गोरखापत्र अनलाइन
साझा मुद्दा बन्यो सिद्धार्थ राजमार्ग
फागुन २१ गते हुने प्रतिनिधि सभा सदस्य निर्वाचनमा आआफ्नो पक्षमा मत तान्नका लागि सबै दलले आआफ्नो योजना सार्वजनिक गरेका छन् । दलहरूको केन्द्रीय रणनीतिसँग मिल्ने योजनासहित पूर्वाधार, सुशासन र रोजगारीलाई प्राथमिकतामा राखेका छन् । नेपाली कांग्रेस, नेकपा (एमाले) र नेपाली कम्युनिस्ट पार्टी, राष्ट्रिय स्वतन्त्र पार्टीलगायतका दल भौतिक पूर्वाधार तथा आधारभूत विषयलाई आफ्ना एजेन्डामा समेटेका छन् । सबै दलका उम्मेदवारले यहाँको सिद्धार्थ राजमार्गको स्तरोन्नतिको विषयलाई साझा मुद्दा बनाएका छन् ।
आज केही स्थानमा वर्षा र हिमपातको सम्भावना
देशका केही भूभागमा सोमबार मौसममा आंशिक बदली देखिने र सीमित स्थानमा वर्षा तथा हिमपातको सम्भावना छ । जल तथा मौसम विज्ञान विभागका अनुसार तराई क्षेत्रका केही स्थानमा आज बिहान हुस्सु लाग्ने देखिएको छ ।
प्रमुख दलका उम्मेदवारबिच कडा प्रतिस्पर्धा
प्रतिनिधि सभा सदस्यको निर्वाचन आउन तीन दिन मात्रै बाँकी रहँदा बाँकेको निर्वाचन क्षेत्र नम्बर १ मा प्रमुख दलका उम्मेदवारबिच अत्यन्तै रोचक र कडा प्रतिस्पर्धा हुने देखिएको छ । यो क्षेत्रमा नेकपा (एमाले), नेपाली कांग्रेस, नेपाली कम्युनिस्ट पार्टी र राष्ट्रिय स्वतन्त्र पार्टीका उम्मेदवारलाई नयाँ उम्मेदवारले चुनौती दिइरहेका छन् । कोहलपुर–११ का दीपक रैदासले एमालेका निवर्तमान सांसद सूर्य ढकाल विरासत जोगाउन कियाशील रहँदा कांग्रेस बाँकेका सभापति नारायण गौडेल, नेपाली कम्युनिस्ट पार्टी बाँकेका संयोजक नरेन्द्र पाण्डे र राष्ट्रिय स्वतन्त्र पार्टीका उम्मेदवार सुरेशकुमार चौधरीले कडा चुनौती दिनुभएको बताउनुभयो ।
होलीले सांस्कृतिक विविधता र राष्ट्रिय एकताको सन्देश दिन्छ : सभापति थापा
नेपाली कांग्रेसका सभापति गगनकुमार थापाले रङहरूको उत्सवका रूपमा मनाइने फागुपूर्णिमा (होली) ले हाम्रो समाजको जातीय, भाषिक र सांस्कृतिक विविधतालाई उजागर मात्र नगरेर राष्ट्रिय एकताको सन्देश पनि दिने उल्लेख गर्नुभएको छ ।
म्याग्दीमा निर्वाचन आचारसंहिता कार्यान्वयनमा सक्रियता
यही फागुन २१ गते हुने प्रतिनिधिसभा सदस्य निर्वाचनलाई स्वच्छ, निश्पक्ष, पारदर्शी एवम् भयरहित वातावरणमा सम्पन्न गर्नका लागि जिल्ला निर्वाचन आचारसंहिता अनुगमन अधिकृतको कार्यालयले आचारसंहिता पालनामा कडाई गरेको छ ।
मतदान स्थलमा प्राथमिक उपचार कक्ष
गुल्मीमा निर्वाचनको सबै तयारी पूरा भएको छ । निर्वाचनलाई स्वच्छ र भयरहित बनाउन जिल्लास्तरीय एकीकृत सुरक्षा योजना निर्माण गरेर कार्यान्वयन गरिएको सुरक्षा निकायले जनाएको छ । सुरक्षा संवेदनशीलताका आधारमा अति संवेदनशील ४८, संवेदनशील ५७ र सामान्य ४० मतदान केन्द्र छन् । नेपाल प्रहरीतर्फ एक हजार ६९५ र सशस्त्र प्रहरीतर्फ १७९ निर्वाचन प्रहरी छनोट भएर तालिम सञ्चालन सकेर परिचालन भएका छन् ।
चुनावपछि बिर्सन्छन् श्रमिकका मुद्दा
निर्वाचन नजिकिँदै जाँदा राजनीतिक दलले आफ्ना एजेन्डामा श्रमिकका मुद्दा समेटेको दाबी गरे पनि चुनाव सकिएपछि ती प्रतिबद्धता कार्यान्वयनमा नआउने गरेको गुनासो श्रमिकले गरेका छन् । विगतका निर्वाचनमा श्रमिकका माग सम्बोधन गर्ने आश्वासन दिइए पनि व्यवहारमा त्यसको प्रभावकारी कार्यान्वयन नभएको देखिएको श्रमिकको भनाइ छ ।
मत हाल्न घर फर्किए मतदाता
कामका लागि भारतको कालापहाड गएका हुम्लावासी फर्कने क्रम सुरु भएको छ । प्रतिनिधि सभा सदस्य निर्वाचनमा मतदान गर्न तीन महिनाअगाडि भारत गएका उनीहरू मत हाल्न घर फर्कन थालेका हुन् ।
धनकुटाका उम्मेदवारको साझा एजेण्डा : गाँजा वैधानिकता र बाँदर नियन्त्रण
फागुन २१ गते हुने प्रतिनिधि सभा निर्वाचन नजिकिँदै गर्दा धनकुटाका उम्मेदवारहरूले आ–आफ्नो घोषणा–पत्र सार्वजनिक गरी अन्तिम प्रचारप्रसारमा जुटेका छन्। अधिकांश उम्मेदवारले गाँजा वैधानिकता र बाँदर नियन्त्रणलाई प्रमुख एजेण्डाको रूपमा प्राथमिकतामा राखेका छन्।
-original-thumb.jpg)
नाग्म–गमगढी राजमार्ग कालोपत्रे गर्न बजेट सुनिश्चित
सरकारले नाग्म–गमगढी राजमार्ग कालोपत्रे गर्न बजेट सुनिश्चित गरेको छ । नाग्मदेखि गमगढीसम्मको सडक बजेट अभावका कारण झन्डै तीन वर्षदेखि रोकिएको थियो । सडक डिभिजन कार्यालय जुम्लाका अनुसार यस पटक भने अब सरकारले बजेट स्वीकृत गरेपछि नाग्मदेखि देवारगाउँसम्मको करिब १५ किलोमिटरका लागि ठेक्का आह्वान भएपछि उक्त सडक कालोपत्रे हुने निश्चित भएको हो ।
समावेशीकरणको दिशामा नयाँ फड्को : गोरखापत्रद्वारा प्रकाशित राजवंशी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित राजवंशी भाषा
‘नयाँ जति राम्रा, पुराना सबै खराब हुँदैनन्’
नेपाली कांग्रेसका केन्द्रीय उपसभापति विश्वप्रकाश शर्माले नयाँ जति सबै राम्रा र पुराना जति सबै खराब नहुने बताउनुभएको छ । उहाँले अहिले राजनीतिमा नयाँ मात्र राम्रा र पुराना खराब भन्ने भाष्य हाबी हुँदै गएकोमा चिन्ता व्यक्त गर्नुभयो । उहाँले नयाँले मात्रै समाधान दिन नसक्नेसमेत स्पष्ट पार्नुभयो ।
निर्वाचनको तयारी पूरा
प्रतिनिधि सभा निर्वाचन–२०८२ को तयारी पूरा भएको छ । निर्वाचनलाई स्वच्छ, निष्पक्ष एवं भयरहित वातावरणमा सम्पन्न गर्न आवश्यक सबै किमिसका काम पूरा भएसँगै निर्वाचनको तयारी पूरा भएको मुख्य निर्वाचन अधिकृतको कार्यालयका सूचना अधिकारी एवं सहायक निर्वाचन अधिकृत विष्णुप्रसाद अवस्थीले जानकारी दिनुभयो ।
सुदूरपश्चिमबाट एक उपप्रधानसहित चौध पूर्वमन्त्री उम्मेदवार
सुदूरपश्चिम प्रदेशमका विभिन्न निर्वाचन क्षेत्रबाट एक जना पूर्वउपप्रधानमन्त्रीसहित १४ जना मन्त्री चुनावी मैदानमा उत्रिएका छन् । चुनावमा होमिएकामध्ये पूर्वउप्रधानमन्त्री, पूर्वमन्त्री, प्रदेशका पूर्वमुख्यमन्त्री, मन्त्री र राज्यमन्त्री छन् ।
कटान शिविरका मतदाता भन्छन् : पानी दिनेलाई मत
कैलालीको घोडाघोडी–८ जरैटोल कटान शिविरका मतदाताले खानेपानीको व्यवस्थापन गर्नेलाई मत दिने बताएका छन् । कटान शिविरका बासिन्दाले बर्सौंदेखि खानेपानीको चरम अभाव झेल्दै आएका छन् । मत माग्न आउने उम्मेदवारलाई पानी व्यवस्थापन गरिदिनेलाई मत दिने जवाफ दिने गरेका छन् । खानेपानी र सडक समाधान गर्ने उम्मेदवारलाई मात्र मत दिने स्थानीय पवित्रा विकले बताउनुभयो । हामीले हरेक उम्मेदवारसित आफ्ना समस्या सुनाएका छौँ । उहाँले भन्नुभयो, “नेपाल कम्युनिस्ट पार्टीका उम्मेदवार वीरमान चौधरीलाई पनि यही माग राख्यौँ ।”
