राष्ट्रिय खेलकुद परिषद् (राखेप)द्वारा अनिवार्य अवकाश प्राप्त वरिष्ठ अधिकृत बज्रबहादुर केसीलाई विदाइ गरेको छ । केसीलाई बुधबार राखेप सदस्य सचिव टंकलाल घिसिङ, कर्मचारी र प्रशिक्षकहरुले विदाइ गर्नुभएको हो ।
उद्योग वाणिज्य तथा आपूर्तिमन्त्री दिलेन्द्रप्रसाद बडूले जनकपुर चुरोट कारखाना सरकारले सञ्चालनमा ल्याउने तयारी गरेको बताउनुभएको छ ।
यहाँस्थित नेपाल–भारत नाकामा अवैध चोरी पैठारी र निकासी रोक्न सक्रिय रहेको सशस्त्र प्रहरीले ६ महिना अवधीमा करिब साढे दुई करोडको अवैध सामान नियन्त्रणमा लिएको छ । भन्सार राजस्व छलेर ठूलो परिमाणमा मालसामानको अवैध आयात निर्यात भैरहेको नेपालगञ्ज र सो वपिरिका नाकाबाट तस्करले भित्र्याउन खोजेको २ करोड ४१ लाख ६५ हजार ९१६ रुपियाँ बराबरमा अवैध सामान ६ महिनाको अवधीमा नियन्त्रणमा लिइएको सशस्त्र प्रहरी बल नम्बर ३० गण बागेश्वरी बाँकेले जनाएको छ ।
वैदेशिक रोजगारको सिलासिलामा युएईमा रहेका आदिवासी जनजातिहरुको साझा संस्था आदिवासी जनजाति महासंघ यूएईले २८औं अन्तर्राष्ट्रिय विश्व आदिवासी दिवसको अवसरमा ‘आदिबासी महोत्सव–२०२२’ कार्यक्रम गर्ने भएको छ ।
स्वास्थ्य तथा जनसङ्ख्या मन्त्री भवानीप्रसाद खापुङले परिणाम देखिने गरी अनुसन्धान गर्न नेपाल स्वास्थ्य अनुसन्धान परिषद्लाई निर्देशन दिनुभएको छ ।
राष्ट्रपति विद्यादेवी भण्डारीले नवनियुक्त राजदूतलाई पद तथा गोपनीयताको शपथ ग्रहण गराउनुभएको छ। बुधबार राष्ट्रपति कार्यालय, शीतल निवासमा राष्ट्रपति भण्डारीले राजदूतको पद तथा गोपनीयताको शपथ ग्रहण गराउनुभएको हो।
संयुक्त राष्ट्र सङ्घ शान्ति मिसन अन्तर्गत कङ्गो मिसनको फोर्स हेडक्वार्टर रहेको गोमा शहरमा साउन ९ गतेदेखि स्थानीय जनताहरुले विभिन्न माग राख्दै आन्दोलन गरेका छन् ।
कैलालीको मोहन्याल गाउँपालिकाका जनप्रतिनिधि र कर्मचारीले नियम विपरीत दुई लाख १५ हजार २०० रुपियाँ अनुगमन भत्ता लिएको देखिएको छ । २०७८ मा तत्कालीन १२ जना जनप्रतिनिधि र १९ जना कर्मचारीले नियम विपरित अनुगमन भत्ता लिनु भएको हो ।
गृह मन्त्रालयले भिजिट भिसामा विदेश जाने नेपाली नागरिकहरुले भ्रमण भिसाको प्रयोग पर्यटकको रुपमा मात्र गर्न अनुरोध गरेको छ । मन्त्रालयले बुधबार विज्ञप्ति जारी गर्दै भ्रमण भिसाको प्रयोग गरी विदेश गएर सुरक्षित श्रम तथा रोजगारीको प्रलोभनमा नपर्न अनुरोध गरेको हो ।
बुटवल उपमहानगरपालिकाले नयाँ आर्थिक वर्ष २०७९–८० देखि करको दर घटाएको छ । स्वीकृत आर्थिक ऐन २०७९ अनुसार सम्पत्ति, घरबहाल, इ–रिक्सा, हाटबजार बैठकी कर लगायतमा करको दर घटेको हो ।
राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई)को नतिजा अहिले सार्वजनिक गर्दैछ।
पेटमै बच्चा मरेपछि सुत्केरी हुन नसकेपछि महिलाको निःशुल्क हवाइ उद्धार गरिएको छ । मंगलसेन नगरपालिका–११ जुपु निवासी ३० वर्षीया सीता रावलको जिल्लामा उपचार हुन नसकेपछि निशुल्क हवाइ उद्धार गरेर सुर्खेत लगिएको हो ।
नेपालले साफ यू–२० च्याम्पियनसिप फुटबलमा लगातार दोस्रो जित निकालेको छ । भारतको भुवनेश्वरस्थित कालिंगा रंगशालामा जारी प्रतियोगिताको दोस्रो खेलमा बुधबार नेपालले श्रीलंकालाई ३–० गोलले हरायो ।
आयोजक इङ्ल्यान्ड महिला युरोकप फुटबलको फाइनलमा प्रवेश गरेको छ । ब्रमाल लेन सेफिल्डमा मंगलबार राति भएको खेलमा घरेलु टोली इङल्यान्डले स्वीडेनलाई ४–० गोलले हरायो ।
काठमाडौं, साउन ११ गते। राष्ट्रिय प्रजातन्त्र पार्टी (राप्रपा)ले सरकारले आफ्नो माग पूरा नगरे तेस्रो चरणको आन्दोलन गर्ने चेतावनी दिएको छ। बुधबार काठमाडौंमा बढ्दो महँगीविरुद्ध दोस्रो चरणको आन्दोलन गरेको राप्रपाले महँगीविरुद्ध पार्टीले सरकारलाई गराएको ध्यानाकर्षणको अवहेलना भए तेस्रो चरणको आन्दोलन गर्ने चेतावनी दिएको हो। बुधबार राप्रपा निकट राष्ट्रिय प्रजातान्त्रिक महिला सङ्गठनले राजधानी काठमाडौंसहित देशभरका जिल्ला सदरमुकाममा थाल ठटाएर विरोध प्रदर्शन गरेको हो। काठमाडौंको भृकुटीमण्डप, ललितपुर, भक्तपुरलगायत मुख्य सहरमा विरोध प्रदर्शन गरेको राप्रपाले जनाएको छ। विरोध प्रदर्शनपछि सञ्चारकर्मीसँग बोल्दै राष्ट्रिय प्रजातान्त्रिक महिला सङ्गठनकी अध्यक्ष एवं राप्रपा नेत्री अञ्जना रावलले मागको सम्बन्धमा सरकारले कुनै चासो नदेखाएपछि दोस्रो चरणको आन्दोलन बुधबारबाट सुरु गरेको बताउनुभयो। राप्रपाले पछिल्लो समय महँगी र भ्रष्टाचारविरूद्ध सडकमा आन्दोलन गर्दै आएको छ। राप्रपाले महंगीलाई नियन्त्रण गरेर जनतालाई राहत पुर्याउन सरकारलाई ध्यानाकर्षण गराउँदै आएको छ।