिका सदस्यहरु निर्विरोध
बेलिना थापालमजुङ, जेठ ११ गते । लमजुङको बेँसीसहर नगरपालिकाको कार्यापालिका सदस्यमा आठ उम्मेदवार निर्विरोध चयन हुनुभएको छ । पालिकाको कार्यपालिका निर्वाचनका लागि मनोनयन दर्ता गराउनु भएका आठ जना निर्विरोध भएको मुख्य निर्वाचन अधिकृतको कार्यालयले जनाएको छ । मुख्य निर्वाचन अधिकृत शिवप्रसाद खनालका अनुसार कार्यपालिका सदस्य आठ जनाका लागि एमालेबाट महिलातर्फ कल्पना थापा बोहरा, बुनादेवी रिमाल, विमला न्यौपाने अधिकारी, सुकमाया गुरुङ, मनिता परियारको उम्मेदवारी परेको छ । दलित तथा अल्पसङ्ख्यकबाट हिरालाल विश्वकर्मा, श्रीनाथ सार्की र सुकमाया घर्तीको उम्मेदवारी परेको छ । सबै सदस्य सर्वसम्मत हुनुभएपछि उहाँहरुलाई अर्को कार्यक्रममा प्रमाणपत्र प्रदान गरिने निर्वाचन अधिकृतको कार्यालयले जनाएको छ । गठबन्धन दलहरुले मनोनयन दर्ताको समयसम्म उम्मेदवारी दर्ता नगराएको सो कार्यालयले जनाएका छ । मनोनयन दर्ताको समय विहान १० बजेदेखि ३ः३० बजेसम्म तोकिएको थियो । गठबन्धनको तर्फबाट उम्मेदवारी नआएपछि एमालेका उम्मेदवार निर्विरोध हुनुभएको सो कार्यालयले जनाएको छ । कार्यपालिका निर्वाचन जेठ १७ गतेका लागि तय गरिएको छ ।
पैदलयात्रुलाई आवत जावतमा समस्या
राजन रावतहुुम्ला, जेठ १० गते । जिल्लाको मध्यक्षेत्रको सर्केगार्ड गाउँपालिकाको दुुल्लीकुुना क्षेत्रमा पैदलयात्रुलाई आवत जावतमा समस्या भएको छ । कर्णाली करिडोरको सडक निर्माण कार्य भइरहेका कारण पैदल यात्रुुलाई हिड्डुलमा समस्या भएको हो । स्थानीय तह निर्वाचनमा खटिनुु भएका मालपोत कार्यालयका प्रमुख रबिन्द्र शाहीले दुुल्ली कुना क्षेत्रमा पैदल हिडडुुल गर्न समस्या हुनेगरेको बताउनुुभयो । चट्टानी भीरमा बिष्फोट भएर सडकमा खसेका ढुङ्गा पन्छाउने कार्य नभएका कारण पैदलयात्रुुलाई समस्या भएको उहाँको भनाई छ । कर्णाली नदी किनारामा ग्याविन लगाउने र बिष्फोट भएका ढुुङ्गा फाल्ने कार्य नभएसम्म पैदल यात्रुुहरुले सास्ती खेप्नुुपर्ने उहाँले बताउनुुभयो । अग्लो चट्टानी भीरमा सडकको लेबल मिलाउन अझै काम बाँकी रहेकाले पूरा नहुुन्जेलसम्म पैदल यात्रुुहरुले समस्या भोग्नुु पर्ने उहाँको बुझाई छ । उक्त खण्डमाथि भीर र तल कर्णाली नदी बगेकाले अन्यत्रबाट पैदलयात्रुु जाने बिकल्प नरहेको स्थानीयको भनाई छ । यस्तो असजिलो बाटोमा पैदल यात्रुुहरुले डराई डराई पन्ध्रदेखि बीस मिटरभन्दा बढी दूुरी पार गर्नुपर्ने अबस्था रहेको स्थानीयको गुनासो छ । दैनिक सयभन्दा बढी बटुवाहरु सो खण्ड हुुँदै आवत जावत गर्ने गर्छन् । सो बाटोबाट पशुु बस्तुलाई समेत लैजान सक्ने अबस्था नरहेको स्थानीयको भनाई छ । सडक निर्माणको जिम्मा लिई हिल्सा सिमकोट सडक आयोजनाले निर्माण कम्पनी पक्षलाई सडक निर्माण कार्यलाई तिब्रता दिएको छ ।
धनुषाका नवनिर्वाचित प्रमुखलाई पद तथा गोपनियताको शपथ
धर्बेन्द्र झा जनकपुरधाम, जेठ १० गते । मधेस प्रदेशको राजधानी समेत रहेको जनकपुरधाम उपमहानगरपालिकाको मेयर र उपमेयरसहित धनुषाको १८ वटै पालिकाका नवनिर्वाचित प्रमुखले पद तथा गोपनियताको शपथ लिनुभएको छ । मुख्य निर्वाचन अधिकृतको कार्यालय धनुषाले मंगलबार जनकपुरधाममा आयोजना गरेको कार्यक्रमवीच उहाँहरुलाई मुख्य निर्वाचन अधिकृत ब्रजेस प्याकुरेलले पद तथा गोपनियताको शपथ खुवाउनु भएको हो । कार्यक्रममा मुख्य निर्वाचन अधिकृत प्याकुरेललले धनुषाको १८ वटै पालिकामा सौहार्दपूर्ण र शान्तिपूर्वक निर्वाचन गराउन सबै पक्षको त्यतिकै सहयोग भएकोमा धन्यवाद व्यक्त गर्नुभयो । जनप्रतिनिधिसँग जनताको धेरै अपेक्षा रहेको चर्चा गर्दै जनताको अपेक्षाअनुसार काम गर्न उहाँले सबैमा आग्रह गर्नुभयो । कार्यक्रममा धनुषाका प्रमुख जिल्ला अधिकारी सुरेन्द्र पौडेल, मधेस प्रदेश निर्वाचन कार्यालयका प्रमुख श्रीधर पन्थी, जनकपुरधाम उपमहानगरपालिकाका कार्यकारी अधिकृत प्रद्युम्न उपाध्यायसहितले जनप्रतिनिधहरुको कार्यकालको सफलताको शुभकामना व्यक्त गर्नुभयो । शपथ ग्रहण गरेका १८ वटै पालिकाका प्रमुखले आजै आ—आफनो पालिकामा पदभार समेत ग्रहण गर्नुभएको छ । जनकपुरधाम उपमहानगरपालिकामा स्वतन्त्रवाट निर्वाचित हुनुभएका नगर प्रमुख मनोज साह र नेपाली काँग्रेसबाट निर्वाचित नगर उपप्रमुख किशोरी साहले पदभार ग्रहण गर्नुभयो । जनकपुरधाम उपमहानगरपालिकाका कार्यकारी अधिकृत प्रद्युम्न उपाध्याले दुवै जनालाई पदभार ग्रहण गराउनुभयो । पदभार ग्रहण पश्चात सञ्चारकर्मीसँगको कुराकानीमा नगर प्रमुख साहले आजै आफुले दुईवटा निर्णय गरेको बताउनुभयो । सफाईको सवालमा रहदैआएको केन्द्रीकृत प्रणालीलाई बिकेन्द्रीकृत गरी नगरको प्रत्येक वडाको सफाईको जिम्मा वाडालाई नै दिने, त्यसको लागि आवश्यक स्रोत साधन नगरपालिकाले व्यवस्थापन गर्ने र नगरपािलका भित्रका कामकाज लाई पारदर्शी बनाउन सूचना डेस्क स्थापना गरी समय समयमा सूचना प्रवाह गर्ने निर्णय भएको बताउनुभयो ।
निर्वाचन आचारसंहिता आजदेखि लागू नरहने : आयोग
गोरखापत्र अनलाइनकाठमाडौं, जेठ १० गते । स्थानीय तह सदस्य निर्वाचन २०७९ का लागि २०७८ चैत २५ गतेदेखि लागू रहेको निर्वाचन आचारसंहिता आज मङ्गलबारदेखि फुकुवा भएको छ । निर्वाचन आयोगका प्रवक्ता शालिग्राम शर्मा पौडेलले विज्ञप्ति जारी गर्नुहुँदै सो जानकारी गराउनुभएको हो ।आयोगको परामर्शमा नेपाल सरकार मन्त्रिपरिषदबाट मिति २०७८/१०/२४ गते स्थानीय तह सदस्य निर्वाचन संवत् २०७९ वैशाख ३० गते शुक्रबार सम्पन्न गर्नेगरी निर्वाचन मिति तोकिएकोमा निर्वाचन सम्पन्न भई अन्तिम परिणाम आउने क्रममा रहेकाले आचारसंहिता लागू नरहने आयोगले निर्णय गरेको जनाएको छ ।“निर्वाचन आयोग ऐन, २०७३ को दफा २२ ले दिएको अधिकार प्रयोग गरी जारी भएको निर्वाचन आचारसंहिता, २०७८ को दफा १ को उपदफा (२) बमोजिम मिति २०७८/१२/२५ गतेदेखि मुलुकभर लागू उक्त आचारसंहिता मिति २०७९/०२/१० गतेदेखि लागू नरहने व्यहोरा आयोगको निर्णयअनुसार सम्बन्धित सबैको जानकारीका लागि अनुरोध छ” प्रवक्ता पौडेलद्वारा जारी विज्ञप्तिमा भनिएको छ ।
सरकारको साझा नीति तथा कार्यक्रमबारे बालुवाटारमा छलफल
सत्तारुढ पाँच दलका शीर्ष नेताको उपस्थितिमा नयाँ आर्थिक वर्षका लागि नेपाल सरकारको नीति तथा कार्यक्रमबारेमा शीर्ष तहमा वृहत् छलफल भएको छ।
खोलामा डुबेर दुई जनाको मृत्यु
अर्घाखाँची जिल्लाको शीतगङ्गा नगरपालिकामा माछा मार्ने क्रममा खोलामा डुबेर दुई जनाको मृत्यु भएको छ।
विदेशको सीप र आम्दानी गाउँमा लगानी
गणेश पौडेलपर्वत, जेठ ८ गते । पर्वतको कुश्मा नगरपालिका –९ कटुवाचौपारीको चिन्ने खोलानजिकै बस्दैआएका ३३ वर्षीय सुवास नेपालीले विदेशमा दुःख गरी कमाएको पैसा गाउँमा फर्केर लगानी गर्नुभयो । लामो समयको मलेसिया बसाइपछि नेपाल फर्किनुभएका नेपालीले मलेसियामा मासिक झन्डै ६० हजार रुपियाँ कमाएको रकमबाट झन्डै १७ लाख रुपियाँको लगानीमा कटुवाचौपारीमा कुखुरा फार्म सुरु गर्नुभयो । अहिले उहाँले मासिक तीन लाख रुपियाँको कारोबार गरिरहनुभएको छ । नेपाल रहँदा रोजगारीको कुनै बाटो नपाएका नेपालीले विदेश पुगेपछि नेपालमा गर्न सकिने कामको सम्भावना बारेमा सपना देखेर केही वर्ष विदेशमा काम गर्नुभयो । त्यहाँ कमाएको रुपियाँलाई गाउँमै लगानी गरेर व्यावसायिक सफलता हात पार्ने सपना उहाँमा थियो । नेपालीले तयारी अवस्थामा रहेको कुखुराको फर्म किनेर कुखुरापालन व्यवसाय सुरु गर्नुभयो । उहाँको फर्ममा अहिले झन्डै डेढसयको सङ्ख्यामा टर्की, झन्डै एक हजार ब्रोइलर, झन्डै ११ सय लोकल जातका कुखुरा छन् । विदेशमा बसेको भन्दा आफ्नै परिवारको साथमा रहेर गरेको कामले सुख र आयआर्जन समेत भएको उहाँको भनाइ छ । ‘अरूको देशमा काम गरेर खान सजिलो कहाँ छ र ? आफ्नो देशमा उपाय नदेखेको बेलामा त्यही भएपनि राहत हुन्छ भनेर गएको हुँ । तर आफ्नो मातृभूमिमा काम गरेको जस्तो विदेशमा छैन’ नेपालीले भन्नुभयो, “अहिले परिवारको साथमा बस्न पाएको छुँ । कसैको गाली खानुपरेको छैन ।”नेपालीले ‘सुवित पशुपक्षी तथा कृषि फार्म’ का लागि चल्ला उत्पादनको ह्याचरी मेसिन र जेनरेटरसमेत जडान गरेर व्यवसाय चलाउँदै आउनुभएको छ । उहाँको फर्मबाट लोकल कुखुरा प्रतिगोटा १५ सयसम्म, टर्कीको प्रतिकिलो सातसय ५० रुपियाँमा बिक्री हुनेगरेको छ । ब्रोइलर कुखुराको मूल्य पर्वतमा हप्ता दिनमै तलमाथि भइरहेको छ ।उहाँका अनुसार महिनामा खर्चसहित करिब तीन लाख रुपियाँको कारोबार हुनेगरेको छ । जसमा आधा खर्च कटाएर पनि कम्तीमा एक लाख रुपियाँ बचत हुनेगरेको नेपालीले बताउनुभयो । एक दिनमा झन्डै दुई सयभन्दा बढी लोकल अण्डा उत्पादन हुनेगरेको र अण्डाले राम्रै बजार पाइरहेको उहाँको भनाइ छ ।आफ्नो फर्ममा आवश्यकताअनुसारको कुखुरा रहेको भए पनि बजारीकरणको व्यवस्थापन नहुँदा समस्या भइरहेको उहाँले बताउनुभयो । सामान्यतः पर्वत सदरमुकाम कुश्मा बजारमा तथा गाउँमा पनि टर्की जातको कुखुराको मासुको कारोबार भएको यदाकदा मात्र देख्न पाइन्छ । बजारमा लोकल कुखुरको माग भए पनि बजारभाउ राम्रो नभएकाले समस्या भएको उहाँले बताउनुभयो ।
धनगढी आठको वडा अध्यक्षमा चौधरी विजयी
अविनाश चौधरीधनगढी, जेठ ७ गते । कैलालीको धनगढी उपमहानगरपालिका–८ को वडा अध्यक्षमा नेकपा (एमाले) का जुगराम चौधरी प्यानलसहित विजयी हुनुभएको छ । नेपाली काङ्ग्रेसका उम्मेदवारलाई आठ मतले पराजित गरी उहाँ वडा अध्यक्षमा विजयी हुनुभएको हो । चौधरीले एक हजार ५२ मत प्राप्त गर्नुभयो । उहाँसंँग पराजित काङ्ग्रेसका उम्मेदवारले एक हजार ४४ मत प्राप्त गर्नुभयो । वडा सदस्य पदमा पनि एमालेका उम्मेदवार विजयी भएका मुख्य निर्वाचन अधिकृतको कार्यालयले जानकारी दिएको छ ।
विजयनगरमा पुनः एमाले उम्मेदवारको विजय
नारद कोहारतौलिहवा, जेठ ७ गते । कपिलबस्तुको विजयनगर गाँउपालिकामा नेकपा (एमाले) का अध्यक्ष गोपालबहादुर थापा र उपाध्यक्षमा लक्ष्मीकुमारी चौधरी पुनः दोहोरिनुभएको छ । स्थानिय तह निर्वाचन २०७४ मा समेत उहाँहरु एमालेबाट निर्वाचित हुनुहुन्थ्यो । अध्यक्षमा एमालेका उम्मेदवार थापाले ५ हजार ८ सय ३८ मत प्राप्त गरी निर्वाचित हुनुभयो । उहाँका निकटतम प्रतिस्पर्धी जनता समाजवादी पार्टी (जसपा) नेपालका उम्मेदवार जानकीप्रसाद यादवले ५ हजार ३ सय ३४ मत प्राप्त गर्नुभयो । त्यस्तै गाउँपालिकाका उपाध्यक्षमा चौधरीले ४ हजार ९ सय ३० मत प्राप्त गरी विजयी हुनुभयो । उहाँकी प्रतिस्पर्धी जसपाकी गुन्जेश्वरी कुर्मीले ४ हजार ८ सय ४९ मत प्राप्त गर्नुभयो । सात वटा वडा रहेको गाउँपालिकामा ६ वटामा एमाले र एकमा जसपाले वडाध्यक्ष जितेको छ ।
निर्वाचनपछि घर फर्किए म्यादी प्रहरी
नारद कोहारतौलिहवा, जेठ ७ गते । बैशाख ३० गते सम्पन्न भएको स्थानीय तहको निर्वाचनमा शान्ति सुरक्षा व्यवस्थापनका लागि भर्ना गरिएका म्यादी प्रहरीलाई एक कार्यक्रमका वीच विदाई गरिएको छ । जिल्ला प्रहरी कार्यालय कपिलबस्तुको परिसरमा औपचारिक कार्यक्रमको आयोजना गरी १ हजार ९२३ म्यादी प्रहरीको सामूहिक बिदाई गरिएको हो ।स्थानीय निर्वाचन शान्तिपूर्ण रूपमा सम्पन्न गर्नमा म्यादी प्रहरीको महत्वपूर्ण भुमिका रहेको प्रहरी उपरीक्षक दानबहादुर कार्कीले बताउनुभयो । सुरक्षा निकायले म्यादी प्रहरीको अनुभवलाई उपयोग गर्ने समेत उहाँले विश्वास दिलाउनुभयो । राज्यले दिएको जिम्मेवारी कुशलतापूर्वक सम्पन्न गरेकामा म्यादी प्रहरीलाई धन्यवाद दिँदै प्रहरी उपरीक्षक कार्कीले आगामी प्रदेशसभा र प्रतिनिधिसभा निर्वाचनका बेलामा पनि भर्ना प्रक्रियामा सहभागी हुन आग्रह गर्नुभयो ।सबै तहका सुरक्षाकर्मीको प्रभावकारी समन्वय हुँदा जिल्लामा निर्वाचनमा शान्तिपूर्ण रूपले सफल भएको मुख्य निर्वाचन अधिकृत तेजेन्द्रप्रसाद शर्मा सापकोटाले बताउनुभयो । बिदाइ कार्यक्रममा जिल्ला प्रहरी कार्यालयले प्रसंशापत्र समेत प्रदान गरेको छ । म्यादी प्रहरीलाई नेपाल सरकारले तोकेको सेवा सुुविधा दुई किस्तामा प्रदान गरेको जिल्ला प्रहरी कार्यालय कपिलबस्तुले जनाएको छ ।पहिलो किस्तामा ४० दिनको रासन भत्ता, भ्रमण भत्ता र पोशाक भत्ता बैंक खातामार्फत भुक्तानी भइसकेको उहाँले जानकारी दिनुभयो । दोस्रो किस्ता कोष तथा लेखा नियन्त्रक कार्यालयमा फाइल पेश भई रकम खातामा आउने प्रक्रिया सुरु भइसकेको उहाँले बताउनुभयो । म्यादी प्रहरीलाई ४० दिन बराबरको पारिश्रमिक उपलब्ध गराइएको छ ।
धनगढीमा स्वतन्त्र उम्मेदवार हमालको जित सुनिश्चित
धनगढी उपमहानगरपालिकाको मेयरमा स्वतन्त्र उम्मेदवार गोपाल हमालको जित सुनिश्चित भएको छ । खसेको ६३ हजार ७१५ मतमध्ये ५६ हजार २२६ मत गणना हुँदा हमालले २४ हजार ५२९ मत प्राप्त गर्नुभएको छ ।
नगरपालिकालाई साझा चौतारीको रुपमा विकास गर्ने प्रतिवद्धता
कबिन्द्र नेपालमणिग्राम (रुपन्देही), जेठ ७ गते । बुटवल उपमहानगरपालिकाको मेयरमा निर्वाचित खेलराज पाण्डेयले बुटवल नगरपालिकालाई साझा चौतारीको रुपमा विकास गर्ने प्रतिवद्धता व्यक्त गर्नुभएको छ । आफूलाई बुटवलको मेयरमा निर्वाचित गराएकोमा बुटवलका मतदाताप्रति आभार व्यक्त गर्दै जनताको साथ र भरोसाको सम्मान गर्ने उहाँले प्रतिवद्धता व्यक्त गर्नुभयो । मेयर पदमा निर्वाचित भएपछि आफ्ना योजनाको बारेमा संक्षिप्त कुराकानी गर्दै आफूलाई विजयी बनाउन भूमिका खेल्ने सबैलाई धन्यवाद ज्ञापन गर्नुभयो । नवनिर्वाचित मेयर पाण्डेयले बुटवल नगरपालिका भित्रै सबै राजनीतिक दल र संघ संस्थाहरुको लागि छुट्टै कक्ष निर्माण गर्ने प्रतिवद्धता व्यक्त गर्नुभयो । ‘मैले नगरपालिकामा राजनीतिक दलहरु र सामाजिक तथा व्यवसायिक संघ संस्थाहरुको लागि छुट्टै कक्ष बनाउने छु’ उहाँले भन्नुभयो– ‘त्यहाँ सबै आउनुहुनेछ, बुटवललाई कस्तो बनाउने सुझाव दिनुहुनेछ ।’ सबैको सुझावलाई समेटेर अगाडि बढने प्रतिवद्धता उहाँले दोहो¥याउनुभयो । त्यस्तै, ईतिहासलाई जिवन्त बनाउन बुटवल नगरपालिकाभित्र वीपी, पुष्पलाल र बुटवलका पूर्वमेयर सूर्यप्रसाद प्रधानको शालिक बनाउने बताउनुभयो । बुटवलको राजमार्ग चौराहादेखि गोलपार्क–चिडियाखोला सडकलाई व्यवस्थापन गर्न पहिलो प्राथमिकता रहेको उहाँले बताउनुभयो । त्यस्तै, ज्योतिनगर, लक्ष्मीनगर पहिरोको समस्या समाधानका लागि तत्काल पहल थाल्ने प्रतिवद्धता पनि जनाउनुभयो । तिनाउ–दावन कोरिडोरबाट विस्थापित भएकालाई व्यवस्थापन र मोतिपुर औद्योगिक क्षेत्रको समस्या समाधान पनि आफ्नो प्राथमिकतामा रहेको बताउनुभयो । बुटवलको खानेपानी समस्या, फोहोरमैला व्यवस्थापनको समस्या, स्वास्थ्य क्षेत्रमा देखिएका समस्या समाधानमा प्राथमिकताका साथ काम गर्ने बताउनुभयो ।
