नेपाल सङ्गीत तथा नाट्य प्रज्ञा–प्रतिष्ठानले आयोजना गरेको ‘बहुभाषिक नाट्य उत्सव २०७९’को दोस्रो दिन पुरानो घर समूह रौतहटको थारु भाषाको ‘कनन हरलता’, मञ्चन भयो । असार १२ देखि १८ गतेसम्म सञ्चालन हुने उत्सवमा विभिन्न भाषाभाषीको ७ वटा नाटक मञ्चन हुँदैछ ।
लामोसाँघु–जिरी सडकखण्ड अन्तर्गत दोलखाको तामाकोसीमा रहेको सडक पुल निर्माणमा ढिलाइ हुँदा जोखिम बढेको छ । दोलखाको भीमेश्वर नगरपालिका र वैतेश्वर गाउँपालिका जोड्ने पुलको जग र पिलरमात्रै बनाएर अलपत्र छाडिएका कारण तामाकोसी नदीको पुरानो पक्की पुलसमेत जोखिममा परेको बताइएको छ ।
काठमाडौंको बालुवाटारस्थित सुनौलो नेपाल र मेरी स्टोप्स् भवनमा बुधबार बिहान आगलागी भएको छ । बिहान ७ः०० बजेदेखि लागेको आगलागी अझै नियन्त्रणमा आइनसकेको प्रहरीले जनाएको छ ।
जिल्ला अदालत कास्कीले पोखराको मुख्य बजार न्युरोड क्षेत्रमा रहेको अर्बौं मूल्य पर्ने जग्गा सार्वजनिक हुने ठहर गरेको छ । पोखरा महानगरपालिका–४ निवासी कोइराला परिवारले आफ्नो हकदाबी माग गरेको उक्त जग्गा अदालतले सार्वजनिक ठहर्ने फैसला सुनाएको हो ।
सिन्धुलीको तीनपाटन गाँउपालिका–७ पत्यानीमा चट्याङमा परी एक जना वृद्धको ज्यान गएको छ । मङगलबार राति परेको चट्याङमा परि ६० बर्षीय गोपाल तमाङको घट्नास्थलमा नै मृत्यु भएको वडा अध्यक्ष युवराज पहाडीले जानकारी दिनुभयो ।
रौतहटको अधिकांश निजी एवं सामुदायिक विद्यालयका विद्यार्थी दुर्व्यसनमा फस्दै गएको पाइएको छ । लागूऔषध तथा एचआईभी एड्सको क्षेत्रमा काम गर्दै आएको विद्यार्थी जागरण मञ्च (विजाम)ले सार्वजनिक गरेबमोजिम कक्षा ९ देखि कक्षा १२ मा अध्ययन गर्ने विद्यार्थी दुव्र्यसनी बन्दै गएको पाइएको हो ।
पाठ्यपुस्तक समयमा नपुगेपछि माथिल्लो हुम्लाका विद्यालयहरुमा शिक्षक र विद्यार्थीहरु वैकल्पिक बिधिबाट पाठन पाठन गर्न बाध्य भएका छन् । विद्यालय सञ्चालन भएको डेढ महिना पुग्दासम्म पुस्तक आई नपुगेपछि विद्यालयहरुले पढाई सुचारु राख्न वैकल्पिक बिधि अपनाएका हुन् ।
घाँसे मैदानमा खेलिने ग्रान्डस्लाम प्रतियोगिता विम्बल्डनमा उपाधिका प्रमुख दावेदार नोभाक जोकोभिच पहिलो चरणमा लयमा देखिनुभएको छैन । लगातार चौथो पटक र कुल सातौँ पटक विम्बल्डन उपाधि जित्ने अभियानमा रहेका जोकोभिचले मङ्गलबार दक्षिण कोरियाका क्वोन सुन वुलाई ६–३, ३–६, ६–३, ६–४ ले हराएर दोस्रो चरणमा स्थान बनाउनुभएको छ ।
हिजो रातिबाट भएको वर्षाका कारण धनगढीका केही भूभागमा डुबान भएको छ । उपयुक्त निकास नहुँदा वर्षाको पानी जमेर डुवान भएको हो । धनगढीको हसनपुर क्षेत्र, ग्यालेक्सी माध्यमिक विद्यालय क्षेत्र, मुख्य सडक लगायतको क्षेत्रमा डुवान भएको छ ।
गए रातिदेखि परेको अबिरल वर्षाले सडकमा पहिरो खसेपछि पाल्पाका मुख्य राजमार्ग र सहायक राजमार्गमा यातायात अवरुद्ध भएका छन् । वर्षासँगै सिद्धार्थ राजमार्गको सिद्धबावा क्षेत्रमा पहिरो खसेको छ ।
खाद्य प्रविधि तथा गुण नियन्त्रण विभागले फलफूल पकाउनका लागि कार्बाइड नामक एसिटिलिन ग्यास प्रयोग नगर्न व्यवसायीलाई सचेत गराएको छ । विभागका अनुसार अहिले आँपको सिजन भएको र काँचो आँप पकाउन यस प्रकारको ग्यास प्रयोग हुने भएकाले त्यसो नगर्न आग्रह गरेको हो ।
लगातार परेको वर्षासँगै स्थानीय खोलामा आएको बाढीका कारण मङ्गलबार अपरान्हदेखि मदन भण्डारी राजमार्गमा सवारी आवागमन अवरुद्ध भएको छ । राष्ट्रिय गौरवको आयोजना भनिएको उक्त राजमार्गअन्तर्गतका दर्जनौं खोलामा पुल निर्माण नहुँदा सवारी आवागमन अवरुद्ध भएको हो ।
पछिल्लो ६ घण्टामा अविरल परेको बर्षाका कारण रौतहटको गौर र आसपासको क्षेत्र उच्च जोखिममा रहेको भन्दै जल तथा मौसम विज्ञान विभागले उच्च सतर्कता अपरानउन आग्रह गरेको छ ।
पुराना कम्युनिस्ट नेताहरू हाल नेपालमा कतिवटा कम्युनिस्ट पार्टी छन् भन्ने सङ्ख्या नै यकिन नरहेको बताउनुहुन्छ । २००६ मा पुष्पलाल श्रेष्ठलगायतले स्थापना गर्नुभएको कम्युनिस्ट पार्टीमा फुटको शृङ्खला जारी रहँदा यस्तो अवस्था आएको हो ।
अविरल बर्षाका कारण असार १४ गते विभिन्न स्थानमा डुवानमा परेका करीब २८८ घरका करिव ९३४ जना व्यक्तिहरुलाई सशस्त्र प्रहरीले उद्धार गरी सुरक्षित स्थानमा स्थानान्तरण गरेको छ ।