गोरखापत्र अनलाइन
कपुरकोट बजार
सल्यानको कपुरकोट गाउँपालिका ३ स्थित गाउँपालिकाको केन्द्र समेत रहेको कपुरकोट बजार । राप्ती लोकमार्ग अन्तरगत तुलसीपुर सल्यान खण्डमा पर्ने कपुरकोट कर्णाली प्रदेशको तरकारी भण्डारण तथा निर्यातकोलागि महत्वपूर्ण केन्द्र मानिन्छ ।
सिद्धपोखरीमा बोटिङ गर्दै पर्यटक
भक्तपुरको पर्यटकीयस्थल सिद्धपोखरीमा बोटिङ गर्दै आन्तरिक पर्यटक ।
पुरानो शैलीमा पुनर्निर्माण गर्न थप अनुसन्धान
धनुषाको सबैला नगरपालिका–६, गोविन्दपुरमा प्राचीन मठेश्वरनाथ मन्दिर भनिएको स्थानको पुरातत्व विभागका सिनियर इन्जिनियरको टोलीले थप अध्ययन अनुसन्धान गरेको छ । पुरातत्व विभागका सिनियर इन्जिनियर पूर्वबहादुर श्रेष्ठको नेतृत्वमा तीन सदस्यीय टोलीले प्राचीन शैलीमा मन्दिर पुनर्निर्माण गर्न अध्ययन अनुसन्धान गरेको हो ।
उद्यम सम्भावनाप्रति मुख्यमन्त्रीको ध्यानाकर्षण
मधेश प्रदेशमा उद्योग वाणिज्य क्षेत्रको विकास तथा विस्तारका लागि मुख्यमन्त्री सतीशकुमार सिंहले नेपाल उद्योग वाणिज्य महासङ्घ मधेश प्रदेशका प्रतिनिधिमण्डलसँग भेटघाट गर्नुभएको छ । प्रदेशका बारा र पर्साका उद्योगी व्यापारीको विशेष प्रतिनिधित्व रहेको महासङ्घको टोलीले प्रदेशको समृद्धिका लागि कृषि तथा उद्योग क्षेत्रका चुनौती र सम्भावनाका बारेमा मुख्यमन्त्री सिंहको ध्यानाकर्षण गराएको छ ।
कटान रोक्न जैविकीय तटबन्ध लगाइँदै
सप्तकोशी नदीको कटान रोक्न जलाल क्षेत्रमा स्थानीयले जैविक तटबन्ध लगाउन थालेका छन् । सुनसरीको श्रीलङ्का टप्पुमा पर्ने जलाल, सिसौली घाट र चिलैया क्षेत्रमा नदीको कटान तीव्र भएपछि स्थानीयले जैविक तटबन्ध लगाउन थालेका हुन् । रुखका हाँगा, माटो भरेको बोरा र डोरीको प्रयोग गरेर जैविक तबन्ध लगाउन थालेको स्थानीय बद्री राईले बताउनुभयो । कोशीमा पानीको बहाव घटेपछि वराहक्षेत्र नगरपालिका वडा नम्बर–६ र ९ मा पर्ने टप्पुमा एक हप्ताअघिदेखि कटान हुँदै आएको छ ।
धान रोपाइँ अन्तिम चरणमा
कोशी प्रदेशमा धान रोपाइँ अन्तिम चरणमा पुगेको छ । साउन दोस्रो हप्ता बित्दा ९५ प्रतिशत क्षेत्रफलमा धान रोपाइँ भएको छ । कृषि विकास निर्देशनालय कोशी प्रदेशका सूचना अधिकृत तथा बागवानी विकास अधिकृत पूर्णमाया गुरुङका अनुसार साउन १७ सम्म धान उत्पादन हुने कुल क्षेत्रफलको ९५ प्रतिशत क्षेत्रफलमा रोपाइँ सम्पन्न भएको छ ।
प्रधानमन्त्री ओलीले गर्नुभयो चलचित्रमा स्वराङ्कन
प्रधानमन्त्री केपी शर्मा ओलीले चलचित्र ‘नमेटिने घाउ’का लागि स्वराङ्कन गर्नुभएको छ । आज अनामनगरमा रहेको एक स्टुडियोमा पुगेर उहाँले आफ्नो दृश्यको स्वराङ्कन गर्नुभएको हो ।
प्युठान–रोल्पाको दुःखः गर्जेनी
माण्डवी गाउँपालिका–१ गर्जेनीको पहिरोले प्युठान, रोल्पा र गुल्मीका सडकयात्रीले सास्ती भोग्नुपरेको छ । प्युठान र रोल्पाका अधिकांश भाग तथा गुल्मीको मदाने गाउँपालिका क्षेत्रका स्थानीय आवतजावत गर्ने मार्ग पहिरोका कारण पटकपटक अवरुद्ध हुँदै आएको छ ।
बाघको आक्रमणबाट घाइते
बाघको आक्रमणबाट भरतपुर महानगरपालिका–२ बेलटाडीका ६० वर्षीय पशुपति श्रेष्ठ घाइते हुनुभएको छ । प्रातभ्रमणका क्रममा उहाँ बाघको आक्रमणमा पर्नुभएको हो ।
कृषि पढ्न आएनन् विद्यार्थी
प्राविधिक शिक्षा पढाउन खोलिएका कृषि शिक्षालयमा निर्धारित कोटा अनुसार विद्यार्थी भर्ना हुन आएका छैनन् । सरकारले प्राविधिक शिक्षा तथा व्यावसायिक तालिम परिषद् सिटिइभिटीमार्फत डिप्लोमा तहमा कृषि विषय पढाउँदै आएको छ । टीकापुर बहुप्राविधिक शिक्षालयमा ४० जनाको कोटा रहेको बाली विज्ञानमा १० जना र ४८ जनाको कोटा भएको कृषि इन्जिनियरिङमा दुई जनाले मात्रै प्रवेश परीक्षाका लागि आवेदन दिएका छन् । कर्णाली नमुना मावि टीकापुरमा ४० जनाको कोटा रहेकोमा हालसम्म एक जनाले पनि आवेदन नभरेको प्रधानाध्यापक धर्मराज शर्माले बताउनुभयो । शर्माले भन्नुभयो, “छ/सात जनाले भर्ना प्रक्रियाबारे सोधेका थिए तर फाराम भर्न आएनन् । अब गे्रडवृद्धिको परीक्षाबाट उत्तीर्ण विद्यार्थीका लागि पर्खेका छौँ ।”
पर्यावरण संरक्षण गर्न झापामा धमाधम वृक्षारोपण गरिँदै
झापामा फलफूल, काठ र हरियालीका लागि वृक्षारोपण गर्ने अभियान चलेको छ । जिल्लाका सरकारी निकाय, निजी क्षेत्र र राजनीतिक दलको पहलमा हजारौँ बिरुवा रोपिएका छन् ।
अमेरिकामा हत्या, नेपालमा शोक
रुकुमपश्चिमको बाँफीकोट गाउँपालिका–१०, सेजे गाउँका ५२ वर्षीय लीलाराम ओलीको घरमा हप्ता दिनदेखि आगो बलेको छैन । नातिनी पढाउन दाङ बसेकी बुहारी, काठमाडौँमा पढ्न गएको कान्छो छोरा, बिहे गरेर गएकी छोरी घरमा आइपुगेका छन् । आँगनमा गाउँलेहरूको पनि आउजाउ निरन्तर छ तर घरमा सन्नाटा छ, परिवार मात्र होइन, गाउँ नै शोकमग्न छ ।
पर्सामा ९० प्रतिशत रोपाइँ सकियो
पर्सामा ९० प्रतिशत रोपाइँ सम्पन्न भएको छ । कृषि ज्ञान केन्द्रले यो वर्ष पर्याप्त पानी उपलब्ध भएकाले जिल्लामा ९० प्रतिशत रोपाइँ सकिएको जनाएको छ ।
लैनो भैँसीले छुटाएको कालापहाडको यात्रा
जुम्ला गुठीचौर गाउँपालिका–४, बिगारे गाउँका ५५ वर्षीय लक्ष्मीकान्त देवकोटा सात/आठ वर्षअगाडि घरखर्च जुटाउन भारतको कालापहाड जाने गर्नुहुन्थ्यो । मौसमी रोजगारीका लागि दुई/चार महिना भारत जाने, खेती किसानीको काम गर्ने बेला घर आउने क्रम चलिरहन्थ्यो । लुगाफाटो र घरखर्चको जोहो गर्न कालापहाडमा सहज भने थिएन, निकै दुःख हुने गरेको अनुभव उहाँसँग छ । अचेल भने उहाँको जीवनचर्या नै फेरिएको छ । गुठीचौरमा अहिले उहाँले किसानको परिचय बनाउनुभएको छ । भैँसी पालेर दैनिक २० लिटर दुध डेरीमा पु¥याउनुहुन्छ । भैँसी र पाडा गरी अहिले छ वटा छन् । परिवारसँग बसेर गाईपालन गर्दा मासिक ५० हजार रुपियाँ आउन थालेपछि उहाँको कालापहाड जाने बाटो बन्द भएको छ । उहाँले भन्नुभयो, “कालापहाडको कमाइभन्दा पनि दुःखका कुरा धेरै छन् । त्यतिबेला जति दुःख भए पनि नगई सुख थिएन तर
आइएमई समूहले उद्योग खोल्ने चुन ढुङ्गा उत्खननको तयारी
सिमेन्ट उद्योग खोल्न आइएमई समूहले खानी तथा भूगर्भ विभागसँग चुन ढुङ्गा उत्खनन गर्नका लागि अनुमति माग गरेको छ । उत्खननको अनुमति प्राप्त भएपछि यथाशक्य उद्योग स्थापना गर्ने तयारी थालिएको छ । केबुलकार, वित्तीय संस्था, होटेल तथा सेवा क्षेत्रमा लगानी गर्दै आएको आइएमई समूहले विदेशी लगानी भित्र्याएर भारतसम्म सिमेन्ट निर्यात गर्ने गरेर करिब २५ अर्ब लगानीमा सिमेन्ट उद्योग खोल्न लागेको हो ।
